Chin Civic Movement

12/08/2025

ချင်းပြည်နယ် ပလက်ဝမြို့နယ်အတွင်း ULA/AA ၏ အုပ်ချုပ်ရေးဖော်ဆောင်မှုနှင့် ပတ်သက်သည့်
သဘောထားထုတ်ပြန်ချက်
ရက်စွဲ။ ၂၀၂၅ ခုနှစ်၊ သြဂုတ်လ (၁၂) ရက်နေ့

၂၀၂၅ ခုနှစ် ဩဂုတ်လ (၁၁) ရက်နေ့တွင် အရက္ခတပ်တော်၏ သတင်းစာရှင်းလင်းပွဲ အမှတ်စဥ် (၁၀) ကိုပြုလုပ်ခဲ့ရာတွင် ULA/AA ၏ ပြောရေးဆိုခွင့်ရှိသူမှ မီဒီယာများ၏ မေးခွန်းများကို ဖြေကြားရာတွင် ချင်းပြည်နယ် ပလက်ဝမြို့ကို ULA/AA တော်လှန်ရေးအစိုးရ၏ ခရိုင်တခုအဖြစ် ထည့်သွင်းကာ အုပ်ချုပ်ရေး ဖော်ဆောင်နေကြောင်း ဖြေကြားခဲ့သည်ကိုသိရှိရပါသည်။ သို့ဖြစ်ပါ၍ မိမိတို့ Chin Civic Movement-CCM အနေဖြင့်အောက်ပါအတိုင်း သဘောထားထုတ်ပြန် အပ်ပါသည်။

၁။ မိမိတို့သည် တန်းတူရေး၊ ကိုယ်ပိုင်ပြဌာန်းခွင့်၊ ဖက်ဒရယ်ဒီမိုကရေစီ ရရှိရေး ပြည်သူ့လွတ်မြောက် ရေးအတွက်အပြည့်အဝရပ်တည်နေသော အစုအဖွဲ့ဖြစ်သည့်နည်းတူ အာဏာရှင်စနစ်မှန်သမျှ ဖြုတ်ချ ရေး နှင့် ဖိနှိပ်ခံတိုင်းရင်းသားများ အတူလွတ်မြောက်ရေးအတွက် မိမိတို့ချင်းကိုယ်စား ပြုတော်လှန်ရေး အင်အားစုများအနေဖြင့် ဘဝတူတိုင်းရင်းသားများနှင့်အတူ လက်တွဲတိုက်ပွဲဝင်မှုများ အပါအဝင် အခြား ဘဝတူညီနောင်တိုင်းရင်းသားများ အနေဖြင့် မိမိလူမျိုး လွတ်မြောက်ရေးအတွက် ချင်းပြည်နယ်တွင် စစ်ရေးအရလှုပ်ရှားကာ တိုက်ပွဲဝင်နေမှုများကိုလည်း အပြုသဘောဖြင့် ရှုမြင်ပါသည်။

၂။ သို့ရာတွင် ၂၀၂၁ ခုနှစ် ပြည်သူ့တော်လှန်ရေးမှ စတင်ပြီး ပြည်သူတရပ်လုံးဆင်နွဲနေသည့် အာဏာရှင် တော်လှန်ရေးလမ်းခုလတ်တွင် ဒေသခံချင်းပြည်သူများ၏ဆန္ဒမပါသည့် ULA/AA ၏ အဆိုပါဆောင်ရွက် မှုကို သိရှိရသည်မှာ ချင်းပြည်သူများအပေါ် ကိုလိုနီပြုသည့် လုပ်ရပ်ဖြစ်သည်ဟု ရှုမြင်သဖြင့် များစွာ စိတ်ပျက်မိပါသည်။

၃။ ချင်းအမျိုးသားရေးနှင့် ချင်းပြည်တည်ဆောက်ရေးအား ကိုယ်စားပြုမဟုတ်သော မည်သည့် လက်နက်ကိုင်အဖွဲ့အစည်းဖြစ်စေ၊ လူမျိုးကိုယ်စားပြု အဖွဲ့အစည်းဖြစ်စေ ဖက်ဒရယ်ဒီမိုကရေစီ စံချိန်စံညွှန်းများနှင့် သွေဖီနေသော အုပ်ချုပ်ရေးဖော်ဆောင်မှုများကို မိမိတို့ CCM အနေဖြင့် လက်ခံ အသိအမှတ်ပြုမည် မဟုတ်ကြောင်း ဖော်ပြအပ်ပါသည်။

၄။ သို့ဖြစ်ပါ၍ လက်ရှိချင်းပြည်နယ် ပလက်ဝမြို့နယ်အရေးကိစ္စ အပါအဝင် ချင်းပြည်နယ်၏ Nation Building နှင့် State Building ဆိုင်ရာများတွင်ကြုံတွေ့ရမည့် စိန်ခေါ်ချက်များကျော်လွှားနိုင်ရေးအတွက် ချင်း တော်လှန်ရေးအစုအဖွဲ့ အချင်းချင်းများကြား ညီညွတ်မှုဖြင့် လက်တွဲပူးပေါင်းနိုင်ခြင်းကသာ ရေရှည် တည်တံ့သော အဖြေတစ်ခုဟု ရှုမြင်ပါသည်။ ထို့အပြင် မိမိတို့ အနေဖြင့် ချင်းပြည်နယ် ပလက်ဝ အရေးနှင့် ပတ်သက်၍ ပြည်သူ့တော်လှန်ရေးအလွန်တွင် သက်ဆိုင်သူများအားလုံးအကြား ဖက်ဒက်ရယ် ဒီမိုကရေစီနည်းကျ ပြန်လည်ဆွေးနွေးနိုင်မည်ဟု အတိအလင်းယုံကြည် မျှော်လင့်ပါကြောင်း ထုတ်ပြန် အပ်ပါသည်။

