11/05/2025
സഫല്യം ഭവന പദ്ധതി വിജയകരമായി നടന്നു.
അല്ലാഹുവിന്റെ അതിയായ അനുഗ്രഹത്താൽ, ATZ ഫൗണ്ടേഷൻ ട്രസ്റ്റിന്റെ നേതൃത്വത്തിൽ നടപ്പാക്കപ്പെട്ട “സഫല്യം ഭവന പദ്ധതി” വിജയകരമായി നടന്നുതീരുകയുണ്ടായി. സാമൂഹികസൗഹാർദത്തിന്റെയും സഹാനുഭൂതിയുടെയും പ്രതീകമായിരുന്ന ഈ പരിപാടി, ഒരു വലിയ പങ്കാളിത്തവും പിന്തുണയും ലഭിച്ച സാഹചര്യത്തിൽ സമൂഹത്തിൽ പുത്തൻ പ്രതീക്ഷകൾക്കായി വാതിലുകൾ തുറക്കുകയായിരുന്നു.
പരിപാടിയുടെ ഔദ്യോഗിക ഉദ്ഘാടനം ബഹു. എച്ച്. സലാം, അമ്പലപ്പുഴ എം.എൽ.എ നിർവഹിച്ചു. പരിപാടിക്ക് അദ്ധ്യക്ഷത വഹിച്ചു സജീദ്. എസ്, ATZ ചെയർമാൻ. വൈ. മുഹമ്മദ് മുനീർ, ATZ കൺവീനർ, പരിപാടിക്ക് സ്വാഗതം പറഞ്ഞപ്പോൾ, എസ്. എം. ഷമീർ, ATZ ട്രസ്റ്റ് അംഗം നന്ദിപറഞ്ഞു.
വേദിയിലെ മുഖ്യാതിഥികളായ ബഹു. കെ. കെ. ജയമ്മ, ആലപ്പുഴ മുനിസിപ്പൽ ചെയർപേഴ്സൺ, ബഹു. സി.എം. മൗലവി ആലുവ, കേരള ജംഇയ്യത്തുൽ ഉലമ വൈസ് പ്രസിഡന്റ്, ശ്രീ. ഷാജഹാൻ. എസ്, ATZ ട്രസ്റ്റ് അംഗം, ശ്രീമതി. പ്രഭ ശശിധരൻ, വാർഡ് കൗൺസിലർ എന്നിവരും ആശംസകൾ അർപ്പിച്ചു.
പ്രസിഡിയത്തിൽ പങ്കെടുത്തവർ:
ശ്രീ. എച്ച്. സലാം, എം.എൽ.എ
ശ്രീമതി. കെ. കെ. ജയമ്മ, മുനിസിപ്പൽ ചെയർപേഴ്സൺ
ശ്രീ. സി.എം. മൗലവി ആലുവ, ജംഇയ്യത്തുൽ ഉലമ വൈസ് പ്രസിഡന്റ്
ശ്രീ. ഷാജഹാൻ. എസ്, ATZ ട്രസ്റ്റ് അംഗം
ശ്രീമതി. പ്രഭ ശശിധരൻ, വാർഡ് കൗൺസിലർ
വൈ. മുഹമ്മദ് മുനീർ, ATZ കൺവീനർ
സജീദ്. എസ്, ATZ ചെയർമാൻ
ഷാജി. എസ്, സുധീർ. എച്ച്, സുനീർ മുസ്തഫ, എസ്. എം. ഷമീർ
താക്കോൽ കൈമാറ്റം
പദ്ധതിയുടെ ഭാഗമായി പൂർത്തീകരിച്ച മൂന്ന് വീടുകളുടെ താക്കോൽ കൈമാറ്റം അതിതിഥികൾ നിർവഹിച്ചു:
ഹൗസ് നമ്പർ 1: ബഹു. എം.എൽ.എ
ഹൗസ് നമ്പർ 2: ബഹു. മുൻസിപ്പൽ ചെയർപേഴ്സൺ & വാർഡ് കൗൺസിലർ
ഹൗസ് നമ്പർ 3: ബഹു. സി.എം. മൗലവി ആലുവ & ശ്രീ. ഷാജഹാൻ. എസ്
സാമൂഹിക ഉത്തരവാദിത്വത്തിന്റെ ഭാഗമായിട്ടാണ് ATZ ട്രസ്റ്റ് ഈ പദ്ധതി ആവിഷ്കരിച്ചത്. ഭവന രഹിതരുടെ മാനവിക തീവ്രതയെ മനസ്സിലാക്കി സമൂഹത്തിലെ ദയാഭാവമുള്ള വ്യക്തികൾക്കും സ്ഥാപനങ്ങൾക്കും പങ്കാളികളാകുവാൻ ഈ പദ്ധതി ഒരു മാതൃകയായി നിലകൊള്ളുന്നു.
നമ്മുടെ പ്രവർത്തനങ്ങളിൽ തുടർച്ചയായ പിന്തുണ നൽകുന്ന എല്ലാവർക്കും ഞങ്ങൾ ഹൃദയപൂർവം നന്ദി അറിയിക്കുന്നു.
ചെയർമാൻ / കൺവീനർ
ചില ഓർമ്മകളായി ചില നിമിഷങ്ങൾ പങ്കുവെക്കുന്നു... 🤝📷
