CPIM ATTAPPADY AC

04/04/2026

🚨 വയനാട് ഫണ്ട്: കോൺഗ്രസ് മറുപടി പറയേണ്ട ചോദ്യങ്ങൾ! 🚨

വയനാട് ദുരന്തത്തിന്റെ പേരിൽ കോൺഗ്രസ് നടത്തിയ ഫണ്ട് പിരിവ് വലിയൊരു സാമ്പത്തിക ദുരൂഹതയായി മാറുകയാണ്. ജനങ്ങളുടെ പണത്തിന് കൃത്യമായ കണക്ക് ബോധിപ്പിക്കാൻ കെപിസിസി നേതൃത്വം തയ്യാറാകണം.

📱 എവിടെപ്പോയി ആ ആപ്പ്? - കോൺഗ്രസ് പണം പിരിക്കാനായി തുടങ്ങിയ ആപ്പിന് ഇപ്പോൾ എന്ത് സംഭവിച്ചു? അതിലെ വിവരങ്ങൾ പുറത്തുവിടാൻ തയ്യാറുണ്ടോ?

💰 പിരിച്ച തുക എത്ര? - ആപ്പ് വഴി എത്ര രൂപ ലഭിച്ചു? നേരിട്ട് (ഓഫ്ലൈൻ) എത്ര രൂപ സമാഹരിച്ചു?

💸 ആപ്പ് നിർമ്മാണ ചെലവ്: - ആപ്പ് നിർമ്മാണത്തിനായി ചെലവഴിച്ച 9,30,000 രൂപ വയനാടിനായി പിരിച്ച ഫണ്ടിൽ നിന്നാണോ വകയിരുത്തിയത്?

🌍 വിദേശ സഹായം: - വിദേശത്തുനിന്നും എത്ര പണം ഇതിലേക്കായി ലഭിച്ചു? പ്രവാസികൾ ഈ ആപ്പ് വഴി എത്ര രൂപ നൽകി?

🤝 നേതൃത്വത്തിന്റെ പങ്ക്: - എ.ഐ.സി.സിയോ, കെ.പി.സി.സിയോ സ്വന്തം നിലയ്ക്ക് ഈ ഫണ്ടിലേക്ക് പൈസ നൽകിയിട്ടുണ്ടോ? ഉണ്ടെങ്കിൽ എത്ര രൂപ?

🏦 ബാങ്ക് വിവരങ്ങൾ: - ഈ തുകയെല്ലാം ധനലക്ഷ്മി ബാങ്കിലെ അക്കൗണ്ടിൽ ആണുള്ളതെന്ന് പറയുന്നു. അതിൽ എത്ര രൂപ ഇപ്പോൾ ബാങ്കിലുണ്ട്? എന്ന് മുതൽ ആ തുക ബാങ്കിലുണ്ട്? ഈ നിക്ഷേപത്തിന് അനുസൃതമായി പലിശ ഇനത്തിൽ എത്ര തുക ലഭിച്ചു?

📉 കണക്കുകളിലെ വൈരുദ്ധ്യം: - കഴിഞ്ഞ ദിവസം കെപിസിസി പ്രസിഡന്റ് പറഞ്ഞത് ഭൂമി വാങ്ങാൻ 5 കോടി രൂപയോളം ചെലവായി എന്നാണ്. ഇന്ന് പറയുന്നു, 6.18 കോടി രൂപ എന്ന്. വാങ്ങിയ 2 ഭൂമികളുടെ രജിസ്ട്രേഷൻ തുക അടക്കം വരുന്നത് 3,21,25,500 രൂപയാണ് രേഖകളിലുള്ളത്. അപ്പോൾ ബാക്കി തുകയുടെ പിന്നിലെ കണക്ക് വ്യക്തമാക്കാമോ?

🦁 യൂത്ത് കോൺഗ്രസ് വിഹിതം: - യൂത്ത് കോൺഗ്രസ് പിരിച്ച തുക കോൺഗ്രസ്സിന്റെ വയനാട് ഫണ്ടിലേക്ക് നൽകിയിട്ടുണ്ടോ? ഉണ്ടെങ്കിൽ എത്ര രൂപ നൽകി?

