SnehaJalakam, CG Francis Smaraka Trust, Pathirappally, Alappuzha (2026)

23/09/2026

പ്രിയപ്പെട്ട രവികുമാർ സാറിന്റെ ദീപ്തമായ ഓർമകൾക്ക് പ്രണാമം.....
ആലപ്പുഴ,പാതിരപ്പളളി,രാമമന്ദിരത്തിൽ M R രവികുമാറിന്റെ ഓർമ ദിനമാണിന്ന്. KSRTC യിൽ സേവനമനുഷ്ടിച്ച് DTO ആയി വിരമിച്ച അദ്ദേഹം നാട്ടിൽ എല്ലാവർക്കും പ്രിയപ്പെട്ടവനും പൊതുപ്രവർത്തകർക്ക് ഉത്തമ മാതൃകയുമായിരുന്നു. സ്നേഹജാലകത്തിന്റെ ഒമ്പതാം വാർഡ് സെക്രട്ടറിയായും പ്രസിഡന്റായും പാതിരപ്പളളി ശ്രീകൃഷ്ണവിലാസം NSS കരയോഗത്തിന്റെ പ്രസിഡന്റായും അദ്ദേഹം പ്രവർത്തിച്ചിരുന്നു. രവികുമാർ സാറിന്റെ ദു:ഖകരമായ വേർപാടിന് 2 ആണ്ട് തികയുന്ന ഈ ദിനത്തിൽ നിരാലംബരായ 200 കിടപ്പ് രോഗികൾക്ക് സ്നേഹ ജാലകത്തിലൂടെ ഭക്ഷണം ഒരുക്കുകയാണ് അദ്ദേഹത്തിന്റെ പ്രിയപ്പെട്ട കുടുംബം. പ്രിയപ്പെട്ട രവികുമാർ സാറിന്റെ ഓർമ ദിനത്തിൽ നിരാലംബരെ ചേർത്തു പിടിച്ച് അദ്ദേഹത്തിന്റെ മരിക്കാത്ത ഓർമകൾക്ക് മുന്നിൽ പ്രണമിക്കുന്ന അദ്ദേഹത്തിന്റെ പ്രിയ കുടുബത്തിന് നന്ദി രേഖപ്പെടുത്തുന്നു. പ്രിയപ്പെട്ട രവികുമാർ സാറിന്റെ മായാത്ത ഓർമകൾക്ക് മുന്നിൽ സ്നേഹജാലകത്തിന്റെ അശ്രുപുഷ്പങ്ങൾ.

21/09/2026

പ്രിയപ്പെട്ട ലളിതയുടെ സ്നേഹ സ്മരണകൾക്ക് പ്രണാമം......
ആലപ്പുഴ,ഇരവുകാട്,സജി നിവാസിൽ ലളിതയുടെ ഓർമദിനമാണിന്ന്. പ്രിയപ്പെട്ട ലളിതയുടെ ദുഖ:കരമായ വേർപാടിന്റെ രണ്ടാം വാർഷിക ദിനത്തിൽ നിരാലംബരായ 100 കിടപ്പ് രോഗികൾക്ക് സ്നേഹ ജാലകത്തിലൂടെ ഭക്ഷണം ലഭ്യമാക്കുകയാണ് അവരുടെ പ്രിയ കുടുബം. പ്രിയപ്പെട്ട ലളിതയുടെ യുടെ ഓർമദിനത്തിൽ നിരാലംബരെ ചേർത്തുപിടിക്കുന്ന അവരുടെ പ്രിയ ഭർത്താവ് ശ്രീ.കെ.വിശ്വനാഥൻ, മക്കൾ ശ്രീ.സജീവ്,സന്ധ്യ എന്നിവർക്ക് നന്ദി അറിയിക്കുന്നു. പ്രിയപ്പെട്ട ലളിതയുടെ ദീപ്തമായ ഓർമകൾക്ക് സ്നേഹ ജാലകത്തിന്റെ അശ്രുപുഷ്പങ്ങൾ.