Chin Civic Movement-CCM
[email protected]

25/07/2025

"ညီညွတ်သော ချင်းအနာဂတ်အတွက် အမုန်းစကားများ ရှောင်ရှားစို့"

“ကျွန်ုပ်တို့ အတူတကွ တည်ဆောက်မည့် အနာဂါတ် ချင်းပြည်သစ်အတွက် ချင်းတစ်မျိုးသားလုံး စည်းလုံးညီညွတ်ရေးကို ဦးထိပ်ထားရန်၊ ချင်းအချင်းချင်းကြား သဘောထား မတူညီမှုများ နှင့် ပဋိပက္ခများ ဖြေရှင်းရာတွင် စစ်ရေးအရ ဖြေရှင်းမှုများကို ရှောင်ရှားရန် ချင်းလူထုမှ ချင်းတော်လှန်ရေး အင်အားစုများအား တိုက်တွန်းအပ်ပါသည်။”

25/07/2025

“ဘိုးဘွားတို့မြေ သွေးမစွန်းရေး ညီညွတ်မှုဖြင့် ကာကွယ်တည်ဆောက်စို့”

“ကျွန်ုပ်တို့ အတူတကွ တည်ဆောက်မည့် အနာဂါတ် ချင်းပြည်သစ်အတွက် ချင်းတစ်မျိုးသားလုံး စည်းလုံးညီညွတ်ရေးကို ဦးထိပ်ထားရန်၊ ချင်းအချင်းချင်းကြား သဘောထား မတူညီမှုများ နှင့် ပဋိပက္ခများ ဖြေရှင်းရာတွင် စစ်ရေးအရ ဖြေရှင်းမှုများကို ရှောင်ရှားရန် ချင်းလူထုမှ ချင်းတော်လှန်ရေး အင်အားစုများအား တိုက်တွန်းအပ်ပါသည်။”

25/07/2025

"ချင်းနဲ့ချင်း တိုက်ပွဲမှာ ချင်းပဲ ရှုံးတယ်"

“ကျွန်ုပ်တို့ အတူတကွ တည်ဆောက်မည့် အနာဂါတ် ချင်းပြည်သစ်အတွက် ချင်းတစ်မျိုးသားလုံး စည်းလုံးညီညွတ်ရေးကို ဦးထိပ်ထားရန်၊ ချင်းအချင်းချင်းကြား သဘောထား မတူညီမှုများ နှင့် ပဋိပက္ခများ ဖြေရှင်းရာတွင် စစ်ရေးအရ ဖြေရှင်းမှုများကို ရှောင်ရှားရန် ချင်းလူထုမှ ချင်းတော်လှန်ရေး အင်အားစုများအား တိုက်တွန်းအပ်ပါသည်။”

25/07/2025

“တိုက်ရမှာ စစ်အာဏာရှင်၊ မျက်နှာမူရမှာက ပြည်သူ"

“ကျွန်ုပ်တို့ အတူတကွ တည်ဆောက်မည့် အနာဂါတ် ချင်းပြည်သစ်အတွက် ချင်းတစ်မျိုးသားလုံး စည်းလုံးညီညွတ်ရေးကို ဦးထိပ်ထားရန်၊ ချင်းအချင်းချင်းကြား သဘောထား မတူညီမှုများ နှင့် ပဋိပက္ခများ ဖြေရှင်းရာတွင် စစ်ရေးအရ ဖြေရှင်းမှုများကို ရှောင်ရှားရန် ချင်းလူထုမှ ချင်းတော်လှန်ရေး အင်အားစုများအား တိုက်တွန်းအပ်ပါသည်။”

25/07/2025

Online Campaign

📢 ချင်းညီညွတ်ရေးအတွက် လှုပ်ရှားမှု!

