NFPE Calicut Division

14/10/2025

30/03/2025

30/03/2025

🚩🚩കേന്ദ്ര ജീവനക്കാർ ധർണ്ണ നടത്തി 🚩🚩

എട്ടാം ശമ്പള കമീഷനെ ഉടൻ നിയമിക്കുക, കേന്ദ്ര പെൻഷൻകാരുടെ പെൻഷൻ പരിമിതപ്പെടുത്തുന്ന ബിൽ പിൻവലിക്കുക തുടങ്ങിയ ആവശ്യങ്ങൾ ഉന്നയിച്ച് കേന്ദ്ര ജീവനക്കാർ കോൺഫടറേഷന്റെ നേതൃത്വത്തിൽ പ്രതിഷേധ ധർണ്ണ നടത്തി. കോഴിക്കോട് ഹെഡ് പോസ്റ്റ്‌ ഓഫീസിനു മുന്നിൽ നടത്തിയ ധർണ്ണ ഐ കെ ബിജു ( ജോയിന്റ് സെക്രട്ടറി, SZIEF) ഉദ്ഘാടനം ചെയ്തു. അനിൽ കുമാർ അധ്യക്ഷനായി. ഷിഗിൻ കെ എസ്, ജിതിൻ പ്രകാശ്, ഷമിന പി എൻ തുടങ്ങിയവർ സംസാരിച്ചു. രാധാകൃഷ്ണൻ പി സ്വാഗതവും ബിജു പി കെ നന്ദിയും പറഞ്ഞു.

30/03/2025

വനിതാ ദിന കൂട്ടായ്മ സംഘടിപ്പിച്ചു

നാഷണൽ ഫെഡറേഷൻ ഓഫ് പോസ്റ്റൽ എംപ്ലോയീസിന്റെ കോഴിക്കോട് ഡിവിഷന്റെ നേതൃത്വത്തിൽ വനിതാ ദിന കൂട്ടായ്മ സംഘടിപ്പിച്ചു. കോഴിക്കോട് കെ ജി ബോസ് മന്ദിരത്തിൽ നടന്ന കൂട്ടായ്മയിൽ KGNA സംസ്ഥാന വൈസ് പ്രസിഡന്റ്‌ ഷീന കെ പി മുഖ്യപ്രഭാഷണം നടത്തി. മിനി ടി അധ്യക്ഷയായി. നീതു മെഹനാസ്, നാൻസി പാറമ്മൽ, രേഖ കെ, സന്തോഷ്‌ കുമാർ പി പി എന്നിവർ സംസാരിച്ചു. ഷമിന പി എൻ സ്വാഗതവും ഭവിത കെ നന്ദിയും പറഞ്ഞു. തുടർന്ന് ജീവനക്കാരുടെ കലാപരിപാടികൾ അരങ്ങേറി.

30/03/2025

എം. കൃഷ്ണനെ അനുസ്മരിച്ചു

കമ്പിത്തപാൽ പ്രസ്ഥാനത്തിൻ്റേയും കേന്ദ്രസർക്കാർ ജീവനക്കാരുടേയും പെൻഷൻകാരുടേയും എക്കാലത്തെയും അനിഷേധ്യ നേതാവായ എം. കൃഷ്ണനെ നാലാം ചരമ വാർഷിക ദിനത്തിൽ അനുസ്മരിച്ചു. മികച്ച സംഘാടകനും പോരാളിയുമായിരുന്ന എം. കൃഷ്ണൻ്റെ അനുസ്മരണ പരിപാടി കേന്ദ്ര ജീവനക്കാരുടെ കോൺഫെഡറേഷൻ , BSNL, തപാൽ -ആർ എം എസ് സംഘടനകൾ സംയുക്തമായാണ് നടത്തിയത്.കോഴിക്കോട് കെ ജി ബോസ് മന്ദിരത്തിൽ BSNLEU സർക്കിൾ സെക്രട്ടറി എം വിജയകുമാർ അനുസ്മരണ പ്രഭാഷണം നടത്തി. പി സന്തോഷ്‌ അധ്യക്ഷനായി.സതീഷ് ബാബു കെ, വി എസ് സുരേന്ദ്രൻ, ജിതിൻ പ്രകാശ്, മിഥുൻ ജെ, ഷമിന പി എൻ എന്നിവർ സംസാരിച്ചു. ഷിഗിൻ കെ എസ് സ്വാഗതവും പി രാധാകൃഷ്ണൻ നന്ദിയും പറഞ്ഞു.