21/09/2026

പ്രിയപ്പെട്ട അജിതയുടെ ദീപ്തമായ ഓർമകൾക്ക് പ്രണാമം.....
ചേർത്തലതെക്ക് ,പുത്തൻവെളി അജിതയുടെ ദു:ഖകരമായ വേർപാടിന്റെ പതിനാറാം ദിനമാണിന്ന്. അജിതയുടെ 16 അടിയന്തിരത്തോടനുബന്ധിച്ച് നിരാലംബരായ 100 കിടപ്പ് രോഗികൾക്ക് സ്നേഹജാലകത്തിലൂടെ ഭക്ഷണം ലഭ്യമാക്കുകയാണ് അജിതയുടെ പ്രിയ കുടുബം.അജിതയുടെ സ്നേഹ സ്മരണയ്ക്കായി നിരാലംബരെ ചേർത്തുപിടിക്കുന്ന പ്രിയ കുടുബത്തിന് നന്ദി രേഖപ്പെടുത്തുന്നു.പ്രിയപ്പെട്ട അജിതയുടെ ഓർമകൾക്ക് സ്നേഹജാലകത്തിന്റ അശ്രുപുഷ്പങ്ങൾ.

18/09/2026

പ്രിയപ്പെട്ട വൈശാഖിന്റെ (വിച്ചുകുട്ടൻ) ദീപ്തമായ ഓർമകൾക്ക് പ്രണാമം...

പ്രിയപ്പെട്ടവർക്ക് ഒരിക്കലും മറക്കാനാവാത്ത ഒരു ദിനമാണിത്. കൂടെയെന്നും തണലായുള്ളയൊരാൾ, ദിവസവും കാണുന്ന മുഖം, നമ്മുടെ കൂട്ടത്തിലെന്നുമുള്ള ഒരാൾ പെട്ടെന്നൊരു ദിവസം ഇല്ലാതാവുന്നത് മറക്കാനാവുമോ. അപ്രതീക്ഷിതമായുണ്ടായ ഒരു അപകടത്തിൽ പ്രിയ വൈശാഖ് വിടപറയുമ്പോൾ ചുറ്റുമുള്ളവരെല്ലാം വിറങ്ങലിച്ച് നിൽക്കുകയായിരുന്നു.

നിഷ്കളങ്കമായ നറുപുഞ്ചിരിയോടെ ഏവരുടേയും കണ്മണിയായിരുന്നു പാതിരപ്പള്ളി ജിജി നിവാസിൽ ഏവരുടേയും പ്രിയ വിച്ചുകുട്ടൻ. വളർന്നു വലുതായി കുഞ്ഞനിയന്മാർ എത്തിയപ്പോഴും ആ സൗമ്യതയ്ക്ക് മാറ്റമൊന്നുമുണ്ടായിരുന്നില്ല; പകരം എല്ലാവരെയും ചേർത്തുപിടിക്കുന്ന സ്നേഹനിധിയായ മകനായി അവൻ മാറി. നാടിനും വീടിനും ഒരുപോലെ പ്രിയങ്കരനായിരുന്ന ആ മകൻ മാഞ്ഞുപോയെങ്കിലും, സ്വന്തം മകനെ നഷ്ടപ്പെട്ട അച്ഛനമ്മമാരുടെയും കുടുംബത്തിന്റെയും നീറുന്ന സങ്കടങ്ങളിൽ നിന്ന് ആരും ഇന്നും മുക്തരായിട്ടില്ല.

വൈശാഖ് ഒപ്പമില്ലാത്ത രണ്ടു വർഷങ്ങൾ തികയുന്ന ഈ ഓർമദിനത്തിൽ, അവന്റെ മായാത്ത സ്മരണയ്ക്കായി സ്നേഹജാലകത്തിലൂടെ 100 കിടപ്പുരോഗികൾക്ക് ഉച്ചഭക്ഷണമെത്തിക്കുകയാണ് അവന്റെ പ്രിയ കുടുംബം.

പ്രിയ മകന്റെ വേർപാടിന്റെ വേദനയിലും നിർധനർക്ക് ആഹാരമേകി അവന്റെ നന്മയെ നിലനിർത്തുന്ന ആ കുടുംബത്തിന്റെ ദുഃഖത്തിൽ പങ്കുചേരുന്നു. പ്രിയപ്പെട്ട വൈശാഖിന്റെ മരിക്കാത്ത ഓർമകൾക്ക് മുന്നിൽ സ്നേഹജാലകത്തിന്റെ അശ്രുപുഷ്പങ്ങൾ...

