25/08/2021
કોંકણ (મહારાષ્ટ્ર) માં આવેલા ભયાનક પુર થી લાખો નું જાન-માલ નું નુકશાન થયું હતું આ પુરગ્રસ્ત લોકો ને મદદ માટે દુનિયાભર માંથી લોકો વ્હારે આવ્યા હતા, જેના ભાગરૂપે *ખિદમતે ખલ્ક ચેરીટેબલ ટ્રસ્ટ,ભરૂચ થકી ૪૦ સિલાઈ મશીન તથા ૩૫ જેટલા કુટુંબીજનો ને ગાડી રીપેરીંગ અને બીજા નાના મોટા રોજીરોજગાર ઉભા કરવા આર્થિક મદદ કરવામાં આવી હતી.* ઉલ્લેખનીય છે કે ખિદમતે ખલ્ક ચેરીટેબલ ટ્રસ્ટ,ભરૂચ દ્વારા છેલ્લા ૭ વર્ષ થી સમાજ માટે અનેક પ્રવૃત્તિઓ હાથ ધરી જિલ્લામાં પોતાની આગવી ઓળખ ઉભી કરી છે.યતિમ બાળકોને શિક્ષણ માટે મદદ, વિધવાઓને સહાય, બેસહરા વૃધ્ધો ને મદદ કરવી ,બ્લડ ડોનેશન કેમ્પ જેવા અનેક સમાજ ને ઉપયોગી કાર્યો કરવા એ ટ્રસ્ટ ની હરહંમેશ લાગણી રહી છે હાલમાં થયેલી કોરોનાની મહામારી માં ટ્રસ્ટ દ્વારા કરવામાં આવેલી કામગીરી ને અનેક સંસ્થાઓએ નોંધ લીધી હતી. આમ, કુદરતી આફત હોય કે માનવસર્જિત દરેક સમયે ખિદમતે ખલ્ક ચેરીટેબલ ટ્રસ્ટ હરહંમેશ સમાજ ની પડખે રહી સેવાના કામો કરતા ક્યારેય પણ પીછેહઠ કરતું નથી.
