Mseou

18/08/2026

✍️✍️✍️
जालना विभाग १ आंदोलन अपडेट्स.
✊🔥✊🔥✊🔥✊
सर्व प्रश्न निकाली....
बेमुदत अन्नत्याग आंदोलनाची यशस्वी सांगता.
✊✊✊✊✊✊✊
प्रश्न १. अति कालीन कामाचा मोबदला.
अ) तीन किंवा त्यापेक्षा कमी यंत्रचालक उपलब्ध असलेल्या उपकेंद्रातील यंत्रचालकांची पोर्टलवर सबमिट केलेली देयके पुढील १५ दिवसांत तपासणी करून अंकेक्षणासाठी दिली जाणार.
ब) त्यानंतरच्या १५ दिवसांत पोर्टलवर सबमिट केलेली चार यंत्रचालक उपलब्ध असलेल्या उपकेंद्रातील यंत्रचालकांची देयके तपासून अंकेक्षणासाठी देण्यात येतील.
वरील अ व ब मधील सर्व देयके निकाली काढण्यात येतील.
प्रश्न २. सुरक्षारक्षक तैनात करणे.*
उत्तर : यापूर्वी वरिष्ठ कार्यालयाकडून आलेल्या सुचनेनुसार उपविभागांकडून प्रस्ताव मागविण्यात आले होते. परंतु, फक्त जाफराबाद उपविभागाने सुरक्षा रक्षकांची मागणी केली होती. इतर उपविभागांनी मागणी न केल्याने तो विषय तिथेच थांबला.
आता नव्याने सर्व उपविभागीय कार्यालयांना पुन्हा एकदा पुढील १५ दिवसात प्रस्ताव मागविण्यात येतील. आलेले प्रस्ताव वरिष्ठ कार्यालयाकडे पाठवले जातील. त्यानंतरच्या प्रक्रियेसाठी संघटनेच्या सहकार्यासाठी प्रशासनाने आवाहन केले आहे.
महाराष्ट्र राज्य विद्युत ऑपरेटर्स संघटना विभागातील सर्व यंत्रचालक बांधवांना आवाहन करीत आहे की, या बाबतीत सहकार्य करून आपापल्या परीने आपापल्या उपविभागांतून सुरक्षा रक्षक मागणी प्रस्ताव पाठवावेत. प्रस्ताव फॉरमॅट पुढील आठवड्यात उपलब्ध करून दिला जाईल.
प्रश्न क्र ३. प्रमोद बाकडे, यंत्रचालक (अधिसंख्य) यांच्या प्रलंबित देण्याबाबत महाराष्ट्र शासन निर्णय, कंपनीची परिपत्रके यांचा अभ्यास करणे आवश्यक असल्याचे मत कार्यकारी अभियंता यांनी मांडले. या बाबतीत पुढील सोमवारी पुन्हा एकदा बैठक आयोजित केली आहे. त्या वेळी सर्व शासन निर्णय व त्या संबंधित कंपनीच्या परिपत्रकांसह उपस्थित रहावे, अशी सूचना मानव संसाधन विभागातील कर्मचारींना दिली आहे.
प्रश्न क्र ४ व ५. श्री अमोल नारळे व श्री अनंत कनकुटे दोन्ही यंत्रचालक, यांचा महागाई भत्ता व रात्रपाळी भत्ता.... ऑगस्ट २६ वेतनात ॲड केला आहे. वेतनात मिळेल.
यंत्रचालकांचे अति कालीन कामाची देयके, उपकेंद्रात सुरक्षा रक्षक तैनाती व मानव संसाधन विभागाशी संबंधित इतर प्रश्नांवर संघटनेचे बेमुदत अन्नत्याग आंदोलन आज सकाळी ११ वाजता सुरू केले. या आंदोलनादरम्यान जालना मंडळ पातळीवर कार्यरत इतर कामगार संघटनांनी पाठिंबा देऊन प्रत्यक्ष आंदोलनात सहभाग नोंदवला. दरम्यान दुपारी साडेबारा ते दोन या काळात वाजता प्रदिर्घ चर्चा होऊन संध्याकाळी पाच वाजता लेखी उत्तरासह अन्नत्याग आंदोलनाची यशस्वी सांगता झाली.
आंदोलन यशस्वी करण्यासाठी महाराष्ट्र राज्य विद्युत ऑपरेटर्स संघटनेच्या छत्रपती संभाजीनगर परिमंडळ अंतर्गत संघटनेच्या सर्व सभासद, पदाधिकारींनी परीश्रम घेतले. आंदोलनासाठी सहकार्य करणाऱ्या, प्रत्यक्ष सहभागी झालेल्या सर्व यंत्रचालक, लाईन स्टाफ, इतर कामगार संघटना पदाधिकारी यांचे मोठ्या मनाने धन्यवाद.
🙏🙏🙏🙏🙏🙏🙏
सर्व यंत्रचालक बांधवांना माहितीसाठी सादर.
🙏🙏🙏🙏🙏🙏🙏
ज्ञानेश्वर बन
परिमंडळ सचिव
महाराष्ट्र राज्य विद्युत ऑपरेटर्स संघटना.
सोबत : बैठक इतिवृत्त.

