03/10/2025
"Kya Sirf Aqeedatmand'o Ne Aap ka Yeh Maqam Bana Rakha Hain"
"pheli baat jou qabile tawajuh or badi Azeem baat woh yeh hain, Mai Sayeduna Gaus ul Azam (r.a)ka haal bayan keronga sirf Muhadiseen ke zuban se Aaeima-e- Hadith se ne kya kaha Taa'ke koi Radd na ker sake."
"Aaeima-e-Ilm ne kya kaha,"
"Aaeima-e-Fiqh ne kya kaha,"
"kya sirf Aqeedatmando ne Aap ka Yeh Maqam bana rakha hain."
" Ya jaleel'ul Qadr Aaeima-e-Ilm, Aaeima-e- Tafsir, Aaeima-e-Hadith. Ne kya kaha"
"Huzoor Sayeduna Gaus ul Azam (r.a) na sirf yeh ke Wilayat mein sirf Gaus ul Azam they Aap ilm mein bhi Imam-e- Akbar they."
*"Agar title dusra use kerna chaho toh imam- e-Akbar they."
"jaleel-ul-Qadr Muffasir they,"
"Imam -e- Tafsir they,"
"Imam-e-Hadith they,"
"Imam-e-Fiqh they."
"Yeh nahin ki sirf karamate hain unki."
"Apne Daur ke bade Akabir Aeima Jaleel-ul-Qadr Aaeima unke students they jinhone Unse"
"Ilm-ul-Hadith"
"Ilm-ul-Tafsir"
"Ilm-ul-Aqeeda"
"Ilm-ul-Fiqh padha or Huzoor Sayeduna Gaus ul Azam (r.a) her Roz Apne Dars mein 13 ullom ka dars dete they. itne bade Aalim -o- Shariyat -O- Tariqat padhate they students ko or Aap ka jou Darulluom tha Madarsa Baghdad mein toh "Hazrat -e- Shaykh Hammad dabbas "ka qayam kerda tha jou onhone aap ko muntakil kiya aap ke madarsa se"
"ilme Hadith"
"fiqh"
"Aqeeda"
"Tasawuf"
"Ullom'e Marifat"
"Ullom'e Deen padhate they."
Aaj Tak aap is baat se Aa'gaah howe ?
*"Is Ummat per kitna bada ahsan hai Sarkar Gaus ul Azam ( r.a) ka."
*"90 baras umr Mubarak hoi Aap ki."
*"Or her saal 3000 Jayad Ullema,Muhades,Mufisr, Fiqhi, bana ker ke ummat ko de Diya."*
*"Her saal 3000 graduate hote."**"Or is se Ajeeb ter Baat Shahyad Aap ke Ilm Mein ho."*
*"Sultan Salahuddin Ayubi jab Al-Quds fatah kiya jis lashkar ke zariye jis Army ke zariye Bait'-ul-Maqdis fatah kiya ous Army ke Jou Sepahi they or jou Military men they ous mein bhari Aksariyaat Huzoor Sayeduna Gaus ul Azam ( r.a ) ke (Tulba) students ki Thi aap ke Madarsa se farig or tahseen hone wale (talaba) students sirf mutahajak he na they balke Azeem Mujahid bhi they."*
*"Sultan Salahuddin Ayubi ke aadhi se Zayda fauj Aap ke Madarsa ke( tulaba) students ki Thi woh Aaleem bhi they or baki kuch Imam Ghazali ke Madarsa ke they yeh Sultan Salahuddin Ayubi ke fauj ka Naksha hai."*
*"Or jou chief Advisor they Sultan Salahuddin Ayubi ke, " Imam Mouwafak Al-deen ibne khudama al-Maqdisi Al-Hambali" yeh Huzoor Sayeduna Gaus ul Azam ( r a ) ke shagird or Khalifa hai baraherast."**"Aab Aap Dekhe Tareekh mein Jou Sunhera Baab hain Sultan Salahuddin Ayubi ne jou raqm kiya woh Faiz kis ka tha, Woh Sayeduna Gaus ul Azam ka Faiz tha."**"Imam Ibn Qudamah al-Maqdisi, Al-Hambali farmate hain ,"*