👥 ജനപ്രതിനിധികളുടെ വിഹിതം: - കേരളത്തിലെ എത്ര കോൺഗ്രസ് എം.എൽ.എമാർ/എം.പിമാർ കോൺഗ്രസ് ഫണ്ടിലേക്ക് പൈസ തന്നു? ആരൊക്കെ എത്ര രൂപ വീതം നൽകി?

🏠 വീടുകളുടെ എണ്ണം: - വയനാട്ടിൽ ദുരന്തബാധിതർക്ക് എത്ര വീടുകളാണ് കോൺഗ്രസ് നിർമ്മിച്ച് നൽകുന്നത്? ഇതിൽ യൂത്ത് കോൺഗ്രസ്സിന്റെ 30 വീടുകൾ ഉൾപ്പെടുമോ?

📑 അനുമതി ലഭിച്ചോ? - വീട് നിർമ്മാണത്തിന് മേപ്പാടി പഞ്ചായത്തിൽ അപേക്ഷ നൽകിയോ? അപേക്ഷ അംഗീകരിച്ച് നിർമ്മാണ അനുമതി ലഭിച്ചോ? ലഭിച്ചെങ്കിൽ അനുമതി പുറത്തുവിടാമോ?

📍 ഭൂമി എവിടെ? - വീട് നിർമ്മാണത്തിനായി എത്ര സെന്റ് സ്ഥലം വാങ്ങി? എവിടെയാണ് ഈ സ്ഥലം? അവിടെ ടൗൺഷിപ്പ് ആണോ നിർമ്മിക്കുന്നത്? സ്കൂൾ, മാർക്കറ്റ് ഉൾപ്പെടെയുള്ള പ്ലാൻ പുറത്തുവിടുമോ?

🖼️ സതീശന്റെ അവകാശവാദം: - കോൺഗ്രസ് വയനാട്ടിൽ സ്ഥലം വാങ്ങി പണി തുടങ്ങി എന്നാണ് മാർച്ച് 28-ന് പ്രതിപക്ഷ നേതാവ് വി.ഡി. സതീശൻ പറഞ്ഞത്. അത്തരത്തിൽ നിർമ്മാണ പ്രവർത്തനങ്ങൾ നടക്കുന്നതിന്റെ ചിത്രങ്ങൾ പുറത്തുവിടാമോ?

📢 വേണുഗോപാലിന്റെ പ്രഖ്യാപനം: - യുഡിഎഫ് അധികാരത്തിൽ വന്നാൽ ആദ്യ പരിപാടി വയനാട്ടിൽ വീട് നിർമ്മാണം പൂർത്തിയാക്കും എന്നാണ് മാർച്ച് 26-ന് കെ.സി. വേണുഗോപാൽ പറഞ്ഞത്. പൈസയില്ലാതെ എങ്ങനെ വീട് നിർമ്മിക്കും? ഇനി യുഡിഎഫ് അധികാരത്തിൽ വന്നില്ലെങ്കിൽ ഈ വീടുകൾ നിർമ്മിക്കില്ല എന്നാണോ ഇതിന്റെ അർത്ഥം?

📉 രജിസ്‌ട്രേഷൻ ചെലവ്: - വാങ്ങിയ ഓരോ ഭൂമിക്കും രജിസ്‌ട്രേഷൻ തുക ഉൾപ്പെടെ എത്ര രൂപ ചിലവായി?

💳 അക്കൗണ്ട് സുതാര്യത: - കെപിസിസി പ്രസിഡന്റിന്റെയോ പ്രതിപക്ഷ നേതാവിന്റെയോ വ്യക്തിപരമായ അക്കൗണ്ടിലേക്കാണോ പണം നിക്ഷേപിച്ചത്? ആ അക്കൗണ്ട് നമ്പർ പുറത്തുവിടുമോ?

