CPIM ATTAPPADY AC

02/09/2026

02/08/2026

മുഖ്യമന്ത്രി വി.ഡി. സതീശൻ്റെ ഇന്നലത്തെ പരിപാടികൾ ഇങ്ങനെയായിരുന്നു.

10 AM : Dr.Tony Fernadas ന്റെ ഹോസ്പിറ്റൽ ഉദ്ഘാടനം

10.30 AM : AISAT Engineering College

11.30 AM : SCMS Engineering College ,Karukutti

2 PM : Faizal Bafaki Tangal‘s residence @പൊന്നാനി

3.30 PM : conclave @ KMCT കോളേജ്, കുറ്റിപ്പുറം

5 PM : മുഹമ്മദലി ശിഹാബ് തങ്ങൾ അനുസ്മരണം @ റോസ് ലോഞ്ച് ഓഡിറ്റോറിയം, മലപ്പുറം

6.30 PM : Buy me coffee -office launch @ Highlight Mall, Kozhikkode

Stay@ Desom,Aluva

എന്ത് മനസിലായി.

ഇന്നലെ രാവിലെ പെരുമഴപ്പെയ്ത്തിൽ കേരളത്തിൻ്റെ മലയോരവും ഇടനാടുകളിലെ പട്ടണങ്ങളൊമൊക്കെ മുങ്ങിത്താഴുമ്പോൾ കേരളത്തിലെ ഡിസാസ്റ്റർ മാനേജ്മെൻ്റ് നടപടികൾ ഏകോപിക്കേണ്ട വ്യക്തി ചില സ്വാശ്രയ സ്ഥാപനങ്ങളുടെ പരിപാടികളിൽ പങ്കെടുത്ത് എറണാകുളത്ത് തന്നെ ഉണ്ടായിരുന്നു. രണ്ട് മണിക്കൂറിൽ താഴെ യാത്ര ചെയ്താൽ പാലയും ഈരാറ്റുപേട്ടയുമൊക്കെ എത്തി ദുരിതബാധിതർക്ക് ആശ്വാസം പകരാൻ കഴിയുമായിരുന്ന മുഖ്യമന്ത്രി പക്ഷെ, ആ വഴിക്കല്ല പോയത്. പൊന്നാനിയിൽ ഏതോ ലീഗ് പ്രമാണിയുടെ വീട്ടിൽ ആഢംബര സൽക്കാരത്തിൽ പങ്കെടുക്കാനായി വടക്കോട്ട് വെച്ച് പിടിച്ചു. ഇതിനിടെ വെള്ളം കയറിത്തുടങ്ങിയ തൃശൂർ പട്ടണമൊക്കെ പാവം പൂക്കിജീ എങ്ങനെ കടന്നുപോയോ എന്തോ. പൊന്നാനിയിലെ തങ്ങളുടെ വീട്ടിലെ മന്തിയും പത്തിരിയുമൊക്കെ തട്ടി പൂക്കിജി നേരെ പോയത് കുറ്റിപ്പുറത്ത് അടുത്ത സ്വാശ്രയ കോളേജ് പരിപാടിക്ക്. ഒടുക്കം രാത്രി കോഴിക്കോട് ചെന്ന് ഏതോ കോഫി ഷോപ്പ് കൂടി ഉദ്ഘാടനം നടത്തിയിട്ടേ പൂക്കിജിയുടെ പ്രയാണം അവസാനിപ്പിച്ചുള്ളൂ.

2008ൽ മുംബൈ താജ് ഹോട്ടൽ ഭീകരാക്രമണവേളയിൽ ഫാൻസി ഡ്രസ് നടത്തിയ ശിവരാജ് പാട്ടീലിനെയാണ് ഓർമ വരുന്നത്. മഴക്കെടുതികളിൽ പെട്ട് 9 ജീവനുകൾ പൊലിഞ്ഞ ഒരു ദിവസം സ്വകാര്യ പരിപാടികളിലും വിരുന്നിലും പങ്കെടുത്ത് നടക്കുന്ന ഒരു മുഖ്യമന്ത്രി കഴിഞ്ഞ പത്ത് വർഷത്തെ ഷോർട്ട് ടേം മെമ്മറി ഉള്ളവർക്ക് അത്ഭുതമായിരിക്കും. ശിവരാജ് പാട്ടീലിൻ്റെ ചരിത്രം ഓർത്താൽ അവർക്ക് അൽപം ആശ്വാസം കിട്ടും. ശിവരാജ് പാട്ടീലും വി.ഡി. സതീശനും കോൺഗ്രസുകാരാണ്.