လူထုတော်လှန်ရေးကာလအတွင်း ချင်းပြည်နယ်သည် အားကောင်းသော တော်လှန်ရေးဒေသ တစ်ခုဖြစ်ပြီး၊ တစ်ဖက်တွင်လည်း ချင်းပြည်သူများသည် အိုးအိမ် ဆုံးရှုံးခြင်းများ၊ စစ်ဘေး ဒုက္ခသည်အရေအတွက် များပြားလာခြင်း နှင့် လူမှုစီးပွါး အခြေအနေများ ဆိုးဝါးစွာ ခံစားနေရသည့် အချိန်ကာလလည်း ဖြစ်ပါသည်။ ဤအကြပ်အတည်းကာလထဲတွင်ပင် ချင်းတော်လှန်ရေး အင်းအားစု အချင်းချင်းကြား ပဋိပက္ခများကြောင့် ပြည်သူများသည် မလိုလားအပ်သော အကြပ်အတည်းများ ထပ်မံကြုံတွေ့ခဲ့ရသည်။ ယခုချိန်သည် ကျွန်ုပ်တို့ အတူတကွ တည်ဆောက်မည့် အနာဂါတ် ချင်းပြည်သစ်အတွက် ချင်းသွေးချင်း ညီအစ်ကိုများအကြား ညီညွတ်မှုသည် အထူးလိုအပ်နေသော ကာလလည်း ဖြစ်သည်။ ထို့ကြောင့် ချင်းတော်လှန်ရေး အင်အားစု အချင်းချင်းကြား စည်းလုံးညီညွှတ်မှု တည်ဆောက်နိုင်ရေးကို ရည်ရွယ်၍ Chin Civic Movement (CCM ) မှ ကမ်ပိန်းလှုပ်ရှားမှု ပြုလုပ်ကြရန် ရှိပါသည်။
၏ ရည်ရွယ်ချက်မှာ ချင်းတစ်မျိုးသားလုံး စည်းလုံးညီညွတ်ရေးကို ဦးထိပ်ထားရန်၊ ချင်းအချင်းချင်းကြား သဘောထား မတူညီမှုများ နှင့် ပဋိပက္ခများ ဖြေရှင်းရာတွင် စစ်ရေးအရ ဖြေရှင်းမှုများကို ရှောင်ရှားရန် ချင်းလူထုမှ ချင်းတော်လှန်ရေး အင်အားစုများအား တိုက်တွန်းလိုခြင်း ဖြစ်ပါသည်။

✊ လူထုလှုပ်ရှားမှု ဘယ်လို ပါဝင်မလဲ။
သင့်ရဲ့ အသံ နှင့် ပါဝင်မှုက အရေးကြီးပါတယ်။ ဒီလှုပ်ရှားမှုမှာ ပါဝင်ခြင်းဖြင့် ချင်းတစ်မျိုးသားလုံးရဲ့ စည်းလုံးညီညွှတ်တဲ့ အနာဂတ်ကို အတူတူပုံဖော်နိုင်ပါတယ်။ ဒီလူထုလှုပ်ရှားမှုကို ယနေ့ ၂၀၂၅ ခုနှစ် ဂျူလိုင် (၂၆) ရက်နေ့မှ စတင်ပြီး ပြည်တွင်း/ ပြည်ပ ရှိ ချင်းလူမျိုး ညီအစ်ကို၊ မောင်နှမများအနေဖြင့် ချင်းပြည် စည်းလုံးရေးနှင့် ပဋိပက္ခများ လျှော့ချနိုင်ရေးအတွက် Campaign တွင် ပူးပေါင်းပါဝင်ကြပါရန် ဖိတ်ခေါ်အပ်ပါသည်။

✊ဤကမ်ပိန်းတွင် ပါဝင်ရမည့် နည်းလမ်းများကတော့ -
(၁) Profile/Post တင်ခြင်း မှ တစ်ဆင့် ပါဝင်နိုင်ပါတယ်။

အဆင့် (၁.၁) အောက်ပါ ကိန်ပိန်းစာသားများပါဝင်သော တိုက်တွန်းချက် ဓါတ်ပုံ တစ်ခုအား ရွေးချယ်ကာ သင်၏ လူမှုကွန်ယက် Profile ပြောင်းခြင်း/Post အဖြစ် အသုံးပြုခြင်းဖြင့် ပါဝင်နိုင်ပါတယ်။ Campaign pictures များကို CCM page နှင့် Google Drive တွင်လည်း ရယူနိုင်ပါသည်။
picture များကိုလည်း ယခု Post တွင်ပူးတွဲဖော်ပြထားပါသည်။


အဆင့် (၁.၂) သင့်လူမှုကွန်ယက်စာမျက်နာတွင် တင်ထားသည့် Profile/Post နှင့်အတူ အောက်ပါတိုက်တွန်းချက်နှင့် hashtag ( #) အား ရေးသားဖော်ပြရန် ဖြစ်ပါသည်။

“ကျွန်ုပ်တို့ အတူတကွ တည်ဆောက်မည့် အနာဂါတ် ချင်းပြည်သစ်အတွက် ချင်းတစ်မျိုးသားလုံး စည်းလုံးညီညွတ်ရေးကို ဦးထိပ်ထားရန်၊ ချင်းအချင်းချင်းကြား သဘောထား မတူညီမှုများ နှင့် ပဋိပက္ခများ ဖြေရှင်းရာတွင် စစ်ရေးအရ ဖြေရှင်းမှုများကို ရှောင်ရှားရန် ချင်းလူထုမှ ချင်းတော်လှန်ရေး အင်အားစုများအား တိုက်တွန်းအပ်ပါသည်။”




