18/04/2026
*रत्नागिरी जिल्हा गाव कामगार पोलीस पाटील संघटनेचा जिल्हा मेळावा तथा नवीन कार्यकारणीचा पदग्रहण सोहळा संपन्न*
गुरुवार दि.१६ मे २०२६ रोजी सिद्धगिरी हॉल,हातखंडा, रत्नागिरी येथे गाव कामगार पोलीस पाटील संघटनेचे *राज्य अध्यक्ष श्री शिवाजीराव कोलते पाटील* यांच्या अध्यक्षतेखाली दिमाखदार सोहळा संपन्न झाला.
कार्यक्रमाची सुरुवात मान्यवरांच्या हस्ते दीप प्रज्वलन आणि छत्रपती शिवाजी महाराज व भारतरत्न डॉ.बाबासाहेब आंबेडकर यांच्या प्रतिमेला पुष्पहार अर्पण करून करण्यात आली.
त्यानंतर राज्याचे दिवंगत नेते उपमुख्यमंत्री कै.अजितदादा पवार साहेब यांना श्रद्धांजली वाहण्यात आली.
*रत्नागिरी जिल्हा नवनियुक्त अध्यक्ष तथा माजी सचिव श्री रविंद्र कोटकर* यांनी सर्वांचे स्वागत करून कार्यक्रमाचा उद्देश स्पष्ट केला.
कार्यक्रमाच्या सुरुवातीला रत्नागिरी जिल्हा अप्पर पोलीस अधीक्षक श्री बी.बी महामुनी यांनी उपस्थित पोलीस पाटलांना मार्गदर्शन केले. ते म्हणाले कि या जिल्ह्यातील बहुतांश गावातील तरुण व मध्यम वयीन वर्ग नोकरी धंद्यानिमित्त मोठ्या शहरात स्थलांतरित झाले आहेत त्यामुळे एकाकी जीवन जगणाऱ्या ज्येष्ठ नागरिकांचे प्रमाण खूप आहे आम्ही पोलीस पाटीलांच्या सहकार्याने त्यांचा शोध घेऊन अशा ५० हजार जेष्ठ नागरिकांचा डाटा तयार केला आहे.पोलीस पाटील व ठाणे अंमलदारांच्या साथीने आम्ही अशा ज्येष्ठ नागरिकांचा वाढदिवस साजरा करतो.
*रत्नागिरी उपविभागीय पोलीस अधिकारी श्री माईनकर साहेब* हे बोलताना म्हणाले की माझे आजोबा पोलीस पाटील होते त्यामुळे पोलीस पाटलांचा कामकाज हे मी अगदी माझ्या बालपणापासून जवळून पाहिलेले आहे.शासनाचा हक्काचा व विश्वासाचा व ग्रामस्थांना योग्य न्याय मिळवून देण्याचे ठिकाण म्हणजे पोलीस पाटील असे गौरवउद्गार त्यांनी काढले.
पोलीस पाटील हा जनता आणि प्रशासने यांच्यामधील महत्त्वाचा दुवा असून, पोलीस पाटलांमुळेच आज ग्रामीण भागातील कायदा व सुव्यवस्था अबाधित असल्याचे त्यांनी सांगितले.
यावेळी रत्नागिरी जिल्ह्यातील आपला जीव धोक्यात घालून पर्यटकांचे सागरी किनाऱ्यावर बुडताना प्राण वाचवले त्याबद्दल *आदेश कदम आणि संतोष पाथरे* या दोन पोलीस पाटलांचा सत्कार अप्पर जिल्हा पोलीस अधीक्षक, उपविभागीय पोलीस अधिकारी, आणि पी आय राजेंद्र यादव यांच्या हस्ते करण्यात आला.
