Pookoya Thangal Hospice

27/05/2026

12/05/2026

അസ്സലാമുഅലൈക്കും
12/5/26
എല്ലാ മാലാഖമാർക്കും നേഴ്സസ്ദിന ആശംസകൾ

വാക്കുകൾക്കുമപ്പുറം പ്രകീർത്തിക്കാൻ കഴിയാത്ത സേവന മാധുര്യത്തിന്റെ കഥ പറയുമ്പോൾ കണ്ണുകൾ നിറയാതെ മുഴുവിപ്പിക്കാൻ കഴിയില്ല. മാലാഖയെന്ന വിശേഷണത്തിൽ അവർ പറന്നുയരുകയാണ്. നീതിയുടെ കാവലാളായി ദൈവത്തിന്റെ പ്രീതിയുടെ പടിവാതിലിൽ എഴുതി ചേർക്കപ്പെട്ടു കഴിഞ്ഞു.കുടുംബ ഭാരത്തിന്റെ കെട്ടു പിണഞ്ഞ കഥകൾക്ക് കടന്നു വരാൻ കഴിയാത്തവിധം ആശ്രയമാഗ്രഹിച്ചു രോഗശയ്യയിൽ കിടക്കുന്നവർക്കൊപ്പം സഞ്ചരിക്കുന്ന ഈ മാലാഖമാരെ എന്ത് വിളിപ്പേരിലാണ് അഭിസംബോധന ചെയ്യേണ്ടത്. ഉപ്പും പുളിയും മധുരവും നാവിൽ രുചിച്ചാൽ മുഖഭാവം മാറുന്ന നമുക്ക് കഴിയുമോ രോഗികളുടെ മുന്നിൽ ദുർഗന്ധം വമിക്കുന്ന അന്തരീക്ഷത്തെ മറികടക്കാൻ? മനക്കണ്ണിൽ ഞാനൊന്ന് ശ്രമിച്ചു നോക്കി ഭാവം മാറി നെഞ്ചിടിപ്പിന്റെ വേഗതയും കൂടി. ആത്മാർത്ഥമായ സേവനത്തിന്റെ കയ്യൊപ്പല്ലേ അവരുടെ നിറഞ്ഞ സേവനം. ഏത് അവസ്ഥയും മെയ്യും മനസുമർപ്പിച്ച് അവർ മറികടക്കും.പലപ്പോഴും ശ്രദ്ധിച്ചിട്ടുണ്ട് ഏത് സമയവും എന്റെ രോഗികൾ എന്ന ചിന്തയിൽ കുറഞ്ഞ സമയം മാത്രമേ എനിക്കെന്ന ചിന്തയിലുടക്കുന്ന നിമിഷങ്ങൾ കടന്നുവരുന്നത് പോലും. ചുരുങ്ങിയ വാക്കുകളിൽ വിശേഷിപ്പിക്കാൻ കഴിയില്ലെന്ന ബോധ്യമാണ് എഴുത്തുകൾക്ക് പോലും വാക്കുകൾ മതിയാകുന്നില്ല.

PTH എന്ന മഹാസാഗരത്തെ സംബന്ധിച്ചിടത്തോളം ഡോക്ടറുടെ നിർദ്ദേശാനുസരണം മുഖ്യധാരയിൽ രോഗികൾക്കൊപ്പം സഞ്ചരിക്കുന്നവരാണ് നമ്മുടെ മാലാഖമാർ.അവർക്ക് സങ്കടങ്ങളില്ലേ? രോഗങ്ങളില്ലേ? കുടുംബമില്ലേ? എല്ലാമുണ്ട് എന്നാൽ രോഗികൾക്ക് മുന്നിൽ സ്വയം മറന്ന് മറ്റൊരു ലോകം സൃഷ്ടിക്കുകയല്ലേ അവർ. ഏറെ മനസ്സിലാക്കിയിടത്തോളം പ്രിൻസ് സാറിനെ പോലൊരാളുടെ സേവന മാതൃക നമ്മുടെ PTH ന് അഭിമാനകരമാണ്.ഏത് മേഖലയും വായിച്ചെടുക്കാൻ കഴിയുന്ന മഹത് വ്യക്തിത്വം.

