08/03/2026
ਇਜ਼ਰਾਈਲੀ ਪੱਤਰਕਾਰ ਐਲੋਨ ਮਿਜਰਾਹੀ ਲਿਖਦੇ ਹਨ:
ਅਸੀਂ ਇਤਿਹਾਸ ਬਣਦਾ ਹੋਇਆ ਦੇਖ ਰਹੇ ਹਾਂ। ਇਰਾਨ ਨੇ ਸਭ ਨੂੰ ਹੈਰਾਨ ਕਰਦੇ ਹੋਏ ਅਮਰੀਕੀ ਠਿਕਾਣਿਆਂ ਨੂੰ ਇੰਨੀ ਬੁਰੀ ਤਰ੍ਹਾਂ, ਇੰਨੇ ਵੱਡੇ ਪੱਧਰ ‘ਤੇ ਅਤੇ ਇੰਨੇ ਨਿਰਣਾਇਕ ਢੰਗ ਨਾਲ ਤਬਾਹ ਕੀਤਾ ਹੈ ਕਿ ਦੁਨੀਆ ਇਸਨੂੰ ਦੇਖਣ ਲਈ ਤਿਆਰ ਨਹੀਂ ਸੀ।
ਚਾਰ ਦਿਨਾਂ ਵਿੱਚ, ਇਰਾਨ ਨੇ ਖੇਤਰ ਵਿੱਚ ਆਪਣੇ ਫੌਜੀ ਪ੍ਰਭਾਵ ਦਾ ਦਾਇਰਾ ਵਧਾ ਲਿਆ ਹੈ। ਇਰਾਨ ਨੇ ਦੁਨੀਆ ਦੇ ਸਭ ਤੋਂ ਕੀਮਤੀ ਅਤੇ ਮਹਿੰਗੇ ਫੌਜੀ ਠਿਕਾਣਿਆਂ, ਸੰਪਤੀਆਂ ਅਤੇ ਸਾਜੋ-ਸਮਾਨ ਨੂੰ ਨਸ਼ਟ ਕਰ ਦਿੱਤਾ ਹੈ। ਬਹਿਰੀਨ, ਕੁਵੈਤ, ਕਤਰ ਅਤੇ ਸਾਊਦੀ ਅਰਬ ਵਿੱਚ ਅਮਰੀਕੀ ਅੱਡੇ ਦੁਨੀਆ ਦੇ ਸਭ ਤੋਂ ਵੱਡੇ ਫੌਜੀ ਸਥਾਪਨਾਵਾਂ ਵਿੱਚੋਂ ਹਨ। ਇਹ ਉਹ ਸੰਪਤੀਆਂ ਹਨ ਜਿਨ੍ਹਾਂ ਨੂੰ ਬਣਾਉਣ ਵਿੱਚ ਕਈ ਦਹਾਕਿਆਂ ਦੌਰਾਨ ਖਰਬਾਂ ਡਾਲਰ ਖਰਚ ਹੋਏ ਹਨ। ਅਸੀਂ 30 ਸਾਲ ਤੋਂ ਵੱਧ ਦੇ ਫੌਜੀ ਖਰਚ ਦੇ ਵੱਡੇ ਹਿੱਸੇ ਨੂੰ ਧੂੰਏਂ ਵਿੱਚ ਤਬਦੀਲ ਹੁੰਦਾ ਦੇਖ ਰਹੇ ਹਾਂ।
ਅਸੀਂ ਸੈਂਕੜਿਆਂ ਮਿਲੀਅਨ ਡਾਲਰ ਦੀ ਲਾਗਤ ਵਾਲੇ ਰਡਾਰ ਪਲਾਂ ਵਿੱਚ ਤਬਾਹ ਹੁੰਦੇ ਦੇਖ ਰਹੇ ਹਾਂ। ਅਸੀਂ ਪੂਰੇ ਫੌਜੀ ਠਿਕਾਣਿਆਂ ਨੂੰ ਛੱਡਿਆ ਜਾਂਦਾ, ਸੜਦਾ, ਤਬਾਹ ਹੁੰਦਾ ਅਤੇ ਨਸ਼ਟ ਹੁੰਦਾ ਦੇਖ ਰਹੇ ਹਾਂ। ਮੈਂ ਆਪਣੇ ਗਿਆਨ ਦੇ ਆਧਾਰ ਤੇ ਤੁਹਾਨੂੰ ਦੱਸ ਰਿਹਾ ਹਾਂ ਕਿ ਅਮਰੀਕਾ ਨੇ ਆਪਣੇ ਪੂਰੇ ਇਤਿਹਾਸ ਵਿੱਚ ਇੰਨਾ ਵੱਡਾ ਨੁਕਸਾਨ ਕਦੇ ਨਹੀਂ ਸਹਿਣਾ ਪਿਆ, ਸ਼ਾਇਦ ਪਰਲ ਹਾਰਬਰ ਤੋਂ ਇਲਾਵਾ, ਪਰ ਉਹ ਇਕ ਅਚਾਨਕ ਹਮਲਾ ਸੀ।
