Kaithavana jn

07/06/2026

07/06/2026

🥰

07/06/2026

സ്വർഗ്ഗത്തിന്റെ കവാടത്തിൽ ഇന്ന് അസാധാരണമായ ഒരു തിരക്കായിരുന്നു…

“സലീം വരുന്നു…” എന്ന വാർത്ത അവിടെ പടർന്നിരുന്നു.

ആദ്യം ഓടിയെത്തിയത് സംവിധായകൻ ഷാഫി ആയിരുന്നു..

“എടാ… നീ ഇല്ലാതെ ഇത്രയും വർഷം ഇവിടെ കഥ എഴുതാൻ പോലും പറ്റിയില്ല. ഓരോ സീനിലും നീ ഇല്ലാത്ത തമാശ എനിക്കില്ലല്ലോടാ..”

പിന്നാലെ സംവിധായകൻ സിദ്ധീഖ് ഇക്ക എത്തി.

“സത്യം പറയട്ടെ… നീ വന്നാൽ സ്വർഗ്ഗത്തിന്റെ മാനേജ്മെന്റ് നമ്മളെ പുറത്താക്കും. അത്രയും ഹെവി ചിരി ഇവിടെ നിയമപരമാണോ എന്നറിയില്ല!”

അതുകേട്ട് എല്ലാവരും പൊട്ടിച്ചിരിച്ചു.

അവരുടെ ഇടയിലൂടെ കൊച്ചിൻ ഹനീഫ വന്ന് സലീമിന്റെ തോളിൽ കൈവെച്ചു.

“വാ മച്ചാനെ… ഇവിടെ വന്നാലും നിനക്ക് വിശ്രമമൊന്നുമില്ല. നമ്മൾ തുടങ്ങിയ തമാശകൾ ഇനിയും തീർന്നിട്ടില്ല.”

കലാഭവൻ മണി ചിരിച്ചുകൊണ്ട് ചോദിച്ചു:

“അളിയോ… ഭൂമിയിൽ ഇപ്പോഴും ആളുകൾ നിന്റെ ചളികൾ കേട്ട് ചിരിക്കുന്നുണ്ടോ?”

സലീം കുമാർ തലകുനിച്ചു.

“ചിരിക്കുന്നുണ്ട്… പക്ഷേ ഇനി ചിലപ്പോൾ ആ ചിരിയുടെ കൂടെ കണ്ണീരും വരാനുണ്ട്.”

ആ വാക്കുകൾ കേട്ടപ്പോൾ മാമുക്കോയയുടെ മുഖത്തെ ചിരി ഒന്ന് മങ്ങി.

“അതാണ് പഹയാ കലാകാരന്റെ ഭാഗ്യം… നമ്മളെ ഓർക്കുമ്പോൾ ആളുകൾക്ക് ചിരിയും സങ്കടവും ഒരുമിച്ച് വരണം…”

അപ്പോഴേക്കും ഇന്നസെന്റ് തന്റെ പതിവ് ശൈലിയിൽ ഇടപെട്ടു.

“എൻ്റീശ്വരാ ആരാ ഇത് , ഭൂമിയിലെ പുതിയ വാർത്തകൾ പറയ്. രാഷ്ട്രീയക്കാരെല്ലാം ഇപ്പോഴും നമ്മളെക്കാൾ നല്ല കോമഡികൾ ചെയ്യുന്നുണ്ടോ?”

“ആരാണ് വലിയ കോമഡിക്കാർ എന്നേ സംശയമുള്ളൂ " എന്ന് സലീം കുമാർ മറുപടി പറഞ്ഞപ്പോൾ അവിടെയാകെ വീണ്ടും ചിരി പടർന്നു.

കല്പന അടുത്തുവന്ന് പറഞ്ഞു:

“നമ്മൾ ഇല്ലെങ്കിലും നമ്മുടെ സിനിമകൾ ഇപ്പോഴും ആളുകളുടെ വീട്ടിലുണ്ട്. വിഷമം വരുമ്പോൾ അവർ നമ്മളെ തേടിയെത്തുന്നുണ്ട്.”

കൊച്ചു പ്രേമൻ കൂട്ടിച്ചേർത്തു:

“അതുകൊണ്ടാണ് കലാകാരന്മാർക്ക് യഥാർത്ഥ മരണം ഇല്ലാത്തത് കേട്ടാ..”

അൽപം മാറിനിന്ന രാജൻ പി ദേവ് ഗൗരവത്തോടെ ചോദിച്ചു:

“അപ്പോൾ നമ്മളൊക്കെ ഇപ്പോഴും ജീവിക്കുന്നുണ്ടല്ലോ?”

