Mizo Academy of Letters

Mizo Academy of Letters Contact information, map and directions, contact form, opening hours, services, ratings, photos, videos and announcements from Mizo Academy of Letters, Non-Governmental Organization (NGO), Below Vanapa Hall, Tuikual South, Aizawl.

MAL DIN CHAMPHA LAWMNAAH BOOK OF THE YEAR HLANVawiin April ni 23, 2026 khan I & PR Auditorium, Aizawl ah Mizo Thu leh Hl...
23/04/2026

MAL DIN CHAMPHA LAWMNAAH BOOK OF THE YEAR HLAN

Vawiin April ni 23, 2026 khan I & PR Auditorium, Aizawl ah Mizo Thu leh Hla Inpui (Mizo Academy of Letters) chuan pawl din champha lawmna hun a hmang a, Prof. RL Thanmawia, pawl Khaipa chuan kaihruaiin Dr. Zoramdinthara, Ziaktu Lian chuan pawl dinhmun leh hnathawh tlangpui a tar lang. K*m 2025 chhungin Mizo ṭawng lehkhabu 223 a chhuah thu te, MAL chuan lehkhabu ṭha chu tehfung hrang hrang hmanga a teh hnuah a ṭha ber thlan a nih ṭhin thu a sawi. He hunah hian Jt. Hqrs. leh Branch aṭangin report tawi ngaihthlak a ni bawk. He huna khual lian Pi Carol VLMS Dawngkimi, Director, Art & Culture Dept. chuan ‘Kham leh Suar’ thawnthu ziaktu Pu Lalrammawia Ngente hnenah Book of the Year 2025 chawimawina thu ziak leh pawisa fai Rs 10000 a hlan a ni. Khual lian hian Dr. Darchuailova Renthlei, Dr. H. Laldinmawia leh Tv Lalrinngheta te lehkhabu a tlangzarh nghal bawk.

He huna khual lian Pi Carol VLMS Dawngkimi chuan Book of the Year 2025 chawimawina dawngtu Pu Lalrammawia Ngente a lawmpui thu sawiin, dawng awm tak tak an awm ṭeuh laia hetiang chawimawina hlu tak dawng theia a awm chu malsawmna leh vanneihna a nih thu a sawi a. MAL chu pawl zahawm tak a nih thu leh Art & Culture Department nen pawh an thawhhona leh inzawmna a ṭhat thu te, thu leh hla hi mihring nun min siam ṭhatu leh nun kawng dika min hruaitu niin, khawvel leh India ram sukthlek thlirin, kan hnam nunphung, history bakah thawnthu phuah thar lam pawh kan uar deuh deuh a ṭul thu sawi bawk.

Chawhnu programme hi Prof. Rualkhuma Colney, pawl Khaipa Chhang chuan kaihruaiin, Dr. Lalthlamuana Ralte buatsaih ‘Tunlai Thiamnain Mizo Thu leh Hlaa Hnuhma a neih Dan’ tih chu zir ho a ni.

MAL din champha lawmna chu naktuk April ni 23, 2026 (Ningani) -ah I & PR Auditorium-ah neih a ni dawn a, MAL membarte ba...
22/04/2026

MAL din champha lawmna chu naktuk April ni 23, 2026 (Ningani) -ah I & PR Auditorium-ah neih a ni dawn a, MAL membarte bakah, thu leh hla lama tuite lo tel turin kan sawm a che u.

Mizo Thu leh Hla Inpui (Mizo Academy of Letters)-in k*m 2025 chhunga Mizo ṭawnga lehkhabu chhuak zinga ṭha ber, Book of ...
18/04/2026

Mizo Thu leh Hla Inpui (Mizo Academy of Letters)-in k*m 2025 chhunga Mizo ṭawnga lehkhabu chhuak zinga ṭha ber, Book of the Year atana a thlan chu Lalrammawia Ngente thawnthu, 'Kham leh Suar' a ni e. April 23, 3026-ah he lawmman hi hlan a ni ang.

Mizo Academy of Letters (MAL) chuan k*m 2025 chhunga Mizo ṭawnga chhuak lehkhabu ṭha Book of the Year 2025 Top 3 a thlan...
16/04/2026

Mizo Academy of Letters (MAL) chuan k*m 2025 chhunga Mizo ṭawnga chhuak lehkhabu ṭha Book of the Year 2025 Top 3 a thlang chhuak a. Heng aṭang hian Book of the Year thlan chhuah a ni tawh dawn a, MAL din champha, April 23, 2026-a hman turah puan a ni tawh dawn a ni (List hi A AW B indawta dah a ni).

