04/10/2026
ഇസ്‌ലാമിനെ യഥാവിധി പ്രതിനിധാനം ചെയ്യുക: എസ്.എം.സൈനുദ്ദീൻ
ചന്തിരൂർ: ഇസ്‌ലാമിനെ യഥാവിധി പ്രതിനിധാനം ചെയ്യുന്നതിലൂടെ രാജ്യ നിവാസികൾക്കാകമാനം ഇസ്ലാമിൻ്റെ സദ് ഫലങ്ങൾ അനുഭവവേദ്യമാക്കുവാനുള്ള പരിശ്രമങ്ങളിൽ മുഴുവൻ മുസ്ലിങ്ങളും പങ്കാളികളാകണമെന്ന് പ്രമുഖ വാഗ്മിയും, എഴുത്ത്കാരനും ,മന്നം ഇസ്ലാമിയ കോളേജ് അധ്യാപകനുമായ എസ്.എം.സൈനുദ്ദീൻ സാഹിബ് ആഹ്വാനം ചെയ്തു.2026 നവംബർ 29 ന് നടത്തുവാൻ തീരുമാനിച്ച, ജമാഅത്തെ ഇസ്ലാമി ഹിന്ദ്, അരൂർ ഏരിയാ സമ്മേളനത്തിന്റെ പ്രഖ്യാപനം അരൂർ മഹൽ യൂണിയൻ ഹാളിൽ നിർവഹിക്കുകയായിരുന്നു അദ്ദേഹം.കേരളത്തിലെത്തിയ മാലിക് ദീനാറും സംഘവും ആദ്യം സ്ഥാപിച്ചത് മസ്ജിദ് അല്ലായെന്നും ഉച്ചനീചത്വങ്ങൾ ഇല്ലാതെ എല്ലാവർക്കും കച്ചവടം ചെയ്യാവുന്ന മാർക്കറ്റ് ആയിരുന്നുവെന്നും ആയതിലെ നന്മയും, ഗുണവും അനുഭവിച്ചു കൊണ്ടും, പ്രസ്തുത സംഘത്തിൻ്റെ വ്യക്തി മാഹാത്മ്യം കൊണ്ടും ആണ് മുൻഗാമികൾ ഇസ്‌ലാമിലേക്ക് ആകൃഷ്ടരായതെന്നും അദ്ദേഹം പറഞ്ഞു.ജമാഅത്തെ ഇസ്ലാമി ഹിന്ദ്, അരൂർ ഏരിയാ പ്രസിഡൻ്റ് എം.എ. സിറാജുദ്ദീൻ ആധ്യക്ഷ്യം വഹിച്ച ചടങ്ങിൽ, സമ്മേളനകൺവീനർ ബർക്കത്തുള്ള പടയൻ സ്വാഗതവും, ഏരിയാ സെക്രട്ടറി നാസർ ഇസ്മായിൽ നന്ദിയും രേഖപ്പെടുത്തി.ജമാഅത്തെ ഇസ്ലാമി ഹിന്ദ്, ആലപ്പുഴ ജില്ലാ പ്രസിഡൻ്റ്, പി.എ.അൻസാരി ഉദ്ഘാടനം നിർവ്വഹിച്ച ചടങ്ങിൽ വനിതാ ഏരിയാ കൺവീനർ ജലീസാഅബൂബക്കർ, എസ്.ഐ.ഒ ജില്ലാ പ്രസിഡൻ്റ് ഹിജാസ് മുഹമ്മദ്, ഏരിയാ പ്രസിഡൻ്റ് ഷിംറാനുൽ ഖാദർ,ജി.ഐ.ഒ.ഏരിയാ പ്രസിഡൻ്റ് ആഹ്സാന നജീബ്, ജമാഅത്തെ ഇസ്ലാമി ജില്ലാ സമിതിയംഗങ്ങളായ കെ.ആർ.നജീബ്, സൽമത്ത്, ചന്തിരൂർ ഹൽഖാ നാസിം പി.കെ.മുഹമ്മദാലി മുതലായവർ സംബന്ധിച്ചു