ഒരു പൂ മാത്രമേ കേരളീയർ ചോദിച്ചുള്ളൂ. പൂക്കിജി ഒരു പൂക്കാലം തന്നെ അണ്ണാക്കിൽ കൊടുക്കുന്ന മനോഹരകാഴ്ചകളാണ് കുറഞ്ഞ കാലം കൊണ്ട് തന്നെ കാണുന്നത്.

30/07/2026

നീറ്റ് പരീക്ഷാ ക്രമക്കേടുമായി ബന്ധപ്പെട്ട പ്രതിഷേധത്തെ ക്രൂരമായി നേരിട്ട പൊലീസ് നടപടിക്കെതിരെ കര്‍ശന നിലപാട് സ്വീകരിച്ച സുപ്രീം കോടതി കേന്ദ്ര സര്‍ക്കാറിനോടും സംസ്ഥാനങ്ങളോടും പ്രക്ഷോഭങ്ങളുമായി ബന്ധപ്പെട്ട് സ്വീകരിച്ച നിയമനടപടികളുടെ റിപ്പോര്‍ട്ട് ചോദിച്ചതുമായി ബന്ധപ്പെട്ട് ഹിന്ദുവില്‍ വന്ന വാര്‍ത്തയാണിത്.

അവസാന നിമിഷമാണെങ്കിലും കോണ്‍ഗ്രസ് ഉള്‍പ്പെടെ പ്രതിപക്ഷം ഒന്നിച്ച് വിദ്യാര്‍ത്ഥി പ്രക്ഷോഭത്തിനൊപ്പം തെരുവിലിറങ്ങിയൊരു സമരമാണിത്. രാജ്യ തലസ്ഥാനത്തിന് പുറമെ കേരളമുള്‍പ്പെടെ മറ്റ് സംസ്ഥാനങ്ങളിലും പ്രതിഷേധം നടന്നിരുന്നു.

ഡല്‍ഹി (Delhi): ജന്തര്‍ മന്തര്‍, ശാസ്ത്രി ഭവന്‍, വിദ്യാഭ്യാസമന്ത്രാലയത്തിന് മുന്നില്‍ തുടങ്ങിയ സ്ഥലങ്ങളില്‍ വിദ്യാര്‍ത്ഥി സംഘടനകളുടെയും പ്രതിപക്ഷ പാര്‍ട്ടികളുടെയും നേതൃത്വത്തില്‍ ശക്തമായ പ്രതിഷേധങ്ങള്‍ നടന്നു.

ബീഹാര്‍ (Bihar): പട്‌ന, കട്ടിഹാര്‍ തുടങ്ങിയ വിവിധ പ്രദേശങ്ങളില്‍ വിപുലമായ പ്രതിഷേധങ്ങളും മാര്‍ച്ചുകളും നടന്നു.

രാജസ്ഥാന്‍ (Rajasthan): ജയ്പൂര്‍, ജോധ്പൂര്‍, കോട്ട എന്നിവിടങ്ങളില്‍ വലിയ രീതിയിലുള്ള വിദ്യാര്‍ത്ഥി പ്രക്ഷോഭങ്ങള്‍ നടന്നു.

ഉത്തര്‍പ്രദേശ് (Uttar Pradesh): ലഖ്നൗ, പ്രയാഗ്രാജ് (അലഹബാദ്), വാരാണസി, ചന്ദൗലി, ഭദോഹി തുടങ്ങിയ പ്രധാന നഗരങ്ങളില്‍ പ്രതിഷേധ മാര്‍ച്ചുകളും പൊലീസുമായുള്ള ഏറ്റുമുട്ടലുകളും റിപ്പോര്‍ട്ട് ചെയ്തു.

