Mizo help center

11/10/2023

https://youtu.be/B21uW7TG8Ec?si=FidntLIOJNk2_EnM

Khawngaih in min lo Kan nau hi lo like sak teh u

T. Ramdinpuia vote duh chuan he video hi like tur a ni a. Hemi bakah hian Instagram lamah like hmang bawkin vote theih a ni. Youtube leh Instagram-a like an ...

11/10/2023

https://youtu.be/B21uW7TG8Ec?si=FidntLIOJNk2_EnM

T. Ramdinpuia vote duh chuan he video hi like tur a ni a. Hemi bakah hian Instagram lamah like hmang bawkin vote theih a ni. Youtube leh Instagram-a like an ...

08/10/2023

Mizo help #0004
Hello
Mizo Help Center ani em aw ?Ka vei zawng leh harsatna lam zawhna post tur rawn ziah ve ka duh a ,Period mumal tho si hian a rai theih em??
Thla tin Ni 6 hi ka period Dan tlangpui ania
Mahse tun thla hian ka la period miahlo a tunah ni 8 a ni tawh sia,chuan s*x ka la hmang leh Miah silo a
K*m 19 ka nia,a tlangpuiin s*x hi kar tin Ka hmang thin a,mahse ka period ka awl ngailo,indan na leh condom Kan hmang ngailo mahse ka rai ngai miahlo va k*m 1 vel chu a ni tawh maithei....
Ka zawhna point ber chu a tlangpuiin thla tir 5,6 bawr chho hian ka period thin a mahse thla hmasa atang khan s*x ka hmang leh tawh miahlo a tun thla hian ka period hun ka chhut ang hunah ka period leh lawk silo va,Google lam ka rawn a 'Period pangai tho si mahse hriat loh hlanin a rai theih tho' tih lam te ka hmu tel a,ka Rilru a nuam thei zân lo,mahse rai awm dan ang chuan ka awm Chuang miahlo
Ka period tlai vang nge ka lo rai ru reng ni zawk ang,Ka bialpa nen Kan inthen leh tawh si aLo Rai palh ta ila,a hrehawm dawn lutuk...tunah bialnu a nei leh tawh si a.
THURAWN MIN PE TURIN MIZO HELP CENTRE MEMBER TE KA NGEN CHE U A NI

30/09/2023

Mizo help #0003

Min hmusit leh nuihzat mai lovin khawngaihin thurawn leh Pathian thu chang chhiar tur min han pe teh u.

Ka bialnu nen hian No 4 ti thin kan nia, k*m 3 vel chu kan ti tling tawh ang. Tunah hian nghei tumin ka bei mek a ni. Ka bialnu nen hian nghei rual turin kan intiam a, a ni phei chu suffer hrehawm lutuk a nei tawh lo, Bible te chhiarin tawngtaina nen a nghei kan tum laiin ka bialnu chuan kei chu ka nghei dawn lo, ka thei lo ti tlat a, nghei tumna a neih tawh loh bakah a hma aiin a ti nasa in ka hria.

Hmun khat, khaw khatah kan awm tlang tawh bawk si lo a, ka rilru buai chuan a hma ang bawkin ka ti leh tan a ni. Ka bialnu hi ka then mai dawn nge, engtin nge ka tih ang? Nghei ngei se ka duh bawk sia. (inngaizawng ta chu kan in be lo thei lo a, a rui aw leh hmel hmuh reng chuan ka chak veleh zel bawk si) tawngkam ka thiam vak lo a, ka sawi tum chu inhriatthiam tho ka ring.

28/09/2023

Mizo help #0002

K*m 19 ka nihin hmangaih ka nei a, ani Aizawlah a awm a, kei thingtlang atang Aizawlah eng emaw zirin ka awm bawk a, chuta intawng chu kan ni. A tirah chuan duhna ka neilo a, mahse hun a lokal a, ka ngaina telh telh a, a tawpah phei chuan ka hmangaih ta hial a. (Amah hi hnamdang, a pian hma atanga Aizawl a khawsa hi an nia).

