Garubhasa Unit Committee - ABSU

29/07/2026

29 जुलाइ 2026 इं :: काशिकत्रा, सिरां

दिनै सिदली-चिरां दख'रा एबसुनि सिङाव थानाय इसिलाकाता गामिनि मुस्री बाबुराम बसुमतारी आरो मुस्रिमा जुमुना बसुमतारीनि आंगो फिसाजो Miss Tirinja Basumatary खौ JEE (Mains) : 935 Rank (ST) आरो JEE (Advance) : 1235 Rank (ST) मोननानै बिथाङा NIT Durgapur आव Computer Science & Engineering आव मुं थिसननो हानायखौ गोजोननायजों सिदली-चिरां दख'रा एबसुआ दुंब्रुदयै बरायहैयो। मिथिनो गोनांदि बिथाङा St. Albert High School Bongaigaon (SEBA) निफ्राय HSLC आन्जादाव 96.00 % मोननो हादोंमोन आरो Bongaigaon District Topper बो जानो हादोंमोन। बेनि उनाव बिथाङा Sai Vikash Senior Secondary School, Guwahati निफ्राय HS आव 93:40% लानानै उथ्रिदोंमोन। बिथाङा गुबुन-गुबुन IIT आव गुबुन-गुबुन बिफानाव मुं थिसननो सायख'जादोंमोन, नाथाय गावनि थांखि Computer Science & Engineering खौ बे NIT आवसो मोननायखाय बिथाङा NIT, Durgapur आवनो मुं थिसनो।
बे बरायहैनाय हाबाफारिआव दख'रा एबसुनि आफादगिरि मुस्री दानसोरां बसुमतारी आरो गाहाइ नेहातारी मुस्री देरहासाद दैमारी बिथांमोनहा बाहागो लाहैयो। लोगोसे गरुभाषा दालाइ एबसु, गरुभाषा गुदि बर' थुनलाइ आफाद आरो समाज आफादनि दैदेनगिरि बिथांमोनहाबो बाहागो लाहैनानै बरायहैयो।

27/07/2026

14/07/2026

फै बयबो बाहागो लाफै

चिदलि सिरां दखरा आफाद एबसुनि बानजायनायाव "बड'फा गोजोरथिआरि सोलायनाय मावथांखि" जों लोब्बा लाखिनानै 13 बोसोर बैसो सिंनि जोलुर गेलेगिरिफोरखौ फैगौ 17 जुलाई 2026 खालार खालि सायख'नो थि खालामनाय जादों बेखायनो जोंनि गरुभाषा ओनसोलनि 13 बोसोर बैसो सिंनि जोलुर गेलेगिरिफोरखौ बाहागो लानो थाखाय खावलायनाय जाबाय।

06/07/2026

गरूभाषा, सिरां
6 जुलाइ, 2026

गरूभाषा दालाय आफाद एबसुनि सिङाव थानाय सामथाइबारि गामि आरो सामथाइबारि आलारि क्लबनि बानजायनायाव थाखो 1 निफ्राय थाखो 8 सिम फरायनाय फरायसाफोरनि थाखाय दानमोनसे गोलोम बोथोरनि फोरोंथाय मावबादा बेखेवनानै होयो । बे बेखेवनाय हाबाफारियाव गरूभाषा दालाय आफादनिफ्राय आफादगिरि बिरनजाय बरगयारी आरो गेलेमु नेहाथारि बेलसि बसुमतारी बिथांमोनहा बाहागो लाहैयो ।

04/07/2026

4 जुलाइ, 2026: गरूभाषा, सिरां
गरुभाषा दालाय दुलाराय बर’ फरायसा आफादनि बानजायनायाव गोलोम बोथोरनि बन्द समाव बेसेन नाङै फोरोंथाइ मावबादा थाखो-9 आरो 10 नि थाखाय बेखेवनाय जायो। बे फोरोंथाइ मावबादा बेखेवनाय हाबाफारियाव फारियै बुंथिगिरि आलासि बाहागो लानो हायो-