(၂) သင်၏ အသံကို (ရုပ်သံ) အများပြည်သူ သိရှိရန် တိုက်ရိုက် ဖော်ထုတ်နိုင်ပါတယ်။
🔹 ချင်းတောင်လှန်ရေး အင်အားစုများအပြင် ချင်းလူထု အချင်းချင်းကြား ငြိမ်းချမ်းမှု၊ စည်းလုံးညီညွတ်ရေးကို တိုက်တွန်းထားသော သင့်၏ ဓာတ်ပုံ/ဗီဒီယို (၃-မိနစ်ထက်မကျော်သော) CCM page မှ တစ်ဆင့် ဖော်ပြန်နိုင်ရန် CCM facebook messager သို့ပေးပို့နိုင်ပါသည်။
#မိမိလုံခြုံရေးအရ အသံပြောင်းခြင်း ရုပ်ဝါးခြင်းများ လိုအပ်ပါက ဆောင်ရွက်ပေးမည်ဖြစ်ပါသည်။

Chin Civic Movement

Post တင်ရန်အတွက် Google link များကို First Comment တွင်ဖော်ပြထားပါသည်။

13/07/2025

ချင်းအမျိုးသားစည်းလုံးညီညွတ်ရေးနှင့် ငြိမ်းချမ်းသော အနာဂတ်ချင်းပြည်
တည်ဆောက်ရေး အတွက်
Chin Civic Movement – CCM ၏ မေတ္တာရပ်ခံပန်ကြားချက်
၂၀၂၅ ခုနှစ် ဇူလိုင်လ (၁၃) ရက်