സലീം കുമാർ ഒന്ന് പുഞ്ചിരിച്ചു.

“ജീവിക്കുന്നുണ്ട്…

ഒരു അമ്മ പാചകം ചെയ്യുമ്പോൾ ടിവിയിൽ നമ്മുടെ സിനിമ ഓടുന്നുണ്ട്…

ഒരു ഗൾഫ് പ്രവാസി ഒറ്റയ്ക്ക് ഭക്ഷണം കഴിക്കുമ്പോൾ നമ്മുടെ കോമഡി കണ്ടു ചിരിക്കുന്നുണ്ട്…

ഒരു വിഷമമുള്ള മനുഷ്യൻ തന്റെ ദുഃഖം മറക്കാൻ യൂട്യൂബിൽ നമ്മുടെ രംഗങ്ങൾ തിരയുന്നുണ്ട്…

മലയാളി ഉള്ളിടത്തെല്ലാം നമ്മളുണ്ട്.”

അത് കേട്ടപ്പോൾ ഒരു നിമിഷം ആരും ഒന്നും പറഞ്ഞില്ല.

സ്വർഗ്ഗത്തിലെ ചിരികൾക്കിടയിലും ഒരു നിശബ്ദത വീണു.

കാരണം അവർക്ക് മനസ്സിലായിരുന്നു…

മരിക്കുന്നത് ശരീരമാണ്.

ഓർമ്മകൾ അല്ല..

"എവിടെ കുഞ്ഞൂഞ്ഞ്.."

സലീം കുമാർ കുഞ്ഞൂഞ്ഞിനെ തിരഞ്ഞു..

വെളുത്ത മുടിയും ഹൃദയം തുറന്ന ചിരിയുമായി കുഞ്ഞൂഞ്ഞ് ഹാജരായി..

" അല്ല മനുഷ്യാ നിങ്ങൾക്ക് വേണ്ടി കരഞ്ഞത്രയും മലയാളികൾ മറ്റാർക്ക് വേണ്ടിയും കരഞ്ഞിട്ടില്ല.."

"ഇവിടെയും കൂഞ്ഞൂഞ്ഞിന് മനുഷ്യരുടെ പ്രശ്‌നങ്ങൾ തീർക്കൽ തന്നെയാണ് പണി " നെടുമുടി വേണുച്ചേട്ടൻ ഗൗരവത്തിൽ പറഞ്ഞു..

അവസാനം കെപിഎസി ലളിത ചേച്ചി വീണ്ടും പഴയ ശൈലിയിൽ പറഞ്ഞു:

“മതി മതി… ഇനി സെന്റിയടിക്കണ്ട..എന്തേലും കഴിക്കാം എല്ലാവർക്കും..”

"സലീം വന്ന സ്ഥിതിക്ക് സ്വർഗ്ഗത്തിൽ ഒരു പുതിയ കോമഡി സിനിമ തുടങ്ങാം.."ഐഡിയ സച്ചിയുടേതായിരുന്നു..

അപ്പോൾ എല്ലാവരും പൊട്ടിച്ചിരിച്ചു…

പക്ഷേ ഭൂമിയിൽ എവിടെയോ ചില കണ്ണുകൾ നിറഞ്ഞു.

കാരണം ചില കലാകാരന്മാർ വിടപറയുമ്പോൾ നമുക്ക് ഒരു നടനെ മാത്രമല്ല നഷ്ടപ്പെടുന്നത്…

നമ്മുടെ ജീവിതത്തിലെ സന്തോഷ നിമിഷങ്ങളുടെ ഒരു ഹൃദയ ഭാഗത്തെയാണ് നഷ്ടപ്പെടുന്നത്.

പിന്നെ അവിടെയാകെ ശൂന്യതയാണ്..

ചിരിപ്പിച്ച മനുഷ്യർ ഒരിക്കലും പൂർണമായി മരിക്കുന്നില്ല…

അവർ നമ്മുടെ ഓരോ ചിരിയിലും പുനർ ജനിച്ച് കൊണ്ടിരിക്കും..

"എടോ സ്രാങ്കേ വാ , പുതിയ അതിഥിയെ എല്ലാവരെയും കാണിക്കട്ടെ.."

ഇന്നസെൻ്റ് കണ്ണൻ സ്രാങ്കിനേയും വിളിച്ച് സ്വർഗ്ഗത്തിൻ്റെ ഉള്ളറകളിലേക്ക് കൂട്ടി പോയി..