संस्थापक सचिव श्री कमलाकर मागले पाटील, कार्यकारी अध्यक्ष श्री बळवंतराव काळे, कार्याध्यक्ष विजय घाडगे, सचिव महादेव भालेराव, उपाध्यक्ष अरुण बोडखे, सहसचिव डी एस कांबळे, राज्य संघटक नवनाथ धुमाळ, दादा भिसे, बुलढाणा जिल्हाध्यक्ष तथा संस्थापक सदस्य राजेंद्र भामद्रे, ज्ञानोबा काटकर संस्थापक सदस्य, संतोष पवार संस्थापक सदस्य, गडचिरोली जिल्हाध्यक्ष, योगेश नाकाडे, राजेश बनसोड गोंदिया जिल्हाध्यक्ष, नागपूर जिल्हाध्यक्ष रितेश दुर्गकर, आप्पासो गायकवाड सातारा जिल्हाध्यक्ष, रवींद्र जाधव नाशिक जिल्हा अध्यक्ष, सागर शिंदे कोल्हापूर जिल्हाध्यक्ष, गणेश ढेने रायगड जिल्हाध्यक्ष, भारत मार्कंड प्रभारी पुणे जिल्हा अध्यक्ष, हेमंत सावंत सिंधुदुर्ग जिल्हा सचिव व सर्व जिल्हा पदाधिकारी तथा सर्व तालुका अध्यक्ष सिंधदुर्ग, बाजीराव पारटे यांची प्रमुख उपस्थिती लाभली.
कार्यक्रमाचे प्रास्ताविक करताना संस्थापक सदस्य तथा बुलढाणा जिल्हाध्यक्ष, राजेंद्र भांमद्रे यांनी संघा ची संघटना काय झाली व का करावी लागली याविषयी सविस्तर माहिती दिली.
संघातील अनागोंदी आर्थिक कारभार, सहकारी पदाधिकाऱ्यांना विश्वासात न घेणे, बेहिशोबी कारभार, कुणालाही विश्वासात न घेता पद वाटप करणे, सहकार्यांवर अविश्वास, आणि खोटारडेपणा व विश्वास घातकीपणा याविषयी पूर्ण माहिती दिली.
त्यानंतर, भारत माकड पुणे, रितेश दूरकर नागपूर, राजेश बनसोड गोंदिया, आप्पासो गायकवाड सातारा, गणेश ढेने रायगड, या जिल्हाध्यक्षांची मार्गदर्शन पर भाषणे झाली.
यानंतर प्रमुख उपस्थितीमध्ये राज्य उपाध्यक्ष अरुण बोडखे पाटील हे बोलताना म्हणाले की आम्ही जरी संघटनेचे पदाधिकारी असलो तरी ही संघटना फक्त आणि फक्त कार्यरत पोलीस पाटलांची संघटना आहे त्यांच्यासाठी, काम करणार आहे. घटना आमची ही पदाधिकाऱ्यांची मालकी नाही.ती सर्व पोलीस पाटलांची मालकी आहे.
कार्यकारी अध्यक्ष श्री बळवंतराव काळे पाटील आपल्या मार्गदर्शनात बोलताना म्हणाले की संघटनेचा आर्थिक कारभार पारदर्शक असला की संघटना ही तालुक्यापासुन राज्यापर्यंत सक्षम होते. व नेतृत्वावर सामान्य पोलीस पाटलांचा विश्वास बसतो. आणि तो विश्वास आपले आताचे आपले व राज्याध्यक्ष श्री शिवाजीराव कोलते पाटील यांनी संपादन केला आहे. असे ते म्हणाले.
यावेळी कार्याध्यक्ष श्री विजय घाडगे पाटील यांनी सुद्धा आपले मनोगत व्यक्त केले.
यानंतर संस्थापक सचिव श्री कमलाकरजी मांगले पाटील म्हणाले विचार व्यक्त करताना म्हणाले की, मी निवृत्त असताना सुद्धा आपण मला घटनापह्यपद देऊन पुन्हा पोलीस पाटलांची सेवा करण्याची संधी दिल्याबद्दल संघटनेचे ऋण व्यक्त केले. आणि आपल्या तीस वर्षे कामकाजाचा आणि अनुभवांचा फायदा नव्या जुन्या सहकाऱ्यांना सोबत घेऊन पोलीस पाटलांचे हितासाठी शेवटपर्यंत कार्य करीत राहीन.