အာဏာရှင်စနစ်မှန်သမျှကို အမြစ်ဖြတ်ချေမှုန်းပြီး တန်းတူရေး၊ ကိုယ်ပိုင်ပြဌာန်းခွင့်နှင့် ဖက်ဒရယ် ဒီမိုကရေစီစနစ် ပေါ်ထွန်းရေးအတွက်ကြိုးပမ်းသည့် လူထုတော်လှန်ရေးတွင် ချင်းတစ်မျိုးသားလုံးသည် ကြီးမားသောပေးဆပ်မှုများဖြင့် နည်းလမ်းပေါင်းစုံမှ တက်ကြွစွာပါဝင်လျက် ရှိပါသည်။ သို့သော်လည်း စစ်ကောင်စီ၏ ရက်စက်ကြမ်းကြုတ်သော စစ်ဆင်ရေးများ၊ လေကြောင်း တိုက်ခိုက်မှုများနှင့် တိုက်ပွဲများ ကြောင့် ချင်းပြည်သူတို့သည် အိုးအိမ်စွန့်ခွာ စစ်ဘေးရှောင်နေရသည့် အပြင် အနာဂတ်မျိုးဆက်များအတွက် အရေးကြီးဆုံးဖြစ်သော ပညာရေး၊ ကျန်းမာရေး စသည့် အခြေခံလူမှုဝန်ဆောင်မှုများမှာလည်း ဆိုးရွားစွာ ထိခိုက် ပျက်စီးခဲ့ရပြီး ဖြစ်ပါသည်။ ထို့အပြင် ပလက်ဝမြို့နယ်အပါအဝင် ပဋိပက္ခဒဏ်ခံဒေသများတွင် ဖြစ်ပွားနေသည့် လူ့အခွင့်အရေး ချိုးဖောက်မှုများ၊ အမျိုးသမီးများအပေါ် အကြမ်းဖက်မှုများ၊ မူးယစ်ဆေးဝါး ရောင်းဝယ်ဖောက်ကားမှုများကြောင့် အိမ်နီးချင်းနိုင်ငံများနှင့် မလိုလားအပ်သည့် နိုင်ငံရေးပြဿနာများ ဖြစ်ပေါ်လာနိုင်မည့် အခြေအနေများမှာ ချင်းတစ်မျိုးသားလုံးအတွက် အလွန်စိုးရိမ်ဖွယ်ရာ ဖြစ်ပါသည်။
ဤသို့သော နိုင်ငံရေးအကြပ်အတည်းများနှင့် ဘုံရန်သူဖြစ်သော စစ်အာဏာရှင်စနစ်ကို တိုက်ထုတ် နေရသည့် အချိန်အခါတွင် ချင်းတော်လှန်ရေး အင်အားစုအချင်းချင်းအကြား သဘောထားကွဲလွဲမှုများကို လက်နက်ဖြင့် ဖြေရှင်းလာကြခြင်းသည် ချင်းတစ်မျိုးသားလုံးအတွက် အလွန်ကြီးမားသော စိတ်နှလုံးကြေကွဲ ဖွယ်ရာ ဖြစ်ရပ်ပင်ဖြစ်သည်။ ဤအခြေအနေများသည် ချင်းအရပ်ဘက်အဖွဲ့အစည်းများ၏ စုစည်းညီညွတ်သော အသံနှင့် ရပ်တည်လှုပ်ရှားမှုများ ကို အကျပ်အတည်းဖြစ်စေပါသည်။ သို့ဖြစ်ပါ၍ CCM သည် ချင်းအရပ်ဘက် အသံများကို စုစည်း၍ အောက်ပါအချက် များကို မေတ္တာရပ်ခံ ပန်ကြားအပ်ပါသည် -
၁။ ချင်းတော်လှန်ရေးအင်အားစု ညီအစ်ကိုများအကြား စစ်ရေးပဋိပက္ခများသည် ကျွန်ုပ်တို့၏ တော်လှန်ရေးအင်အားကို ချိနဲ့စေရုံသာမက ပြည်သူလူထု၏ နှလုံးသားအား ကုစားမရနိုင်သော ဒဏ်ရာများကို ဖြစ်ပေါ်စေပါသည်။ ဤအခြေအနေတွင် ကျွန်ုပ်တို့ အတူတကွတည်ဆောက်မည့် အနာဂတ်ချင်းပြည်အတွက် ချင်းသွေးချင်း ညီအစ်ကိုများအကြား လက်နက်ဖြင့်ဖြေရှင်းသည့် ပဋိပက္ခအားလုံးကို ချက်ချင်း ရပ်တန့်ပြီး မိမိတို့၏တော်လှန်ရေးအင်အားများကို ဘုံရန်သူ ဖြစ်သည့် စစ်အာဏာရှင်စနစ်ကို အပြီးတိုင်ချေမှုန်းရေးအတွက် စုစည်းအသုံးချကြပါရန် အလေးအနက် မေတ္တာရပ်ခံတိုက်တွန်းအပ်ပါသည်။
၂။ ချင်းအမျိုးသားအချင်းချင်းကြား ပွတ်တိုက်မှုများနှင့် စပ်လျဉ်း၍ လူမှုကွန်ရက် စာမျက်နှာများတွင် အမုန်းစကားများ၊ သတင်းတုသတင်းမှားများ၊ တစ်ဖက်နှင့် တစ်ဖက် သိက္ခာကျဆင်းစေသည့် ရေးသားဖြန့်ဝေမှုများ အရှိန်အဟုန်မြင့်တက် လာသည်ကို အလွန်စိုးရိမ်ဖွယ်ရာတွေ့မြင်ရပါသည်။ ထို့ကြောင့် သတင်းမီဒီယာများ၊ ဘာသာရေးခေါင်းဆောင်များ၊ ချင်းလူထုခေါင်းဆောင်များ နှင့် တကွ ချင်းပြည်သူတစ်ဦးချင်းစီအနေဖြင့်လည်း အမုန်းတရားဖြစ်စေသည့် အရေးအသား၊ ပြောဆိုမှု များကို ရှောင်ကြဉ်ပြီး အပြန်အလှန်လေးစားမှုနှင့် နားလည်မှုကို အားပေးသည့် အပြုသဘော ဆောင်သော ဆွေးနွေးမှုများ ဖြစ်လာစေရေးအတွက် ဝိုင်းဝန်း ကြိုးပမ်းပေးကြပါရန် အလေးနက် ထားတိုက်တွန်းအပ်ပါသည်။
၃။ CCM သည် ချင်းအမျိုးသားအရေးတွင် ဖြစ်ပေါ်လာသည့် ပဋိပက္ခတိုင်းအပေါ် ငြိမ်းချမ်းသော ဆွေးနွေးမှုဖြင့် အဖြေရှာရေးသည်သာ တစ်ခုတည်းသောနည်းလမ်း ဖြစ်သည်ဟု အစဉ်တစိုက် ယုံကြည်ရပ်တည်ပါသည်။ ဆွေးနွေးညှိနှိုင်းခြင်းသည် နိုင်ငံရေးအရ ရင့်ကျက်မှုနှင့်ခွန်အား၏ သင်္ကေတဖြစ်ပြီး ကျွန်ုပ်တို့ လိုလားနေ သည့် ဖက်ဒရယ်ဒီမိုကရေစီ၏ အခြေခံအနှစ်သာရ လည်း ဖြစ်သည်။ ထို့ကြောင့် သက်ဆိုင်ရာ ချင်းတော်လှန်ရေးအင်အားစုများအားလုံး စစ်မြေပြင်မှ စားပွဲဝိုင်းသို့ ရိုးသားပွင့်လင်းစွာ အပြန်အလှန်လေးစားအသိအမှတ်ပြုမှုကို အခြေခံပြီး တွေ့ဆုံ ဆွေးနွေးခြင်းဖြင့် နှစ်ဦးနှစ်ဖက် လက်ခံနိုင်သည့် အဖြေကို ရှာဖွေကြပါရန် အလေးနက်ထား တိုက်တွန်း တောင်းဆိုအပ်ပါသည်။
၄။ လက်ရှိပဋိပက္ခများ ချုပ်ငြိမ်းရေးအတွက် မီဇိုရမ်ပြည်နယ်အစိုးရ၊ ချင်းလူမှုအဖွဲ့ အစည်းများနှင့် ဘာသာရေးခေါင်းဆောင်များက စေ့စပ်ညှိနှိုင်းကြိုးပမ်း ဆောင်ရွက်နေမှုများကို CCM အနေဖြင့် အလေးအနက်ကြိုဆိုပါသည်။ ထို့ကြောင့် သက်ဆိုင်ရာ အဖွဲ့အစည်းများအားလုံးအနေဖြင့် စေ့စပ်ညှိနှိုင်းမှုရလဒ်ကောင်းများ ထွက်ပေါ်လာနိုင်‌ရေး အတွက် အပြည့်အဝ ပူးပေါင်းပါဝင်ပေး ကြပါရန် အလေး နက်ထား တိုက်တွန်းနှိုးဆော် အပ်ပါသည်။
ကျွန်နုပ်တို့ ချင်းတစ်မျိုးသားလုံး၏ အနာဂတ်သည် ချင်းလူမျိုးများ အတူတကွ တည်ဆောက် ပြဌာန်းသည့် ပစ္စုပ္ပန်အုတ်မြစ်ပေါ်တွင် နက်နက်ရှိုင်းရှိုင်းတည်မှီနေပါသည်။ သို့ပါ၍ ချင်းတစ်မျိုးသားလုံး၏ သွေးစည်း ညီညွတ်မှုဖြင့် စစ်အာဏာရှင်စနစ်ကို အောင်မြင်စွာ တော်လှန်ပြီး ကျွန်ုပ်တို့အားလုံး လိုလားနေသည့် တန်းတူရေး၊ ကိုယ်ပိုင်ပြဌာန်းခွင့် နှင့် ဖက်ဒရယ်ဒီမိုကရေစီစနစ်ကိုအခြေခံသော ချင်းပြည်သစ်ကို အတူတကွ တည်ဆောက်နိုင် ကြပါစေကြောင်းဆန္ဒပြုရင်း ဤမေတ္တာရပ်ခံပန်ကြားချက်ကို ထုတ်ပြန်အပ်ပါသည်။