ਕਿਸੇ ਆਮ ਜੰਗ ਵਿੱਚ ਕਿਸੇ ਵੀ ਦੁਸ਼ਮਣ ਨੇ ਅਮਰੀਕੀ ਫੌਜ ਨਾਲ ਉਹ ਨਹੀਂ ਕੀਤਾ ਜੋ ਇਸ ਸਮੇਂ ਇਰਾਨ ਕਰ ਰਿਹਾ ਹੈ। ਇਹ ਵਿਸ਼ਵਾਸ ਤੋਂ ਪਰੇ ਹੈ। ਫੌਜੀ ਹਾਲਤ ਇੰਨੀ ਖਰਾਬ ਹੈ ਕਿ ਸੈਂਸਰਸ਼ਿਪ ਇਸ ਜੰਗ ਬਾਰੇ ਲਗਭਗ ਹਰ ਨਵੀਂ ਜਾਣਕਾਰੀ ਨੂੰ ਰੋਕ ਰਹੀ ਹੈ। ਜੇ ਤੁਸੀਂ ਧਿਆਨ ਕੀਤਾ ਹੋਵੇ ਤਾਂ ਸਾਨੂੰ ਹਰ ਦਿਨ ਪਹਿਲਾਂ ਨਾਲੋਂ ਘੱਟ ਜਾਣਕਾਰੀ ਦਿੱਤੀ ਜਾ ਰਹੀ ਹੈ।
ਪੈਂਤੀ ਸਾਲ ਪਹਿਲਾਂ ਪਹਿਲੇ ਇਰਾਕ ਯੁੱਧ ਦੌਰਾਨ ਸਾਨੂੰ ਇਰਾਕ ਤੋਂ ਬੇਅੰਤ ਫੁਟੇਜ ਦਿਖਾਏ ਜਾਂਦੀ ਸੀ। ਉਸ ਸਮੇਂ ਸਮਾਰਟ ਬੰਬ ਅਤੇ ਕੈਮਰੇ ਇੱਕ ਨਵੀਂ ਚੀਜ਼ ਸਨ, ਪਰ ਹਰ ਰਾਤ ਸਾਨੂੰ ਰਾਤ ਦੇ ਦ੍ਰਿਸ਼ ਦਿਖਾਏ ਜਾਂਦੇ ਸਨ। ਹੁਣ ਅਸੀਂ ਲਗਭਗ ਕੋਈ ਵੀਡੀਓ ਨਹੀਂ ਦੇਖ ਰਹੇ।
ਇਸ ਨੂੰ ਸਮਝੋ! ਅਮਰੀਕਾ ਦੁਨੀਆ ਦੀ ਸਭ ਤੋਂ ਵੱਡੀ ਫੌਜੀ ਤਾਕਤ ਹੈ ਜਿਸ ਕੋਲ ਸਭ ਤੋਂ ਵੱਡੀ ਹਵਾਈ ਸਮਰੱਥਾ ਹੈ, ਪਰ ਛੇ ਦਿਨਾਂ ਤੋਂ ਅਮਰੀਕਾ ਹਮਲਾਵਰ ਹੈ, ਹਿਣ ਤੱਕ ਉਸਨੂੰ ਇਰਾਨ ਦੀ ਰੱਖਿਆ ਨੂੰ ਤਹਿਸ ਨਹਿਸ ਕਰ ਦੇਣਾ ਚਾਹੀਦਾ ਸੀ, ਪਰ ਅਸੀਂ ਇਰਾਨ ਦੇ ਆਸਮਾਨ ਵਿੱਚ ਅਮਰੀਕੀ ਦਬਦਬੇ ਦਾ ਕੋਈ ਸੰਕੇਤ ਨਹੀਂ ਵੇਖਦੇ। ਸਾਡੇ ਜਹਾਜ਼ ਤੇਹਰਾਨ ਜਾਂ ਇਰਾਨ ਦੇ ਕਿਸੇ ਵੀ ਹਿੱਸੇ ਉੱਤੇ ਉੱਡਦੇ ਹੋਏ ਕਿੱਥੇ ਹਨ? ਖੁਦ ਵਾਈਟ ਹਾਊਸ ਕਹਿ ਰਿਹਾ ਕਿ ਅਜਿਹਾ ਹੋਣ ਨੂੰ ਛੇ ਹਫ਼ਤੇ ਲੱਗਣਗੇ। ਉਦੋਂ ਤੱਕ ਅਮਰੀਕੀ ਟਿਕਾਣਿਆਂ ਦਾ ਬਚੇਗਾ ਕੀ?
