25/09/2025
അറിവിൻ്റെ സുവർണ്ണ കാലഘട്ടത്തിലേക്ക് ഒരു മടക്കയാത്ര
* _പൊന്നാട് അൽ ഹിദായ എഡ്യൂക്കേഷണൽ കോംപ്ലക്സ് വേദിയൊരുക്കുന്നു, ബൈത്തുൽ ഹിക്മ പ്രദർശനം_
* *എന്താണ് ബൈത്തുൽ ഹിക്മ*
* ബൈത്തുൽ ഹിക്മ, വിജ്ഞാനത്തിൻ്റെ സ്വർണ്ണ കവാടങ്ങൾ
* നിങ്ങളുടെ മനസ്സിനെ വിസ്മയിപ്പിക്കുന്ന ഒരു യാത്രയ്ക്ക് തയ്യാറാകൂ! ഇതാ, വിജ്ഞാനത്തിൻ്റെയും സംസ്കാരത്തിൻ്റെയും മനോഹരമായ കൂടാരമായ ബൈത്തുൽ ഹിക്മ.
* 9-ാം നൂറ്റാണ്ടിന്റെ ആദ്യ പകുതിയിൽ ബാഗ്ദാദിൽ സ്ഥാപിതമായ ഹൗസ് ഓഫ് വിസ്ഡം എന്നറിയപ്പെടുന്ന വിദ്യാഭ്യാസ സ്ഥാപനം ബൈത്തുൽ ഹിക്മ, ഇസ്ലാമിക സുവർണ്ണ കാലഘട്ടത്തിലെ അറിവിൻ്റെയും പഠനത്തിൻ്റെയും ആസ്ഥാനമായിരുന്നു. ഈ വിസ്മയകരമായ സ്ഥാപനം സ്ഥാപിച്ചത് ഖലീഫ ഹാരൂൺ അൽ - റശീദ് ആയിരുന്നു (എ.ഡി. 754 - 775), പിന്നീട് അദ്ദേഹത്തിൻ്റെ പുത്രനായ ഖലീഫ അൽ - മഅ്മൂൻ (എ.ഡി. 813 - 833) അതിനെ ഒരു ലോകോത്തര വിജ്ഞാനകേന്ദ്രമാക്കി മാറ്റി.
* ബൈത്തുൽ ഹിക്മ ഒരു സാധാരണ ഗ്രന്ഥശാലയായിരുന്നില്ല. ഗ്രീക്ക്, പേർഷ്യൻ, ഇന്ത്യൻ, അറബി തുടങ്ങിയ വൈവിധ്യമാർന്ന സംസ്കാരങ്ങളിൽ നിന്നുള്ള അമൂല്യ ഗ്രന്ഥങ്ങളുടെ ഒരു ഭണ്ഡാരമായിരുന്നു അത്. അവിടത്തെ പണ്ഡിതന്മാർ ഈ പുസ്തകങ്ങൾ വിവർത്തനം ചെയ്യുകയും, സംരക്ഷിക്കുകയും, ഒപ്പം അതിലേക്ക് പുതിയ അറിവുകൾ കൂട്ടിച്ചേർക്കുകയും ചെയ്തു. കൂടാതെ, രാത്രി ആകാശത്തെ പഠിക്കാൻ സഹായിക്കുന്ന ഒരു താരാപഠന കേന്ദ്രം (Observatory) പോലും അവിടെ ഉണ്ടായിരുന്നു.
* മതപരമായും സാംസ്കാരികപരമായും വ്യത്യസ്തരായ ആളുകൾ ഇവിടെ ഒരുമിച്ച് ചേർന്ന് ഗണിതം, ശാസ്ത്രം, തത്ത്വചിന്ത, വൈദ്യം, ജ്യോതിശാസ്ത്രം തുടങ്ങിയ വിഷയങ്ങൾ പഠിച്ചു. പുരാതന വിജ്ഞാനത്തെ സംരക്ഷിച്ചതിലൂടെയും പുതിയ ആശയങ്ങൾ വളർത്തിയതിലൂടെയും ബൈത്തുൽ ഹിക്മ യൂറോപ്യൻ നവോത്ഥാനത്തിനു പോലും പ്രചോദനമായി.
* വിജ്ഞാനത്തിൻ്റെ ഈ മഹാസാഗരം നേരിട്ടറിയാൻ നിങ്ങൾ ആഗ്രഹിക്കുന്നില്ലേ? ഈ പ്രദർശനത്തിൽ പങ്കുചേർന്ന്, അറിവിൻ്റെ ആ സുന്ദര കാലഘട്ടത്തിലൂടെ ഒരു യാത്ര ചെയ്യൂ. അറിവിൻ്റെ പ്രകാശത്തിലേക്ക് ഒരുമിച്ച് നടക്കാം.
* പ്രവാചകൻ മുഹമ്മദ് നബി ﷺ യുടെ 1500-ാം ജന്മദിനാഘോഷങ്ങളുടെ ഈ വേളയിൽ, അറിവില്ലായ്മയുടെയും അന്ധകാരത്തിന്റെയും കാലഘട്ടത്തിൽ നിന്ന് മാനവരാശിയെ വെളിച്ചത്തിലേക്ക് നയിച്ച ആ മഹത്തായ വിപ്ലവത്തെ അനുസ്മരിക്കാൻ പൊന്നാട് മഹല്ല് മുസ്ലിം ജമാഅത്ത് നിങ്ങളെ ക്ഷണിക്കുന്നു.