यावेळी मावळते रत्नागिरी जिल्हाध्यक्ष तथा राज्य खजिनदार श्री विश्वनाथ पाटील म्हणाले की , गेली नऊ वर्ष मी रत्नागिरी जिल्हा अध्यक्ष म्हणून काम करताना माझ्या जिल्ह्यातील प्रत्येक पोलीस पाटलांनी मला तन-मन धनाने साथ दिली म्हणून मी रत्नागिरी जिल्ह्याचा कारभार पारदर्शक व आदर्शवत करू शकलो. आणि त्याचंच फळ म्हणून मला आज राज्याचं खजिनदारपद प्राप्त झाल आहे. जिल्ह्यातील कामकाजाचा अनुभव घेऊन राज्यातील आर्थिक कामकाजाचा पारदर्शक व्यवहार करण्याचा मी प्रयत्न करेन अशी ग्वाही दिली. आणि राज्याच्या पाचही विभागातून आलेल्या सर्व पदाधिकाऱ्यांची त्यांनी आपल्या भाषणातून आभार मानले.
यावेळी संघटनेचे राज्य अध्यक्ष श्री शिवाजीराव कोलते पाटील आपल्या अध्यक्षीय भाषणात म्हणाले की. गाव कामगार पोलीस पाटील संघटना ही माझी खाजगी मालकी नसून ही राज्यातील प्रत्येक पोलीस पाटलाची मालकी या संघटनेवर असेल सर्वांना विश्वासात घेऊन पारदर्शक कारभार ठेवण्याची मी आम्ही देतो कुठलाही आर्थिक व्यवहार किंवा पद देताना सर्वांना विश्वासात घेऊन कारभार करीन यामध्ये कोणाचाही विश्वासघात माझ्याकडून केला जाणार नाही जे पोलीस पाटील आपल्या संघटनेपासून दूर असतील त्यांना आपल्या संघटनेच्या कारभाराने व त्यांना विश्वासाने आपलेसे करून ते आपल्यामध्ये कसे सामील होतील याचा सतत प्रयत्नशील राहील आणि प्रत्येक तालुकाध्यक्ष आणि जिल्हाध्यक्षांनी जे आपल्यापासून दूर आहेत त्यांना आपल्या कामाची चुणूक दाखवून आपल्या जवळ करण्याचा प्रयत्न करावा व आपली संघटना संपूर्ण राज्यभर वाढवण्यासाठी आपापल्या परीने प्रयत्न करावा. पोलीस पाटलांच्या ज्या मागण्या आहेत व यापुढे नव्याने उपस्थित होत राहतील त्या प्रत्येक मागणीचा मी स्वतः शासन दरबारी पाठपुरावा करीन आणि हे करण्यासाठी माझ्याकडे सक्षम कार्यकर्त्यांची टीम आहे त्या टीमवर माझा पूर्ण विश्वास आहे त्यांना सदैव सर्व प्रकारचे पाठबळ देईन. तसेच संघटनेला संघटनेला राज मान्यता मिळवून देईन तसेच येत्या २० मे रोजी आपल्या गावकामगार पोलीस पाटील संघटनेचा पहिला स्थापना दिवस म्हणून साजरा करण्यात येईल.
या वर्धापन दिनाला तालुका ,जिल्हा, विभागीय संघटनांचे सर्व पदाधिकारी आमंत्रित करून या कार्यक्रमाचे आयोजक संयोजक राज्याचे सर्व पदाधिकारी असतील लवकरच या वर्धापन दिनाचं स्थळ कळविण्यात येईल.
सदर कार्यक्रमाचे सूत्रसंचालन रत्नागिरी तालुका अध्यक्ष अमय वेल्हाळ यांनी केले.
तर आभार प्रदर्शन मावळते रत्नागिरी जिल्हाध्यक्ष श्री विश्वनाथ पाटील यांनी केले.
कार्यक्रमाची सांगता राष्ट्रगीताने झाली.
