Jagrut

15/04/2025

जागर शिक्षणाचा कार्यक्रम....

01/02/2025

11/01/2025

मेत्ता गृप चंद्रपूरच्या वतीने 'मेत्ता कर्तृत्व पुरस्कार २०२४' जागृत संस्थेच्या संचालिका वर्षा कोडापे यांना प्रदान करण्यात आला. त्यांचे हार्दिक अभिनंदन. चंद्रपूरातील सामाजिक जाणीवेच्या महिला एकत्र येवून मेत्ता गृपच्या माध्यमातून विविध समाजोपयोगी उपक्रम राबवत आहेत. यंदापासून विविध क्षेत्रातील कर्तृत्ववान प्रेरणादायी महिलांचा सन्मान करण्यासाठी त्यांनी पुढाकार घेतला. जागृत संस्थेच्या संचालिका, पत्रकार व सामाजिक कार्यकर्त्या वर्षा कोडापे आणि डॉ.आंबेडकर महाविद्यालय चंद्रपूरच्या मराठी विभाग प्रमुख, साहित्य अभ्यासक डॉ.मृदूला रायपूरे यांना सन्मानित करण्यात आले.

11/01/2025

समाजकार्य विद्यार्थ्यांचा समाज कल्याण अधिकारींशी संवाद

जागृत संस्थेतर्फे क्षेत्रकार्य अंतर्गत उपक्रम

सुशिलाबाई रामचंद्रराव मामीडवार समाजकार्य महाविद्यालयातील पदव्युत्तर विद्यार्थ्यांचे क्षेत्र कार्य संस्थेत सुरू आहे. जागृत संस्थेच्या वतीने जिल्हा समाज कल्याण अधिकारी कार्यालयात विद्यार्थ्यांनी भेट दिली. यावेळी जिल्हा समाज कल्याण अधिकारी धनंजय साळवे यांनी विद्यार्थ्यांशी संवाद साधला व मार्गदर्शन केले. समाजकार्याच्या विद्यार्थ्यांत आदर्श समाज घडवण्याची ताकद आहे. तुमच्यात जर सामाजिक जाणीवा, बांधिलकी, आपुलकी, संस्कार नसेल तर आपले शिक्षण आणि मिळणारे पद हे देखील व्यर्थ ठरते. त्यामुळे शिक्षणातून चांगला माणूस तयार व्हावा, या हेतूने विद्यार्थी दशेतच आपण परिश्रम घ्यावे व यश मिळवावे असे मार्गदर्शन जिल्हा समाज कल्याण अधिकारी धनंजय साळवे यांनी केले. यावेळी समाज कल्याण विभागातील विविध शासकीय योजनांची माहिती पुस्तिका त्यांनी उपस्थित विद्यार्थ्यांना भेट दिली.

प्राचार्य डॉ.जयश्री कापसे, डॉ.देवेंद्र बोरकुटे व जागृत संस्थेचे संचालक अविनाश पोईनकर यांच्या मार्गदर्शनात विद्यार्थ्यांनी समाज कल्याण अधिकारींशी संवाद साधला. यावेळी समाज कल्याण अधिकारी कार्यालयात आनंदवनचे विश्वस्त सुधाकर कडू यांचीही उपस्थिती होती. त्यांनीही विद्यार्थ्यांशी संवाद साधत समाज परिवर्तनासाठी सज्ज व्हा असे मार्गदर्शन केले. जागृत संस्थेतर्फे जिल्हा समाज कल्याण अधिकारी यांना संविधानाची उद्देशिका भेट देण्यात आली. यावेळी प्रथम वड्डे, सौरव मेश्राम, विक्रम लटारे, राहुल पुंगाटी, संजीवनी राऊत, स्वाती साखरकर, माधुरी करमरकर, अश्विनी वड्डे, वर्षा कोडापे, सुमेध बक्षी, माधुरी वडस्कर, स्मिता चिकटे, शितल पेंदोर, मोनिका गावतुरे, सुमित काकडे आदी विद्यार्थी उपस्थित होते. जिल्हा समाज कल्याण अधिकारी धनंजय साळवे हे बैठकीत व्यस्त असताना देखील विद्यार्थ्यांसाठी त्यांनी कार्यालयात विशेष वेळ देत मार्गदर्शन केले, त्यामुळे विद्यार्थी-अधिकारी संवाद चांगलाच रंगला. विद्यार्थ्यांनी पहिल्यांदाच कार्यालयात समाज कल्याण अधिकारी यांचेसोबत बसून त्यांच्याशी संवाद साधल्याने आनंद व्यक्त केला.

06/08/2024

प्रतिक्रिया; वन व वन्यजीव कायद्याच्या धाकात लोकांच्या वनहक्कावर गदा आणू नये...