Chin Civic Movement – CCM

20/02/2025

၇၇ နှစ်မြောက် ချင်းအမျိုးသားနေ့ သဘောထားထုတ်ပြန်ချက်
၂၀၂၅ ခုနှစ်၊ ဖေဖော်ဝါရီလ (၂၀) ရက်

၁။ ယနေ့တွင် ကျရောက်သည့် (၇၇) နှစ်မြောက် ချင်းအမျိုးသားနေ့ကို Chin Civic Movement မှ ဂုဏ်ပြု ကြိုဆိုအပ်ပါသည်။ ချင်းအမျိုးသားနေ့ဆိုသည်မှာ ချင်းအမျိုးသားဘိုးဘေးများမှစုစည်း၍ နယ်ချဲ့ တော်လှန် ရေး လှုပ်ရှားမှုများ၊ ပဒေသရာဇ်အုပ်ချုပ်မှုစနစ်အစား ဒီမိုကရေစီ ပြည်သူ့အုပ်ချုပ်ရေး စနစ်ကို အစားထိုး ကျင့်သုံးရန် ဆုံးဖြတ်ခဲ့ကြသည့် သမိုင်းဝင်မော်ကွန်း နေ့ရက်များမှ ပေါ်ပေါက်လာသော နေ့ထူး နေ့မြတ် ဖြစ်ပါသည်။
၂။ လက်ရှိကာလတွင် ချင်းတမျိုးသားလုံးအနေဖြင့် အာဏာရှင်စနစ် အပြီးသတ်ချုပ်ငြိမ်းရေး၊ ကိုယ်ပိုင် ပြဌာန်းခွင့်နှင့် ကိုယ့်ကံကြမ္မာကိုယ်ဖန်တီးနိုင်ရေးအတွက် နေရာဒေသအသီးသီးတွင် မျိုးနွယ်စုအလိုက် ကြိုးပမ်းအားထုတ်လာခဲ့ကြရာ ချင်းအမျိုးသားများမှ လွန်ခဲ့သော (၇၇) နှစ်က စတင်မြင်မက်ခဲ့သော ဘုံအနာဂါတ် ရည်မှန်းချက်အိပ်မက်ကို အပြည့်အဝ အကောင်အထည်ဖော်နိုင်ရန်အတွက် အကောင်းဆုံး နိုင်ငံရေးအခင်းအကျင်း ဖြစ်သည်ဟု CCM အနေဖြင့် ယူဆပါသည်။
၃။ သို့သော်လည်း ချင်းညီအစ်ကိုအချင်းချင်းကြား နယ်မြေ ဒေသနှင့် သဘာဝအရင်းအမြစ်များ ပိုင်ဆိုင်မှု ဆိုင်ရာ ပဋိပက္ခများအပြင် စစ်ရေး နိုင်ငံရေးဆိုင်ရာ ပဋိပက္ခများ ပိုမိုဖြစ်ပွါးလာနေသည်ကို ဝမ်းနည်းဖွယ်ရာ ကြုံတွေ့နေကြရသည်။ ယင်းအခြေအနေများကြောင့် ချင်းပြည် ချင်းလူမျိုးများ အကြား ပိုမိုကြီးမားသည့် အကြပ်အတည်းကို ဦးတည်သွားစေနိုင်သည့် အခြေအနေများမြင်တွေ့ရသဖြင့် CCM အနေဖြင့် ထိန်းထိန်းသိမ်းသိမ်းကိုင်တွယ် ပေးကြပါရန် သက်ဆိုင်ရာ တာဝန်ရှိသူများကို မေတ္တာရပ်ခံ လိုပါသည်။
၄။ သို့ဖြစ်ပါ၍ ချင်းအမျိုးသားများအကြား စည်းလုံးညီညွတ်ရေး၊ လက်ရှိကာလ နှင့် အနာဂတ် ချင်းအမျိုးသားရေး တည်ဆောက်မှုများတွင် မိမိတို့ ချင်းဘိုးဘေးများ ချမှတ်ခဲ့သည့် နိုင်ငံရေး သန္ဒိဌာန်များ အတိုင်း တစိုက်မတ်မတ် လျှောက်လှမ်းကာ ညီညွတ်အောင်မြင်သော ချင်းအမျိုးသားနိုင်ငံရေး ဖော်ဆောင် နိုင်ရန်အတွက် ဘက်ပေါင်းစုံမှ ခေါင်းဆောင်များအနေဖြင့် အပြုသဘောဆောင်သည့် ဆွေးနွေးညှိနှိုင်းမှုဖြင့် အချင်းချင်း ပဋိပက္ခများကို ဆွေးနွေးအဖြေရှာပြီး ညီညွတ်စွာ လက်တွဲပေးကြပါရန် (၇၇) နှစ်မြောက် ချင်းအမျိုးသားနေ့ကို တိုင်တည်၍ Chin Civic Movement မှ တိုက်တွန်းနှိုးဆော် လိုက်သည်။