മഹാരാഷ്ട്ര (Maharashtra): മുംബൈ, പുണെ, ബുള്‍ധാന എന്നിവിടങ്ങളില്‍ സമാധാനപരമായ മാര്‍ച്ചുകളും ധര്‍ണകളും നടന്നു.

പശ്ചിമ ബംഗാള്‍ (West Bengal): കൊല്‍ക്കത്തയിലെ റോഡുകള്‍ ഉപരോധിച്ചും മാര്‍ച്ചുകള്‍ നടത്തിയും വലിയ പ്രതിഷേധങ്ങള്‍ നടന്നു.

തെലങ്കാന (Telangana): ഹൈദരാബാദില്‍ വിവിധ വിദ്യാര്‍ത്ഥി യൂണിയനുകളുടെ നേതൃത്വത്തില്‍ ധര്‍ണയും പ്രതിഷേധങ്ങളും നടന്നു.

മധ്യപ്രദേശ് (Madhya Pradesh): ഭോപ്പാല്‍ ഉള്‍പ്പെടെയുള്ള നഗരങ്ങളില്‍ വിദ്യാര്‍ത്ഥികള്‍ പ്രതിഷേധവുമായി തെരുവിലിറങ്ങി.

കേരളം (Kerala), തമിഴ്‌നാട് (Tamil Nadu), കര്‍ണാടക (Karnataka): ദക്ഷിണേന്ത്യയിലും, പ്രത്യേകിച്ച് കേരളത്തിലെയും തമിഴ്നാട്ടിലെയും, കര്‍ണാടകയിലെയും പ്രധാന നഗരങ്ങളില്‍ യൂത്ത് കോണ്‍ഗ്രസ്, എസ്എഫ്ഐ, എഐഎസ്എഫ് തുടങ്ങിയ സംഘടനകള്‍ വലിയ പ്രതിഷേധ മാര്‍ച്ചുകള്‍ സംഘടിപ്പിച്ചു.

ഇവയില്‍ കേരളം, തമിഴ്‌നാട്, കര്‍ണാടക, തെലങ്കാന ഒഴികെ ബാക്കിയെല്ലാം ബിജെപി ഭരിക്കുന്ന സംസ്ഥാനങ്ങളാണ്. അവിടെ കേസുകളുണ്ടാവുന്നത് സ്വാഭാവികം എന്നാല്‍ ഈ വാര്‍ത്തയില്‍ ഒരു അസ്വാഭാവികതയുള്ളതെന്താണെന്ന് വച്ചാല്‍ സുപ്രീം കോടതി നോട്ടീസ് അയച്ച സംസ്ഥാനങ്ങളില്‍ കേരളം കൂടിയുണ്ട് എന്നതാണ്. പ്രതിഷേധം നടന്നയിടങ്ങളില്‍ നോട്ടീസ് ലഭച്ച പ്രതിപക്ഷ കക്ഷികള്‍ ഭരിക്കുന്ന ഏക സംസ്ഥാനം കേരളമാണ്.

തെലങ്കാനയും, കര്‍ണാടകയും, കേരളവും ഭരിക്കുന്നത് കോണ്‍ഗ്രസാണ് പക്ഷം ബിജെപി രാഷ്ട്രീയത്തോടുള്ള സമീപനത്തില്‍ ദേശീയ കോണ്‍ഗ്രസിനും കേരളത്തിലെ കോണ്‍ഗ്രസിനും രണ്ട് സമീപനമാണെന്നത് ഒരിക്കല്‍ കൂടി വ്യക്തമാക്കപ്പെടുകയാണ്. 5000 കേസുകളാണ് കേരളത്തില്‍ രജിസ്റ്റര്‍ ചെയ്തത്. ഈ കേസുകള്‍ പിന്‍വലിക്കണമെന്നാവശ്യപ്പെട്ട് പ്രതിപക്ഷ നേതാവ് കത്ത് നല്‍കിയതോടെ നടപടി വാര്‍ത്തയായി ഇതിന് പിന്നാലെയാണ് ആഭ്യന്തര വകുപ്പ് കേസുകള്‍ പിന്‍വലിക്കാനുള്ള നടപടികള്‍ സ്വീകരിച്ചത്.

