01/06/2023
ജീവിതപ്രതികൂല സാഹചര്യത്തിൽ ബാബുവിന് കൈത്താങ്ങായത് വെൽഫെയർ ട്രസ്റ്റ്
വെൽഫെയർ ട്രസ്റ്റിന്റെ അനിവാര്യമായ ഒരിടപ്പെടൽ കൂടി ഉണ്ടായപ്പോൾ ഈ മനുഷ്യന് ജീവിതത്തിന്റെ പുതുവെളിച്ചം ലഭിച്ചു......പ്രത്യാശയുടെയും, സ്നേഹത്തിന്റെയും, കരുതലിന്റെയും ഒരു പുതിയ ജീവിതം ഈ വ്യക്തിക്കായി വന്നെത്തി... നമ്മുടെ കുടുംബത്തിലേക്ക് വന്നെത്തിയ അഗം , ബാബു....
ബാബു, തൃശൂർ സ്വദേശിയാണ്... വിവാഹിതനും രണ്ട് ആൺ മക്കൾ ഉള്ള പിതാവുമാണ്.
വർഷങ്ങൾക്കു മുൻപ് തന്നെ ഭാര്യ ഉപേക്ഷിച്ചുപോയിരുന്ന ഈ വ്യക്തിയുടെ ജീവിതത്തിൽ ആകെയുള്ള പ്രതീക്ഷ രണ്ടാണ്മക്കളായിരുന്നു...
എന്നാൽ പ്രായംചെന്ന മാതാപിതാക്കളെ ഉപേക്ഷിക്കുന്ന മക്കളുള്ള ഈ കാലത്ത്, ബാബുവിന്റെ കാര്യത്തിലും ഇതുതന്നെ സംഭവിച്ചു.. തനിക്കു സ്വന്തമെന്നോ ബന്ധമെന്നോ പറയുവാൻ ആരുമില്ലാത്ത ആ മനുഷ്യൻ ഗുരുവായൂരിൽ ഒരു പപ്പട കമ്പനിയിൽ ജോലിനോക്കാൻ തീരുമാനിച്ചു.. വൈകാതെ തന്റെ വീടും, ജോലിസ്ഥലവും അതുതന്നെയായി മാറി.. ബാബുവിന്റെ മറ്റു ബന്ധുക്കളോ, സുഹൃത്തുക്കളോ, എന്തിന് സ്വന്തം ആൺമക്കൾപോലും അന്വേഷിച്ചു വരുവാൻ ഉണ്ടായിരുന്നില്ല...
57 വയസ്സ് പ്രായമുള്ള ഈ വ്യക്തി തന്റെ ബാക്കിക്കാലം ആ കമ്പനിയിൽ കഴിച്ചുകൂട്ടുമെന്ന് ഉറപ്പിച്ചു.. എന്നാൽ ബാബുവിന്റെ നിയോഗം മറ്റൊനായിരുന്നു. മാസങ്ങൾക്കു മുൻപ് ഈ വ്യക്തിക്ക് Stroke ഉണ്ടാവുകയും ശരീരത്തിന്റെ ഒരുവശം തളർന്നു പോയി ആലുവ ഗവണ്മെന്റ് ആശുപത്രിയിൽ ചികിത്സക്കായി കമ്പനിയിലെ സുഹൃത്തുക്കൾ ഈ വ്യക്തിയെ വിദേയമാക്കി. ശരീരത്തിന്റെ ഒരുവശം തളർന്നുപോയ ഈ വ്യക്തിയെ പരിചരിക്കാനും, സമയാസമയത്ത് മരുന്നുകൾ കൊടുക്കുവാനും ആളില്ലാതെയായി.......
ബാബുവിന്റെ സുഹൃത്ത് ഈ വിവരങ്ങളെല്ലാം ധരിപ്പിച്ച് 3 മാസങ്ങൾക്കുമുൻപ് അഡ്മിഷൻ എൻക്വിറിക്കായി ട്രസ്റ്റിലേക്ക് എത്തിയത്.. ബാബുവിന്റെ അവസ്ഥ മനസിലാക്കിയ നമ്മൾ, ഈ വ്യക്തിയുടെ പുന്നർ ചികിത്സക്കും, പുനരുദിവാസത്തിനുമായി ട്രസ്റ്റിലേക്ക് കൊണ്ടുവരാൻ അറിയിച്ചു...
തന്റെ ജീവിതത്തിൽ ഇനി ഒരിക്കലും കടന്നു വരില്ല എന്ന് ബാബു വിചാരിച്ച ആ സ്നേഹവും, കരുതലും കൊടുക്കാനായി ഒരു വലിയകുടുംബം തന്നെ ഉണ്ടെന്ന് ഈ മനുഷ്യൻ ഇപ്പോൾ തിരിച്ചറിയുന്നു...
ആരൊക്കെയാരലോ സ്നേഹിക്കപ്പെടാനും, സ്നേഹിക്കാനും ആഗ്രഹിക്കാത്ത മനിഷ്യരുണ്ടാവില്ലലോ?.... ബാബുവിന്റെ ജീവിതത്തിലേക്കും ഈശ്വരൻ ഈ കാരുണ്യം കാണിച്ചത് "Welfare Association Trust" എന്നാ പേരിലൂടെയാണ്...
ഇന്ന് ബാബുവിനെ സ്നേഹിക്കാനും പരിചരിക്കാനും തയ്യാറായി നിൽക്കുന്ന ഒരു കൂട്ടം ആൾക്കാരുണ്ട്. അദ്ദേഹത്തിന്റെ തുടർ ചികിത്സയും, ഒരു വ്യക്തിക്കാവശ്യമായ എല്ലാ കാര്യങ്ങളും ഇന്ന് വെൽഫെയർ ട്രസ്റ്റ് നോക്കുന്നു. സ്നേഹിക്കാൻ മാത്രം അറിയുന്ന ഒരു കൂട്ടം മനുഷ്യർക്കിടയിൽ ദൈവം കൊണ്ടുചെന്നെത്തിച്ച ഈ മനുഷ്യൻ ഇന്ന് എത്ര ഭാഗ്യവാനാണ്.
എന്നോ ചിരി മറന്നുപോയ ആ മുഖത്ത് ഇന്ന് നമ്മുക്ക് പുഞ്ചിരികാണാം.
ബാബുവിനെ പോലുള്ള ഒരുപാട് വ്യക്തികൾക്ക് ഇങ്ങനെയുള്ള സംവിധാനങ്ങൾ ഒരുക്കിനൽകാൻ വെൽഫെയർ ട്രസ്റ്റിന് സാധിക്കുന്നുണ്ടെങ്കിൽ അത് ഒരുപാട് നന്മനിറഞ്ഞ മനസ്സുകളുടെ സഹായം കൊണ്ടാണ്. പേരുപോലും സമൂഹത്തിനു മുൻപിൽ വെളിപ്പെടുത്താൻ ആഗ്രഹിക്കാത്ത അവരോരോരുത്തരെയും ഒരായിരം നന്ദിയോടെ ഓർക്കുന്നു.....
പാർവതി കെ എ
സോഷ്യൽ വർക്കർ
വെൽഫെയർ അസോസിയേഷൻ ട്രസ്റ്റ്
വെസ്റ്റ് വെളിയത്തുനാട് ആലുവ
www.welfaretrust.in
9061589561
0484 2969561