17/09/2026

പ്രിയപ്പെട്ട ചന്ദ്രമതിയുടെ ദീപ്തമായ ഓർമകൾക്ക് പ്രണാമം......
ആലപ്പുഴ,പാതിരപ്പള്ളി,കാട്ടുങ്കൽ ചന്ദ്രമതി ഓർമയായിട്ട് ഇന്ന് 11 ആണ്ട് തികയുന്നു. പാതിരപ്പള്ളിയിലെ രാഷ്ട്രീയ സാമൂഹ്യ രംഗത്ത് സജീവയായിരുന്ന ചന്ദ്രമതിയുടെ ദുഖ:കരമായ വേർപാടിന്റെ പതിനൊന്നാം അനുസ്മരണദിനത്തിൽ നിരാലംബരായ 100 കിടപ്പ് രോഗികൾക്ക് സ്നേഹ ജാലകത്തിലൂടെ ഭക്ഷണം ലഭ്യമാക്കുകയാണ് അവരുടെ പ്രിയ കുടുബം . പ്രിയപ്പെട്ട അമ്മയുടെ ഓർമദിനത്തിൽ നിരാലംബർക്ക് ഭക്ഷണം ലഭ്യമാക്കുന്ന ശ്രീ.സവീൻ ചന്ദ്രയ്ക്കും കുടുബത്തിനും നന്ദി അറിയിക്കുന്നു. പ്രിയപ്പെട്ട ചന്ദ്രമതിയുടെ മരിക്കാത്ത ഓർമകൾക്ക് സ്നേഹജാലകത്തിന്റെ അശ്രുപുഷ്പങ്ങൾ.

17/09/2026

പ്രിണപ്പെട്ട മേരിദാസിന്റെ സ്നേഹസ്മരണകൾക്ക് പ്രണാമം. ആലപ്പുഴ, മംഗലം,പൂന്ത്രശ്ശേരിയിൽ
മേരിദാസിന്റെ അനുസ്മരണ ദിനമാണിന്ന്. മേരിദാസിൻ്റെ ദു:ഖകരമായ വേർപാടിന്റ എട്ടാം വാർഷിക ദിനത്തിൽ നിരാലംബരായ 100 കിടപ്പ് രോഗികൾക്ക് സ്നേഹജാലകത്തിലൂടെ ഭക്ഷണം ഒരുക്കുകയാണ് അദ്ദേഹത്തിന്റെ മക്കൾ.പ്രിയപ്പെട്ട പിതാവിന്റെ ഓർമദിനത്തിൽ നിരാലംബരെ ചേർത്തു പിടിക്കുന്ന ശ്രീ.ഷിബുവിനും ശ്രീ.രാജേഷിനും നന്ദി അറിയിക്കുന്നു. പ്രിയപ്പെട്ട മേരി ദാസിന്റെ ദീപ്തമായ ഓർമകൾക്ക് സ്നേഹജാലകത്തിന്റെ അശ്രുപുഷ്പങ്ങൾ.

14/09/2026

പ്രിയപ്പെട്ട സതിദേവിയുടെ സ്നേഹസ്മരണകൾക്ക് പ്രണാമം....
ആലപ്പുഴ,നോർത്ത് ആര്യാട്, മനുനിവാസിൽ സതിദേവിയുടെ അനുസ്മരണദിനമാണിന്ന്.സതിദേവിയുടെ ദു:ഖകരമായ വേർപാടിന് 5 ആണ്ട് തികയുന്ന ഈ ദിനത്തിൽ നിരാലംബരായ 200 കിടപ്പ് രോഗികൾക്ക് സ്നേഹജാലകത്തിലൂടെ ഭക്ഷണം ലഭ്യമാക്കിയാണ് അവരുടെ പ്രിയ ഭർത്താവ് ശ്രീ.കമലാധരൻ തന്റെ ഭാര്യയുടെ സ്നേഹ സ്മരണകൾക്ക് മുന്നിൽ പ്രണാമം അർപ്പിക്കുന്നത്. പ്രിയപ്പെട്ട ഭാര്യയുടെ ഓർമദിനത്തിൽ നിരാലംബരെ ചേർത്തുപിടിക്കുന്ന ശ്രീ.കമലാധരന് നന്ദി അറിയിക്കുന്നു. പ്രിയപ്പെട്ട സതീദേവിയുടെ ദീപ്തമായ ഓർമകൾക്ക് സ്നേഹജാലകത്തിന്റെ അശ്രുപുഷ്പങ്ങൾ.