*" yeh Imam Zehbi ne "Siyar A‘lam an-Nubala" mein likha . Allama Zehbi ki Tarikh Al-Islam ko outhiye"* *"Tamam kutub ( Books) asma o rijal mein Ja Sayeduna Gaus ul Azam ( r.a )"ka zikr aya hain"*
*"bagair kisi jagah ke missing ke Aap ko yeh shamail milegi "**"Muhadiseen ki Qutub'o asma o rijal mein. Or Maine Imam Zehbi jou Imam hain hadees ke unki "Siyar A'lam an-Nubala " mein quote hazar ha ullema jayad aalim akhri saal tak aap ka padhane ka amal jari raha 90 saal umr tak aap ne hadees padhaei or fiqh padhaei."**"Imam Ibn Qudamah al-Maqdisi, Al-Hambali Farmate hain"*
*"Hum jab Aap ke khidmat mein Hazir howe Mai or Mera Cousin Imam Abdul Ghani Al-Maqdisi Al-Hambali."*
*"(yeh dono Hanabela fiqah) "* *"Hambali Fiqh ke Jaleel-ul-Qadr Imam or Tareekh-e-Islam ke Jaleel-ul-Qadr Muhades or yeh Allama ibne Tehmiya ke Dada Shaykh hain. "*
*"Yani Imam ibn Qudamah Al- Maqdisi, Al-Hambali ke Shahgird or ek unke Shahgird or unke Mureed Allama ibne Tehmiya hain"**"Allama ibne Tehmiya ke Baaz Aqaid mein Baaz mamulaat mein inteha pasandi aa g*ei Magar majmoi tor pe loog samajhte hain woh Munkir-e-Tasawuf they Yeh galat hain ."*
*"Unke baaz mamlat mein unki tashreehat or Taweillaat mein inteha pasandi thi jin se Hume Ikhtelaf hain."*
*"Magar majmoi tor pe woh Munkir-e-Tasawuf nahin they woh tasawuf ke qayal they tasawuf pe unka Aqida tha Auliya Sufiya ke Aqeedatmand they or tareeka Qadriya mein bait they."**"Allama ibne Tehmiya ki Jab Death hoi toh waha Damishq mein ek Maqabra tha jou Waqf tha Sufiya ke liye."*
*"ous ko Makabara-tous-Sufiya khete they"**"Maqabir Sufiya Dimashq mein Qabristan tha sirf Sufiya Ikram ke liye waqf tha waha deegar Ullema ki Tadfeen nahin hoti thi woh alag makabir they."*
*"Allama ibne Tehmiya jab Death hoi hasbe Wasiyat thi ki unko Makabare Sufiya mein Dafn kiya jaae."*
*" Aaj ke Din tak Qabr Makabir-e- Sufiya mein hain phir Aage inke Bete ki Death hoi unho bhi Makabir-e- sufiya mein Dafn howe."**"Allama ibne Tehmiya Sayyeduna Gaus-ul-Azam (r.a) ke Azeem Aqeedatmand'o mein se they."*
*"Allamah ibne Tehmiya ki kitab (Book) Al- Istekhama 2 jildo mein hain."*
*"Sab se zayda Auliya mein Sufiya mein jis ka zikr Adab'o ehteraam se Allama ibne Tehmiya ne kiya hain Apni jami kutub (books) mein or Al - istekhama mein woh Huzoor Sayyeduna Gaus-ul-Azam (r.a) ka kiya hain."*
*"Or baaz loog yeh samajhte hain ke yeh Qutub, Abdal , Gaus, yeh humare Manghadat hain yeh aakbir Ullema , Muhadiseen, isko maante nahin they ."**"Allamah ibne Tehmiya ne Jab Sayyeduna Gaus-ul-Azam ka zikr kiya ,Naam likha"*
*"Woh khete hain :- Shaykh yahya bin Yusuf as sarsari riwayat kerte hain Apne Shaykh Ali bin izraees se woh bayan kerte hain"*
*"[Anā hū sāla Qutb al-‘Ārifīn Abā Muḥammad ‘Abd al-Qādir bin ‘Abdullāh al-Jīlānī] "*