Chin Civic Movement
[email protected]

19/07/2024

KIMO MEDEA

ချင်းတော်လှန်ရေး အစုအဖွဲ့များအကြား လတ်တလောဖြစ်ပေါ်နေသည့် ပဋိပက္ခများအပေါ် ချင်းလူထု၏အမြင်သဘောထားများ ကောက်ခံခြင်း

=========

ကီမိုမီဒီယာ
ဇူလိုင်လ ၁၈ ရက်၊၂၀၂၄ခုနှစ်

ချင်းပြည်နယ်အတွင်း စစ်အာဏာရှင်ဖြုတ်ချရေးအတွက် တက်ကြွစွာ တော်လှန်နေကြသည်မှာ (၃) နှစ်ပြည့် မြောက်လာခဲ့ပြီဖြစ်ပြီး ယင်းကာလအတွင်း စစ်ကောင်စီကင်းစင်သည့် ဒေသများလည်း ပေါ်ပေါက်လာ ခဲ့သည်ကို အားတက်ဖွယ်ရာမြင်တွေ့ကြရသည်။

တချိန်တည်းတွင် ချင်းတော်လှန်ရေးအင်အားစုများအကြား ပဋိပက္ခများ ဖြစ်ပေါ်ကာ အချင်းချင်း ပစ်ခတ်တိုက်ခိုက်ရသည့် အနေအထားသို့ ရောက်ရှိနေသည်ကို စိတ်မကောင်းဖွယ်ရာ တွေ့ရှိရသည်။

ဤပဋိပက္ခများသည် စစ်အာဏာရှင်တော်လှန်ရေး ဆိုသည့်ပန်းတိုင်ကို နှောင့်နှေး/တားဆီး စေနိုင်သည့်အပြင် ချင်းလူမျိုးအချင်းချင်းအကြား သဟဇာတဖြစ်ရေး၊ ချင်းအမျိုးသား လက္ခဏာ (Chin Nation Building) တည်ဆောက်ရေး နှင့် အနာဂတ်ချင်းပြည်တည်ဆောက်ရေးကိုပါ ထိခိုက်နိုင်စေသည် အထိဦးတည်နေ သည် ဖြစ်ပါသည်။

ထို့ကြောင့် ဤပဋိပက္ခနှင့်ပတ်သက်၍ ချင်းလူထု၏ အမြင်ကို သိရှိနိုင်ရန် ဤစစ်တမ်း ပြုလုပ်ရခြင်း ဖြစ်သည်။ ဤစစ်တမ်းမှထွက်ပေါ်လာသည့် ချင်းလူထု၏ အမြင်ကိုလည်း အများပြည်သူ သိရှိစေရန် ထုတ်ပြန်ပေးမည့်အပြင်၊ ရပ်ရွာ၊ဒေသအခြေပြု ညှိနှိုင်းဆောင်ရွက်ရာတွင် အထောက်အကူပြုစေနိုင်သည့် အခြေခံစစ်တမ်းအဖြစ် ရည်ရွယ်၍ Chin Civic Movement (CCM) မှသဘောထား ကောက်ယူရခြင်း ဖြစ်ပါသည်။

သို့ဖြစ်ပါ၍ ချင်းညီအစ်ကိုမောင်နှမများ အနေဖြင့် အောက်ပါ Link ရှိ Survey form ကို အချိန် (၃) မိနစ်ခန့်ပေးပြီး ဖြေဆိုပေးကြပါရန်အတွက် Chin Civic Movement မှ ဖိတ်ခေါ်လိုပါသည်။

https://docs.google.com/forms/d/1g7iaLR14huYLa4YXy0tP8GoZcY6cayIAu2wHoYs-bjU/viewform?edit_requested=true

--------

#ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။

19/07/2024

The Matupi Times

🟦ချင်းတော်လှန်ရေး အစုအဖွဲ့များအကြား လတ်တလောဖြစ်ပေါ်နေသည့် ပဋိပက္ခများအပေါ် ချင်းလူထု၏အမြင်သဘောထားများ ကောက်ခံ
--------------
The Matupi Times ၊ ဇူလိုင် ၁၈ ၊ ၂၀၂၄
Chin Civic Movement က ချင်းတော်လှန်ရေး အစုအဖွဲ့များအကြား လတ်တလောဖြစ်ပေါ်နေသည့် ပဋိပက္ခများအပေါ် ချင်းလူထု၏အမြင်သဘောထားများကောက်ခံနေကြောင်းသိရပါတယ္။

