20/01/2026
तीच शाळा, तीच आठवण, तोच खोडकरपणा,
आजही तसाच जपलेला आपुलकीचा धागा.
वर्षं गेली तरी बदललो नाही आपण,
मित्रांनो, या भेटीने पुन्हा जिवंत झालं बालपण...
असं म्हणतात की, जगाने केलेली स्तुती एका बाजूला आणि आपल्या बालमित्रांनी दिलेली शाबासकीची थाप एका बाजूला! १८ जानेवारी २०२६ हा दिवस माझ्यासाठी केवळ 'स्नेहमिलन' नव्हता, तर ते नात्यांच्या समृद्धीचे दर्शन होते.
२६ वर्षांनंतर 'चंद्रभागाबाई पाकोळे विद्यालय, मंगरूळ दस्त.' येथे आम्ही सर्व मित्र-मैत्रिणी आणि गुरुजन भेटलो. शाळेप्रती कृतज्ञता व्यक्त करताना आमच्या बॅचच्या वतीने वस्तू स्वरूपात भेट दिलीच, पण श्री. अमोल ढोले आणि श्री. प्रदीप देवतळे (पुणे) यांनी प्रत्येकी ५१,०००/- रुपयांची देणगी देऊन सर्व माजी विद्यार्थ्यांसमोर एक आदर्श उभा केला.
विशेषतः, आपल्या 'समर्पण' संस्थेच्या कार्याची दखल घेऊन अमोल ढोले (११,०००/-), प्रवीण धोबे (११,०००/-), ज्ञानेश्वर बांते (५००१/-) आणि इतर मित्रांनी जो संकल्प निधी गोळा केला, तो माझ्यासाठी अनपेक्षित आणि कोणत्याही पुरस्कारापेक्षा मोठा होता. माझे मित्र आज वेगवेगळ्या क्षेत्रांत उच्च पदावर असले, तरी त्यांची नाळ अजूनही जमिनीशी जोडलेली आहे, याचा मला अभिमान वाटला.
मित्रांनो, हे प्रेमाचं आणि विश्वासाचं नातं असंच टिकून राहो. तुम्हा सर्वांना आग्रहाचे आमंत्रण आहे की, वेळ काढून सहपरिवार समर्पण 'सांझाग्राम' ला नक्की भेट द्या.
तुमचाच,
अमोल मानकर
https://www.samarpanpratishthan.org
#कृतज्ञता #स्नेहमिलन #शाळेचेदिवस❣ 📚