14/09/2026

പ്രിയപ്പെട്ട ഗ്രിഗറി ചേട്ടന്റെ വേർപാടിൽ ആദരാഞ്ജലികൾ.

സ്നേഹജാലകത്തിന്റെ തുടക്കകാലം മുതൽ ഇതിന്റെ ഓരോ ചുവടുവെപ്പിലും ഒപ്പമുണ്ടായിരുന്ന പ്രിയപ്പെട്ട ഗ്രിഗറി ചേട്ടൻ വിടപറഞ്ഞിരിക്കുന്നു. സ്നേഹജാലകം പ്രവർത്തനങ്ങളുമായി ബന്ധപ്പെട്ടാണ് അദ്ദേഹത്തെ പരിചയപ്പെടുന്നത്.

സ്നേഹജാലകം പ്രവർത്തനങ്ങൾ തുടങ്ങിയ കാലത്ത് സജീവ പാർട്ടി പ്രവർത്തകനായിരുന്ന അദ്ദേഹം, മിക്കവാറും ഖദർ വസ്ത്രമണിഞ്ഞാണ് യോഗങ്ങൾക്കും മറ്റു പരിപാടികൾക്കും എത്തിയിരുന്നത്. ആരോഗ്യവാനായിരുന്ന കാലമത്രയും സൈക്കിളിലേറി പാലിയേറ്റീവ് കെയർ പ്രവർത്തനങ്ങൾക്കും രോഗീസന്ദർശനത്തിനും വീടുകളിൽ ഭക്ഷണമെത്തിക്കാനുമെല്ലാം അദ്ദേഹം മുൻനിരയിലുണ്ടായിരുന്നു.

2017-ൽ പാതിരപ്പള്ളിയിൽ ജനകീയ ഭക്ഷണശാല തുടങ്ങിയപ്പോൾ മുതൽ ദിവസവും വോളന്റീയറായി എത്തുമായിരുന്ന ആ മനുഷ്യൻ, തിരികെ ഒന്നും പ്രതീക്ഷിക്കാതെ തനിക്ക് ഏൽപ്പിച്ച പണികൾ കൃത്യമായി ചെയ്തുതീർത്തു. എൺപതുകളിൽ എത്തിനിൽക്കുമ്പോഴും കമ്മറ്റിയിലെ യുവാക്കൾക്ക് പോലും അസൂയ തോന്നുന്ന വിധത്തിലുള്ള ആവേശം അദ്ദേഹത്തിനുണ്ടായിരുന്നു.

നാഷണൽ ഹൈവേ നിർമ്മാണവുമായി ബന്ധപ്പെട്ട് ജനകീയ ഭക്ഷണശാല നിന്നിരുന്ന കെട്ടിടം പൊളിച്ചുമാറ്റിയപ്പോൾ പുതിയൊരിടം കണ്ടെത്തുക എന്നത് വലിയൊരു ചോദ്യചിഹ്നമായിരുന്നു. എന്നാൽ, തന്റെ കുടുംബസ്വത്ത് മക്കൾക്കായി വീതിച്ചുനൽകിയപ്പോൾ അതിൽ നിന്ന് 10 സെന്റ് സ്ഥലം ജനകീയ ഭക്ഷണശാലയ്ക്കായി നീക്കിവെച്ചുകൊണ്ട് അദ്ദേഹം ഞങ്ങളെ ഏവരെയും അത്ഭുതപ്പെടുത്തി. സ്ഥലം സ്നേഹജാലകത്തിന് കൈമാറിയ ശേഷം മകളുടെ സംരക്ഷണയിൽ പുന്നപ്രയിലേക്ക് താമസം മാറിയെങ്കിലും ആ വലിയ മനസ്സും നന്മയും എന്നും ഈ നാട്ടിൽ നിലനിൽക്കും.

