29/07/2026
പ്രിയരേ..
ചങ്ങരംകുളം പ്രവാസി കൂട്ടായ്മ മെമ്പർമാരുടെ SSLC, പ്ലസ് 2 പരീക്ഷകളിൽ വിജയിച്ച മക്കളെ 01 ഓഗസ്റ്റ് 2026 ഉച്ചക്ക് 3:30 PM നു ചങ്ങരംകുളം ഫുഡ്സിറ്റി ഹാളിൽ വെച്ച് ആദരിക്കുന്നു. എല്ലാവരെയും ഹൃദ്യമായി സ്വാഗതം ചെയ്യുന്നു.
ഇന്നത്തെ സാഹചര്യത്തിൽ നിർമിത ബുദ്ധി (Artificial Intelligence - AI) യുടെ പ്രാധാന്യം എന്താണെന്ന് നമുക്ക് പലർക്കും അറിയാം. നമ്മുടെ മക്കൾക്ക് അല്ലെങ്കിൽ നമുക്ക് തന്നെ ഉണ്ടായേക്കാവുന്ന പല സംശയങ്ങളും ഈ വിഷയത്തിൽ ഉണ്ടാകാം. അവ ദൂരീകരിക്കാനും മക്കൾക്ക് ഭാവിയിൽ ഉപകാരമായേക്കാവുന്ന പല കാര്യങ്ങളും ചർച്ച ചെയ്യാനുള്ള ഒരു വേദി നാം ഒരുക്കാൻ ശ്രമിക്കുന്നു.
*അജ്മാൻ യൂണിവേഴ്സിറ്റിയിലെ സീനിയർ ഫാക്കൽറ്റി ആയ ഡോക്ടർ മുജീബ് റഹ്മാൻ നമ്മുടെ മക്കളോട് സംവദിക്കുന്നു.* യൂണിവേഴ്സിറ്റിയിലെ ബയോമെഡിക്കൽ എഞ്ചിനീയറിംഗ് വിഭാഗത്തിലെ സീനിയർ ഫാക്കൽറ്റി അംഗമായ ഡോ. മുജീബ് റഹ്മാൻ കെ. കെ., ആർട്ടിഫിഷ്യൽ ഇന്റലിജൻസ്, മെഷീൻ ലേണിംഗ്, മെഡിക്കൽ ഇമേജിംഗ്, ഇന്റലിജന്റ് ഹെൽത്ത്കെയർ സിസ്റ്റങ്ങൾ എന്നീ മേഖലകളിൽ ശ്രദ്ധേയമായ ഗവേഷണം നടത്തുന്ന പ്രമുഖ അക്കാദമിക് ഗവേഷകനാണ്. 30-ലധികം അന്തർദേശീയ ഗവേഷണ പ്രബന്ധങ്ങൾ പ്രസിദ്ധീകരിച്ചിട്ടുള്ള അദ്ദേഹം നിരവധി പ്രമുഖ ശാസ്ത്ര ജേർണലുകളുടെ റിവ്യൂവറായും പ്രവർത്തിക്കുന്നു.
ഈ അവസരം പരമാവധി പ്രയോജനപ്പെടുത്തണമെന്നും നമ്മുടെ മക്കളെ ഈ പരിപാടിയിൽ പങ്കെടുപ്പിക്കണമെന്നും എല്ലാ കുടുംബാംഗങ്ങളോടും ഉണർത്തുന്നു.
അത് പോലെ നമ്മുടെ പരിപാടിയിലെ മുഖ്യാതിഥിയായി എത്തുന്നത് നമ്മുടെ ചങ്ങരംകുളത്തിന്റെ അഭിമാനമായ ശ്രീ താമർ കെ വി ആണ്. *ആയിരത്തി ഒന്ന് നുണകൾ*, *സർക്കീട്ട്* എന്നീ സിനിമകളുടെ സംവിധായകനും *ഫെമിനിച്ചി ഫാത്തിമ* യുടെ നിർമാതാവുമായ അദ്ദേഹം നമുക്കേവർക്കും ഇതിനോടകം സുപരിചിതനുമാണ്.
മറ്റു വിശിഷ്യ വ്യക്തികളും നമ്മുടെ പരിപാടിയെ ഹൃദ്യമാക്കാൻ നമ്മോട് കൂടെയുണ്ടാകും. നാട്ടിലുള്ള എല്ലാ മെമ്പർമാരും പങ്കെടുക്കണം എന്നും സംഘാടനത്തിൽ കൂടെയുണ്ടാകണമെന്നും അത് പോലെ നമ്മുടെ മക്കളെ നിർബന്ധമായും പങ്കെടുപ്പിക്കണമെന്നും ഒരിക്കൽ കൂടെ ഓർമിപ്പിച്ച് കൊണ്ട്..
നന്ദി
*പ്രവർത്തക സമിതി*
*ചങ്ങരംകുളം പ്രവാസി കൂട്ടായ്മ*