ਅਮਰੀਕੀ ਸੈਨਿਕ ਇਰਾਨ ਵਿੱਚ ਕਦਮ ਰੱਖਣ ਦਾ ਸੁਪਨਾ ਵੀ ਨਹੀਂ ਦੇਖ ਸਕਦੇ ਅਤੇ ਇਹ ਸਮਝਣ ਲਈ ਕਿ ਇਹ ਜੰਗ ਕਿੰਨੀ ਨਿਰਾਸ਼ਾਜਨਕ ਹੈ, ਚੌਥੇ ਦਿਨ ਹੀ ਤੁਸੀਂ ਟਰੰਪ ਪ੍ਰਸ਼ਾਸਨ ਵੱਲੋਂ ਸਭ ਤੋਂ ਪਾਗਲਪਨ ਭਰੇ ਸੁਝਾਅ ਸੁਣ ਰਹੇ ਹੋ। ਉਹ ਫਾਰਸ ਦੀ ਖਾੜੀ ਤੋਂ ਨਿਕਲਣ ਵਾਲੇ ਤੇਲ ਲਿਜਾਣ ਵਾਲੇ ਜਹਾਜ਼ਾਂ ਲਈ ਫੌਜੀ ਸੁਰੱਖਿਆ ਭੇਜਣ ਦੀ ਗੱਲ ਕਰ ਰਹੇ ਹਨ। ਤੁਸੀਂ ਕੀ ਕਹਿ ਰਹੇ ਹੋ? ਕੀ ਤੁਸੀਂ ਹਜ਼ਾਰਾਂ ਇਰਾਨੀ ਮਿਸਾਈਲਾਂ ਦੀ ਰੇਂਜ ਵਿੱਚ ਅਮਰੀਕੀ ਜਹਾਜ਼ ਭੇਜਣਾ ਚਾਹੁੰਦੇ ਹੋ? ਹੋਰਮੁਜ਼ ਦੀ ਖਾੜੀ ਰਾਹੀਂ ਹੁਣ ਕੋਈ ਵੀ ਨਹੀਂ ਲੰਘ ਸਕਦਾ।
ਇਰਾਨ ਇਸ ਲਈ ਦਹਾਕਿਆਂ ਤੋਂ ਤਿਆਰੀ ਕਰ ਰਿਹਾ ਹੈ। ਟਰੰਪ ਇਰਾਨ ਉੱਤੇ ਹਮਲਾ ਕਰਨ ਲਈ ਕੁਰਦ ਮਿਲਿਸ਼ੀਆ ਨੂੰ ਹਥਿਆਰ ਦੇਣ ਦੀ ਗੱਲ ਕਰ ਰਹੇ ਹਨ। ਤੁਸੀਂ ਕੀ ਬਕਵਾਸ ਕਰ ਰਹੇ ਹੋ? ਕੀ ਤੁਸੀਂ ਕਦੇ ਇਰਾਨ ਦਾ ਨਕਸ਼ਾ ਦੇਖਿਆ ਹੈ? ਲੱਗਦਾ ਹੈ ਟਰੰਪ ਪ੍ਰਸ਼ਾਸਨ ਨੇ ਕਦੇ ਇਰਾਨ ਦਾ ਨਕਸ਼ਾ ਹੀ ਨਹੀਂ ਦੇਖਿਆ! ਕੀ ਤੁਹਾਨੂੰ ਪਤਾ ਹੈ ਇਹ ਕਿੰਨਾ ਵਿਸ਼ਾਲ ਦੇਸ਼ ਹੈ? ਕਿਸ ਤਰਾਂ ਪਹਾੜਾਂ ਅਤੇ ਪਾਣੀ ਨਾਲ ਘਿਰਿਆ ਹੈ? ਇਰਾਨ ਉੱਤੇ ਹਮਲਾ ਕਰਨ ਦਾ ਕੀ ਮਤਲਬ? ਕੀ ਤੁਹਾਨੂੰ ਲੱਗਦਾ ਹੈ 10,000 ਲੋਕਾਂ ਦੀ ਮਿਲਿਸ਼ੀਆ ਇਰਾਨ ਉੱਤੇ ਹਮਲਾ ਕਰ ਸਕਦੀ ਹੈ? ਜਾਂ 50,000? ਜਾਂ 100,000? ਇਰਾਨ ਉਨ੍ਹਾਂ ਨੂੰ ਨਿਗਲ ਲਵੇਗਾ।