24/07/2026

10വര്‍ഷംകൊണ്ട് 48 പേപ്പര്‍ ലീക്കുകള്‍ നമ്മുടെ രാജ്യത്തെ വിദ്യാഭ്യാസ സംവിധാനം എത്രത്തോളം തകര്‍ന്നിരിക്കുന്നു എന്നതിന് ഇതില്‍പരം ഉദാഹരണം എന്താണുള്ളത് ? ഒരു തവണയോ രണ്ട് തവണയോ ആണെങ്കിലാണ് അത് അബദ്ധമാവുന്നത് അബദ്ധങ്ങള്‍ നമുക്ക് താക്കീത് കൊടുത്ത് തിരുത്താന്‍ കഴിയും 48 തവണ ചെയ്യുന്ന ഒരേ വീഴ്ചകള്‍ അബദ്ധമല്ല അത് കുറ്റകൃത്യമാണ് ഗുരുതരമായ കുറ്റകൃത്യം, താക്കീതല്ല അതിന് ശിക്ഷയാണ് വേണ്ടത് അതാണ് ഇന്ന് രാജ്യത്തെ വിദ്യാര്‍ത്ഥികള്‍ ആവശ്യപ്പെടുന്നത്. ന്യായമായ ആവശ്യങ്ങള്‍ ഉന്നയിച്ച് വിദ്യാര്‍ത്ഥികള്‍ നടത്തിയ സമരത്തില്‍ പൊലീസിനെ ഉപയോഗിച്ച് അക്രമം അഴിച്ചുവിട്ടത് കേന്ദ്ര സര്‍ക്കാരാണ്. ഒരു 20 വയസുകാരി ഇപ്പോഴും വെന്റിലേറ്ററിലാണ്, നിരവധി പേരാണ് ഗുരുതരമായ പരുക്കുകളോടെ ചികിത്സയില്‍ കഴിയുന്നത്.

ഓര്‍മയുണ്ടാവും ബിജെപി അധികാരത്തിലെത്തിയ ആദ്യനാളുകളില്‍ അവര്‍ ലക്ഷ്യംവച്ചത് രാജ്യത്തെ ഉന്നതവിദ്യാഭ്യാസ സ്ഥാപനങ്ങളെയാണ്, ചുരുങ്ങിയ കാലംകൊണ്ടവര്‍ സര്‍വ്വകലാശാലകളെ കലാപഭൂമിയാക്കി, പ്രതിഷേധിച്ചവരെ രാജ്യദ്രോഹികളാക്കി ജയിലിലടച്ചു. കരിക്കുലങ്ങളില്‍ പ്രത്യക്ഷമായും പരോക്ഷമായും സംഘപരിവാര്‍ അജണ്ടകള്‍ കുത്തിനിറച്ചു, ചികിത്സ കിട്ടാതെയും പോഷകാഹാരമില്ലാതെയും ഒരുതലമുറ മരിച്ച് വീഴുമ്പോള്‍ പശുക്കള്‍ക്ക് ആംബുലന്‍സ് ഇറക്കിയ ഭരണകൂടത്തിന് ശാസ്ത്രബോധമുള്ള തലമുറയെയോ ഡോക്ടര്‍മാരെയോ ആവശ്യമില്ല അവര്‍ക്ക് വേണ്ടത് പുഷ്പക വിമാനമാണ് ആദ്യത്തെ വിമാനമെന്നും, ഗണപതിയുടേതാണ് ആണ് ആദ്യത്തെ പ്ലാസ്റ്റിക് സര്‍ജറി എന്നും വിശ്വാസിക്കുന്ന തലമുറയെയാണ്.