⚠️ പണമില്ലെന്ന വാദം: - പിരിച്ച പണം ഭൂമിക്കായി ചിലവഴിച്ചു ഇനി വീട് നിർമ്മിക്കാൻ പണമില്ല എന്നാണ് കെപിസിസി പ്രസിഡന്റ് പറയുന്നത്. വീടിനായി ഇനി പ്രത്യേക പിരിവ് നടത്തുമോ? കോൺഗ്രസ് നിർമ്മിക്കുന്ന വീട് കിട്ടുമെന്ന് വിശ്വസിച്ച് സർക്കാരിൽ നിന്നും ലഭിക്കേണ്ട 15 ലക്ഷം വേണ്ടെന്ന് വെച്ച ദുരന്തബാധിതർക്ക് എന്ന് വീട് ലഭ്യമാക്കും?

ജനങ്ങളുടെ ചില്ലിക്കാശിനും കണക്ക് വേണം! സുതാര്യത ഉറപ്പാക്കുന്നത് വരെ ചോദ്യങ്ങൾ തുടരും! 🚩

31/03/2026

വാഗ്ദാനങ്ങളില്‍ കോണ്‍ഗ്രസിന് എത്രത്തോളം സത്യസന്ധതയുണ്ടെന്ന് തെളിയിക്കുന്ന നിരവധി ഉദാഹരണങ്ങള്‍ നമുക്ക് മുന്നിലുണ്ട്. എങ്കിലും വീണ്ടും വീണ്ടും കപട വാഗ്ദാനങ്ങളുമായി അവര്‍ സാധാരണക്കാര്‍ക്ക് മുന്നിലേക്കെത്തുകയാണ്.

ഇന്ദിരാ ഗാരണ്ടി എന്ന പേരില്‍ 5 ഇന വാഗ്ദാനങ്ങളുമായാണ് കോണ്‍ഗ്രസ് ഇത്തവണ തെരഞ്ഞെടുപ്പിനെ നേരിടുന്നത്. അധികാരത്തില്‍ തിരിച്ചെത്തിയാല്‍ കേരളത്തില്‍ തേനും പാലുമൊഴുക്കുമെന്ന് പറയുന്നവരെ വെറുതെയെങ്കിലും വിശ്വസിച്ചുപോയവരുണ്ടെങ്കില്‍ അവര്‍ക്ക് ചിലത് ഓര്‍മപ്പെടുത്തിക്കൊടുക്കണം. രാജ്യത്തെ എല്ലാ മതനിരപേക്ഷ വാദികളും എതിര്‍ത്ത യോഗിയുടെ ബുള്‍ഡോസര്‍രാജ് ദക്ഷിണേന്ത്യയില്‍ അരങ്ങേറിയത് കോണ്‍ഗ്രസ് ഭരിക്കുന്ന കര്‍ണാടകയിലാണ്.

യലഹങ്കയില്‍ സ്ത്രീകളും കുട്ടികളും ഗര്‍ഭിണികളും പ്രായമായവരും ഉള്‍പ്പെടുന്ന 3000 ത്തില്‍ അധികം വരുന്ന ജനതയെ ഒറ്റരാത്രികൊണ്ട് കൂരയില്ലാത്തവരാക്കിയത് കോണ്‍ഗ്രസ് മുഖ്യമന്ത്രി സിദ്ധരാമയ്യയുടെ കര്‍ണാടകയിലാണ്. ഡിവൈഎഫ്‌ഐ ഉള്‍പ്പെടെയുള്ളവര്‍ ശക്തമായ പ്രതിഷേധമുയര്‍ത്തിയപ്പോള്‍ ആ പാവങ്ങളുടെ കണ്ണീര് കാണാതെ പ്രതിഷേധമുയര്‍ത്തിയവരുടെ ഭാഷാശുദ്ധിയെ പരിഹസിച്ചവരാണ് നമുക്ക് മുന്നിലേക്ക് ഈ വാഗ്ദാനങ്ങളുമായി വരുന്നത്.