05/08/2024

जागृत संस्थेच्या चंद्रपूर कार्यालयात आदिम फेलोशीप कार्यक्रमातील फेलोंचे क्षमता बांधणी प्रशिक्षण पार पडले. अतिदुर्गम जिवती तालुक्यातील आदिम कोलाम समुदायात शैक्षणिक जागृती घडवून आणणे, वनहक्क कायद्यांची अंमलबजावणी करणे व सांस्कृतिक संशोधनात्मक लेखन करणे याबाबतचे अनुभव, अडचणी व आव्हाने आदींवर विचारमंथन करण्यात आले. कोलाम समुदायातील मुलांना प्रोत्साहन दिल्यामुळे पहिल्यांदाच समाजकार्य पदवी व पदव्युत्तर उच्चशिक्षणासह इतरही शिक्षणासाठी मुले दाखल करण्यात आली आहेत.

04/07/2024

द नेचर काॅन्जर्वन्सी, इंडीया या आंतरराष्ट्रीय संस्थेने हाॅटेल प्रेसिडेंट, पुणे येथे नुकतीच दिनांक २५ व २६ जून रोजी पर्यावरणावर राष्ट्रीय कार्यशाळा आयोजित केली. देशभरातून निवडक संस्थांचा समावेश असणा-या या कार्यशाळेत महाराष्ट्रातून जागृत संस्थेतर्फे चिन्ना महाका, सुरेश कोडापे, सरिता मिच्छा, अविनाश पोईनकर सहभागी झाले. चंद्रपूर-गडचिरोली जिल्ह्यात आदिम समुदायात पेसा, वनाधिकार कायद्यांची सद्यस्थिती, अंमलबजावणी व संस्था करत असलेल्या कामाचे सादरीकरण करण्यात आले. या कार्यशाळेत देशभरातील २० संस्थांचे प्रतिनिधी सहभागी झाले. देशभरात सुरू असलेल्या कामांची माहीती या निमित्ताने समजून घेता आली.

03/06/2024

जाणीव - २०२४
माध्यम दखल...

02/06/2024

जागृत संस्थेच्या माध्यमातून नुकतेच चंद्रपूरात आदिम कोलाम-माडिया समुदायातील तरुणांचे पहिले युवा नेतृत्व विकास शिबीर 'जाणीव-२०२४' तीन दिवसीय निवासी शिबीर दिनांक २५, २६ व २७ मे २०२४ रोजी पार पडले. हे शिबिर आयोजनात याच समुदायातील सामाजिक कार्यकर्ते, युवकांनी पुढाकार घेतला हे महत्वाचे. उच्चशिक्षण, व्यक्तिमत्व विकास, हक्क, अधिकारांवर मंथन झाले. देशात एकूण ७५ आदिम जनजातीपैकी महाराष्ट्रात कोलाम, कातकरी आणि माडिया या तीन आदिम जनजाती आहेत. त्यात नक्षल्रभावित गडचिरोली जिल्ह्यातील अतिदुर्गम भागात आदिम माडिया व चंद्रपूर जिल्ह्यात आदिम कोलाम समुदायाचे वास्तव्य आहे. जल-जंगल-जमिनीशी नाते टिकवून, आपल्या प्रथा-परंपरा-संस्कृतीशी प्रामाणिक राहून या समुदायांची वाटचाल सुरु आहे, या समुदायातील नव्या पिढीत सामाजिक सजगता, शैक्षणिक जागृती व नेतृत्व विकास यास चालना देण्याच्या हेतूने हे शिबीर महत्वपूर्ण ठरले. या शिबीरात गडचिरोली जिल्ह्यातील अतिदुर्गम भामरागड तालुक्यातील माडिया व जिवती तालुक्यातील कोलाम समुदायातील ५० युवक-युवती सहभागी झाले.

या तीन दिवसीय शिबिरात डॉ.दिलीप चौधरी, नागपूरचे ॲड.सचिन मेकाले, युवा प्रश्नांचे अभ्यासक सतिश गिरसावळे, माडिया समाजातील पहिले वकिल ॲड.लालसू नोगोटी, अझीम प्रेमजी विद्यापीठ बंगलोरचे प्रो. नीरज हातेकर, प्रसिद्ध दिग्दर्शिका प्राचार्य डॉ.जयश्री कापसे, चेव्हनिंग स्काॅलर ॲड.दीपक चटप, समुपदेशक नागेश मादेशी, राष्ट्रीय युवा पुरस्कार विजेते बंडू धोत्रे, गटविकास अधिकारी धनंजय साळवे, एसएनडीटी महिला विद्यापीठाचे कुलसचिव डॉ.बाळू राठोड, सामाजिक कार्यकर्ते चिन्ना महाका, किसन आत्राम यांनी मार्गदर्शन केले. 'जाणीव जगण्याची, उच्चशिक्षणाची, समाज परिवर्तनाची' या थीमवर आयोजित शिबीरात शिक्षण, व्यक्तिमत्व विकास, आदिवासींचे कायदे, हक्क, अधिकार, संस्कृती यावर विचारमंथन करण्यात आले. शिबीराच्या आयोजनात जागृत संस्थेचे संचालक, सामाजिक कार्यकर्ते अविनाश पोईनकर, वर्षा कोडापे, राम चौधरी, राजू काळंगा, सुरेश कोडापे, भीमराव कोडापे, बुकलू लेखामी, नितेश वाघाडे यांनी परिश्रम घेतले. राज्यात आदिम समाजातील कोलाम व माडिया समाजातील युवकांसाठीचे हे पहिलेच शिबीर ठरले हे विशेष !