അതിന് തയ്യാറല്ലെന്ന് പ്രഖ്യാപിച്ചൊരു തലമുറയാണ് ഇന്ന് തെരുവില്‍, മാധ്യമങ്ങളെ വിലയ്‌ക്കെടുത്ത, നിയമസംവിധാനങ്ങളെ വിലക്കെടുത്ത, ജനാധിപത്യത്തെ വിലക്കെടുത്ത സംഘപരിവാര്‍ വ്യവസ്ഥിതി മാറണമെന്നുറച്ച മുഴുവനാളുകളും അവര്‍ക്കൊപ്പം തെരുവിലുണ്ട്, സ്വാതന്ത്ര്യ സമര കാലത്തും, അടിയന്തിരാവസ്ഥയുടെ കാലത്തും സര്‍വ്വാധിപത്യത്തിനെതിരെ ആദ്യം ശബ്ദമുയര്‍ന്നത് വിദ്യാര്‍ത്ഥിളില്‍ നിന്നും യുവാക്കളില്‍ നിന്നുമാണ് അവ തെരുവിലേക്ക് പടര്‍ന്നാണ് എല്ലാ മാറ്റവും സാധ്യമായിട്ടുള്ളത്, ഇന്ന് തെരവില്‍ മുഴങ്ങുന്നതും അതേ മാറ്റത്തിന്റെ പടപ്പാട്ടുകളാണ്. സംശയലേശമന്യേ നമുക്ക് അതിനൊപ്പം നില്‍ക്കാം

19/07/2026

ജൂലൈ 20
*സ. എൻ. ഉണ്ണികൃഷ്ണൻ അനുസ്മരണം*

അനുസ്മരണ പ്രഭാഷണം: സ. സുബൈദ ഇസഹാക്ക്
സിപിഐ(എം) ജില്ല സെക്രട്ടറിയേറ്റ് അംഗം

🗓️ 2026 ജൂലൈ 20 (തിങ്കൾ)
🕖 രാവിലെ 7:00 മണിക്ക്

📺 CPIM Palakkad ഫേസ്ബുക്ക് പേജിലും യൂട്യൂബ് ചാനലിലും.

09/06/2026

ശ്രീ. ഇന്നസെന്റിന്റെ നിര്യാണവേളയിൽ അന്നത്തെ മുഖ്യമന്ത്രി പിണറായി വിജയൻ അന്ത്യോപചാരം അർപ്പിക്കാൻ എത്തിയത്,55 വാഹനങ്ങളുടെയും 560 പൊലീസിന്റേയും അകമ്പടിയോടെ ആയിരുന്നു എന്ന ബി ജെപി നേതാവ് മേജർ രവിയുടെ പ്രസ്താവന വസ്തുതാ വിരുദ്ധമാണ്. ഇതു പോലെ ചില പ്രൊഫൈലുകളിൽ വ്യാജ വീഡിയോ നിർമ്മിച്ച് ഷെയർ ചെയ്തതായും ശ്രദ്ധയിൽ വന്നിട്ടുണ്ട്. ഇന്നസെന്റിന് അന്ത്യോപചാരം അർപ്പിക്കുന്ന യഥാർത്ഥ ദൃശ്യങ്ങൾ മാധ്യമങ്ങളിൽ വന്നിട്ടുള്ളതാണ്. അത് പരിശോധിച്ചാൽ ഈ അടിസ്ഥാന രഹിതമായ വ്യാജ നിർമ്മിതി ആർക്കും മനസ്സിലാവുന്നതേ ഉള്ളൂ. പക്ഷെ മേജർ രവിയെ പോലെ ഒരാൾ ഇത്തരം വില കുറഞ്ഞ പ്രചാരണം നടത്തുന്നത് അപലപനീയമാണ്. വസ്തുതാ വിരുദ്ധമായി നവമാധ്യമങ്ങളിൽ പ്രചരിക്കുന്ന ഇത്തരം പ്രവർത്തനങ്ങൾക്കെതിരെ ആവശ്യമായ നിയമ നടപടികൾ സ്വീകരിക്കും.

28/05/2026