*"Ke Maine "Qutub ul Arifeen" Saare Aarif'o Auliya ke Qutub Sayyeduna Shaykh Abdul Qadir Al-Jilani," se sawal Kiya..."*
*" Allama ibne Tehmiya baki kisi sufiya'o ka or Auliya'o mein se kisi ko is tarah Title ke sath bayan nahin kerte"**"Al Istekhama page no :-78 per karamat bayan kiya Allama ibne Tehmiya ne woh khete hain :- "*
*"Or is ko imam shahbuddin soharwardi ne bhi bayan kiya:-"*
*"Izzudeen Abdullah bin Ahmad Umar al-Farusi ne riwayat kiya :- "*
*"Sheikh Muwafiq ud-Deen Abu Khudama Al-Maqdisi Al-Hambali ne bayan kiya:-"*
*"Yani 3 sanad bayan kerte hain yeh Waqia ko"*
*"Note:- Abul Abbas Izzoudeen umar Al-farusi yeh Shaykh hain ibne Tehmiya ke"**"Baghdad mein inhone khilafat ka khirka phena Sayyeduna Shaykh shahbuddin soharwardi se toh ek tarek inka Soharwardiya hou Gaya."*
*"or Dusra"*
*"yeh khalifa or mureed or Shahgird Al-farusi ke."*
*" ibne khudama al-Maqdisi Shahgird hain Sayyeduna Gaus-ul-Azam ( r.a)"*
*"farmate hain humne tareeka Qadriya mein khud Sayyeduna Gaus-ul-Azam se khirka pehna. imam Ibn khuddama al maqdisi or imam Abdul Ghani Al-Maqdisi ne"**"Allama ibn Tehmiya Waqia bayan kerte hain."**"Shaykh soharwardi (r.h) ne bayan kiya ke Mera irada tha jab Mai khutb (Books) padh chuka ullom ki ."*
*"Nawjawan tha 14,15,16 saal umar thi"*
*"ilm'e kalam padhna chahta tha"*
*" ilm'e Falsafa"*
*"Ilm'e Mantiq , padhna chahta tha."*
*(yeh mukhtalif funoon hai )*
*"Yeh Sayyeduna Shaykh shahbuddin soharwardi farmate hain mai kaun si kitab padho Imam-ul-Harmain ki Al Jowaini'e padho Ya Al-Irshad padho Ya Imam Sharistani ki kitab Nihayatul Iqdam padho."*
*"Mai clear nahi tha kaun si kitab padho toh mai is confusion mein tha."**"Mere chacha or Mere Shaykh Abul Najeebuddin soharwardi huzoor Gaus paak (r.a) ki bargah mein Haazir howe."**"Shaykh imam Najeebuddin soharwardi Apne Waqt ke kamil Aqtab mein se they."*
*"Magar Namaz Huzoor Sayyeduna Gaus-ul-Azam(r.a) ki ibbteda mein jaker padte they"**"Toh,"*
*"Mere Shaykh mujhe waha le g*e or khayal tha ki jab Namaz se farig hone ke Baad Majlis hogi toh Hum Aap se arz keringe or Rehnumaei lenge jou Aap farmaeinge woh kitab( Book) Mai shuru keronga."**"is khayal se Gaae Aab Abhi Hum gaae they,"*
*"Na Namaz abhi hoi thi,"*
*"Na Majlis abhi hoi thi,"*
*"khayal Dil mein tha"*
*"Mujhe dekhte he Sayyeduna Gaus-ul-Azam (r.a) Meri taraf mutawaju Howe or Farmaya :- Jou kitabe ( Books) Tum padhne ka irada rakte ho yeh Qabr mein kaam Na Aaeinge ilm kalam ki mantik falsafa ki Qabr mein kaam Na Aaeinge"*
*"Mai samajh gaya Huzoor Gaus paak(r.a) ko kashf hou Gaya or mere Qalb ka haal jaan ker Hidayat ker di toh Maine ruju ker ke Tauba kerli"*is ke baad
*" Allama ibne Tehmiya ke lafz likhte hain Jou unke Dil mein tha, "Shaykh Abdul Qadar Jeelani ko uska kashf hou Gaya."**"Aab Yeh Baat Samajh Aap."*
