11/06/2023
ବହୁତ #ଗରମ ! #ଗୁଳୁଗୁଳି ! ବେଳେବେଳେ ତାତି ଏତେ ଅସହ୍ୟ ହେଉଛି ଯେ ସହି ହେଉନି I ଋତୁ ଚକ୍ରର ପରିବର୍ତ୍ତନକୁ ମାନି ନେବାକୁ ପଡିବ ଆମକୁ ଯେମିତି ହେଲେ I ପରିବର୍ତ୍ତନ ହେଉଛି ପ୍ରକୃତିର ଅପରିବର୍ତ୍ତନୀୟ ନିୟମ I ଯେଉଁଥିପାଇଁ ଏ ଋତୁ ପରେ ସେ ଋତୁ, ସେ ଋତୁ ପରେ ସେ, ଋତୁ.... ବେଳେବେଳେ ସମୟ ଅନୁସାରେ ଋତୁ ନ ଆସିଲେ ମଧ୍ୟ #ଋତୁ କିନ୍ତୁ ଆସେ I କେତେବେଳେ ଏହା ଆମକୁ ଏକ #ସୁନ୍ଦର_ଅନୁଭୂତି ଦେଇଥାଏ ତ କେତେବେଳେ #ଅସହ୍ୟ କରିଦେଇଥାଏ I କିନ୍ତୁ ଧୈର୍ଯ୍ୟ ଧରି ସେ ସବୁ ସହିବାକୁ ପଡିବ ଆମକୁ I ସେଇଥିପାଇଁ ତ ଈଶ୍ୱରଙ୍କ #ଶ୍ରେଷ୍ଠ_ସୃଷ୍ଟି ମଣିଷ I ମଣିଷ ପାଖରେ ସବୁ ଅଛି I ଧୈର୍ଯ୍ୟ ଅଛି, ନିଷ୍ଠା ଅଛି, ସାହସ ଅଛି, ସହିବାର ଶକ୍ତି ଅଛି, ପରିସ୍ଥିତିରୁ ମୁକୁଳିବାର ଉପାୟ ଭାବିବା ପାଇଁ ଚିନ୍ତାଶକ୍ତି ଅଛି; ବୁଦ୍ଧି, ବିବେକ, ଜ୍ଞାନ ସବୁ ଅଛି I ସେ ସବୁକୁ ଖଟେଇ ମଣିଷ ମଧ୍ୟ ଅହରହ ଚେଷ୍ଟା ଚଳେଇଚି କେମିତି ଅସହ୍ୟକୁ ସହ୍ୟ କରିବ I ଅହରହ ସେଥିପାଇଁ #କାମ କରିଚାଲିଛି ମଧ୍ୟ I କାମ କରିବା ମଣିଷର #ସହଜାତ ପ୍ରବୃତ୍ତି I କାମ ନ କରି ମଣିଷ ସ୍ଥିର ହେଇ ରହି ପାରେନି I କାମ କରିବାକୁ ହିଁ ପଡିବ I କଥାରେ ଅଛି, 'ପେଟ ପାଇଁ ଏତେ ନାଟ I' ଈଶ୍ୱର ଯେଉଁ ପେଟ ଚାଖଣ୍ଡକ ଦେଇଛନ୍ତି, ତାକୁ ପୂରା କରିବା ପାଇଁ ମଣିଷ କେତେ ପ୍ରକାର କାମ କରିବାକୁ #ବ୍ରତୀ ହୋଇଥାଏ I ତେବେ ବର୍ତ୍ତମାନ ଯେଉଁ ଅସହ୍ୟ ଗରମ ଓ ଗୁଳୁଗୁଳିର ପରିସ୍ଥିତି ଯେତେ କାମ ଥାଉ ପଛେ; ନିହାତି ଯେତିକି କରିବା #ଆବଶ୍ୟକ ସେତିକି କଲେ ଭଲ I କାରଣ ଏଭଳି ଅସହ୍ୟ ଗରମକୁ ସହି ବହୁତ ବେଶୀ କାମ କରି ନିଜକୁ ଅଣନିଶ୍ୱାସୀ ନ କଲେ ଅନ୍ତତଃପକ୍ଷେ ଶରୀର ଭଲ ରୁହନ୍ତା I ଆମକୁ ସେଭଳି କଷ୍ଟ ହୁଅନ୍ତା ନାହିଁ I ପ୍ରବଳ ମାତ୍ରାରେ ପାଣି ପିଅନ୍ତୁ I ମୁଣ୍ଡରେ ଓଦା କନା ଦେଇ ଘରୁ ବାହାରନ୍ତୁ I ଘରେ ଥିଲେ ମଧ୍ୟ ଗରିଷ୍ଠ ଖାଦ୍ୟ ନଖାଇ ଅଧିକ #ଜଳୀୟ ଅଂଶ ମିଳୁଥିବା ଖାଦ୍ୟ ଖାଇଲେ ଭଲ I ଦେହକୁ #ଶାନ୍ତ ରଖିବା ସହିତ #ମନ କୁ ମଧ୍ୟ ଶାନ୍ତ ରଖିବାକୁ ଚେଷ୍ଟା କରନ୍ତୁ....