Tichuan kan inzui chho ve zel a, kei mizoram ah awm lo in phaiah hnathawkin ka kal a, tah pawh chuan kan la inkawp reng ka haw hnu thleng pawhin. K*m 2 dawn kan inngaihzawn hnu in kan chesual a, ka rai atangin min ngaihsak lo chu a ni chuang lo, mahse min ngaihsak na kha a nep ka ti a, kan innei dawn nia ti reng chung si khan engmah tih lah a tum bawk si lo. Tichuan keipawh kan khaw lamah ka haw ta a, ka chhungte hmachhawn tura mahni chauha min kal tir pawh kha ka ngaihdan a ni tawh lo a(a tawi zawngin)

A nu khan an hnampui lo chu mo atan a duh miau si lo a, bakah amah pawh khan min duh vaklo a niang, chuti ni lo se ka tan a ding reng tur a nia, mahse mihring hi kan lo mak em a nih hi!!! Tichuan sawn pawm chu ka lo ni ta a, chuta tang Chuan a ni maiin ka hria, thian mumal hi ka neih tak loh.

Ka thian thaa ka ngaihte khan min ngaihsak tawh lo a, an ina ka len reng lai pawhin min chhuahsan daih zel. A chang leh ka awm chhungin vawi 1 mah min biak loh changte a awm a, chutiang a nih chuan tih theih dang awm hek lo haw mai loh chu Chuvang chu a nia thian ka duh em em chhan, ka harsatna te, ka fapa pa hi tun thlengin ka la ngai reng a, ani ka ngaih zual changa min hre thiamtu tur thian 1 tal ka duh chhan.

Ka rawn sawi duah a nih chu, in comments te ka hmu a, in zavaia chungah ka lawm lutuk e. Chuan eng emaw a min be zui duh in awm pawhin ka ac pakhat zawk hi ka dah lang ang. Khawngaihin min tihchhuah sak turin ka ngen che a, chuan hemi page member zawng zawng te hlim leh dam taka k*m tawp thleng theuh turin duhsakna ka hlan vek a che u

28/09/2023

Mizo help #0001
I rilru I puanchhuah nan Kan in hawng reng e
Comment lam ah hian thurawn Kan pe thin dawn nia

pakhat chiah ka lo sawi ve lawk ang aw...
Nuthlawi tih hming hi a zahawm lo nghal ringawt! Fate nen a in pui a let leh ngat phei hi chuan zah kan va hlawh lo, duh vang a nuthlawi hi an awm tak² em? Nun hi dai pelh theih a nih zia ka hrechiang!
Fate nen inpuiah kan han lut leh a (loh theih loh na avangin) Mo te tan phurrit kan ni nghal phawt a, Chetthiam a va har takkk.. in thlahrung chi nih nen, eng ber nge tih tur pawh ka hrethiam lo, min lo pui teh u.....

28/09/2023

Shout out to my newest followers! Excited to have you onboard!

Tetea Hrahsel Saza, RS Sailo, Kevin Es, November Van Napoleon, Hakhai Hlithapi, Joseph Lalrinawma, Benjamin Famcun, Silver Vt, April King April Jain, Lalthangzaua Ralte, Hriata Vanchhawng, Jltha Pachuau, Lalremtluangi Tluangi, Peki Tlaisun, Zamzami Ralte, Beki Hmar, Bc Zosangzuala Sentea, Amtea Chinzah, Lalruatkimi Chawngthu, Mellissa Ralte, Fanai Rawna Rawna Fanai

25/09/2023

LALSAVUNGA SAILO LAL LAIA VANA PA CHANCHIN
1.VANA PA PIAN LEH THLANGTLAK

Zahmuaka'n Thangura a hring a, Thangura'n Thangmanga a hring a, Thangmanga'n Sailova a hring a Sailova'n Chungnunga a hring. Chungnunga'n Rohnaa a hring a, Rohnaa'n Lall*la a hring. Lall*la'n Lalpuiliana a hring a, Lalpuiliana'n Lalsavunga a hring. Lal savunga lal lai hian Vana Pa hi a lar tan a ni. Lalsavunga'n Vanhnuailiana a hring leh a; Vanhnuailiana lal lai hian Vana pa pawh a vanglai huna hmang a, Vanhnuailiana'n Liankhama a hring a, Liankhama hun lai hian Vana pa chuan lal rorel pui mai bak chu khua leh tui tan tang kaina a nei meuhtaw wh lo; a hming lem Pu Kutpheka ti a koh a ni, a bik takin naupang ho kohna hming a ni ber a ni.