အဆိုပါစစ်တမ်း စစ်တမ်းကို ပါဝင်ပြီး ဖြေပေးကြဖို့အတွက် Chin Civic Movement ရဲ့ဖော်ပြချက်ကို အောက်ပါအတိုင်းပြန်လည်ဖော်ပြအပ်ပါတယ်။
--------------
ချင်းပြည်နယ်အတွင်း စစ်အာဏာရှင်ဖြုတ်ချရေးအတွက် တက်ကြွစွာ တော်လှန်နေကြသည်မှာ (၃) နှစ်ပြည့် မြောက်လာခဲ့ပြီဖြစ်ပြီး ယင်းကာလအတွင်း စစ်ကောင်စီကင်းစင်သည့် ဒေသများလည်း ပေါ်ပေါက်လာ ခဲ့သည်ကို အားတက်ဖွယ်ရာမြင်တွေ့ကြရသည်။

တချိန်တည်းတွင် ချင်းတော်လှန်ရေးအင်အားစုများအကြား ပဋိပက္ခများ ဖြစ်ပေါ်ကာ အချင်းချင်း ပစ်ခတ်တိုက်ခိုက်ရသည့် အနေအထားသို့ ရောက်ရှိနေသည်ကို စိတ်မကောင်းဖွယ်ရာ တွေ့ရှိရသည်။ ဤပဋိပက္ခများသည် စစ်အာဏာရှင်တော်လှန်ရေး ဆိုသည့်ပန်းတိုင်ကို နှောင့်နှေး/တားဆီး စေနိုင်သည့်အပြင် ချင်းလူမျိုးအချင်းချင်းအကြား သဟဇာတဖြစ်ရေး၊ ချင်းအမျိုးသား လက္ခဏာ (Chin Nation Building) တည်ဆောက်ရေး နှင့် အနာဂတ်ချင်းပြည်တည်ဆောက်ရေးကိုပါ ထိခိုက်နိုင်စေသည် အထိဦးတည်နေ သည် ဖြစ်ပါသည်။
ထို့ကြောင့် ဤပဋိပက္ခနှင့်ပတ်သက်၍ ချင်းလူထု၏ အမြင်ကို သိရှိနိုင်ရန် ဤစစ်တမ်း ပြုလုပ်ရခြင်း ဖြစ်သည်။ ဤစစ်တမ်းမှထွက်ပေါ်လာသည့် ချင်းလူထု၏ အမြင်ကိုလည်း အများပြည်သူ သိရှိစေရန် ထုတ်ပြန်ပေးမည့်အပြင်၊ ရပ်ရွာ၊ဒေသအခြေပြု ညှိနှိုင်းဆောင်ရွက်ရာတွင် အထောက်အကူပြုစေနိုင်သည့် အခြေခံစစ်တမ်းအဖြစ် ရည်ရွယ်၍ Chin Civic Movement (CCM) မှသဘောထား ကောက်ယူရခြင်း ဖြစ်ပါသည်။
သို့ဖြစ်ပါ၍ ချင်းညီအစ်ကိုမောင်နှမများ အနေဖြင့် အောက်ပါ Link ရှိ Survey form ကို အချိန် (၃) မိနစ်ခန့်ပေးပြီး ဖြေဆိုပေးကြပါရန်အတွက် Chin Civic Movement မှ ဖိတ်ခေါ်လိုပါသည်။
------

19/07/2024

Tahan Post

Chin revolution pawlte buainaah mipui ngaih dan lak mek a ni
Tahan Post
19th July, 2024

Chin revolution pawlte inkar buaina chungchanga mipui ngaih dan Chin Civic Movement (CCM)-ten an lak mek thu hriat a ni.
Chin State-ah Military council-ten thuneihna k*m 3 chuang an neih hnu hian Chin revolution pawlte zinga inkahna a awm avangin Chin mipuite ngaih dan an lak thu Chin Civic Movement-ten an thuchhuahah an tar lang.
Mipuiten Military council te an chat dan chhui a nih dawn bakah khawchhung leh hmun hrang hranga an chet dan te lak zel a nih dawn thu hriat a ni.
Chin State-ah Chin ve ve te buaina avangin Military council te beihnaah a hnufum thei a, Chin mipuite karah leilung chhuak leh hmasawnna bakah hma lam hun tur a nghawng theih thu Chin Civic Movement-ten an tar lang.
Chin State, Matupi township leh Mara bialah CNF/CNA kaihhruai Chinland council tangrual pawl leh Chin brotherhood, Arakan sipai ULA/AA te inkarah inkah buaina a awm thu hriat a ni.
Ram chhung leh pawna Chin mipuiten he link https://docs.google.com/.../1g7iaLR14huYLa4YXy0tP8Go.../edit-ah ngaih dan thawh tura an ngen thu hriat a ni.

19/07/2024

Zalen

တော်လှန်ရေး (၃) နှစ်ကြာမြင့်သည့်အထိ ချင်းပြည်နယ်သည် စစ်အာဏာရှင်ကို တက်ကြွစွာ တော်လှန်နေသော်လည်း တဘက်တွင် ခ.....