* വിഗ്രഹാരാധനയും മദ്യപാനവും ചൂതാട്ടവും ഗോത്രയുദ്ധങ്ങളും പെൺകുഞ്ഞുങ്ങളെ ജീവനോടെ കുഴിച്ചുമൂടുന്ന ക്രൂരതയും അന്ധവിശ്വാസങ്ങളും നിറഞ്ഞ സമൂഹത്തെ, കേവലം 23 വർഷം കൊണ്ട് ലോകത്തിലെ ഉത്തമ സമുദായമാക്കി മാറ്റിയ പ്രവാചകൻ ﷺ ന്റെ ജീവിതം, സാമൂഹിക, സാംസ്കാരിക, രാഷ്ട്രീയ, സാമ്പത്തിക മേഖലകളിൽ ഒരു വലിയ വിപ്ലവം തന്നെയായിരുന്നു. മക്കയിൽ നിന്ന് മദീനയിലേക്കുള്ള പലായനം ഒരു പുതിയ ലോകക്രമത്തിന് തുടക്കമിട്ടു, മനുഷ്യ നാഗരികതയുടെ ചരിത്രത്തിൽ ഒരു പുതിയ അധ്യായം തുറന്നു.
* പ്രവാചകന് ശേഷമുള്ള ഖുലഫാഉ റാഷിദീങ്ങളുടെ കാലഘട്ടവും, തുടർന്ന് എട്ടാം നൂറ്റാണ്ട് മുതൽ പതിമൂന്നാം നൂറ്റാണ്ട് വരെ നീണ്ടുനിന്ന ഇസ്ലാമിന്റെ സുവർണ്ണ കാലഘട്ടവും അറിവിനും ശാസ്ത്രത്തിനും പുതിയ മാനങ്ങൾ നൽകി. ഈ കാലഘട്ടത്തിൽ ആയിരത്തിലധികം കണ്ടുപിടിത്തങ്ങൾക്ക് ലോകം സാക്ഷ്യം വഹിച്ചു. ഹൈട്രോക്ലോറിക്ക് ആസിഡും സൽഫ്യൂരിക്ക് ആസിഡും കണ്ട് പിടിച്ച പേർഷ്യൻ ശാസ്ത്ര ജ്ഞൻ, കെമിസ്ട്രിയുടെ പിതാവായി അറിയപ്പെടുന്ന ജാബിർ ഇബ്നു ഹയാൻ. അൽ ജെബ്രയും അൽഗോരിതവും ലോകത്തിന് പരിചയപ്പെടുത്തിയ മുഹമ്മദ് ഇബ്നു മൂസ അൽ ക്വാരിസിമി. റോബോട്ടിക്സിൻ്റെയും ഓട്ടോമേഷൻ ടെക്നോളജിയുടെയും പിതാവ് എന്നറിയപ്പെടുന്ന ഇസ്ലാമിക സുവർണ കാലഘട്ടത്തിലെ എൻജിനിയർ ഇസ്മയിൽ അൽ - ജസ്രി തുടങ്ങി അനേകം ശാസ്ത്രജ്ഞർ. ഭരണാധികാരികളും സാധാരണക്കാരും ഒരുപോലെ വിദ്യാഭ്യാസത്തെയും അറിവിനെയും സ്നേഹിച്ചു. വിശുദ്ധ ഖുർആനിലെയും പ്രവാചകന്റെയും വചനങ്ങളിൽ നിന്ന് പ്രചോദനം ഉൾക്കൊണ്ട് അവർ വിജ്ഞാനത്തിനായി ലോകം ചുറ്റി സഞ്ചരിച്ചു. ഈ മുന്നേറ്റത്തിന്റെയെല്ലാം കേന്ദ്രമായിരുന്നു "ബൈത്തുൽ ഹിക്മ".
* പ്രവാചക കാലഘട്ടം മുതൽ ഇസ്ലാമിന്റെ സുവർണ്ണ കാലഘട്ടം വരെയുള്ള അദ്വിതീയമായ ചരിത്രമുഹൂർത്തങ്ങളെ ദൃശ്യാവിഷ്കരിക്കുന്ന ഈ പ്രദർശനത്തിലേക്ക് കുടുംബസമേതം എല്ലാവരെയും ഞങ്ങൾ സ്നേഹപൂർവ്വം ക്ഷണിക്കുന്നു.
* അറിവിന്റെയും ചരിത്രത്തിന്റെയും ഈ അപൂർവ്വ നിമിഷങ്ങൾ നേരിൽ കണ്ടറിയാൻ സെപ്റ്റംബർ 26, 27, 28 (വെള്ളി, ശനി, ഞായർ) തീയതികളിൽ പൊന്നാട് അൽ ഹിദായ എഡ്യൂക്കേഷണൽ കോംപ്ലക്സിലേക്ക് വരിക. നിങ്ങളുടെ സാന്നിധ്യം ഈ ഉദ്യമത്തിന് വലിയ വിജയമാകാൻ സഹായകമാകും.
* പ്രദർശന സമയ ക്രമം
* വെള്ളി : പകൽ 2 മണി മുതൽ വൈകിട്ട് 5.30 മണി വരെ.
* ശനി, ഞായർ : രാവിലെ 9.30 മണി മുതൽ വൈകിട്ട് 5.30 മണി വരെ.