K*m 1750 vel khan Lalsavunga pu Lall*la chu selesih sangsarih khuaah apa Rohnaa bulah a awm a, k*m 1764 vel khan selesih sangsarih khua atangin zopui (samthang khaw bul) awm laiin huango a han run a, tam tak a that a, tam tak sal-ah a man bawk. Zopui khua ah hian Lall*la chuan awmhmun a khuar nghal a, a awp ta a ni, hum 1761 vel khan Lall*la fapa Lalpuiliana chuan fapa a nei a, Lalsavunga a sa a

Lall*la hian zopui khua atang chuan run kam vela Siakeng-ho a han run thin,a che fuh thei hle k*m 1766 ah Thlanrawn pawih pawh a rawt chiam bawk

Lall*la hian Thlanrawn pawiho a rawt chiam avangin a hlau rilru deuha, thlang a tla ta a ni. zopul khua atang hian khawthlang lam a pan ta a Sialsukah a chhuk thla a, Diarkhai a pan zel a, chuta tang chuan samlukhaiah a in sawn phei leh ta a Samlukhai a an awm lai hian a tupa Lalsavunga'n nupui nei a Lalsavunga Leh a u Vanhnuaithangi ch zawngtah khua ah an in danga,rei tak chutah chuan an khawsa reng a ni

K*m 1790-ah Lalsavunga chuan zawngtah khua atangin phulpui a zuan a,Phulpui hmun an awm lai 1801 ah Vana pa hi a piang a ni. Chuta tang chuan Kelsih an kai leh ta a,Kelsih an pem buai lai tak hian Piler leh riangtlei khua Hualngo hoin an rawn run thut mai a mahse Hualngo ho chu an che tha vak lo niin a lang. Kelsih a Lalsavunga a in benbel hnu chuan Hualngo ho chu a han run let ve thung a, tam taka that a, tam tak salah a an ta bawk a K*m 1804 khan tuna Hualngo hmunah hian a awm tir ta a ni.

2.VANA PA A LAR TAN

K*m 1810-ah Lalsavunga chuan Kelsih atang in Hlimen a zuan a.hlimen ah hian ral dan Kawn te, a Lungden kawn te hmuh tur a awm. Hlimen a a awm la hian a khaw mi leh sa Vana pa hi a lar tan a ni.

Vana pa hi a hming tak chu Thangzachhinga a ni a, Chawngthu Vanchiau hnam a ni. A fa upa ber hming hi Vana a ni a, a-ni Thangzachhinga pawh hi a fa upa ber hming lama koh a nih avangin 'Vana pa' tih a ni. Vana pa hming lan tanna pakhat chu tlangval thinchhia pawh ni a hriat siloh, khaw khat tlangval thinchhia leh kawlh ber a ni ta mai si hi a ni.

Hlimen an khawsak lai k*m 1816 lei vel hian Vana pa chuan midang hriatpui ve vak lohvin ngaihzawng duh tak mai a nei a A ngaihzawng nu pawh chuan a hma-ngaih ve hle a ni.

Tum khat chu Vana pa chhungte chuan Vana pa u (Laltuahzovi pa) nupui a tan Vana pa ngaihzawng ber kher chu an bia a,nula chhungte chuan "Thangzachhinga tan zawng nise kan rem mai tur, Thangzachhinga a la naupang deuh si a le" tiin an lo chhang a Vana pa chhungte chuan an lo chhan dan chu an hre thiam lo hle mai a,kan fateah duh leh duh loh ka nei e, te an ti vei maw! Thangzachhinga lah a la hun lo tih an hre reng sia, Thangzachhinga pawh an nei bik lovang"; tiin an tau ve ta a

Nula chhungte chuan Vana pa chhungte lungawi loh thu an hriat chuan a rukin khawdangah an pem ta daih a

Tukkhat chu Lalsavunga pasalthate rammu turin an riak chhuak vana pa pawh chuan thal kengin a zui ve a. Pasal thate chu Khaw pakhatah feh chhuak hmasa lam bun turin thut hmun an rem ta a. Zing khua talo var chuah hla deuh taka nula zing buh phur tur lo kea hi an hmu a; pasal thate chuan ngawi rengin an lo chang far a. Vana pa chuan a zawn a lo thlen ve leh a thal ken chuan a lo kap thlu tawp mai a, a lu la turin a pan hnai nghl var a,Vana pan nula bul a thlen chun nula pawh na tuar teuh chung chuan alo la harh hle a Vana pa chu lo en ker mai, Nula chuan "Ka lawm te nangni i nni maw!" lo ti reuhva. Vana pa chuan a han enchian nak chuan a ngaihzawng a hmangaih em em kha a ni tih hre thuai a. A ngaihn hre lo chuan thle nghauhva, engkhaw sawi lo chuan a kir leh ta vang va ang Heta tang hian thin chhe ta em em mai ani.

Vana pa thin chhiat zia mitinin an hria a, a chhungte phei chun hreawman ti thin hle. a A zingtho te hi tuman an be ngam ngaia lo. A tho tlai emaw, tho hma emaw, thawh veleh chaw ei rawt a, chaw chhum so bawrh bawrh lai pawh hi a suan lawka, a khawrh nghal bawrh bawrh mai thin. Vawk chaw pe a an tirh changte hian a pek zawng an pe ve thin takna a, Vawkin chaw an ei puar ngai meuh thin lo. Hnang dehte thiam em em mai a, amaherawh chu a kalh sual changte hian thinin a tuar ta thin lova, chem a la lawk a, a sat chhe leh vek mai thin. Hetiang nih avang hian bulah ar tak ngial pawh an nghal ngam lova,naupang pawh an ti hle thin

Vana pa hetiang taka thin chhia leh sawisep kai a lo ni ta mai hi mi te chuan an mi in Mak an ti hlawm hle a, a chanchin hi an sawi an sawi thin, Vana pa hian a thinchhiat em avangin a zaidam leh tak hnuah pawh nupui a nei lawk lova k*m 40 lai nupui nei lovin a leng nghe nghe a ni

Lalsavunga hian a p**e thuro chhiah 'Chhak nawr zel tura an tih chu a hre reng a. k*m 1817 vel khan a khua ten Silai an ngaihtuah ran zawk theih nen tiin Himen khaw chhuah Iam mual pakhat chu silai neite tan chauh a theh sak a; he lai mual hi Silai mual' ti a koh a ni ta

Vana pa pawhin chu chu hria in a chemkalna lam phurhhlan a tah ve ta sauh sauh va, silai a tuak ve a 'Awlan puakbung', a lei ve nghe nghe a. Hetia silai a neih ve tak atang hi chuan Thal a hmang leh ngai tawh lo a ni.

K*m 1817-ah Vanhnuailiana, Lalsavunga fapa a piang a, Lalsavunga hian fanu engzat chiah nge a neih hriat a ni lova, fapa erawh chu pathum a nei.

3) VANA PA LAL UPA A NIH DAN

Lalsavunga hlimen-a a chenlai hian a pami Vuttaia chu Pawi hovin an man a; falamah an tan tir a k*m 1818 ah Lalsavunga chuan Himen atangin Aizawl a kai phei a, Aizawl hmunah hian an khawsa ta a ni.
Lalsavunga pi leh pu Lall*la-te nupa Hreichhuka an thih hnu khan Vuttaia tlan nan lal ho hnenah Vehbur an khawn tir a, Tuahzawl lal Lalchungnunga zadeng lal chuan a pe ve duh lova, an haw rilru hle a. Mahse Vuttaia chu an tlan chhuak thei ta lova. sailo lal Manga a thihin Lalchungnunga bawk hian hla a phuah a.

"khawlhring tu chhuan Lalmanga a fam ta e, Lalchungnunga'n tunge ka do tak ang." tiin.

He hla avang tak pawh hian Lal chungnunga chuan huat a hlawh hle e. K*m 1825-ah Lal savunga leh Mangpawrha unaute chuan rawk an tum ta a. Lalsavunga chu ralpui chhuahin an chhuah a, a kap ta chiam mai a, tam tak a that hman a, tam tak an tlan chhuak hman bawk.

Lalchungnunga Zadeng lal fapa Ngurpuilala chu a awmtu nu Engnemi'n a pua a, biru turin ramhnuai lam a pan puia Vana pa te ralchang chuan an lo hmu reng mai a Ngurpuilala chuan a hlau hle a, a pawtu nu Engnemi hnenah chuan ka u, ka u, ka hlau em mai! ka hlau em mai ati mawlh maawh a. Engnemi chuan " hlau ma ta che, keini ang te chu engtin min tih duh lovang tiin a chhang leh mai thin a Vana pa te chuan an pan hnai a, an man ta a ni

Ngurpuilala leh Engnemi chu Lal savunga In-ah an awm ta a. Ngurpuilala leh Lalsavunga fapa Vanhnuailiana hi naupang fel tawh tak leh inkawm tawkt ak, hum 8 mi vel an ni a

Ni khat chu Lalsavunga chuan Vanhnuailiana leh Ngurpuilala chu an mizia hriat a duh avangin a fiah dan pawn hetiang hi ani.