ശക്തമായ പ്രതിഷേധത്തിനൊടുവില്‍ തെരുവിലേക്ക് ഇറക്കിവിട്ടവര്‍ക്ക് വീട് കൊടുക്കുമെന്ന് കോണ്‍ഗ്രസിന് പ്രഖ്യാപിക്കേണ്ടിവന്നു. പക്ഷെ അതെല്ലാം പ്രഖ്യാപനങ്ങളില്‍ ഒതുങ്ങി. ജീവിത സമ്പാദ്യം മുഴുവന്‍ സ്വരുക്കൂട്ടി പണിതുടര്‍ത്തിയ കെട്ടിവാവശിഷ്ടങ്ങള്‍ക്കിടയില്‍ ആ മനുഷ്യര്‍ വെയിലും മഴയും കൊണ്ട് ദിവസങ്ങള്‍ ഇരുട്ടി വെളുപ്പിക്കാന്‍ തുടങ്ങിയിട്ട് ഇന്നേക്ക് 101 ദിവസമായി. ഇന്ദിരയുടെ ഗാരണ്ടിയും കൊണ്ട് വരുന്നവരോട് അധികാരമുള്ള യലഹങ്കയിലെ ജനങ്ങള്‍ക്ക് നിങ്ങള്‍ നല്‍കിയ ഉറപ്പെന്താണ് പാലിക്കാത്തതെന്ന് ചോദിക്കാന്‍ മലയാളികള്‍ക്ക് സാധിക്കണം.

ഇനിയൊന്ന് കോണ്‍ഗ്രസ് ഇപ്പോഴും ഉത്തരം നല്‍കാത്ത വയനാട് മുണ്ടക്കൈ-ചൂരല്‍മല പുനരധിവാസത്തെ കുറിച്ചാണ്. ലക്ഷങ്ങള്‍ പിരിച്ച് കൈമാറിയെന്ന് കോണ്‍ഗ്രസിന്റെ ഓരോ കീഴ്കമ്മിറ്റികളും സാക്ഷ്യപ്പെടുത്തിയിട്ടും തന്റെയും കെപിസിസി പ്രസിഡണ്ടിന്റെയും ജോയിന്റ് അക്കൗണ്ടില്‍ പണം വന്നു എന്ന് പറഞ്ഞ വിഡി സതീശന്‍ പക്ഷെ ഏത് ബാങ്കില്‍ എത്ര തുകയാണ് ലഭിച്ചത് എന്ന് ഇതുവരെ പറഞ്ഞിട്ടില്ല.

സര്‍ക്കാറിന്റെ വീട് വരും മുന്നെ കോണ്‍ഗ്രസ് വീടുകള്‍ ഉയരും എന്ന് പറഞ്ഞിരുന്ന കോണ്‍ഗ്രസ് പക്ഷെ സര്‍ക്കാര്‍ വീടുകളുടെ ഒന്നാംഘട്ട ഉദ്ഘാടനം പൂര്‍ത്തീകരിച്ചിട്ട് മാസങ്ങള്‍ പിന്നിട്ടിട്ടും പുനരധിവാസത്തിന് വാങ്ങിയ ഭൂമിയില്‍ ഒരു കല്ലിട്ടതല്ലാതെ അതിന് മുകളില്‍ മറ്റൊരു കെല്ലെടുത്ത് വച്ചിട്ടില്ല.

സാധാരണക്കാരന്റെ ജീവനും കണ്ണീരിനും വില നല്‍കാത്ത കോണ്‍ഗ്രസിന്റെ തെരഞ്ഞെടുപ്പ് വാഗാദാനങ്ങളെ വിശ്വാസിക്കാന്‍ കൊള്ളില്ലെന്ന് മലയാളികള്‍ മനസിലാക്കും

25/03/2026

കായംകുളത്തെ യുഡിഎഫ് കണ്‍വീനര്‍ എല്‍ഡിഎഫ് സ്ഥാനാര്‍ത്ഥി യു പ്രതിഭയ്‌ക്കെതിരെ നടത്തിയ നീചമായ പരാമര്‍ശങ്ങളില്‍ നിന്നും വ്യക്തമാവുന്നത് യുഡിഎഫിന്റെയും കോണ്‍ഗ്രസിന്റെയും സ്ത്രീപക്ഷ നിലപാടുകളിലെ പൊള്ളത്തരമാണ്.