30/03/2025

തപാൽ വകുപ്പിന്റെ സ്വകാര്യ വത്കരണത്തിലേക്ക് നയിക്കുന്ന പരിഷ്കാരങ്ങൾക്കെതിരെ തപാൽ ആർ എം എസ് സംയുക്ത സമര സമിതിയുടെ നേതൃത്വത്തിൽ കാസറഗോഡ് മുതൽ ഒറ്റപ്പാലം വരെയുള്ള ജീവനക്കാർ ഉത്തര മേഖല PMG ഓഫീസിലേക്ക് മാർച്ചും ധർണ്ണയും നടത്തി. NFPE, FNPO, AIGDS, NUGDS എന്നീ സംഘടനകളുടെ സംയുക്ത സമര സമിതി നടത്തിയ മാർച്ച്‌ CITU സംസ്ഥാന സമിതി അംഗം ടി വിശ്വനാഥൻ ഉദ്ഘാടനം ചെയ്തു. INTUC ജില്ലാ പ്രസിഡന്റ്‌ കെ രാജീവൻ അധ്യക്ഷനായി. പോസ്റ്റ്‌ ഓഫീസ് ആക്ട് 2023 പിൻവലിക്കുക, തപാൽ വിതരണം പോസ്റ്റ്‌ ഓഫീസുകളിൽ നിന്നും മാറ്റി ഇൻഡിപ്പെൻഡൻസ് ഡെലിവറി സെന്ററുകളിലേക്ക് മാറ്റാനുള്ള തീരുമാനം ഉപേക്ഷിക്കുക, അടച്ചുപൂട്ടിയ ആർ എം എസ് ഓഫീസുകൾ തുറക്കുക, nfpe, Aipeu ഗ്രൂപ്പിൽ സി സംഘടനകളുടെ അംഗീകാരം പുനസ്ഥാപിക്കുക,ഗ്രാമീൺ ഡാക് സേവക് ജീവനക്കാരെയും എട്ടാം ശമ്പള കമ്മീഷനിൽ ഉൾപെടുത്തുക തുടങ്ങിയ ആവശ്യങ്ങൾ ഉന്നയിച്ചാണ് ധർണ്ണ നടത്തിയത്. ആവശ്യങ്ങൾ അംഗീകരിച്ചില്ലെങ്കിൽ മാർച്ച്‌ 18 മുതൽ ജീവനക്കാർ ഒന്നടങ്കം അനിശ്ചിത കാല സമരം പ്രഖ്യാപിച്ചിട്ടുണ്ട്.പി യു മുരളീധരൻ, ശിവദാസൻ, കെ ഗോപാലകൃഷ്ണൻ നായർ, പി പി ബാബു, മിഥുൻ ജെ, പ്രേമദാസൻ പി, ഹൈദരാലി സി, രാധാകൃഷ്ണൻ പി, സുരേന്ദ്രൻ വി എസ് എന്നിവർ സംസാരിച്ചു. ഷിഗിൻ കെ എസ് സ്വാഗതവും ഉഷാരത്നം എൻ വി നന്ദിയും പറഞ്ഞു.

30/03/2025

തപാൽ ആർ എം എസ് ഓഫീസുകളുടെ സ്വകാര്യവൽകരണം ഉപേക്ഷിക്കുക,തപാൽ വിതരണം പോസ്റ്റ്‌ ഓഫീസുകളിൽ നിന്നും ഇൻഡിപ്പെൻഡൻഡ് ഡെലിവറി സെന്ററുകളിലേക്ക് മാറ്റാനുള്ള നീക്കം അവസാനിപ്പിക്കുക, അടച്ചുപൂട്ടിയ RMS ഓഫീസുകൾ തുറന്ന് പ്രവർത്തിപ്പിക്കുക,തപാൽ ബീറ്റുകൾ മെക്കാനൈസ് ചെയ്യാനുള്ള നീക്കം ഉപേക്ഷിക്കുക, അന്യായമായി പോസ്റ്റുകൾ വെട്ടിക്കുറക്കുന്ന നടപടിയിൽ നിന്ന്ഓ പിന്തിരിയുക, ഓൾഡ് പെൻഷൻ സ്കീം പുനസ്ഥാപിക്കുക തുടങ്ങി ആവശ്യങ്ങൾ ഉന്നയിച്ച് കൊണ്ട് തപാൽ ആർ എം എസ് ജീവനക്കാർ ധർണ്ണ നടത്തി.കോഴിക്കോട് ഹെഡ് പോസ്റ്റ്‌ ഓഫീസിനു മുന്നിൽ നടത്തിയ ധർണ്ണ CITU കോഴിക്കോട് ജില്ലാ വൈസ് പ്രസിഡന്റ്‌ ടി വിശ്വനാഥൻ ഉദ്ഘാടനം ചെയ്തു.ഷിഗിൻ കെ എസ്, മിഥുൻ ജെ, വി എസ് സുരേന്ദ്രൻ എന്നിവർ സംസാരിച്ചു. പി രാധാകൃഷ്ണൻ സ്വാഗതവും ബിജു പി കെ നന്ദിയും പറഞ്ഞു.