11/04/2026
যোৱা কালি, অৰ্থাৎ ১০/০৪/২০২৬ ইং তাৰিখে ঘোষিত হোৱা হাইস্কুল শিক্ষান্ত পৰীক্ষাত উৎকৃষ্ট সাফল্যৰে উত্তীৰ্ণ হোৱা সদৌ ভাওঁৰাগুৰী অঞ্চলৰ প্ৰতিভাশালী ছাত্ৰ-ছাত্ৰীসকললৈ উত্তৰ বিজনী আঞ্চলিক সমিতি, এবিএমছু - Abmsu য়ে গভীৰ আনন্দ আৰু গৌৰৱ প্ৰকাশ কৰে। সমিতিৰ প্ৰতিনিধিসকলে তেওঁলোকৰ ঘৰত উপস্থিত হৈ আন্তৰিক সম্বৰ্ধনা জ্ঞাপন কৰাৰ লগতে ভৱিষ্যতৰ বাবে মূল্যবান দিশ-নিৰ্দেশনা আৰু সু-উপদেশ আগবঢ়ায়।
এই সফলতাই কেৱল ব্যক্তিগত কৃতিত্ব নহয়, বৰঞ্চ সমগ্ৰ অঞ্চলখনৰ বাবে এক গৌৰৱৰ বিষয় বুলি সমিতিয়ে উল্লেখ কৰে আৰু ছাত্ৰ-ছাত্ৰীসকলক আগন্তুক দিনসমূহতো একে ধৰণে আগবাঢ়ি গৈ বৃহৎ সফলতা অৰ্জন কৰিবলৈ উৎসাহিত কৰে।