സ്ത്രീകളെ സ്വന്തമായി വ്യക്തിത്വമുള്ളവരായി അംഗീകരിക്കാന്‍ മടിയുള്ളൊരു കൂട്ടമായി യുഡിഎഫ് അധപതിച്ചിരിക്കുന്നു. അധികാരമുപയോഗിച്ച് സ്ത്രീകളെ ചൂഷണം ചെയ്യുകയും ആത്മാഭിമാനത്തോടെ പൊതുരംഗത്ത് മാതൃകാപരമായി പ്രവര്‍ത്തിക്കുന്ന സ്ത്രീകളെ വ്യക്തിപരമായി അക്രമിച്ച് ആത്മവീര്യം കെടുത്താന്‍ ശ്രമിക്കുകയും ചെയ്യുന്ന യുഡിഎഫിന്റെയും കോണ്‍ഗ്രസിന്റെയും ലീഗിന്റെയും നികൃഷ്ടമായ രാഷ്ട്രീയം പരിഷ്‌കൃത സമൂഹത്തിന് യോജിച്ചതല്ല.

യുഡിഎഫ് നേതൃത്വത്തെ വേദിയിലിരുത്തി നടത്തിയ ഈ പരമാര്‍ശത്തില്‍ പോലും ഈ നേരംവരെ കോണ്‍ഗ്രസില്‍ നിന്നും ഒരു എതിര്‍ശബ്ദവും ഉയര്‍ന്നിട്ടില്ലെന്നത് യുഡിഎഫില്‍ വ്രവര്‍ത്തിക്കുന്ന സ്ത്രീകളും ഗൗരവത്തോടെ കാണേണ്ട കാര്യമാണ്. കോണ്‍ഗ്രസിന്റെയും യുഡിഎഫിന്റെയും ഈ സ്ത്രീ വിരുദ്ധ കാവ്ചപ്പാടിനെതിരെ കോരളത്തിലെ ആത്മാഭിമാനമുള്ള സ്ത്രീ സമൂഹം പ്രതികരിക്കും

19/03/2026

09/03/2026

രാഹുല്‍ ഗാന്ധി കേരളത്തിലെത്തി നടത്തിയ അഞ്ച് പ്രഖ്യാപനങ്ങളാണല്ലോ ഇപ്പോള്‍ വലിയ ചര്‍ച്ച. അതിനിടയിലേക്ക് ഇതു കൂടെ ചേര്‍ത്തോളു ഹമാചല്‍ തെരഞ്ഞെടുപ്പിന് മുമ്പ് ഹിമാചല്‍ കാ സങ്കല്‍പ്പ് എന്ന പേരില്‍ സാധാരണ ജനങ്ങള്‍ക്ക് കോണ്‍ഗ്രസ് നിറയെ വാഗ്ദാനങ്ങള്‍ നല്‍കി 68 ല്‍ 40 സീറ്റം നല്‍കി ഹിമാചല്‍ കോണ്‍ഗ്രസിനെ അധികാരത്തില്‍ എത്തിച്ചു. കോണ്‍ഗ്രസ് അന്ന് ഹിമാചലിലെ ജനങ്ങളോട് പറഞ്ഞ വാഗ്ദാനങ്ങളില്‍ ചിലത് താഴെ കൊടുക്കുന്നു.

300 യൂണിറ്റ് വൈദ്യുതി സൗജന്യമായി തരാമെന്ന് പറഞ്ഞു

പറ്റിച്ചു

വനിതകള്‍ക്ക് പ്രതിമാസം 1500 രൂപ ഗ്യാരന്റിയെന്ന് പറഞ്ഞു ..

പറ്റിച്ചു

5 ലക്ഷം തൊഴിലവസരമുണ്ടാക്കുമെന്ന് പറഞ്ഞു..