*"2nd Refrence"*
*"Imam Hafeez ibne Hajar As Kalani ne ek kitab likhi Ous kitab ka naam "Manaqib-e- Shaykh Abdul Qadar Jeelani."*
*"Woh likhte hain 70,000 ka Majma hota (loudspeaker nahin they) jou Aawaz 70,000 ke Ijtema mein pheli saa'f ke loog sunte Utni hi Aawaaz 70,000 Ijtema ki aakhri saa'f sunti"*
*"3rd Refrence "*
*"Mai yeh Baat bata raha hu Imam Ibn Al-Jawzi Jou Jaleel-ul-Qadr Muhades hain Mouzuaat per aasma 'o rijal per bahut bade Jaleel-ul-Qadr Imam or authority."*
*Huzoor Sayyeduna Gaus-ul-Azam (r.a) ki Majlis mein Imam Ibn Al -Jawzi pouche :-*
*Huzoor Sayyeduna Gaus-ul-Azam (r.a) Aap ne Quraan -e- Majeed ki ek Aayat tilawat ki.*
*or Imam Ibn Al-Jawzi ke sath ek or Imam baithe howe they.*
*Jab Huzoor Sayyeduna Gaus-ul-Azam (r.a) ne Aayat tilawat ki or ous ki ek tafseer bayan ki*
*Toh is per Dusre Muhades khete hai Maine Ahista se onse poucha kya aap ko is ayat ki tafseer maloom hain.Onhone Mujhe se Ahista se kaha Haa Mai yeh Tafseer janta hu.*
*Jab Huzoor Sayyeduna Gaus-ul-Azam (r.a) ne ek ayaat ki Dusri tafseer bayan ki toh Maine poucha kya Aap ko yeh Tafseer maloom Hain Imam Jawzi ne kaha "Haa" yeh bhi Maloom hain.*
*phir Jab Huzoor Sayyeduna Gaus-ul-Azam (r.a) Aap ne Teesri tafseer bayan ki, Ous Imam ne Ibn Al Jawzi se poucha kya aap ko Maloom hain aap ne bataya Haa yeh bhi Maloom hain.*
*11 tak tafseer'e jab Huzoor Sayyeduna Gaus-ul-Azam (r.a) ne bayan ker chuke Ibn Al-Jawzi farmate rahe ahista se mujhe yeh bhi tafseer maloom hain.*
*11 tafseer ke baad jab 12 tafseer bayan ki Sayyeduna Gaus-ul-Azam (r.a) ne toh Ibn Al-Jawzi ne kaha yeh Tafseer mujhe Nahin maloom.*
*12vi tafseer se leker 40 tafseer'e Alag Alag ek he Aayat ki bayan ki g*ei or imam Ibn Al -Jawzi ne kaha pheli 11 ke siwa 29 tafseero mein se koi maloom Na thi.*
*"Aaj Hazrat -e- Shaykh se sooni."*
*Huzoor Sayyeduna Gaus-ul-Azam (r.a) ne Farmaya:- Aab Hum Kaal ko Chod ker ke Haal ki taraf aate hain.*
*Farmaya yeh 40 Kaal ki tafseer'e thi or jab Haal ki tafseer pheli bayan ki toh pura Majma Tadap chuka ek cheek o pukar ki Aawaz Buland hoi.*
*Imam Ibn Al-Jawzi Tadpe outhe Muhades -e- Zamana Apne kapde pakad ker phaad ker purze purze ker diye.**Or wajd ke Alam mein Tadpati hoi machli ki tarha niche gir g*e. Yeh imam Ibn Al-Jawzi ka haal hain .**"Az Zehbi ne Siyar A‘lam an-Nubala mein likha Imam Ibn Qudamah al-Maqdisi se ne farmaya ke Sayyeduna Gaus-ul-Azam ke karamat jitne tawatur se Hum tak pouchi hai or jitni Muttawatir un Naql hain Humne phele or baad mein Aaj Tak Rou'e Zameen ke kisi Waliullah ke karamato ka tawatur nahin suna."*
*"Or Wilayat kya thi Farmaya Hum Aap ke Shagird they, Talib'e Ilm they , Aap ke Madarsa ke Hujra mein rehte they , khuda ki Kasam Sayyeduna Gaus ul Azam apne Bete Yahya bin Abdul Qadar unko bhejte Aa ke Humare Hujre ke Charag jala jate."*
