12/12/2025
আজি চাবুৱা-লাহোৱাল সমষ্টিৰ দিনজয় পকা লাইন খেলপথাৰৰ পৰাই শুভাৰম্ভ কৰা অসম গণ পৰিষদৰ সংকল্প সমাৰোহ সহস্ৰাধিক দলীয় বিষয়ববীয়া আৰু শুভাকাংক্ষীৰ ব্যাপক উৎসাহ আৰু সহযোগীতাৰে সফল সমাপ্তি ঘটে।
অসম গণ পৰিষদৰ মাননীয় সভাপতি শ্ৰী অতুল বৰা ডাঙৰীয়া আৰু মাননীয় কাৰ্যকৰী সভাপতি শ্ৰী কেশৱ মহন্ত ডাঙৰীয়াই সম্বোধন কৰা আজিৰ সভাত দলৰ দুয়োগৰাকী মাননীয় সাংসদ ক্ৰমে শ্ৰীযুত ফণীভূষণ চৌধুৰী ডাঙৰীয়া, শ্ৰীযুত বীৰেন্দ্ৰপ্ৰসাদ বৈশ্য ডাঙৰীয়া, চাবুৱা সমষ্টিৰ মাননীয় বিধায়ক তথা অগপৰ কেন্দ্ৰীয় সমিতিৰ সাধাৰণ সম্পাদক শ্ৰী পোনাকণ বৰুৱা, দেৰগাঁও সমষ্টিৰ মাননীয় বিধায়ক শ্ৰী ভবেন্দ্ৰনাথ ভৰালী প্ৰমুখ্যে কেন্দ্ৰীয় সমিতিৰ উপ-সভাপতি, সাধাৰণ সম্পাদক, সম্পাদক তথা দলৰ বিভিন্ন দায়িত্বত থকা বিষয়ববীয়া, ডিব্ৰুগড় জিলা সমিতিৰ বিষয়ববীয়া, চাবুৱা বিধানসভা সমষ্টি সমিতিৰ বিষয়ববীয়া, অগপৰ ভাতৃ-ভগ্নী সংগঠনৰ প্ৰতিনিধিৰ উপস্থিতিত অনাগত দিনবোৰত দলটোক অধিক ক্ষিপ্ৰতাৰে সকলো দিশৰ পৰাই আগুৱাই নিয়াৰ দৃঢ় সংকল্প গ্ৰহণ কৰা হয়। বিশিষ্ট সংগীত শিল্পী শ্ৰীযুত অৰ্জুন লাক্ৰা ডাঙৰীয়াই তেখেতৰ জনপ্ৰিয় গীতেৰে সকলোৰে মন পুলকিত কৰে যদিও দলৰ শীৰ্ষ নেতৃত্বৰ লগতে তেখেতেও অৰুণাচল প্ৰদেশত দূৰ্ঘটনাগ্ৰস্ত হোৱা চাহ জনগোষ্ঠীয় লোক কেইজনৰ প্ৰতি সমবেদনা জ্ঞাপন কৰি অধিক গীত প্ৰৰ্দশনৰ পৰা বিৰত থাকে।
আজিৰ সভাই প্ৰমাণ কৰে যে জাতীয়তাবাদৰ দূৰ্গ খ্যাত চাবুৱা-লাহোৱাল সমষ্টিত জনপ্ৰিয় বিধায়ক শ্ৰীযুত পোনাকণ বৰুৱাৰ দেৱৰ প্ৰতি থকা ৰাইজৰ গভীৰ মৰম আৰু আস্থা। দলৰ শীৰ্ষ নেতৃত্বই আজিৰ সভাতেই সকলো ৰাইজকে তেখেতসকলৰ মৰমৰ পোনাকণ বৰুৱাক আগন্তুক বিধানসভা নিৰ্বাচনত বিপুল সঁহাৰি প্ৰদান কৰি চাবুৱা-লাহোৱাল সমষ্টিৰ ক্ষিপ্ৰ উন্নয়নৰ স্বাৰ্থত পুনৰ বাৰ বিধায়কৰ আসনত প্ৰতিষ্ঠিত কৰিবলৈ আহ্বান জনায়।
আজিৰ সভাত অংশগ্ৰহন কৰা সকলোলৈ আমি চাবুৱা-লাহোৱাল সমষ্টি সমিতিৰ তৰফৰ বহুত বহুত ধন্যবাদ জনালোঁ লগতে আগলৈও আপোনালোক সকলোৰে মৰম আৰু আশীৰ্বাদেৰে দলটোক আগুৱাই যোৱাত সহযোগী হ'ব বুলি আশা ৰাখিলোঁ, ধন্যবাদ।। 🙏
জয় আই অসম
অসম গণ পৰিষদ জিন্দাবাদ
🙏🙏🙏
#অসমগণপৰিষদ
