22/09/2026
22 सेप्तेम्बर, 2026
बरलाउगाव दालाइ एबसु
बिजनी, सिरां बि. टि. आर
सिरां जिल्ला दुलाराय बर' फरायसा आफादा सोलोंथाइ आरो समाजारि सांग्रांथिनि थाखाय "बड'फा गोजोरथियारि सोलायनाय मावथांखि" खौ बिथा खालामनानै दाइन साननि मटर साइकेल हान्जा सुरनाय हाबाफारिखौ थांनाय 15 सेप्तेम्बर, 2026 अक्ट'खालि बिजनी दख'रा एबसुनिफ्राय जागायनानै दिनै 10थि दुवार दख'रा एबसुनि सिङाव थानाय दादगारि दालाइ एबसुनि सिङाव थानाय धोरोमफुर गामिनि गेवलां गेलेग्रा फोथाराव हाबाफारिखौ फोजोबफैबाय।
दिनैनि बे जोबथा हाबाफारियावनो गाहाइ बुंथिगिरि आलासि महरै बाहागो लायो दुलाराय बर' फरायसा आफादनि गाहाइ नेहाथारि मुस्रि खनिन्द्र बसुमतारी बिथाङा ।
मिरु एबसुनि लोगो आफादगिरि मुस्रि उमेस दैमारी, सोलोंथाइ नेहाथारि मुस्रि सोमावसार बसुमतारी, हारिमु नेहाथारि मुस्रि सुसिल इस्लारि, सुबुं फोनांजाब नेहाथारि मुस्रि सोमदोन ब्रह्म, रांगिरि मुस्रि सरनजिथ नारजिनारि, लोगो हारिमु नेहाथारि मुस्रि बुदिराम बसुमतारी आरो मावख' नेहाथारि निथु बर' बिथांमोनहा बाहागो लाफैयो ।
लोगोसे बे हाबाफारियावनो सिरां जिल्ला बर' थुनलाइ आफादनि आफादगिरि प्रसान्त इस्वारी, बोसोनगिरि नगेनद्र नार्जारी, लोगो आफादगिरि सुखेल बसुमतारी, बिजनि जिल्ला ट्राइबेल संघनि आफादगिरि सुक्लेस्वर बसुमतारी, सिरां जिल्ला बाथौ गौथुमनि आफादगिरि स्यामा चरन बसुमतारीया गाहाइ नेहाथारि मन'लाल बसुमतारी, आरो गोबां दैदेनगिरि बिथांमोनहा बाहागो लायो ।
बरलाउगाव दालाइ एबसुआ बे हाबाफारियाव जोबजासे बाहागो लायो । बे हाबाफआरिआव बाहागो लादोंमोन दालाइ एबसुनिनि आफादगिरि मजेन बसुमतारी आरो लोगो सोलोंथाइ नेहाथारि बुरखां बसुमतारीआ। बेनिनो दिनै गाहामै सौफैफिननो हानाय दैदेनगिरि मावथिफोरखौ बरायबाय🎊🎊💐💐 जोबोर खस्तयै गावसोरनि बेसेनगोसा समखौ हारि दानायनि जांख्रिखांनाय मथर साइकेल हान्जा सुरनाय हाबाफ्रिखौ जाफुंसार होनायनि थाखाय साबायखर बाउहरबाय जाबाय।