*"or Ghar se Darvesh'o ke liye Khaana paka ker bhejte they or Namaz Humare sath aaker padte they . Or hum Aap se asbaat padte they. "*
*"yeh imam Ibn Qudamah Al Maqdisi ne Siyar A‘lam an-Nubala mein bayan kiya"*
*"Imam Ibne Qudamah ne" Zail-O- Tabkatil Hanabela" mein bayan kiya."*
*" jis ko imam Rajab Hambali ki kitab hain"*
*Imam Yafai "Meera tuz Zaman" mein likte hain*
*Imam Zehbi ne "Siyar A‘lam an-Nubala" mein riwayat kiya*
*"Imam ibne Najar ne bayan kiya Zail o Tareek -e- Baghdad 5 Jild."*
*" Imam Yafai farmate hain Sayyeduna Gaus ul Azam (r.a) ka Qubool -e- Aam itna Wasi tha or Aap ki karamat'e Zahira itni thi awwal se aakhir kisi Waliullah ki karamat itni Maqam tak nahi pouchi."*
*Imam Yafai Muhades hain , Fiqah Shafai mein Imam hain . Inhone ne Sher likha kitab " Mira tuz Jienan" mein .*
*Sher Yeh hain :*
*"Gaus ul wara"*
*"Ga'aysoon Nada"*
*" Noor-ul-Huda "*
*"Badd'ru'duja "*
*"Sham'shud'daha "*
*"bal Anwaar'o "*
*"Aaj Baaz loog yeh samjhte hain ."*
*"Aap ko Nadani mein Aap Gaus ul Azam khete hai yeh Na jaiz hain. 'Gaus' Allah ke Siwa koi nahin hota. yeh imam , Muhades or Fuqaha or Imam'e Fiqh unko Gaus khete hain."*
*" Yeh unki aqeedat'e thi."*
*"Hafiz ibne kasir Allama ibne Tehmiya ke Shahgird. Hafiz ibne kasir bayan kerte hain Al-Biddaya wal Nihaya mein 12 jild page no:- 252 per khete hain "*
*"Huzoor Gaus ul Azam se khalq ke khuda ne itna kasir nafa kiya jou zikr se baher hai. Or phir farmate hain aap ke ahwal Saleha they Mukashfaat o karamat kaseera they ."*
*"Imam Zehbi Siyar A'lam an-Nubala mein bayan kerte hain Sayyeduna Gaus ul Azam (r.a) ke Tarjuma mein :-*
*"ki war Mashyakh or Auliya mein koi Shakhs Aisa nahin howa Awwal ya aakhir Jis ki karamat'e Shaykh Abdul Qadar Jeelani se Badh kar hou."*
*Ek toh pata yeh chala,*
*yeh kul Imam Karamat'o ko manne wale they ,*
*Auliya ko manne wale they,*
*Sayeduna Gaus ul Azam (r.a) ke kitne Aqeedatmand they.*
*or kya Marateeb jou Aap khete hain yeh koi Aap ne Ya Humne nahin Ghad liya.*
*yeh kul Hadees,Fiqh, Tafseer, or Aqeeda ke Imam Ummat-e- Muslima ke 900 saal se yeh khete chale Aae hain unki Shaan mein.*
Imam Shafai Mazhab ke Bahut bade ImamSe agali daleel
*Imam Abdul Aziz bin Abdul Salam Al-Faqhi jis ko khete hain Al-Izz bin Abdul Salam.*
*Fiqah Shafai ke bahut bade Imam or Authority Imam hain. Aap Saudi Arabia mein bhi inka naam le Hujjat hain, koi Dum nahin Maar Sakta.**Imam Al- Izz bin Abdul Salam unka Qaul hain Jin ko Imam Zehbi ne Siyar A'lam an-Nubala mein liya .*
*"farmate hain :- Aaj Tak Auliya Ikram ki saf mein Kisi Wali ki karamat'e tawatur ke sath itni mankool nahin hoi jitni Shaykh Abdul Qadar Jeelani ki hoi hain. Or khete hain is per Ijma hain. jaleel-ul-Qadr Auliya , Sullaha Aap ki bargah mein Haazir hote Aap ki khidmat mein or Talib hote."**Yahya bin Naja Al-Adeeb Al Nahawi (Imam- e-Nahaf) they.*