പറ്റിച്ചു

കിലോ ചാണകത്തിന് 2 രൂപ തരാമെന്ന് പറഞ്ഞു. ജനം ചാണകം കൂട്ടിയിട്ടു

പറ്റിച്ചു

ഓരോ നിയോജക മണ്ഡലത്തിനും 10 കോടി രൂപയുടെ സ്റ്റാര്‍ട്ടപ്പ് എന്ന പറഞ്ഞു..

പറ്റിച്ചു

ഇന്ദിരാ ഗാരണ്ടിയുടെയും അവസ്ഥ ഇതുതന്നെയാവും

07/03/2026

ഇന്ന് മുഖ്യമന്ത്രി ഉദ്ഘാടനം നടത്തുന്ന മൂന്ന് പദ്ധതികളാണ് ചിത്രത്തിൽ.. മൂന്നും ഏതൊരാൾക്കും നേരിട്ട് പോയി കാണാൻ തോന്നുന്ന രീതിയിൽ ആകർഷണീയമാണ്.

1; ആലപ്പുഴ ജില്ലയിലെ ഒരു ദ്വീപായ പെരുമ്പളം പഞ്ചായത്തിലേക്ക് ഉള്ള ഒരു പാലമാണ് ഒന്നാമത്തെ ചിത്രം. 2018 ഭരണാനുമതി നൽകി ആരംഭിച്ച പദ്ധതി നൂറ്റിയാറ് കോടി രൂപ കിഫ്ബിയിൽ നിന്ന് ചെലവഴിച്ചാണ് നിർമ്മിച്ചത് . ഒന്നര കിലോമീറ്ററോളം നീളമുള്ള ഈ പാലത്തിന് പതിനൊന്ന് മീറ്ററാണ് വീതി. ഒന്നര മീറ്റർ വീതിയിൽ ഇരുവശത്തും നടപ്പാതയും ഉണ്ട്. പദ്ധതിയുടെ ഗുണഭോക്താക്കൾ കേവലം പതിനായിരത്തോളം ആളുകൾ മാത്രമേ ഉള്ളൂ.

സാധാരണക്കാരന്റെ ഉയർച്ചക്കും ഉന്നമനത്തിനും നിലകൊള്ളുന്ന LDF പെരുമ്പളത്തെ ജനതയുടെ സ്വപ്ന പദ്ധതി ഇന്ന് നാടിന് സമര്‍പ്പിക്കുന്നു...

2: ചെല്ലാനം തീരസംരക്ഷണ പദ്ധതി, ഗുരുതരമായ കടലാക്രമണ ഭീഷണി നേരിടുന്ന സംസ്ഥാനത്തെ പത്തോളം വരുന്ന പ്രദേശങ്ങളിൽ ഏറ്റവും ദുര്‍ബലമായ പ്രദേശമായിരുന്നു ചെല്ലാനം..2021_22 ബജറ്റിൽ പ്രഖ്യാപിച്ച പദ്ധതി ആറോളം മീറ്റർ ഉയരത്തിൽ കടൽഭിത്തി കെട്ടി അതിന് മുകളിൽ ടെട്രാ പോഡുകളും സ്ഥാപിച്ച് ഏഴര കിലോമീറ്റർ നീളത്തിൽ പൂർത്തിയാക്കി. 7.95 ലക്ഷം മെട്രിക് ടണ്‍ കരിങ്കല്ലും 1.20 ലക്ഷം ടെട്രാപോഡുകളും ഉപയോഗിച്ച നിർമ്മാണത്തിന് 344 കോടി രൂപ കിഫ്ബി വഴി ചെലവഴിച്ചു പൂര്‍ത്തിയാക്കിയ ശേഷം 6.1 കിലോമീറ്റർ രണ്ടാം ഘട്ട നിര്‍മാണത്തിലേക്ക് ഇന്ന് കടക്കുന്നു.. 404 കോടിയാണ് രണ്ടാം ഘട്ട നിര്‍മാണ ചെലവ്.. പദ്ധതിയുടെ ഗുണഭോക്താക്കളും സാധാരണക്കാരായ തീരദേശ വാസികളാണ്..