Mizo Academy of Letters (MAL) chuan k*m 2025 chhunga Mizo ṭawnga chhuak lehkhabu ṭha Book of the Year 2025 Top 10 a thla...
12/04/2026

Mizo Academy of Letters (MAL) chuan k*m 2025 chhunga Mizo ṭawnga chhuak lehkhabu ṭha Book of the Year 2025 Top 10 a thlang chhuak a. Heng aṭang hian lehkhabu ṭha zual 3 a thlang chhuak leh dawn a ni (List hi A AW B indawta dah a ni).

Mizo Academy of Letters (MAL) chuan, vawiin March 2, 2026 khan Book of the Year 2025 Top 20 a puang.
02/03/2026

Mizo Academy of Letters (MAL) chuan, vawiin March 2, 2026 khan Book of the Year 2025 Top 20 a puang.

𝐒𝐢𝐚𝐡𝐚𝐚𝐡 𝐒𝐞𝐦𝐢𝐧𝐚𝐫 𝐁𝐮𝐚𝐭𝐬𝐚𝐢𝐡Mizo Academy of Letters, General Headquarters leh MAL Joint Headquarters, Siaha buatsaih Mizo Th...
29/11/2025

𝐒𝐢𝐚𝐡𝐚𝐚𝐡 𝐒𝐞𝐦𝐢𝐧𝐚𝐫 𝐁𝐮𝐚𝐭𝐬𝐚𝐢𝐡

Mizo Academy of Letters, General Headquarters leh MAL Joint Headquarters, Siaha buatsaih Mizo Thu leh Hla Zirhona chu I & PRO Conference Hal, Council Vaih, Siaha-ah November ni 21, 2025 khan tluang taka neih a ni. Seminar hi hun hnihah thenin, chawhma lamah Dr. Lalrammuana Sailo, MAL Member thuziak 'Chhehvel Thilin Mizo Hlaphuahtute a Nghawng Dan' tih zir ho a ni a. Chawhnu lamah Pu Rozama Chawngthu, EC Member, MAL General Headquarters thuziak 'Mizo Tawng Kalphung' tih chu zir ho leh a ni. Seminar chhimtu hi mi za sawm (110) zet niin, sawi hona hun tha tak an hmang bawk a ni.

𝐑𝐞𝐯𝐝 𝐃𝐫. 𝐂𝐡𝐮𝐚𝐮𝐭𝐡𝐮𝐚𝐦𝐚 𝐡𝐧𝐞𝐧𝐚𝐡 𝐀𝐜𝐚𝐝𝐞𝐦𝐲 𝐀𝐰𝐚𝐫𝐝 𝐡𝐥𝐚𝐧Mizo Academy of Letters (MAL) chuan vawiin November ni 29, 2025 (Inrinni) ...
29/11/2025

𝐑𝐞𝐯𝐝 𝐃𝐫. 𝐂𝐡𝐮𝐚𝐮𝐭𝐡𝐮𝐚𝐦𝐚 𝐡𝐧𝐞𝐧𝐚𝐡 𝐀𝐜𝐚𝐝𝐞𝐦𝐲 𝐀𝐰𝐚𝐫𝐝 𝐡𝐥𝐚𝐧

Mizo Academy of Letters (MAL) chuan vawiin November ni 29, 2025 (Inrinni) khan thu leh hla lama thawhhlawkte hnena k*m thum dana chawimawina sang an pek thin, 'Academy Award' chu Revd Dr. Chuauthuama (L) hnenah an hlan a. Revd Dr. Chuauthuama aiawhin a nupui Pi Lalchhumi hnenah Assembly Speaker, Pu Lalbiakzama chuan chawimawina hi a hlan a ni.

MAL chuann vawiin khan Mizoram Legislative Assembly Annexe Building-ah 'K*m Tawp Inkhawmpui' an hmang a. He inkhawma khual lian Pu Lalbiakzama, Mizoram Legislative Assembly Speaker chuan Revd Dr. Chuauthuama hnenah Academy Award hi a hlan a. Hemi rual hian MAL Thu leh Hla Chanchinbu k*m 60-na special issue te, Dr. Darchuailova Renthlei lehkhabu 'Tlang Thawveng 2' leh Nl. Lalsangpuii lehkhabu 'Lawhlei' tih chu a tlangzarh bawk.

MAL inkhawmpui chawhma inkhawm hi Vice President, Prof. Rualkhuma Colney chuan a kaihruai a. Khual lian Pu Lalbiakzama chuan, Mizo thu leh hla hmasawnna atana MAL hnathawh chu ropui a tih thu te, k*m tina lehkhabu chhuak tha ber 'Book of the Year' leh thu leh hla lama thawhhlawkte hnena 'Academy Award' an hlan thin te chu ropui a tih thu a sawi bawk.