സുവനീർ പുറത്തിറക്കുന്നതുമായി ബന്ധപ്പെട്ട് കോഴിക്കോടുള്ള PTH സെന്ററുകളിലുള്ള നഴ്സ്മാരോട് സംസാരിച്ചപ്പോൾ അവർക്ക് പറയാനുള്ളത് എന്റെ എന്ന നെഞ്ചോടു ചേർത്ത രോഗികളെ കുറിച്ചായിരുന്നു. ഭേദമായി എന്ന വാക്കുകൾ പറയുമ്പോൾ അല്ലെങ്കിൽ മരണം വരെ ചേർത്ത് പിടിച്ചെന്ന് പറയുമ്പോൾ ഇടറുന്ന സ്വരം കാതുകളിൽ നൊമ്പരമുണർത്തുന്നു.ആ വാക്കുകൾ അവരുടെ സേവനത്തെ എത്രമാത്രം നെഞ്ചിലേറ്റിയെന്ന് മനസ്സിലാക്കാൻ കഴിയും.നിമിഷനേരം ആലിംഗനം ചെയ്യാൻ കൊതിച്ചു പോകും. പറഞ്ഞാൽ മതിവരാത്ത വാക്കുകൾക്ക് ആത്മാർത്ഥതയുടെ നേർ കണികകൾ അങ്ങിങായി ചിതറി വീഴുന്നത് മനകോണിൽ വായിച്ചെടുക്കാം.എന്നെന്നും വേദനയൊപ്പുന്ന തൂവാലയായി നമുക്കിടയിൽ മാലാഖമാർ പാറിനടക്കട്ടെ...

03/05/2026

പ്രിയപ്പെട്ടവരേ,
17 ദിവസത്തെ ഒത്തൊരുമിച്ച പ്രവർത്തനങ്ങളുടെ വിലയിരുത്തലുകൾ നൽകുന്ന ആത്മവിശ്വാസം ചെറുതല്ല. തീർത്തും ഒരു വരണ്ട സാമൂഹിക, സാമ്പത്തിക സാഹചര്യത്തിൽ നടത്തിയ മന്തി ചാലഞ്ച് ഇത്ര വിജയിപ്പിച്ചു തന്നവരോട് നന്ദി എന്ന രണ്ട് വാക്ക് എങ്ങനെ പറയും എന്ന ആശങ്കയിലാണ്. ഏപ്രിൽ 13 നാണ് നിലവിലെ എകരൂൽ പി ടി എച്ച് ഐ പി യിലെ ബാധ്യതകൾ തീർക്കുക എന്ന ലക്ഷ്യത്തോടെ മന്തി ചാലഞ്ച് സംഘടിപ്പിക്കാൻ തീരുമാനിച്ചത്. തൊട്ട് മുമ്പ് റംസാൻ കഴിഞ്ഞു, ഇലക്ഷൻ കഴിഞ്ഞു, പശ്ചിമേഷ്യയിലെ യുദ്ധസാഹചര്യങ്ങൾ ....... സാഹചര്യം അനുകൂലമല്ല എന്ന് എല്ലാം വിളിച്ച് പറയുന്നുണ്ടായിരുന്നു. പക്ഷേ ദൈവം നിശ്ചയം മറ്റൊന്നായിരുന്നു ! ഉള്ളൂലക്കുന്ന വേദനയിൽ ഐ പി യിലേക്ക് വന്ന് പുഞ്ചിരിച്ച മുഖത്തോടെ തിരിച്ച് പോവുന്ന മനുഷ്യരുടെ പ്രാർത്ഥന പോലെ..... എല്ലാ അർത്ഥത്തിലും വിജയത്തിലായി മാറി...... ഐക്യത്തിൻ്റെയും കൂട്ടായ്മയുടെയും ഒരേ ചിന്തയുടെയും വിജയം !!
ജാതി - മത - രാഷ്ട്രീയ വ്യത്യാസങ്ങൾക്കതീതമായ ചേർത്തു നിൽപ്പ്...!!!
നേതാക്കൾ, പ്രവർത്തകർ വളണ്ടിയർമാർ, PTH ലെ സ്റ്റാഫുകൾ, വിഭവങ്ങൾ സ്പോൺസർ ചെയ്തവർ, മന്തി ഓർഡർ നൽകിയവർ, എല്ലാം കോർത്തിണക്കിയവർ, പി ടി എച്ചിലെ നിലവിൽ Admit ആയതും Discharge ആയതുമായ രോഗികൾ, ബന്ധുക്കൾ ,upcs pth ഖത്തർ ചാപ്റ്റർ ഭാരവാഹികൾ........... പേരെടുത്ത് പറയാതെ പോവുമ്പോഴും രുചികരമായ ഭക്ഷണം കൃത്യസമയത്ത് പാചകം ചെയ്ത് നൽകിയ എളേറ്റിൽ വട്ടോളി വിച്ചീസ് കാറ്ററിംഗിലെ നൗഫൽ & ടീം, കൊടുവള്ളി പി ടി എച്ച് ടീം, അതിഥികളായി സാന്നിധ്യം കൊണ്ട് അനുഗ്രഹിച്ച പി ടി എച്ച് സംസ്ഥാന സമിതി അംഗം പി ടി എം ഷറഫുന്നീസ ടീച്ചർ, അബ്ദുറസാഖ് ബുസ്താനി, ഇബ്രാഹീം എളേറ്റിൽ, പി ടി എച്ച് കിഴക്കോത്ത് ഭാരവാഹികളായ എം എ ഗഫൂർ മാസ്റ്റർ, ജാഫർ മാസ്റ്റർ തുടങ്ങി എല്ലാവർക്കും ഹൃദയം നിറഞ്ഞ നന്ദി അറിയിക്കുന്നു.

