04/08/2026
दिनांक 1 ऑगस्ट, 2026 रोजी वंशोदया पब्लिक स्कूल, अंबागेट, अमरावती येथे जागतिक स्कार्फ दिवस साजरा करण्यात आला. या कार्यक्रमाचे अध्यक्षस्थान शाळेच्या मुख्याध्यापिका सौ.वंदना अग्रवाल यांनी भूषविले. यावेळी शाळेतील भगतसिंग स्काऊट पथकातील सर्व स्काऊट व सावित्रीबाई फुले गाईड पथकातील सर्व गाईड यांनी गणवेश परिधान करून कार्यक्रमात सहभाग घेतला. या जागतिक स्कार्फ दिवसाच्या निमित्ताने स्कार्फचे महत्त्व उपस्थितांना विषद करण्यात आले. या कार्यक्रमावेळी ध्वजारोहण पार पडले व उपस्थितांचे पुष्पगुच्छ देऊन स्वागत करण्यात आले. या कार्यक्रमाला शाळेच्या गाईड कॅप्टन निशा मिश्रा व शाळेतील इतर शिक्षक, शिक्षिका उपस्थित होत्या. कार्यक्रमाचे आभार प्रदर्शन स्काऊट मास्टर श्री.स्वप्निल रोडगे यांनी केले.
