Mazdia Garemari Naba Jagaran Manch

11/09/2026

নমস্কাৰ,
এটা সৰু সহায়ৰ আহ্বান 🙏

মোৰ গাঁৱত বহুতো প্ৰতিভাৱান ডেকা ল'ৰা আছে। সিহঁতে পুৱা-গধূলি খেলপথাৰত ফুটবল খেলে, ভলীবল খেলে। কিন্তু দুখৰ কথা, সিহঁতৰ হাতত এটা ভাল ফুটবল, এখন নেট, এটা জাৰ্চি পর্যন্ত নাই।

জোতা নোহোৱাকৈ খালী ভৰিৰে খেলি সিহঁতে জিলা পৰ্যায়ত খেলিবলৈ সপোন দেখে। সঁজুলিৰ অভাৱত সিহঁতৰ সপোনবোৰ যাতে হেৰাই নাযায়।

যদি কোনো দয়ালু ব্যক্তি, কোনো ক্লাব, কোনো পুৰণি খেলুৱৈয়ে আমাক অলপ সহায় কৰে -
দুটা ফুটবল, দুটা ভলীবল , এখন নেট, ১৫ টা জাৰ্চি...

সেয়াই আমাৰ ল'ৰাবোৰৰ বাবে বহুত ডাঙৰ উৎসাহ হ'ব। সঁজুলি পালে সিহঁতে বেয়া অভ্যাসৰ পৰা আঁতৰত থাকিব, গাঁৱৰ নাম উজ্বলাব।

কোনোবাই সহায় কৰিব পাৰিলে অনুগ্ৰহ কৰি জনাব। আপোনাৰ সৰু সহায় এটাই এটা ডাঙৰ সপোন জীয়াই ৰাখিব।
ধন্যবাদ।

05/09/2026

শিক্ষক দিৱসৰ আন্তৰিক শুভেচ্ছা 🙏

এজন শিক্ষক কেৱল পাঠদান কৰা ব্যক্তিয়েই নহয়, তেওঁ হৈছে এখন সমাজ গঢ়াৰ খনিকৰ।
আন্ধাৰৰ পৰা পোহৰলৈ বাট দেখুওৱা প্ৰতিগৰাকী শিক্ষা গুৰুলৈ NGO ৰ তৰফৰ পৰা সেৱা, সন্মান আৰু কৃতজ্ঞতা জ্ঞাপন কৰিছোঁ।

আপোনালোকৰ ত্যাগ, ধৈৰ্য আৰু মৰমৰ বাবেই আজি বহু শিশুৱে সপোন দেখিবলৈ শিকিছে।
আপোনালোকলৈ আমাৰ শতকোটি প্ৰণাম।

শুভ শিক্ষক দিৱস!

03/09/2026

ফুটবল লীগৰ প্ৰাইজ সম্পৰ্কে স্পষ্টীকৰণ

আমাৰ গাঁৱৰ যোৱা ১৫ আগষ্ট উপলক্ষ্যে আয়োজন কৰা ফুটবল লীগখন সফলভাৱে সামৰণি পৰিল। খেলত সহযোগ কৰা সকলো দৰ্শক, খেলুৱৈ আৰু শুভাকাংক্ষীক আয়োজক কমিটিৰ তৰফৰ পৰা ধন্যবাদ।

আৰম্ভণিতে দুজন দাতাই প্ৰাইজ দিম বুলি প্ৰতিশ্ৰুতি দিছিল যদিও, শেষ মুহূৰ্তত তেওঁলোকে দিব নোৱাৰিলে। যাৰ বাবে আয়োজক কমিটিয়ে নিজৰ পুঁজিৰ পৰা প্ৰাইজৰ ব্যৱস্থা কৰি লীগখন সুকলমে সম্পন্ন কৰে।

ভৱিষ্যতে যাতে এনেকুৱা পৰিস্থিতিৰ সৃষ্টি নহয়, তাৰ বাবে অনুৰোধ - প্ৰতিশ্ৰুতি দিয়াৰ আগতে এবাৰ ভাবি-চিন্তি দিব। এখন খেল কেৱল খেল নহয়, গাঁৱৰ সন্মান।
শ্ৰদ্ধাৰ দাতা আমাৰ গাঁৱৰ জনপ্ৰিয় আৰু সন্মানীয় আসনত অধিষ্ঠিত হোৱা দুজন ব্যক্তি।
আপুনি লীগত প্ৰাইজ দিম বুলি কোৱা কথাষাৰৰ ওপৰত ভৰষা কৰিয়েই আমি পোষ্টাৰত আপোনাৰ নাম দিছিলোঁ। কিন্তু শেষলৈকে আপোনাৰ পৰা কোনো সহাৰি নাপালোঁ।
আমি আয়োজক কমিটিয়ে টকাখিনি সন্মানীয় সমাজকৰ্মী আতিকুৰ ৰহমান ডাঙৰীয়া আৰু আয়োজক কমিটিয়ে মিলাই দিছোঁ, খেলখন ৰ'বলৈ দিয়া নাই। মাত্ৰ এটা অনুৰোধ, নোৱাৰিলে পোনপটীয়াকৈ নোৱাৰোঁ বুলি ক'লে আমি বেয়া নাপাওঁ, কিন্তু এনেকৈ কথা দি আঁতৰি যোৱাটো গাঁৱৰ ল'ৰা-ছোৱালীৰ উৎসাহৰ বাবে বেয়া বাৰ্তা যায়,
ধন্যবাদ।

16/08/2026

16/08/2026

৮০ সংখ্যক স্বাধীনতা দিৱস উপলক্ষে মাজদিয়া গৰেমাৰি নৱ জাগৰণ মঞ্চৰ উদ্ধগত আয়োজন কৰা প্ৰীতি ফুটবল প্ৰতিযোগিতাৰ আজি সামৰণি পৰে।

এই প্ৰতিযোগিতাত
প্ৰথম বিজেতা - মাজদিয়া পুৰাণ পাৰা দল।
দ্বিতীয় বিজেতা- বিলপাৰ দল।
দাতা: ইখতিয়াৰ আহমেদ, আতিকুৰ ৰহমান,নজমূল হক
আপোনালোকক মঞ্চৰ তৰফৰ পৰা আন্তৰিক ধন্যবাদ জনাইছো।
দুয়োটা দললৈকে আন্তৰিক অভিনন্দন আৰু অংশগ্ৰহণ কৰা সকলো খেলুৱৈলৈ ধন্যবাদ।

07/06/2025

নমস্কাৰ

16/01/2025

নমস্কাৰ বৰঘোপ ফুটবল কোটচিং চেণ্টাৰৰ উদ্যোগত চলি থকা ফুটবোল প্ৰতিযোগীতাত আজি মাজদিয়া গৰেমাৰী নৱ জাগৰণ মঞ্চৰ প্ৰশিক্ষণৰ পৰা এটি দল প্ৰতিযোগিতাত অংশগ্ৰহণ কৰে।

29/12/2024

নমস্কাৰ,
শ্ৰদ্ধাৰ ৰাইজ, " মাজদিয়া গৰেমাৰী নৱ জাগৰণ মঞ্চ"ৰ, চলি থকা খেল প্ৰশিক্ষণ শিবিৰলৈ ফুটবল আগবঢ়াইছে। বৰপেটা জিলাৰ চেঙা নিবাসী, বিশিষ্ট সমাজ সেৱক, সন্মানীয় ইলিয়াছ আলী ডাঙৰীয়াই। আপোনক মঞ্চৰ তৰফৰ পৰা আন্তৰিক ধন্যবাদ জ্ঞাপন কৰিছোঁ।