21/12/2025
ଡ଼ିସେମ୍ବର ୩୧ ପୂର୍ବରୁ ବ୍ରହ୍ମପୁର ସହର ତଳି ପଞ୍ଚାୟତକୁ Berhampur Municipal Corporation ରେ ମିଶ୍ରଣ ପାଇଁ ବିଜ୍ଞପ୍ତି ଜାରୀ କରିବକୁ ନଗର ଉନ୍ନୟନ ମନ୍ତ୍ରୀଙ୍କୁ ଭେଟି ଦାବୀ ଜଣାଇଲା ସହର ତଳି ମିଳିତ କ୍ରିୟାନୁଷ୍ଠାନ କମିଟି
ମୁଖ୍ୟମନ୍ତ୍ରୀ ମୋହନ ମାଝୀ ବ୍ରହ୍ମପୁର ଗସ୍ତରେ ଆସି ଗ୍ରେଟର୍ ବ୍ରହ୍ମପୁର ଘୋଷଣା କରିଥିଲେ l ତେବେ ଘୋଷଣାର ବିଜ୍ଞପ୍ତି ଯଦି ଚଳିତ ମାସ ୩୧ ତାରିଖ ସୁଦ୍ଧା ବିଜ୍ଞପ୍ତି ପ୍ରକାଶ ନ ପାଇବ ତେବେ ଆଉ ଗ୍ରେଟର ବ୍ରହ୍ମପୁର କାର୍ଯ୍ୟ ଅଧୁରା ରହିଯିବ l ଏନେଇ ସହର ତଳି ଅଞ୍ଚଳ ମିଳିତ କ୍ରିୟାନୁଷ୍ଠାନ କମିଟି ର ଏକ ପ୍ରତିନିଧି ମଣ୍ଡଳୀ ଭୁବନେଶ୍ୱର ଠାରେ ଡାଇରେକ୍ଟର ମୁନିସିପାଲ ଆଡମିନିଷ୍ଟ୍ରେସନ ଅରବିନ୍ଦ ଡାକୁଆଙ୍କୁ ସାକ୍ଷାତ କରି ଜନଗଣନା କାର୍ଯକ୍ରମ ଆରମ୍ଭ ପରୀପ୍ରେକ୍ଷୀରେ କୌଣସି ଅଞ୍ଚଳର ପ୍ରଶାସନିକ ପରିସୀମା ପରିବର୍ତ୍ତନ କରିବା ନିମନ୍ତେ ଧାର୍ଯ୍ୟ କରାଯାଇଥିବା ଡିସେମ୍ବର ୩୧ ତାରିଖ ପୂର୍ବରୁ ମିଶ୍ରଣ ନିମନ୍ତେ ଆବଶ୍ୟକୀୟ ପ୍ରକ୍ରିୟାକୁ ସାରି ବିଜ୍ଞପ୍ତି ଜାରି କରିବାକୁ ଅନୁରୋଧ କରିଛନ୍ତି ।
ଏଠାରେ ସୂଚନାଯୋଗ୍ୟ ଯେ ୨୦୨୬ ରେ ଆଗାମୀ ଜନ ଗଣନା ଆରମ୍ଭ ହେବାକୁ ଥିବା ପରୀପ୍ରେକ୍ଷୀରେ ସରକାରଙ୍କ ତରଫରୁ ଯେ କୌଣସି ଗ୍ରାମ,ଗ୍ରାମ ପଞ୍ଚାୟତ , ବ୍ଲକ, ଉପଖଣ୍ଡ ତଥା ଜିଲ୍ଲା ସୀମା ନିର୍ଦ୍ଧାରଣ ଓ ପରିବର୍ତ୍ତନ ନିମନ୍ତେ ଡ଼ିସେମ୍ବର ୩୧ ତାରିଖ ପୂର୍ବରୁ ସାରିବାକୁ ନିର୍ଦ୍ଧେଶ ରହିଛି। ଏ ନେଇ ଡାଇରେକ୍ଟରଙ୍କୁ ଚେତେଇ ଦିଆଯିବା ସହ ଏଥିରେ ବିଳମ୍ବ ପ୍ରସଙ୍ଗକୁ ଅଯଥା ଜଟିଳତା ଆମନ୍ତ୍ରଣ କରିବ ବୋଲି କୁହାଯାଇଥିଲା ।
ସେହିପରି କମିଟି କର୍ମକର୍ତ୍ତା ମାନେ ଲୋକସେବା ଭବନରେ ପଂଚାୟତରାଜ ବିଭାଗ ଆଡିସିନାଲ ସେକ୍ରେଟାରୀ ସୂର୍ଯ୍ୟ ନାରାୟଣ ଦାସଙ୍କୁ ସାକ୍ଷାତ କରି ପଞ୍ଚାୟତ ମିଶ୍ରଣ ନେଇ ଆଲୋଚନା କରିଥିଲେ।
ଗୃହ ଓ ନଗର ଉନ୍ନୟନ ବିଭାଗ ମନ୍ତ୍ରୀ କୃଷ୍ଣ ଚନ୍ଦ୍ର ମହାପାତ୍ର Dr. Krushna Chandra Mahapatra ଙ୍କୁ ତାଙ୍କ ବାସଭବନ କାର୍ଯ୍ୟାଳୟରେ ସାକ୍ଷାତ କରି ମିଶ୍ରଣ ସମ୍ପର୍କରେ ବିସ୍ତ୍ରୁତ ଆଲୋଚନା କରିବା ସହ ମୁଖ୍ୟମନ୍ତ୍ରୀଙ୍କ ଘୋଷଣା ପରୀପ୍ରେକ୍ଷୀରେ ଡ଼ିସେମ୍ବର ୩୧ ପୂର୍ବରୁ ଏ ନେଇ ବିଜ୍ଞପ୍ତି ପ୍ରକାଶର ରହିଥିବା ଆବଶ୍ୟକତା ସମ୍ପର୍କରେ ମନ୍ତ୍ରୀଙ୍କୁ ଅବଗତ କରିଥିଲେ। ଡ଼ିସେମ୍ବର ୩୧ ପୂର୍ବରୁ ଏହି ପ୍ରକ୍ରିୟାକୁ ଚୂଡ଼ାନ୍ତ ରୁପ ଦେବାର ପ୍ରୟାସ କରାଯାଉଛି ବୋଲି ମନ୍ତ୍ରୀ କହିଥିଲେ। ଜିଲ୍ଲା ପ୍ରଶାସନ ଦ୍ବାରା ପ୍ରସ୍ତାବ ବିଭାଗ ନିକଟରେ ପହଞ୍ଚିବାରେ ସାମାନ୍ୟ ବିଳମ୍ବ ହୋଇଥିବାରୁ ଏଥିରେ ବିଳମ୍ବ ଘଟିଛି ବୋଲି କହିଥିଲେ।