അപ്പോഴും പറവൂരിൽ ജാതി മത ഭേദമന്യേ മനുഷ്യരെല്ലാം അയാൾക്ക് വേണ്ടി കണ്ണീർ പൊഴിക്കുകയായിരുന്നു..

©️

06/06/2026

1954 സെപ്റ്റംബർ 14 ന് ആലപ്പുഴ ജില്ലയിലെ കലവൂരിൽ പുത്തൻപുരയിൽ എ. വി രാജഗോപാലിന്റെയും പദ്മാവതിയമ്മയുടെയും മകനായാണ് ജനിച്ചത്...... ❤️

ഷേർലി, ലൈല എന്നിങ്ങനെ രണ്ട് സഹോദരിമാരുണ്ടായിരുന്നു....

മലയാള സിനിമയുള്ളിടത്തോളം കാലം "മോഹൻ തോമസ് " എന്ന ഒരൊറ്റ പേര് മതി നടൻ രതീഷ് എന്ന പ്രതിഭയെ അടയാളപ്പെടുത്താൻ....

സുരേഷ് ഗോപിയുടെ കമ്മീഷണറിലെ ആ തകർപ്പൻ വില്ലൻ വേഷം കണ്ട് രോമാഞ്ചം കൊള്ളാത്ത മലയാളി കാണില്ല. നായകനായും വില്ലനായും ഒരുപോലെ തിളങ്ങിയ നമ്മുടെ സ്വന്തം രതീഷ് ഓർമ്മയായിട്ട് വർഷങ്ങളായി..

സത്യത്തിൽ ജയൻ എന്ന ഇതിഹാസത്തിന്റെ അകാല വിയോഗത്തിന് ശേഷമാണ് ഐ.വി ശശി-ടി.ദാമോദരൻ കൂട്ടുകെട്ട് രതീഷിനെ നായകനിരയിലേക്ക് ഉയർത്തുന്നത്.... 🔥

ജയനെ വെച്ച് കാശ്മീർ പശ്ചാത്തലത്തിൽ പ്ലാൻ ചെയ്ത ആ ബിഗ് ബജറ്റ് ചിത്രം ജയന്റെ മരണത്തോടെ പ്രതിസന്ധിയിലായപ്പോഴാണ് രതീഷിലേക്ക് അവർ എത്തുന്നത്.

അങ്ങനെ 1981-ൽ പുറത്തിറങ്ങിയ 'തുഷാരം' എന്ന ചിത്രത്തിലൂടെ മലയാളത്തിലെ പുതിയ സൂപ്പർ സ്റ്റാറായി ഉദിച്ചുയർന്നു..

1977-ൽ 'വേഴാമ്പൽ' എന്ന ചിത്രത്തിലൂടെയായിരുന്നു തുടക്കമെങ്കിലും കെ.ജി ജോർജിന്റെ 'ഉൾക്കടൽ' ആണ് രതീഷിനെ ശ്രദ്ധേയനാക്കിയത്... 😍🔥

തുടർന്ന് 1981 മുതൽ 1988 വരെയുള്ള കാലഘട്ടം അദ്ദേഹത്തിന്റെ കരിയറിലെ സുവർണ്ണ വർഷങ്ങളായിരുന്നു. 'ഒരു മുഖം പല മുഖം', 'മുഹൂർത്തം 11.30', 'ജോൺ ജാഫർ ജനാർദ്ദനൻ' തുടങ്ങിയ സിനിമകൾ ഈ സമയത്താണ് പിറന്നത്...... 🔥

'ഈ നാട്', 'രാജാവിന്റെ മകൻ', 'വഴിയോരക്കാഴ്ചകൾ' തുടങ്ങി നിരവധി ചിത്രങ്ങളിൽ അദ്ദേഹം നിറഞ്ഞാടി..... 😍🔥

സാധാരണ സിനിമകളിൽ വില്ലന്മാർ നായകന്മാരാകാറാണ് പതിവ്. എന്നാൽ സൂപ്പർസ്റ്റാർ പദവിയിൽ നിന്നും വില്ലൻ റോളുകളിലേക്ക് വലിഞ്ഞു കയറി അവിടെയും ചരിത്രം സൃഷ്ടിച്ച നടനാണ് രതീഷ്.....🔥

1990-കളോടെയാണ് അദ്ദേഹം വില്ലൻ വേഷങ്ങളിൽ സജീവമാകുന്നത്.