Academy Award dawngtu Revd Dr. Chuauthuama fanu Dr. Elsa Lalramzauvi pawhin thu sawiin, 'Academy Award' a pain a dawng chu ropui a tih thu leh a pa khan hre ve se a thil ngaihhlut ber zinga mi a nih a rin thu sawiin, "Ka pa thu min chah thin dikna hi ram leh khawtlangah i chawi sang zel ang u' tiin a sawi a ni.

Academy Award hi k*m 1979 atang khan hlan tan a ni a. Boral hnu (posthumous) hian mi pathum - KC Lalvunga (Zikpuii Pa), Rev. Dr. Zairema leh Pu L. Keivom te hnenah hlan a lo ni tawh a. Revd Dr. Chuauthuama hi a boral hnua he chawimawina dawng thei palina a ni.

Chawhnu rorel inkhawm chu an pawl President Prof. R.L. Thanmawia'n a kaihruai a, report hrang hrang ngaihthlak a nih bakah MAL chhunga hman tur bik Mizo thumal hrang hrang chhawpchhuahte chu inkhawmpui hian a pawm a. An pawl hming, Mizo Academy of Letters' tih pawh "Mizo Thu leh Hla Inpui' (MIzo Academy of Letters) tia vuah tura rel chu an pawm bawk a ni.

Mizoram Journalist Association kaihhruaina hnuaiah k*m 2025-2027 chhunga MAL hruaitu tur an thlang nghal a. President-ah Prof. R. L Thanmawia, Vice President-ah Prof. Rualkhuma Colney, General Secretary-ah Dr. Zoramdinthara, Asst. General Secretary-ah Dr. H. Laldinmawia, Treasurer-ah Dr. Dorothy Zonunsangi leh Finance Secretary-ah Nl. Lalsangpuii te an thlang bawk a ni.

𝐌𝐀𝐋 𝐊𝐚𝐢𝐡𝐡𝐧𝐚𝐰𝐢𝐡 𝐓𝐡𝐮𝐦𝐚𝐥 𝐙𝐢𝐫 𝐇𝐨Mizo Academy of Letters (MAL) General Headquarters, Aizawl chuan MAL kaihhnawih thumal hrang...
25/11/2025

𝐌𝐀𝐋 𝐊𝐚𝐢𝐡𝐡𝐧𝐚𝐰𝐢𝐡 𝐓𝐡𝐮𝐦𝐚𝐥 𝐙𝐢𝐫 𝐇𝐨

Mizo Academy of Letters (MAL) General Headquarters, Aizawl chuan MAL kaihhnawih thumal hrang hrang zir hona (workshop) chu October ni 20, 2025 khan SCERT Seminar hall-ah an buatsaih.

He zir hona hi MAL President, Prof. R.L. Thanmawia chuan a kaihruai a, MAL Executive Council meeting-in a lo rel tawh angin, he zir honaah hian MAL EC member Pu Rozama Chawngthu chuan thu ngaihtuah tur hi a sawi hawng a, a sawi hawn hmasak apiang hi member-te'n an sawi zui nghal a, heng an thutluknate hi November ni 28, 2025-a 𝑴𝑨𝑳 𝑲𝒖𝒎𝒕𝒂𝒘𝒑 𝑰𝒏𝒕𝒂𝒘𝒉𝒌𝒉𝒂𝒘𝒎𝒂 𝑹𝒐𝒓𝒆𝒍 𝑰𝒏𝒌𝒉𝒂𝒘𝒎-ah sawi ho a ni dawn a ni.

He thawhchilh (workshop)-a EC Member telte chu -
1. Prof. R.L. Thanmawia
2. Dr. Zoramdinthara
3. Dr. H. Laldinmawia
4. Nl. Lalsangpuii
5. Pu T.C. Lalremsiama
6. Pu Rozama Chawngthu
7. Pu Thansanga Chawnthu
8. Pu C. Laizawna
9. Pu R. Lalthazuala
10. Dr. Darchuailova Renthei
11. Prof. Rualkhuma Colney
12. Prof. C. Vanlalhruaia
13. Dr. C. Lalawmpuia Vanchiau
14. Prof. Laltluangliana Khiangte
15. Pu C. Chhuanvawra
16. Dr. Sangrozami
17. Pu C. Lalnunchanga
18. Pu Lalhmingmawia Ralte
19. Pu Zothansanga

Pu B. Lalchhanzova'n MALBook of the year 2024 lawmman a hlanVawiin khan I &PR Auditorium-ah Land Revenue and Settlement ...
23/04/2025

Pu B. Lalchhanzova'n MALBook of the year 2024 lawmman a hlan

Vawiin khan I &PR Auditorium-ah Land Revenue and Settlement Department changtu Minister, Pu B. Lalchhanzova chuan Mizo Academy of Letters (MAL) in k*m 2024 chhunga lehkhabu ṭha bera an thlan 'Book of the year 2024' lawmman chu 'Hun inher kara Zofate' tih ziaktu Pu F. Vanlalrochana hnenah a hlan.

