03/09/2026
કાનુડો એટલે એક એવું નામ કે જે બાળક થી લઈ ને વયો વૃદ્ધ વ્યક્તિ , સ્ત્રી હોય કે પુરુષ હોય , દરેકનું પ્રિય પાત્ર.
એ માખણ ચોરે તો પણ મન જીતી લે,મટકી ફોડે તો પણ દિલ જોડે...કાનુડો થોડો શરારતી, ઘણો મનમોહક અને સૌના દિલ ની એકદમ નજીક! .....
પણ...... કા'ના ના દિલની નજીક એની બાંસુરી ,રાધા અને ગૌમાતા...આવતીકાલે સૌ કૃષ્ણ જન્મોત્સવ ખૂબ ભાવથી ઉજવશે ત્યારે આજે કા'ના ની પ્રિય ગૌમાતા ની થોડી વાત કરીએ...
આપણી ભારતીય સંસ્કૃતિમાં ગૌમાતા ,ગૌસેવા નું વિશેષ મહત્વ છે.આ દરેક અબોલ જીવોની પાસે પણ એક ભાષા હોય છે.એ ભાષા શબ્દોમાં નથી હોતી…
તેમની આંખોમાં,લાગણીમાં અને આપણા સ્પર્શને મળતા વિશ્વાસમાં હોય છે. તેઓ બોલી નથી શકતા,
એટલે આપણી કરુણા જ તેમની ભાષા બને . કારણ કે નિઃશબ્દ જીવો પણ , પ્રેમની ભાષા ખૂબ સારી રીતે સમજે છે.
અમારી અસ્મિતાની "ચંચલ બા ગૌશાળા".....જેમાં રેવા ,રેવતી ,રાધિકા, ગોપીકા, પૂર્ણા જેવા ગૌમાતા ના નામ.....ગૌશાળા ના ગોવાળ તો ગાયની સેવા કરે પરંતુ અસ્મિતા પરિવારની દરેક વ્યક્તિઓ આ ગૌમાતાના આશીર્વાદ અને પ્રેમ મેળવવાનો પ્રયત્ન કરે.
અમારા મનો દિવ્યાંગ બાળકો પણ આ
ગૌમાતાની મુલાકાત કાળજી સાથે લે. રોજ ગૌમાતા પાસે જઈએ ત્યારે એમના સ્પર્શની ભાષા આપણને પણ સમજાવા લાગે.
આ અબોલ પ્રાણીઓનું જીવન પણ મનુષ્યના જીવનથી કંઈ સરળ નથી.! આ ગૌમાતા જ્યારે વાછરડા કે વાછરડીને જન્મ આપે ત્યારે તેને માનવ નું બાળ જન્મ જેવી જ પ્રક્રિયા હોય છે. એ સમયે તેની માનવ ની જેમ જ વિશેષ કાળજી રાખવી પડતી હોય છે.આ બધું જ્યારે ગૌમાતાની સાથે રોજ રહીએ છીએ ત્યારે અનુભવાય છે.
ગૌશાળા ના ગોવાળ પોતાના જન્મેલ બાળકને સંભાળે, એ જ રીતે આ ગૌમાતા ના તાજા જન્મેલ વાછરુ ને સાચવે .
અસ્મિતા વિકાસ કેન્દ્ર એક એવુ પ્લેટફોર્મ છે જ્યાં સેવા સાથે રોજ કંઈક નવું અનુભવવા મળે. એ અમારા મનો દિવ્યાંગ બાળકોના પ્રશ્નોની સાથે એમની લાગણીઓ અનુભવાય , ગૌમાતા ની જવાબદારીઓ સાથે એમના આશીર્વાદ મેળવવાનો લ્હાવો, અસ્મિતા ગુરુકુલમ વર્ગો ના ગામડા ના ટીનએજર બાળકોનો તકલીફો સાથે પણ કંઈક નવું શીખવાનો અનેરો ઉત્સાહ , અસ્મિતા ના વૃક્ષો અને છોડના, પવનની દિશામાં લહેરાતા પર્ણો, પુષ્પો પણ, સૌને જીવન ની મુશ્કેલીઓ સાથે ઉમંગ થી જીવવાનો એક સંદેશ શીખવી જાય..
.....અસ્તુ......