അഭിനയം മാത്രമല്ല, സിനിമ നിർമ്മാണത്തിലും അദ്ദേഹം ഒരു കൈ നോക്കി. 'അയ്യർ ദി ഗ്രെയ്റ്റ്', 'ചക്കിക്കൊത്ത ചങ്കരൻ', 'ബ്ലാക്ക് മെയ്ൽ', 'റിവെഞ്ച്', 'എന്റെ ശബ്ദം' എന്നീ സിനിമകൾ നിർമ്മിച്ചത് രതീഷ് ആയിരുന്നു...... 😍

മലയാളത്തിലും തമിഴിലുമായി ഏകദേശം 158 ഓളം ചിത്രങ്ങളിലാണ് അദ്ദേഹം തന്റെ മുദ്ര പതിപ്പിച്ചത്.

സിനിമയ്ക്ക് പുറമെ 2001-ൽ സീരിയൽ രംഗത്തും താരം സജീവമായിരുന്നു.
"വേനൽമഴ, അന്ന "എന്നീ സീരിയലുകളിൽ അദ്ദേഹം അഭിനയിച്ചിരുന്നു....😍

സിനിമയിൽ തിളങ്ങി നിൽക്കുമ്പോഴും ജീവിതത്തിൽ പരീക്ഷണങ്ങൾ അദ്ദേഹത്തെ തേടിയെത്തി.

തമിഴ്‌നാട്ടിലെ കമ്പത്ത് നടത്തിയ കൃഷി പാടേ നശിച്ചതോടെ വലിയ സാമ്പത്തിക പ്രതിസന്ധിയിലേക്കാണ് അദ്ദേഹം കൂപ്പുകുത്തിയത്.

വില്ലൻ വേഷങ്ങളിലൂടെ സിനിമയിൽ വീണ്ടും സജീവമായി ജീവിതം തിരികെ പിടിക്കാൻ ശ്രമിക്കുന്നതിനിടയിലാണ് വിധി വില്ലനായെത്തിയത്.

വെറും 48-ാം വയസ്സിൽ 2002 ഡിസംബർ 23 നു ഹൃദയാഘാതത്തിന്റെ രൂപത്തിൽ മ. രണം ആ കലാകാരനെ കൂട്ടിക്കൊണ്ടുപോയി.... 🙏

Ex. മിനിസ്റ്റർ എം. കെ ഹേമചന്ദ്രന്റെ മകൾ ഡയാന ആണ് ഭാര്യ...'പാർവതി, പദ്മരാജ്, പ്രണവ്,പദ്മ 'എന്നിവരാണ് മക്കൾ 😍

ഭാര്യ ഡയാനയും പിന്നീട് കാൻസർ ബാധയെ തുടർന്ന് 2014-ൽ അന്തരിച്ചു. അതോടെ നാല് മക്കൾക്കും മാതാപിതാക്കളെ നഷ്ടമായി... 🙏

രതീഷിന്റെ മക്കളിൽ പ്രത്യേകിച്ച് പാർവതിയും പത്മരാജും സിനിമാരംഗത്ത് ഉണ്ടായതിനാൽ, അദ്ദേഹത്തിന്റെ കുടുംബം ഇന്നും മലയാള സിനിമാപ്രേമികൾക്കിടയിൽ ശ്രദ്ധിക്കപ്പെടുന്നുണ്ട്....

സിനിമയിലെ ആ ഗംഭീര വില്ലന്, മലയാളത്തിന്റെ എക്കാലത്തെയും പ്രിയപ്പെട്ട നായകന്
പ്രണാമം...... 💔

05/06/2026

ആദരാജ്ഞലികൾ 🙏🙏

04/06/2026

അടുത്ത 3 മണിക്കൂറിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിൽ ഇടത്തരം/ശക്തമായ മഴയ്ക്ക് സാധ്യത. 10.25 PM; 04-06-2026; IMD_KSDMA

04/06/2026

പാർട്ടി പൊളിറ്റ് ബ്യൂറോ അംഗമായ പിണറായി വിജയനെതിരെ ഇ.ഡി അന്വേഷണം ഉണ്ടായാൽ അതു തടയാൻ പാർട്ടിക്കാർ ഉണ്ടാകുമെന്നും എന്നാൽ മകൾക്കെതിരെ അന്വേഷണം വന്നാൽ പാർട്ടിക്കാരെ വിളിക്കരുതെന്നും സിപിഎം കൊല്ലം ഏരിയ കമ്മിറ്റി യോഗത്തിൽ വിമർശനം.

04/06/2026

ദൈവമേ 😁😁