MAL dincham vawi 51-na lawmna inkhawm hi MAL President Prof. RL Thanmawia chuan a kaihruai a. He inkhawmah hian khual lian Pu B. Lalchhanzova chuan, ziak mite chu hnam rohlu an nih thu leh ram leh hnam tana thuziak ṭha tak tak hnutchhiah turina fuih a. Lehkhabua ziak mai piah lamah ngaihthlak theih tur zawnga an thuziak te pawh pho chhuak turin ziak mite chu a chah a ni. MAL book of the year, 2024 lawmman dawngtu Pu. F. Vanlalrochana chu a lawmpui thu leh chhuanawm a tih thu sawiin, "Mizo Hnam chanchin kal tawh aṭanga chhuiin, Mizote ṭhatna leh ropuina lam a thlir a, chumi hmang chuan hun lo kal zel tur a kawhhmuh bawk. Hetianga a eng lam zawng leh a tha lam zawnga ziak lehkhabu hi kan hnam hian a mamawh a, hetiang lam lehkhabu hi kan ziah tam deuh deuh a ṭul a ni," a ti.

Khual lian hian MAL Diamond Jubilee (1964-2024) souvenir 'Mizo Thu leh Hla Zin Kawng' tih phek 467-a chhah chu a tlangzarh a. He inkhawma khual zahawm, Pu Lalmuanpuia Punte, Political Adviser to Chief Minister chuan MAL Life member thar mi 40 te hnenah certificate a hlan bawk.

MAL General Secretary, Dr. Zoramdinthara report aṭanga alan danin, MAL hi k*m 1964-a din a ni a, MAL general Headquarters hnuaiah member 402 an awm mek a, joint headquarters pathum leh branch pakhat an awm mek bawk a ni.

Book of the year 2024 Committee Secretary, Pu H. Lalawmpuia chuan, k*m 2024 chhungin Mizo ṭawnga lehkhabu ziak 215 an lakkhawm theih thu a sawi a. Heng lehkhabu aṭang hian a ṭha zual 20 an thlang a, chumi hnuah 10 thleng lehin, chuta ṭang chuan pathum an thlang chhuak leh a, pathum an thlan chhuah aṭang chuan Book of the year chu thlan a nih thu a sawi a. Heng lehkhabu thlanah hian Committee chu a rawttu chauh an ni a, thutlukna leh thutawp siamtu chu MAL Executive Council an nih thu a sawi bawk.

MAL hian k*mtin, an pawl din cham, William Shakespeare-a birthday April ni 23-ah Book of the year lawmman hi an hlan ṭhin a. K*min hi Book of the year 36 thlanna niin, mi 30 in an dawng tawh a. Mi panga - B. Lalthangliana, C. Laizawna, Lalhriata, C. Lalnunchanga leh Lalhruaitluanga Chawngte te chuan ṭum hnih an dawng tawh a ni. Hmeichhia panga - Lalsangzuali Sailo, H. Lalngurliani, Romuanpuii Zadeng, Zohmangaihi leh Ahmangaihi Khiangte ten BoY hi an dawng tawh bawk.

MAL hnuaiah hian joint headquarters pathum leh branch pakhat bakah affiliated club ṭhahnem tak an awm a. Vawiin chawhnu hian 'Duhlian Chungchang Zir Hona' seminar an buatsaih a, Dr. R. Zothanliana, Associate Professor, Mizoram University paper ziah chu an zir ho a ni.

Mizo Academy of Letters (MAL) - in a k*m 60 tlin lawmna atana thu, hla, lemchan leh thawnthu tawi inphuahsiak a buatsaih...
02/12/2024

Mizo Academy of Letters (MAL) - in a k*m 60 tlin lawmna atana thu, hla, lemchan leh thawnthu tawi inphuahsiak a buatsaiha lawmman dawngtute an ni a, an prize indawtin serial number pek an ni a, serial number pek lohte hi consolation prize dawngtute an ni. MAL k*m 60 tlin lawmna kimchang hi website lamah chhiar theih reng a ni e.

Address

Below Vanapa Hall, Tuikual South
Aizawl
796001

Opening Hours

Monday 10am - 5am
Tuesday 10am - 5am
Wednesday 10am - 5am
Thursday 10am - 5am
Friday 10am - 5am

Telephone

+919774445836

Website

Alerts

Be the first to know and let us send you an email when Mizo Academy of Letters posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Mizo Academy of Letters:

Shortcuts

Share

Category