24/03/2026
*വിശുദ്ധ ദിനങ്ങളിലെ പരീക്ഷകളും ഔദ്യോഗിക പരിപാടികളും: ക്രൈസ്തവ വിശ്വാസത്തോടുള്ള അവഗണന അവസാനിപ്പിക്കുക*
ക്രൈസ്തവ വിശ്വാസികൾ അങ്ങേയറ്റം ഭക്തിയോടെ ആചരിക്കുന്ന ഓശാന, പെസഹാ വ്യാഴം, ഈസ്റ്റർ ദിനങ്ങളിൽ പ്രധാനപ്പെട്ട മത്സര പരീക്ഷകളും സർക്കാർ ഉദ്യോഗസ്ഥർക്കാ യുള്ള തിരഞ്ഞെടുപ്പ് ട്രെയിനിങ് പ്രോഗ്രാമുകളും നിശ്ചയിച്ചിട്ടുള്ള അധികൃതരുടെ നടപടിയിൽ കെ.സി.വൈ.എം. ലാറ്റിൻ സംസ്ഥാന സമിതി ശക്തമായ പ്രതിഷേധം രേഖപ്പെടുത്തുന്നു.
വിശുദ്ധ ദിനങ്ങളിൽ പരീക്ഷകളും മറ്റ് ഔദ്യോഗിക തിരക്കുകളും അടിച്ചേൽപ്പിക്കുന്നത് ഭരണ ഘടന ഉറപ്പുനൽകുന്ന മതസ്വാതന്ത്ര്യത്തിൻ്റെ നഗ്നമായ ലംഘനമാണ്.
വിശുദ്ധ വാരത്തിലെ പരീക്ഷകളും ട്രെയിനിങ് പ്രോഗ്രാമുകളും മാറ്റി നിശ്ചയിക്കാൻ കേന്ദ്ര- സംസ്ഥാന സർക്കാരുകളും നാഷണൽ ടെസ്റ്റിംഗ് ഏജൻസിയും അടിയന്തരമായി തയ്യാറാ കണം. അല്ലാത്തപക്ഷം സംസ്ഥാന വ്യാപകമായ പ്രതിഷേധ പരിപാടികളുമായി മുന്നോട്ട് പോകാൻ കെ.സി.വൈ.എം. ലാറ്റിൻ സംസ്ഥാന സമിതി തീരുമാനിച്ചു.
*കെ.സി.വൈ.എം. ലാറ്റിൻ*
*സംസ്ഥാന സമിതി*
❤️🤍💛
