02/02/2026
മൊകവൂർ : ബാസ്ക്ക് മൊകവൂരിൻ്റെ കുടുംബ സംഗമം കോഴിക്കോട് കോർപ്പറേഷൻ മേയർ ഒ.സദാശിവൻ ഉദ്ഘാടനം ചെയ്തു. സംഗമവേദിയിൽ ഫ്ലവേർസ് ടോപ്പ് സിങ്ങർ ഫെയിം കുമാരി പാർവ്വണ സനീഷിനെ ആദരിച്ചു. ചടങ്ങിൽ ആഘോഷ കമ്മറ്റി കൺവീനർ അനിൽ കുമാർ എ.കെ സ്വഗതമാശംസിക്കുകയും ക്ലബ് പ്രസിഡണ്ട് സത്യൻ മഠത്തിൽ അദ്ധ്യക്ഷത വഹിക്കുകയും ചെയ്തു. സെക്രട്ടറി അജിത്ത്കുമാർ കുടുംബിയിൽ റിപ്പോർട്ട് അവതരിപ്പിച്ചു.കൗൺസിലർ എസ്. എം തുഷാര ,പ്രമോദ് പുറത്തിനാവിൽ , വനിതാ വിംഗ് പ്രസിഡണ്ട് ദീപാ സുധിർ, വനിതാ വിംഗ് സെക്രട്ടറി സുഷമ വിനോദ്, എന്നിവർ ആശംസകൾ അർപ്പിച്ചു. ക്ലബ് വൈസ് പ്രസിഡണ്ട് വിനോദ് കുമാർ നെടുളി നന്ദിരേഖപ്പെടുത്തി. തുടർന്ന് ബാസ്ക്ക് കുടുബാംഗങ്ങൾ അവതരിപ്പിച്ച വിവിധ കലാപരിപാടികൾ ,നാടകം തുടങ്ങിയവ അരങ്ങേറി.