Vanhnuailiana chu Inchhungah a khar khip a, ngura chu pawn ah a chhuahtir thung a. "Lo lut rawh ka tih ve leh, lo lut ang che" tiin a chah a, vanhnuailiana hnenah ve thung chuan "Ngura a lo luh veleh themtang hian lo vaw hrep ang che" ati thung a,Ngura chu a han ko lut a, a fapa Vanhnuailianea hnenah chuan "Vaw rawh le" ati . Vanhnuailiana chuan a vaw duh ta tlat lova Apa chuan "Engatinge i vuak ngam loh?" a ti a, Vanhnuailiana chuan "Ka khawngaih a lawm" a ti tlat a.

Chumi hnu chuan Lalsavunga chuan Ngura chu in chhungah a kharkhip ve thung a, Vanhnuailiana chu pawnah a chhuahtir a. Vanhnuailiana chu a han ko lut a"Ngura vaw rawh le" tih ve leh a, Ngura chuan a them tang ken chuen a vaw let ta tawp mai a, them tangng pawh a phel phawk nghe nghe a ni. Lalsavunga chuan "zadeng ho zawng in k*t thlak pawh a lo na reng mai, lal zel chi pawh in lo nih loh hi le a ti ta ri ngawt a ni

Lalchungnunga chuan a fapa Ngurpuilala chu a ngai thei em em mai a upate nen kan turin Aizawl an kal zing hle. Mahse Lalsavunga chuan an hmuh hlauin Ngura chu In-chhungah a kharkhip tlat a. A upate Silai kaw- ruak a lawn tir un un thin a, Lalchungnunga upate chuan an hlau thin hle ani.

Chutianga an lo vau thin pawh chuan Lalchungnunga chuan Lalsavunga In a pan lui ve ngat thin. A chang phei chuan Lalchungnunga chuan puan chhia a sin a, Lalsavunga In bula pum kal hual chungin tap chungin hla a sa a

"Aizawl Lalsavunga'n ka hrai ar ang a man,
Thlohmu ah chang in sagnthingah ka chuan lai emaw," tiin.

Lalsavunga pawh chuan hlain a chhang ve a
"Zadeng hrai ngai chu, a k*m kip in aw le,
Aizawl Lalsavunga laipuiin a vaù dai ange". tiin.

Lalchungnunga zadeng lal hi sailo lalte ai chuan a hausa zawk a ,a p**e ro tha pui pui a neih mai bakah, Ralte -ho a run tumin Thi-té Dar tha tak tak a hawn a ni. A pa ro haizawng dar te ,sukchin dar te, Dar ri-chi hrang hrang tam tak a nei bawk. Heng a dar tha puipui zingah hian Ralte ho hnen atanga aIak Siallam dar chu a roh ber leh a ui ber a ni

Lalsavunga chuan Lalchungnunga chu lal hausa a ni tih a hre reng a, Ngura hmuh a dil tum pawhin a dar atlan turin lo ti nghe nghe a.Hetianga Lalsavunga'n Ngur ahmuh nan Dar a phut ani tih Lalchungnunga'n ahriat tak ah chuan pek tum ta a, Lalsavunga chuan dar tha pui pui zingah chuan siallam dar kher a phut thunga ni..

Lalchungnunga chuan siallam dar chu a ui hle mai a, a fapa hmuh theih na tur a nih chuan tiin, Haizawng dar chu siallam dar pekin a pe a. Lalsavunga upa te chuan an han tum chhin a Engnemi hnenah chuan "siallam dar a ni em ?" tiin an zawt a. A ni chuan, "A nihloh chu, tiin a chhang a. Chumi hnu ah chuan Sukchin dar an pe leh a, Engnemi bwk chuan, "A ri ah siallam dar a nihloh chu a ti leh a Tuaichawng dar an pe leh a Engnemi bawk chuan siallam dar anih loh thu a hrilh leh a

Lalchungnunga chu a mangang rilru ta hle mai a; a khuate puan a thawh khawm tir chiam a, Darbu bu khat a lei leh a, a pe leh ta a,mahse a dar ngen tak siallam dar ala nih loh avangin Lalsavunga chuan Ngura chu Hmuh ala phal ta lo fo va
Chumi hnu chuan Lalchungnunga chuan a dar ui ber Siallam dar chu'a pe ta nge nge a . Chutia Lalchungnunga'n a siallam dar a pek takah chuan, Lalsavunga chuan Ngura chu an hmuh theih tur a chhuah lovin, an hruai hawn pawh a phal sak ta a. Lalchungnunga khua kawihthuangah an hawn pui ta a ni.