ਅਮਰੀਕਾ ਅਤੇ ਇਜ਼ਰਾਈਲ ਇਹ ਜੰਗ ਪਹਿਲਾਂ ਹੀ ਹਾਰ ਚੁੱਕੇ ਹਨ। ਅਮਰੀਕਾ ਅਤੇ ਇਜ਼ਰਾਈਲ ਆਪਣੇ ਘਰਾਂ ਵਿੱਚ ਲੱਖਾਂ ਨਾਗਰਿਕਾਂ ਨੂੰ ਮਾਰ ਸਕਦੇ ਹਨ। ਉਨ੍ਹਾਂ ਕੋਲ ਵੱਡੇ ਬੰਬ ਹਨ ਅਤੇ ਉਹ ਇਮਾਰਤਾਂ ਨੂੰ ਉਡਾ ਸਕਦੇ ਹਨ, ਪਰ ਉਹ ਇਹ ਜੰਗ ਨਹੀਂ ਜਿੱਤ ਸਕਣਗੇ। ਇਰਾਨ ਦਾ ਫੌਜੀ ਢਾਂਚਾ ਅਤੇ ਹਥਿਆਰ ਪੂਰੇ ਦੇਸ਼ ਵਿੱਚ ਇੰਨੇ ਗਹਿਰੇ ਜ਼ਮੀਨ ਹੇਠਾਂ ਹਨ ਕਿ ਅਮਰੀਕੀਆਂ ਅਤੇ ਨਿਸ਼ਚਿਤ ਤੌਰ ਤੇ ਇਜ਼ਰਾਈਲੀਆਂ ਲਈ ਉਨ੍ਹਾਂ ਤੱਕ ਪਹੁੰਚਣਾ ਮੁਮਕਿਨ ਨਹੀਂ।
ਉਨ੍ਹਾਂ ਨੇ ਕੁਝ ਐਸਾ ਸ਼ੁਰੂ ਕਰ ਦਿੱਤਾ ਹੈ ਜਿਸਨੂੰ ਖਤਮ ਕਰਨ ਦਾ ਉਨ੍ਹਾਂ ਕੋਲ ਕੋਈ ਮੌਕਾ ਨਹੀਂ। ਜਦੋਂ ਇਹ ਸਭ ਖਤਮ ਹੋਵੇਗਾ ਤਾਂ ਅਮਰੀਕਾ ਮੁੜ ਕਦੇ ਪੱਛਮੀ ਏਸ਼ੀਆ ਵਿੱਚ ਵਾਪਸ ਨਹੀਂ ਆਵੇਗਾ। ਮੱਧ ਪੂਰਬ ਵਿੱਚ ਅਮਰੀਕੀ ਮੌਜੂਦਗੀ ਨਹੀਂ ਰਹੇਗੀ। ਮੈਂ ਹੁਣ ਤੁਹਾਨੂੰ ਇਹ ਪੂਰੇ ਯਕੀਨ ਨਾਲ ਕਹਿ ਰਿਹਾ ਹਾਂ।
— ਐਲੋਨ ਮਿਜਰਾਹੀ, ਇਜ਼ਰਾਈਲੀ ਪੱਤਰਕਾਰ
ਐਲੋਨ ਮਿਜਰਾਹੀ ਇੱਕ ਇਜ਼ਰਾਈਲੀ ਲੇਖਕ, ਰਾਜਨੀਤਿਕ ਵਿਸ਼ਲੇਸ਼ਕ ਅਤੇ ਸ਼ਾਂਤੀ ਕਾਰਕੁਨ ਹਨ, ਉਹ ਆਪਣੇ ਆਪ ਨੂੰ ਇੱਕ ਅਰਬ-ਯਹੂਦੀ — ਖਾਸ ਕਰਕੇ ਮੋਰੋਕਨ-ਯਹੂਦੀ ਵਿਰਾਸਤ ਵਾਲਾ ਮੰਨਦੇ ਹਨ ਅਤੇ ਖੇਤਰ ਵਿੱਚ ਨਿਆਂਪੂਰਨ ਸ਼ਾਂਤੀ ਦੀ ਲੋੜ ਬਾਰੇ ਖੁੱਲ੍ਹ ਕੇ ਬੋਲਦੇ ਰਹੇ ਹਨ। - copy -