LDF ആർക്ക് വേണ്ടിയാണ് നിലകൊള്ളുന്നത് എന്നതിന് മറ്റൊരു ഉദാഹരണം കൂടിയാണ് ഈ പദ്ധതി..

3; ആലപ്പുഴ, കോട്ടയം ജില്ലകളെ ബന്ധിപ്പിക്കുന്ന ഏറ്റവും പ്രധാന സംസ്ഥാന പാതയായ പുനര്‍നിര്‍മ്മിച്ച ആലപ്പുഴ - ചങ്ങനാശ്ശേരി AC റോഡ് . 2018 പ്രളയത്തിൽ തകര്‍ന്ന എസി റോഡ് അമ്പലപ്പുഴ, കുട്ടനാട്, ചങ്ങനാശ്ശേരി എന്നീ നിയോജകമണ്ഡലങ്ങളിലൂടെ കടന്നുപോകുന്നു. റീബിൾഡ് കേരള (RKI) പദ്ധതിയിൽ ഉൾപെടുത്തി വേൾഡ് ബാങ്ക് സഹായത്തോടെ 24 കിലോമീറ്റർ ദൂരത്തിൽ നിർമ്മിച്ച റോഡ് സംസ്ഥാനത്തെ അതി മനോഹരമായ റോഡുകളിൽ ഒന്നായി മാറിയിരിക്കുകയാണ്. അന്താരാഷ്ട്ര നിലവാരത്തിലുള്ള DBM & BC പ്രതലത്തിൽ നിർമ്മിച്ച റോഡിന് 649.76 കോടിക്കാണ് കരാർ നൽകിയത്. ഇരുവശത്തും ടൈൽ പാകിയ നടപ്പാതയോട് കൂടിയ ഓടകളോടെ നിർമ്മിച്ച റോഡിൽ നാല് വലിയ പാലങ്ങൾ, 13 ചെറിയ പാലങ്ങൾ, 5 ഫ്ലെഓവറുകൾ, കനാൽ ഭാഗങ്ങളിൽ ബാരിക്കേടുകൾ, കൈവരികൾ, 48 ബസ്സ് കാത്തിരിപ്പുകേന്ദ്രങ്ങൾ എന്നിവ അടങ്ങിയിരിക്കുന്നു.. വെള്ളപ്പൊക്കത്തെ പ്രതിരോധിക്കാൻ കഴിയുമാറ് 3 കോസ് വേകളും ഉണ്ട്...

28/02/2026

1. ഇത് അതിജീവനത്തിന്റെ കേരളാ മോഡൽ!

മുണ്ടക്കൈ-ചൂരൽമല ഉരുൾപൊട്ടലിൽ സർവ്വതും നഷ്ടപ്പെട്ടവർക്ക് ആശ്വാസമായി, ആത്മവിശ്വാസമായി എൽഡിഎഫ് സർക്കാർ പണിതുയർത്തിയ കൽപ്പറ്റ ടൗൺഷിപ്പ് നാളെ നാടിന് സമർപ്പിക്കുന്നു. 178 കുടുംബങ്ങൾക്ക് ഇനി പുതിയ മേൽവിലാസം, പുതിയ സ്വപ്നങ്ങൾ.

വാഗ്ദാനങ്ങൾ വെറും വാക്കുകളല്ലെന്നും അത് ജനങ്ങൾക്കുള്ള ഉറപ്പാണെന്നും ഈ സർക്കാർ ഒരിക്കൽ കൂടി തെളിയിച്ചിരിക്കുന്നു. വിദ്വേഷമല്ല, വികസനവും കരുതലുമാണ് ഈ നാടിന്റെ കരുത്ത്. വയനാടിന്റെ പുനർജന്മത്തിന് അഭിവാദ്യങ്ങൾ!