*Nahaf ke or Adab ke or Sher, Balagat ke Imam they Apne Waqt ke Adeeb they Aap.**Mai Hazrat -e- Shaykh Abdul Qadar Jeelani ki Majlis mein gaya or Maine chaha woh sher kitne sunate Hain:-*
*"Mai Aap ki Majlis mein gaya toh Maine Sath mein Dhaga le gaya.*
*Kyu ki Mai hath ki Ungliyon per ginte ginte bhool jaunga.isliye Dhaga sath le gaya. Taa ke jab ek sher Aap padte toh ek gaat de deta.Ghar per aaker ginte ker longa.*
*Jab Aap Hazrat sher padte toh ek gaat Maar deta toh is Tarha Mai Aap ke sher'o per gaat deta Raha or ginta raha or ous Dhage ko Apne kapdo ke niche chupa leta tasbeeh ki tarha .*
*aakhir mein baitha tha, Jab Maine kaafi gaat de di. Toh Sayyeduna Gaus ul Azam ( r.a) Meri Taraf mutawaju Howe 70,000 ka Ijtema hai, Mimbar per khade howe hain. Mujhe dekh kar farmaya :- Mai Gaat'e khol Ta'a hoon or Tum Gaat'e baante ho.Yahya bin Naja mai Gaat'e kholne ke liye khada ho ke Gaat'eh jou lag chuki hai Ouse kholo tum Gaat'e bandhane mein lage ho.*
*khete hai ki Maine khade hou ker ki tauba ker li.**Phir imam Al-Hafiz Abdul Ghani Al-Maqdisi bayaan kerte hain:-*
*Ref:-Imam Zehbi Siyar A'lam an-Nubala mein.*
*Nahaf ke Imam jou ous Waqt Baghdad mein Abu Muhammad bin Kashaaf Nahawi bahut bade imamThey.*
*khete hain ke Mai Nahaf ka Imam tha or Mai unki Tareef Badi sunta tha [Gaus ul Azam] ki Magar kabhi Gaya nahin unki majlis mein.*
*Nahawi loog hain Apne kaam mein lage rehte hain. Ek he Zarb aati hai Dusri Zarb se Dilchaspi nahin hoti Zarb-e-Qalb se khete hain.*
*ek Din khayal Aaya Aaj Jake sunte toh sahih Shaykh Abdul Qadar Jeelani kya khete hain.*
*Majlis mein g*e or Jaker baith g*e Farmaya Mai Nahawi tha* *Apne faan mein Mujhe Ghumand tha.*
*Mujhe unka kalam bahut koi Azeem o shaan nahin laga,*
*bahut pasand nahi Aaya toh Maine Dil mein kaha Aaj ka din Maine Zaya ker Diya.*
*Bas itna khayal Dil mein Aana tha Majalis mein Mimbar per dauran-e- khitaab Sayyeduna Gaus ul Azam (r.a) Mujhe mukhateb hou ker farmane lage Aae Muhammad bin Kashaaf Nahawi tum Apni Nahaf ko khuda ki Zikr ki Majliso per tarji dete ho aao jis "Sibway" ke piche tum phirte ho, Humne woh saare Guzar'e howe hain.*
*Nahaf ki bahut badi kitab hain "Sibway".*
*Aao Humare Qadmo mein baitho tumhe Nahaf bhi sikha denge. Imam Muhammad bin Kashaaf khete hai ke Mai Talib hou Gaya aap ki Majlis mein gaya or saalo saal guzare.*
*khuda ki Kasam Nahaf mein woh Martaba Naseeb howa jou bade bade Aaeima ko kitabo se nahin mil saka tha.*
*Imam Yafai As -Shafai likhte hain ke Sayyeduna Gaus ul Azam ki karamat'o ka woh Tawa'tur hain.*
*Yeh Tawa'tur Afaak mein Ittefaq hain.*