നാട്ടിൽ വെറും സാധാരണക്കാരനായി ജീവിച്ച്, നാട്ടിലെ നന്മകൾക്കൊപ്പം സഞ്ചരിച്ച്, തന്നാലാവുന്നതിനുമപ്പുറം ഈ നാടിനും മനുഷ്യർക്കും നൽകിയാണ് ഗ്രിഗറി ചേട്ടൻ മടങ്ങുന്നത്. തിരികെ ഒന്നും ആഗ്രഹിക്കാത്ത ആ നിഷ്കാമ സേവനത്തിന് മുന്നിലും മരിക്കാത്ത ഓർമകൾക്ക് മുന്നിലും സ്നേഹജാലകത്തിന്റെ പ്രണാമം...

14/09/2026

പ്രിയപ്പെട്ട അലോഷ്യസ് നെൽസൺ ഡിസൂസയുടെ ദീപ്തമായ ഓർമകൾക്ക് പ്രണാമം....
ആലപ്പുഴ,ആറാട്ടുവഴി,പെറ്റ്- ലെറ്റ് വില്ലയിൽ അലോഷ്യസ് നെൽസൺ ഡിസൂസയുടെ ഓർമദിനമാണിന്ന്. അദ്ദേഹത്തിന്റെ ദുഃഖകരമായ വേർപാടിന്റെ ആറാം അനുസ്മരണ ദിനത്തിൽ നിരാലംബരായ 100 കിടപ്പ് രോഗികൾക്ക് സ്നേഹ ജാലകത്തിലൂടെ ഭക്ഷണം ഒരുക്കുകയാണ് അദ്ദേഹത്തിന്റെ ഭാര്യ ശ്രീമതി മേഴ്സി ഡയാന.പ്രിയ ഭർത്താവിന്റെ ഓർമദിനത്തിൽ നിരാലംബരെ ചേർത്തു പിടിക്കുന്ന മുൻ ആലപ്പുഴ മുനിസിപ്പൽ ചെയർപേഴ്സൺ കൂടിയായ ശ്രീമതി മേഴ്സി ഡയാനയ്ക്ക് സ്നേഹ ജാലകത്തിൻ്റെ നന്ദി അറിയിക്കുന്നു. പ്രിയപ്പെട്ട അലോഷ്യസ് നെൽസൺ ഡിസൂസയുടെ മരിക്കാത്ത ഓർമകൾക്ക് സ്നേഹജാലകത്തിൻ്റെ അശ്രു പുഷ്പങ്ങൾ.

13/09/2026

സഖാവ് കെ.കെ പവിത്രന്റെ ദീപ്തമായ ഓർമകൾക്ക് പ്രണാമം......
ആലപ്പുഴ,കളപ്പുര,ചക്കാലയ്ക്കൽ കെ.കെ പവിത്രൻ്റെ ഓർമ ദിനമാണിന്ന്.CPI ആറാട്ടുവഴി ലോക്കൽ കമ്മിറ്റി അംഗമായി പൊതുരാഷ്ട്രീയ രംഗത്ത് നിറഞ്ഞു നിന്നിരുന്ന സഖാവ് കെ.കെ പവിത്രന്റെ ദു:ഖകരമായ വേർപാടിന്റെ പതിനാലാം വാർഷിക ദിനത്തിൽ നിരാലംബരായ 100 കിടപ്പ് രോഗികൾക്ക് സ്നേഹജാലകത്തിലൂടെ ഭക്ഷണം ഒരുക്കുകയാണ് അദ്ദേഹത്തിന്റെ പ്രിയകുടുംബം. നിരാലംബർക്ക് ഭക്ഷണമൊരുക്കി പ്രിയ സഖാവിന്റെ മരിക്കാത്ത ഓർമകൾക്ക് മുന്നിൽ പ്രണാമം അർപ്പിക്കുന്ന അദ്ദേഹത്തിന്റെ കുടുബത്തിന് നന്ദി അറിയിക്കുന്നു. പ്രിയപ്പെട്ട പവിത്രൻ സഖാവിന്റെ മരിക്കാത്ത ഓർമകൾക്ക് മുന്നിൽ സ്നേഹജാലകത്തിന്റെ അശ്രുപുഷ്പങ്ങൾ.

SnehaJalakam

23/09/2026

21/09/2026

21/09/2026

18/09/2026

17/09/2026

17/09/2026

14/09/2026

14/09/2026

14/09/2026

13/09/2026

Address

Telephone

Website

Alerts

Shortcuts

Share

Category

Listing takedown request