17/08/2026

✍️
[जालना,दि.17 ऑगस्ट 2026]
संघटनेचे केंद्रीय अध्यक्ष डॉ.सुधाकर जायभाये व सरचिटणीस डॉ.नवनाथ पवार साहेब यांच्या मार्गदर्शनाखाली संघटनेचे जालना जिल्हा अध्यक्ष श्री.प्रविण देशमाने व सचिव बंडु ढाकणे यांनी जालना विभाग 01 व 02 ची कार्यकारिणी जाहीर केली असून यामध्ये प्रामुख्याने 👇👇👇
#जालना_विभाग_01_,02 #कार्यकारिणी
अध्यक्ष - नदीम फारुकी
उपाध्यक्ष - महेश मिटकरी
सचिव - अमोल नारळे
सहसचिव - अनिल वाघ
संघटक - प्रकाश पवार

यांचा समावेश असून या निवडीबद्दल सर्व नवनियुक्त टीमचे अभिनंदन संघटनेचे अध्यक्ष मा.डॉ सुधाकरजी जायभाये व सरचिटणीस डॉ.नवनाथ पवार,कोषाध्यक्ष राजेश्वर क्षीरसागर,परीमंडळ सहसचिव अदिनाथ फुंदे, छत्रपती संभाजीनगर ग्रामीण मंडळ अध्यक्ष अजय अवस्थी, सचिव रावसाहेब वेताळ, उपाध्यक्ष निलेशकुमार बुऱ्हाडे, जालना मंडळ उपाध्यक्ष आनंदसिंग सुलाने यांनी केले आहे....
सर्व नवनियुक्त पदाधिकारी यांचे मनःपूर्वक अभिनंदन 💐💐💐

17/08/2026

जालना विभाग 01 येथील अन्नत्याग अंदोलनाला लाईनस्टाफ बांधवांच्या हितासाठी कटिबद्ध असलेल्या इलेक्ट्रिशीटी लाईनस्टाफ असोसिएशन संघटनेने पाठिंबा दिला, पाठींब्याचे पत्र देताना इलेक्ट्रिशीटी लाईनस्टाफ असोसिएशन संघटनेचे संघटन सचिव श्री.गणेश नागरे, जालना मंडळ सचिव श्री.संदिप मुंडे व त्यांची सर्व टीम....

17/08/2026

जालना विभाग 01 येथे यंत्रचालक यांच्या विविध प्रलंबित मागण्यांसाठी आज अन्नत्याग अंदोलन करण्यात आले या अंदोलनाचे क्षणचित्रे....

14/08/2026

03/08/2026

महाराष्ट्र राज्य विद्युत ऑपरेटर्स संघटनेने महावितरणच्या सर्व उपकेंद्रात सुरक्षा रक्षक तैनात करण्याच्या मागणीसाठी मुख्यमंत्री महोदयांना ४ जून २०२६ रोजी निवेदन पाठवले होते. ते निवेदन मुख्यमंत्री कार्यालयाकडून महावितरण प्रशासनास प्राप्त झाले असून त्यावर महावितरणच्या ' सुधारणा व अंमलबजावणी ' विभागाने आवश्यक कार्यालयीन टिप्पणी नोंदवून पुढील कार्यवाहीसाठी मुख्य महाव्यवस्थापक महावितरण यांना अग्रेशीत केले आहे. संघटनेच्या सर्व पदाधिकारी सभासद व महावितरणच्या यंत्रचालक बांधवांना माहितीसाठी सदर....

31/07/2026

१) मयत सुधीर पंडित लाटवडे, यंत्रचालक, सांगली मंडळ यांच्या कर्तव्यावर असताना झालेल्या खुनाच्या दुर्दैवी घटनेबाबत.....
२) कंपनीत सुरक्षारक्षक, बाह्यस्रोत यंत्रचालक, बाह्य स्रोततंत्रज्ञ यांच्याबाबत नव्याने नियमावली तयार करून अंमलबजावणी बाबत....
सांगली मंडळाच्या मिरज उपविभागातील कृपामायी उपकेंद्रात ऑन ड्युटी ऑपरेटर सुधीर पंडित लाटवडे, यांचा निघृणपणे खुन झाला. वीज मंडळ व महावितरणच्या इतिहासात उपकेंद्राच्या प्रतिबंधीत क्षेत्रात प्रवेश करून ऑन ड्युटी यंत्रचालकाचा खुन होण्याची अतिशय गंभीर घटना घडली, या घटनेचा जाहीर निषेध.
भविष्यात अशा गंभीर घटना टाळण्यासाठी तात्काळ उपाययोजना करणे अत्यंत आवश्यक.

नवनाथ ना. पवार
सरचिटणीस.