*is per ijma hain, is per inkar kisi ne nahin kiya.*
*Oun mein se ek Yeh hain.*
*Manaqib-e- Shaykh Abdul Qadar Jeelani mein 5 alag turk ke sath :*
*Imam Abul Hasan Ali bin Yusuf bin Jaleel Al-Shafai Al-lougawi riwayat kerte hain :*
*Huzoor Gaus ul Azam (r.a) ke Paas Ek khatoon Aaei Apne Bete ko lekar.*
*Khatoon ne kaha ke :*
*Huzoor Mere Bete ko Aap se Badi Mohabbat Hain toh Mai ne chaha ki Aap ki Majlis mein isko Chod jao Durvesh ke taur pe taa'ke Aap se Sikhe Aap ke Shahgird bane or kuch Marifat hasil kere .*
*Chali Gaei*
*kuch Ars'e ke Baad ,*
*Ek Zamana Guzar'ne ke baad Maa Bete se Milne Aaei Ousne Aa ke dekha Apne Bete ko woh Sulook or Tariqat mein Rasta taae ker Raha tha Dekha ous ke Chehre ka rang Zard tha Kamzor tha or Bhook or Fakah ke asaar Numaya they.*
*Or Dekha rokhi "Jao" ki roti kha raha hain.*
*Maa toh Maa hoti hain ouse dekha na Gaya woh Gusse mein Aa Gaei Huzoor Gaus ul Azam ki Bargah mein g*ei Udhar dekha Aap Murga kha rahe they. Salan Murge ka tha or kha ker ke ek jagah Haa'deya Jama thi .*
*Aab Maa or Gusse me Aa g*ei or khene lagi : Aae Sarkar Aap Murgiya khae or Mera Beta rukhi "jao" ki roti khae yeh kaha ka Sulook hain.*
*Huzoor Gaus ul Azam ne Farmaya : baith jao Maa'ei Jab khane se farig howe haa'deya Jama thi.*
*Aab Imam Yafai as Shafai likh rahe hain mai kisi sufi ki riwayat nahi dera.*
*Aap ne hadeiyo se kaha hadeiyo dubbara Murga ban ker khade hou jao dekhte dekhte Murga Zinda hou ke khada hou Gaya.*
*Aap ne farmaya Tera Beta jab is Maqam per pouch jaeinga phir jou chahe khata phire.* *Unki Tariqat rokhi "Jao"ki roti se Shuru hoti hain khatam Murge per hoti hain,*
*Humare Daur ki Tariqat Shuru he Murge se hoti hain khatam Bakre per hoti hain.*
😎😎😎😎
*Banu Abbas ke Daur ke 5 Khalifa Guzre*
*Kyu ke Wali kisi se Darta nahin hain, Siwae Allah ke.*
*"Zamana tha Khalifa Mustanjad Billa ka jou Galat kaam kerte Aap Mimbar per Khitaab ke Dauran khalifa ko khete:- Aae Khajoor ke Taane, Hadd se Na badh Tumhara Sar Kalam Ker Dunga.*
*Yeh paigham dete, woh paigham Khalifa -e- Waqt ke pass pouch jata woh isla ker lete they."**Is ko Imam Al-Maqsad-ul-Arshad mein or digar Aaeima ne isko bayan kiya.*
*itna Be-Niyaz hota hain Allah ka Wali.*
*Or Be-Niyazi ka yeh Alam tha Khalifa Al- Mustanjad Billa* *Sayyeduna Gaus ul Azam (r.a) ki Bargah mein aata hain. Baitha* *raha, Majlis mein Dars sunta Raha,* *Bayaan sunta Raha, jab Ikhtetaam howa toh dast basta aage badha.20 thealiya Dinnar ki Apne sath laya or Aap ki khidmat mein pesh ki Huzoor Mai yeh Hadiya laya hu , Nazrana laya hu, Dinnar ki 20 thealiya rakh di.*
*Aap ne farmaya le jao, in ki Hajat nahin.*
*Ous ne bahut israr kiya, "Aap ne Farmaya Nahin.*