1) गरुभाषा गोजौसिन गेजेरारि फरायसालिआव मेल सामलायगिरि गरुभाषा दालाय आफादनि आफादगिरि बिरनजय बरगयारी, गाहाय आलासि दुलाराय बर’ फरायसा आफादनि गाहाइ नेहाथारि खनिन्द्र बसुमतारी बिथां। बेल बेखेवगिरि सिरां जिल्ला एबसुनिफ्राय गेलेमु नेहाथारि समर नार्जारी आरो लोगो सोलोंथाइ नेहाथारि कामेस्वर बसुमतारी बिथां। सिदली-चिरां दख'रा एबसुनि सोलोंथाइ नेहाथारि अलंबार बसुमतारी बिथां। लोगोसे फरायसालिनि गोरायुं देनजाराज नार्जारी बिथांमोन। गरुभाषा गोजौसिन गेजेरारि फरायसालि सामलाय आफादनि आफादनि आफागिरि हिरिम्ब बसुमतारी आरो आजिरा मोननाय Asstt. Senior भारत भुसन बसुमतारी।

2) चाम्फाबथि गोजौ फरायसालियाव सिरां जिल्ला एबसुनि नेहाथारि दैथुन कुंगुर बसुमतारी बिथां। सिदली-चिरां दख'रा एबसुनि गाहाइ नेहाथारि देरहासात दैमारी बिथां। लोगोसे फायसालिनि गाहाय फोरोंगिरि देरहासाद बसुमतारी बिथां आरो अल आसाम ट्राइबेल संघनि बोसोनगिरि जगेन नार्जारी बिथांमोन।

29/06/2026

गोजोन्थाव खौरां

गरुभाषा दालाय आफाद एबसुनि बानजायनायाव "गुन गोनां सोलोंथाय मावथांखि" खौ बिथा खालामना फैगौ 4 जुलाय 2026 इं खालार खालि फुंनि 8:30 रिंगायाव गरुभाषा दालाय आफाद एबसुनि सिङाव थानाय चाम्फाबथि गोजौ फरायसालि आरो गरुभाषा गोजौसिन गेजेरारि फरायसालिआव गोलोम बोथोर बन्दनि बेसेन नांङै फोरोंथाय मावबादा खुंफुंनो थि खालामनाय जादों। बेखायनो थाखो 9 आरो 10 नि फरायसाफोरखौ फैनानै सोलोंफैनो थाखाय खावलायनाय जाबाय।

03/06/2026

खालार - 03-06-2026
गरुभाषा सिरां

नैथि सान

दिनै गरुभाषा दालाय आफाद एबसुनि सिङाव थानाय सामथाइबारि ME फरायसालि आरो बिथराय हिनजावसा ME फरायसालिआव फरायसाफोरखौ थांनानै लोगो हमहैनाय हाबाफारि लानाय जादों बे हाबाफारियाव सिरां जिल्ला एबसुनि लोगो सोलोंथाय नेहाथारि कामेस्वर बसुमतारि,सिदलि सिरां दखरा आफाद एबसुनि आफादगिरि दानसोरां बसुमथारि गाहाय नेहाथारि देरहासात दैमारि सिदलि सिरां दखरा आफाद एबसुनि बोसोनगिरि एनज मुसाहारि जोंनि दालाय आफादनि आफादगिरि बिरनजय बरगयारि आरो गाहाय नेहाथारि सिमां बसुमतारि बिथांमोनहाबो बाहागो लानाय जादों।

