21/03/2026
22nd Mizoram State Muaythai Championship 2026 Tiak
March ni 17 atanga ni 22, 2026 thlenga khelh, 22nd Mizoram State Muaythai Championship 2026 chu Mizba Boxing Hall,Ramhlun Sports Complex-ah Prof. Dibakar Chandra Deka, Vice Chancellor, Mizoram University chuan March ni 22 khan kharna a nei. Pu DC Deka chuan, Muaythai Game hi University Games lamah Muaythai Association of Mizoram ngenna siam angin chawi san (promote) a nih theih nan theih tawp chhuahsak a tum thu a sawi.
He inelna neih zawh takah hian Fighters 119 telin, Officials 15 ten hneh takin Bout hi an vil. Aizawl pawn atangin khaw pasarih an inlan thei a; tin, Aizawl khaw chhung atangin Club leh GYM leh training Centre sawm pali an tel bawk a ni.
He championship-ah hian team champion chu Main training centre(MTC) Edenthar, Aizawl an ni. 1st runners-up hi SPES GYM / Dawrpui Contact Sports te niin, 2nd Runners-up ah CT Academy, Tanhrilte an rawn inhlangkai bawk. Vairengte Muaythai Club ten Best Dicipline Trophy an dawng thung.
He Championship atang hian fighter tha mipa leh hmeichhia an thlan
chhuahte chu:
1. Male best fighter - Benjamin C. Lalrempuia (SPES GYM / Dawrpui Contact Sports )
2. Female best fighter - Remtluangpuii CT Academy(Tanhril) te an ni.
A pumpuia club ti tha te lawmman lak dan dinhmun:
1. MTC
Gold - 19
Silver - 9
Bronze - 3
2. Spes
Gold - 10
Silver - 9
Bronze - 1
3. CT Academy
Gold - 10
Silver - 4
Bronze - 3
Heng link ah te hian Thallak download mai theih a dah ani e:
1.https://drive.google.com/drive/folders/1zuuiyxcAzjlgL7RK6KjBnhfxCR8nHk68?usp=drive_link
2.https://drive.google.com/drive/folders/1mNuXqfm4Czl2Tnfr0HocUPiicyngQvLt