*Jab ous ne bahut israar kiya toh Sayyeduna Gaus ul Azam ( r.a) ne ous Waqt jo 20 thealiya thi ous mein se Acchi Nihayat Ummda kism ki Thi, acche haal mein, Ous mein se Aap ne 2 thealiya hath mein outha li.*
*Or hath mein outha ker unko nichodna Shuru ker diya . Dono Dinnar se bhari hoi thealiyo mein se khoon tapakne lag Gaya.*
*Farmaya:- kahi umoor ka haya na hota tou Mai itna nichodta yeh khoon tumhare mohallat tak pouch jata .*
*Farmaya: Thealiyo ko le jao zalim tum Allah se nahin darte, Gareeb logon ka khoon chuste hou , unka Maal loote ho.*
*Or choos ker Nazrana bana ker mere paas le aate ho.*
*Woh thealiya outha ker ke Wapis gaya.*
*Yeh hain Wilayat -e- Sayyeduna Gaus ul Azam (r.a).**Yeh jou baat quote ker rahe hai is ko Abul Abbas Khizr bin Al- Hussain Al-Musri ne bayan ki.**is Waqia ko Abul izz Abdul Mughis Harbal Baghdadi riwayat kerte hain. Or Saaekdon Ullema Muhadiseen ne is Waqia ko bayan kiya tawatur ke sath.*
*Aap apne Maqam per khade hai Majlis mein Dars hou raha hai ous Majlis mein 300 se Zayda Akabir Auliya maujood hai. Or Saaekdon ki tadat mein Rijjal ul Ghaib mujood hain .*
*Allah rabbul izzat ne Hukum Diya or Amr illahi ke tahet Huzoor Sayyeduna Gaus-ul-Azam (r.a) farmane lage.Mera yeh Qadam Rou-e- Zameen ke her wali ki Garda'an per.*
*Ous Majlis mein se kuch Auliya Hazraat*
*Imam Ali al Haiti*
*Imam Abu saeed Al-kalawi*
*Imam Abu Najeeb Sohahrwardi*
*Imam Abu Amr Usman Al-Qureshi*
*Imam Siddiq bin Mohamad Al Baghdadi*
*Imam yahya al mourtaash*
*Imam ziauddin Ibrahim Al- Haufi*
*Imam Abu Abdullah Muhammad Qazvini*
*Imam Abu bakar as Shaifaani*
*Imam Abul Barkat*
*Imam Abu saud al aftar*
*Imam Abu Qasim Al- Bazzar*
*Shahbuddin Umar Sohahrwardi*
*Abu Muhammad AL -yaqoobi*
*Bade bade Akabir Aeima, Muhades Auliya Sufiya ki Majlis hain.*
*Jab Aap ne yeh irshad farmaya toh ous Waqt itne Auliya they.*
*ous mein se outhe Hazrat Imam Ali bin Al- Haiti jis Taqat per Aap khade they apna Sar niche ker ke Aap ka kadam sar per rakh liya.*
*Tamam Auliya ne Gardaan'e jhuka li.*
*Imam Adi bin al barkat is ko bayan kerte hain mere Aam'e Buzurg imam Adi al Musafir bayan kerte they.*
*Awaalin Aakhirin Auliya mein se [Qadamin hazi he ala raqabate kulle wali Allah ]*
*khene ka Amr Siwae Shaykh Abdul Qadar Jeelani kisi ko nahi tha.kyu ki Aap ka Wilayat mein maqaam.*
*Maqaam-e- Fard tha.*
*Imam Rifai Sillsila Rifaya ke Shaykh Un-hone Yeh cheez Tashri ki ke Aap ke siwa kisi ko Amr Na tha.*
*Or jab Aap ne Yeh Farmaya toh Amr e ilahi se farma rahe they or ishara is Amr ke taraf tha ke kasrat karamat mein Aap ka koi saani nahin.*
*Or Aap ke Tariqat se haat ker kisi shakhs ko Wilayat naseeb nahin.*
![#3 Yaum'e Wisal [ Khatoon -e- Jannat Hazrat Shehzadi'e Paak Sayeda Fatimah -tuz- Zehra Salamullah hi aliha ] ki munis...](https://img4.ngos1.com/569/515/935327665695159.jpg)