1. പറഞ്ഞ വാക്ക് പാലിച്ചു; വയനാടിന് ലോകോത്തര പുനരധിവാസ മാതൃക

ദുരന്തമുഖത്ത് പകച്ചുനിൽക്കാതെ, ഏറ്റവും ശാസ്ത്രീയവും ആധുനികവുമായ പുനരധിവാസം ഉറപ്പാക്കുമെന്ന എൽഡിഎഫ് സർക്കാരിന്റെ പ്രഖ്യാപനം ഇന്ന് കൽപ്പറ്റ ടൗൺഷിപ്പിലൂടെ യാഥാർത്ഥ്യമാവുകയാണ്. ഫേസ്-1 ഉദ്ഘാടനം ചെയ്യപ്പെടുമ്പോൾ അത് കേരളത്തിന്റെ പൊതുമരാമത്ത്-പുനരധിവാസ ചരിത്രത്തിലെ സുവർണ്ണ അധ്യായമായി മാറുന്നു.

* അതിവേഗ നിർമ്മാണം: ദുരന്തം നടന്ന് ചുരുങ്ങിയ കാലയളവിനുള്ളിൽ ടൗൺഷിപ്പ് പൂർത്തിയാക്കി.

* ലോകോത്തര നിലവാരം: അടിസ്ഥാന സൗകര്യങ്ങളിലും നിർമ്മാണ രീതിയിലും പുലർത്തിയ മികവ്.

* സമഗ്രമായ ഇടപെടൽ: താമസത്തിന് പുറമെ ഉപജീവനവും സാമൂഹിക ചുറ്റുപാടും ഉറപ്പാക്കുന്ന ഡിസൈൻ.

പ്രതിസന്ധികളിൽ തളരാത്ത ഒരു സർക്കാരിന് എങ്ങനെ ഒരു ജനതയെ ചേർത്തുപിടിക്കാം എന്നതിന്റെ നേർസാക്ഷ്യമാണിത്.

1. കണ്ണീർ തുടച്ച്, കൈപിടിച്ചുയർത്തി; ഇത് അതിജീവനത്തിന്റെ പുതുചരിത്രം!

മുണ്ടക്കൈയും ചൂരൽമലയും തകർന്നടിഞ്ഞപ്പോൾ കേരളം ഒന്നടങ്കം വിറങ്ങലിച്ചു നിന്നു. എന്നാൽ ആ ചാരത്തിൽ നിന്ന് ഫീനിക്സ് പക്ഷിയെപ്പോലെ ഉയിർത്തെഴുന്നേൽക്കുമെന്ന് എൽഡിഎഫ് സർക്കാർ നൽകിയ വാക്ക് ഇന്ന് കൽപ്പറ്റയിൽ പൂവണിയുകയാണ്. 178 കുടുംബങ്ങൾ നാളെ പുതിയ ജീവിതത്തിലേക്ക് കാൽവെക്കുന്നു.

കേവലം വീടുകളല്ല, മറിച്ച് തകർന്നുപോയ സ്വപ്നങ്ങളെയാണ് സർക്കാർ ലോകോത്തര നിലവാരത്തിലുള്ള ഈ ടൗൺഷിപ്പിലൂടെ തിരിച്ചുനൽകുന്നത്. തളരാത്ത പോരാട്ടവീര്യത്തിന്റെയും കരുതലോടെയുള്ള ഭരണകൂട ഇടപെടലിന്റെയും അടയാളമാണിത്. ഈ ടൗൺഷിപ്പ് കേവലം കെട്ടിടങ്ങളല്ല, മറിച്ച് അതിജീവനത്തിന്റെ മലയാളം ലോകത്തിന് നൽകുന്ന മാതൃകയാണ്.

25/02/2026

കരിങ്കൊടി പ്രതിഷേധത്തിന്റെ പേരില്‍ തെരുവില്‍ മന്ത്രിയെ കൈയ്യേറ്റം ചെയ്യുന്ന രീതിയിലേക്ക് പ്രതിപക്ഷം മാറുകയാണ്. ജനാധിപത്യ പ്രതിഷേധങ്ങള്‍ക്കപ്പുറം തെരുവില്‍ ഗുണ്ടകളെ ഇറക്കിവിട്ട് ജനപ്രതിനിധികളെ നേരിടാന്‍ പ്രതിപക്ഷം തയ്യാറാവുന്നത് ജനാധിപത്യത്തിന് ഭൂഷണമല്ല