•••

नक्षलग्रस्त भागातील मुलांचा शिक्षणाचा संकल्प

चंद्रपूर येथील जागृत संस्था ही चंद्रपूर-गडचिरोली जिल्ह्यात आदिम आदिवासी समुदायासोबत त्यांचे हक्क, कायदेविषयक संविधानिक जागरूकता, शिक्षण, संशोधन व ग्रमीण विकास यावर जमिनीस्तरावर जनजागृतीचे कार्य करते. पहिल्यांदाच आयोजित जाणीव शिबीरात गडचिरोली जिल्ह्यातील नक्षलप्रभावित भामरागड तालुक्यातील बिनागुंडा, कुवाकोडी येथूनही युवक सहभागी झाली. जिवतीतील अतिदुर्गम भागातून कोलाम समुदायातील मुले सहभागी झाली. शिक्षण-संस्कृतीचे आदान प्रदान दोन्ही आदिम समुदायातील युवकांनी करुन उच्चशिक्षणातून समाज परिवर्तनाचा संकल्प केला.

••
Jayashri Kapse Deepak Chatap Lalsu Soma Nogoti Chinnu Mahaka Neeraj Hatekar Nagesh K Madeshi Balu Rathod Bandu Dhotre Satish Girsawale Dilip Choudhari Adv Sachin S Mekale Dhananjay Salwe Kisan Atram Varsha Kodape Poinkar Ram D. Chaudhari Raju Kalanga

09/05/2024

🔸जागृत संस्था आयोजित
पहिले आदिम युवा नेतृत्व विकास शिबीर_
🔸जाणीव - २०२४
जाणीव जगण्याची.. उच्चशिक्षणाची.. समाज परिवर्तनाची..

'स्व' भान ते समाजभान, उच्चशिक्षण, व्यक्तिमत्व विकास, प्रशासकिय अधिकारी व विविध क्षेत्रातील मान्यवरांशी संवाद तथा मार्गदर्शन, हक्क-अधिकार-संस्कृती यावर मंथन व गटचर्चा, सांस्कृतिक कला सादरीकरण... ही शिबीराची खास वैशिष्ट्ये.

चंद्रपूर-गडचिरोली जिल्ह्यातील आदिम कोलाम व माडिया समुदायातील निवडक ४० युवक-युवतींना संधी...

▪️शिबीर कालावधी - २५, २६ व २७ मे २०२४
▪️स्थळ - छात्रवीर राजे संभाजी प्रशासकीय सेवा महाविद्यालय मोरवा, चंद्रपूर
▪️प्रवेश - नि:शुल्क (नोंदणी आवश्यक)
▪️वयोमर्यादा - १८ ते २५ वर्षे
▪️२० मे पर्यंत गुगल फार्म भरुन नोंदणी करावी.
https://docs.google.com/forms/d/e/1FAIpQLScpr1xFw_CsGd_fMuYZG62K7hO5xe_pPUkRijX8Fj3aw7orrg/viewform?vc=0&c=0&w=1&flr=0

अधिक माहीती व नाव नोंदणी करिता संपर्क
(७४९९७५७६५६, ९४२३३८१५४)
__________________________

26/01/2024

https://www.bbc.com/marathi/articles/c72g4dpz713o

जागृत संस्थेच्या माध्यमातून आदिम कोलाम व माडिया भाषेत संविधान उद्देशिका पुढे आल्यात. आदिम समुदायात या संविधान उद्देशिकांमुळे स्थानिक मातृभाषेतून संविधानिक जनजागृती घडण्यास महत्वपूर्ण ठरते आहे. प्रजासत्ताक दिनी बीबीसी न्यूजने घेतलेली ही दखल...

🇳🇪 भारतीय प्रजासत्ताक दिन चिरायू होवो...

भारतात सुमारे दहा कोटी आदिवासी राहतात. प्रजासत्ताक व्यवस्था स्वीकारलेल्या या देशात अजूनही सुमारे 75 आदिम समुदाय .....