02/06/2026

खालार- 02-06-2026
गरुभाषा सिरां

दिनै गरुभाषा दालाय आफाद एबसुनि सिङाव थानाय चाम्फाबथि गोजौ फरायसालि आरो गरुभाषा गोजौसिम फरायसालिनि फरायसाफोरजों थांनानै लोगो हमहैनाय आरो आथिखाल सोलोंथाय थासारिखौ बिथा खालामना दान्दिसे सावरायहैनाय जायो। बे हाबाफारियाव सिरां जिल्ला एबसुनि लोगो आफादगिरि आरो सिरां जिल्ला एबसुनि लोगो सोलोंथाय नेहाथारि कामेस्वर बसुमतारि बिथांआबो बाहागो लायो बेजों लोगोसे सिदलि सिरां दखरा आफाद एबसुनि गाहाय नेहाथारि देरहासात दैमारि, बोसोनगिरि एनज मुसाहारि, बाथ्रा दान्थे नेहाथारि फुंजा औवारि दालाय आफाद एबसुनि आफादगिरि बिरनजय बरगयारि आरो गाहाय नेहाथारि सिमां बसुमतारि बिथांमोनहाबो बाहागो लानाय जादों।

26/05/2026

खालार:- 26.05.26
गरुभाषा सिरां

दिनै Garubhasa State dispensary नि Pharmacist Nityam Kr. Nath मानगोनां बिथाङा फैगो 31.06.26 इं खालार खालि आजिरा लागोन बेनिखायनो आजिरा लानायनि सिगांनो जोंनि दालाय आफाद एबसुनि मावखुलियाव बिथांखौ मान बावनायजों लोगोसे बोथिसे ओंखाम जाहोनाय जादों मानोना बिथाङा गरुभाषा ओनसोलनि थाखाय थाद'नाय गैयै सावस्रिनि गोबां सिबिथाय होबोदोंमोन । बे हाबाफारियाव गरुभाषा Out Post नि IC मानगोनां बिथांजों लोगोसे जोंनि सिदलि सिरां दखरा आफाद एबसुनि गाहाय नेहाथारि देरहासात दैमारि,लोगो आफादगिरि समर नार्जारि गरुभाषा गुदि बर थुनलाइ आफादनि आफादगिरि बाबुराम बसुमतारि,लोगो आफादगिरि चक्र नाजारि, गरुभाषा गुदि थ्रायबेल संघनि नेहाथारि बिरन दैमारि सिरां जिल्ला एबसुनि बारग' नेहाथारि हिरिम्ब बसुमथारि बिथां मोनहाबो हाबाफारियाव बाहागो लानाय जादों।

09/05/2026

9 मे, 2026: गरुभाषा,सिरां
सिदली-चिरां दख'रा दुलाराय बर' फसायसा आफादआ देग्लाय 2026 इं बोसोरनि दख'रा आफादनि सिंनिफ्राय गासै सा 87 मेट्रिक आन्जादाव सेथि मासि उथ्रिसार जानाय फरायसाफोरखौ बरायनाय आरो मान बाउनाय हाबाफारि लानाय जायो काशिकत्रानि बैराथि नब्लांआव। बे हाबाफारिखौ दख’रा आफादनि आफादगिरि दानसोरां बसुमतारी बिथाङा मेलनि मासि लानानै सामलायनायाव गाहाय आलासि महरै बाहागो लायो दुलाराय बर' फरायसा आफादनि आफादगिरि मानाव गेदेद खोरोमदाव औवारी बिथाङा। लोगोसे बेखेवगिरि आलासि महरै बाहागो लाफैयो सिरां जिल्ला एबसुनि गाहाइ नेहाथारि ड० रेडियान नार्जारी बिथाङा। बे हाबाफारियाव मिरु एबसुनिफ्राय नेहाथारि बिरखां नार्जारी आरो लोगो सोलोंथाइ नेहाथारि बिस्वजित नार्जारी बिथांमोन बाहागो लानो हायो।लोगोसे दख'रा एबसुनि ओन्सोलनि सानसुमैफोर आरो फोरोंगिरिफोर फरायसाफोर बाहागो लानाय जायो।