ടീം പി ടി എച്ച് & യു പി സി എസ് - എകരൂൽ

24/04/2026

പ്രിയപ്പെട്ടവരേ,
നമ്മുടെ പാലിയേറ്റീവ് കെയർ സംവിധാനം അതിൻ്റെ പ്രവർത്തന വഴിയിലെ മറ്റൊരധ്യായം കൂടി തങ്കലിപികളിൽ രേഖപ്പെടുത്തുകയാണ്.
The Father of Indian Palliative Care എന്ന പേരിൽ അറിയപ്പെടുന്ന പത്മശ്രീ ഡോ എം ആർ രാജഗോപാൽ സാർ തുടക്കം കുറിച്ച, ലോകാരോഗ്യ സംഘടനയുടെ collaboration centre കൂടിയായ തിരുവനന്തപുരം പാലിയം ഇന്ത്യയുടെ , ക്ലിനിക്കൽ,അക്കാഡമിക് , ട്രൈനിംഗ് വിഭാഗമായ തിരുവനന്തപുരം ഇൻസ്റ്റിറ്റ്യൂട്ട് ഓഫ് പാലിയേറ്റീവ് സയൻസസ് (TIPS ) പി ടി എച്ച് , എസ് ടി സി എച്ച് പാലിയേറ്റീവ് കെയർ നഴ്സുമാർക്കായി സംഘടിപ്പിച്ച പാലിയേറ്റീവ് ഫൗണ്ടേഷൻ കോഴ്സ് വിജയകരമായി പൂർത്തിയാക്കിയവർക്കുള്ള സർട്ടിഫിക്കറ്റുകൾ നാളെ (25/4/26) വിതരണം ചെയ്യുകയാണ്. തിരൂർ ശിഹാബ് തങ്ങൾ ഹോസ്‌പിറ്റലിൽ നടക്കുന്ന PTH അക്കാഡമിക് സെഷൻ 11 നോടനുബന്ധിച്ചാണ് ഇത് നടത്തുന്നത്. സേവന രംഗത്ത് സമർപ്പണത്തോടൊപ്പം അറിവുകളുടെ നിരന്തരമായുള്ള updation ആണ് ഇതിലൂടെയൊക്കെ ലക്ഷ്യമിടുന്നത്. 2025 ഏപ്രിൽ 15 ന് ടി വി ഇബ്രാഹിം എം എൽ എ ഉദ്ഘാടനം നിർവഹിച്ച കോഴ്സിലെ ആദ്യ സെഷൻ കൈകാര്യം ചെയ്തത് ഡോ എം ആർ രാജഗോപാൽ സാർ തന്നെയായിരുന്നു 20 മോഡ്യുളുകളിലായി നടന്ന ക്ലാസുകളുടെ 2 ഘട്ടങ്ങളിലായി നടന്ന പരീക്ഷയിൽ കേരളം, കർണാടക, തമിഴ്നാട് എന്നീ സംസ്ഥാനങ്ങളിൽ നിന്നായി 63 പേരാണ് പങ്കെടുത്തത്. മലയാളം, ഇംഗ്ലീഷ്, തമിഴ്, കന്നട ഭാഷകളിൽ ഉത്തരമെഴുതുന്ന ആദ്യ പരീക്ഷ കൂടിയായിരുന്നു അത്. പാലിയം ഇന്ത്യയിലെ Education & Skill development വിഭാഗം മേധാവി ആർ എസ് ഷീബ, Infection Control and Prevention വിഭാഗത്തിലെ സാജൻ വി എസ് എന്നിവരാണ് പരീക്ഷകൾക്ക് നേതൃത്വം നൽകിയത്.
ഇത്തരത്തിൽ ഒരു Academic excellence ലേക്ക് നമ്മുടെ നഴ്സുമാരെ എത്തിക്കുന്നതിൽ കഴിഞ്ഞ 6 വർഷക്കാലത്തെ നിരന്തരമായ പ്രയത്നമുണ്ട്. അതിന് നേതൃത്വം നൽകിയ PTH - STCH ചീഫ് നഴ്സിംഗ് ഓഫീസർ പ്രിൻസിന് ഒരു Big Salute 🌺
പി ടി എച്ചിൻ്റെ പ്രയാണ വീഥിയിലെ പ്രവർത്തനങ്ങൾക്ക് പൂർണമായും സമർപ്പിതമായ സംസ്ഥാന നേതൃത്വം, ജില്ലാ നിരീക്ഷകൻമാർ, കോർഡിനേറ്റർമാർ, സെൻ്റർ ഭാരവാഹികൾ ......
അക്കാഡമിക് സെഷൻ 11 നടത്താൻ ആവശ്യമായ എല്ലാ സഹായങ്ങളും ചെയ്തു തരുന്ന തിരൂർ ശിഹാബ് തങ്ങൾ ഹോസ്പിറ്റൽ ചെയർമാൻ അബ്‌ദുറഹിമാൻ രണ്ടത്താണി, വൈസ് ചെയർമാനും തിരൂർ നഗരസഭാ ചെയർമാനും പി ടി എച്ച് സംസ്ഥാന സമിതി അംഗവുമായ കീഴേടത്ത് ഇബ്രാഹീം ഹാജി, മറ്റു ആശുപത്രി മാനേജിംഗ് കമ്മിറ്റി അംഗങ്ങൾ എല്ലാവർക്കും ഹൃദയം നിറഞ്ഞ നന്ദി 🙏

ഡോ എം എ അമീറലി
സി എഫ് ഒ & കോർഡിനേറ്റർ
പി ടി എച്ച് കേരള

21/04/2026

നിങ്ങൾ, പാലിയേറ്റീവ് പ്രവർത്തനങ്ങൾ ഇഷ്ടപ്പെടുന്നുണ്ടെങ്കിൽ താഴെ കാണുന്ന നമ്മുടെ PTH ന്റെ face book പേജ് എല്ലാവരും തുറന്ന് like & Follow ചെയ്യുകയും വരുന്ന പോസ്റ്റുകൾ ഷെയർ ചെയ്യുകയും ചെയ്ത് സഹായിക്കുക.

https://www.facebook.com/share/1CNwkZQNQc/