Lalsavunga'n chutia zadeng lal ro tha puipui a neih tak avang chuan chuan a lawm hle a,Ngura mantu Vana pa hnen ah chuan" EE nangmah avangin hei ka tiat a,belrawhmual kil hranga awm nge i duh i thlahte thlenga Lal khawnbawl nih"tiin a zawt chawt a,Vana pa chuan"E i khua leh tuia,Lal khawnbawl le" tiin a chhang a.Lalsavunga chu a lawm hle mai , Vana pa chhungte chu a khua leh tui a an awm chhung chuan in hmun lo ramah duhsak bik ni turin a tiam ta a ni.Hei hi zadeng ho tlawmna bul tak chu a ni a.Vana pa khawnbawl upa a nih tak dan pawh a ni bawk,Heng atang hi chuan Lalsavunga tupa Liankhama lal thlengin duhsak bik an ni ta a ni.khawnbawl upa niin,in hmun lo ramah a thlahte thleng in duhsak bik an ni ta zel a ni.

4.LALSAVUNGA PASALTHATE LEH SIAKZAPAUVA
Aizawl a Lalsavunga a awm lai hian Siakzapauva thahdo lal chuan "Sailo ho ka ep dawn" tiin Mawmrang kham karah a pasaltha ho 20 nen hmuan an khuar a,an unauten faisain an chawm a.An awmna hi kham kar anih avangin luh theihna khan hmun khat ah chauh a awm a"vana arsi tunge hawk thla thei ang "?tiin an uang hle a ni

Lalsavunga chuan Siakzapauva chuan awmna hla hle mahse,aizawl atang pawhin a ngai mawh hle mai a,a pasaltha leh a upate bulah pawh a ngaimawh zia vawi duai lo a sawi tawh a ni
Tukkhat chu Lalsavunga chuan a pasaltha te,Vana pa,Chawngduma,Tawkthiala,Keikawla,Bela pa te leh midangte chu Luh chhuah turin a tir a,Siakzapauva chu khamkara khawsa an nih avangin a luhna khan avang hle mai a,an vanneih a siamin Kalkawngah Tangkawng an man hlauh a(sawi dan tam tak a awm a,kan thu lakna Pu Vanlalhuala ziah dan in kan chhui zel ang)hruipuiin an hlinga ,khamah chuan an lawn chhoh tir ta a,tangkawng an hlinna hrui kha an zawm zel a,an pawt chhin zel bawk a,nakinah chuan a hrui chu an pawt chhin a ,a lo nghae ta tlat a,an lawn chho ta a ni(Tawkthiala a lawn hmasa ti an awm bawk)
Chutia an lawn kim vek hnu chuan fimkhur takin an bih lawk nghal ta vek a.Siakzapauva pasaltha pakhat chuan "Diar var khim ka hmu"a ti a,midangte chuan "Diar var khim a ni,khawilama diar var khim zuk hmu suh che,sepui hmai rang i hmu a ni lek lo maw?"an tihsan mai a
Vana pa te ho chuan an peih kim ta maw tih veleh thawk leh khat ah an bei ta phut mai a,tlemte chu an tlanchhia a,tam tak an that a,kham a zuangthla te pawh an awm bawk
Hemi tum hian Vana pa te chu an hlim hle mai a Bela pa phei chuan "ka aw in sang aw a tluk e"a ti hial a ni,A fate pakhat hmingah pawh "Sangawa"tih a sa nghe nghe a ni
5.VANA PA IN ZAIDAM A ZIR
Vana pa chu a thinchhe hle chungin,sa leh ralah mite fak a hlawh hle a, nikhat chu Hlimen nu pahnih vawk chaw dawl phur hnungah ngawi reng in a kal a, nu pahnihte chuan "Thangzachhinga tak hi chu aw,a fina a fel teh l*l nen,heti tak mai a a thin an chhia hi chu,mihring hi famkim a har teh zawng a nih hi .heti taka thinchhia hi chu ni lo se chuan sawiselna avang hle ang"an ti a.Ani chuan ngawi rengin alo ngaithla a,ngawireng bawk in a din san leh mai bawk a."Hemi te hian min rel a ni hauh lo mai,min zilh a nih zawk hi" ati.Tichuan zaidam a zir chho ta a,a awm lamin tih nem a zir ta a ni.
Vana pa chu a zaidam leh ta ani tih miten an hriat chuan an awi lo hle a,a rukte in fiah dan an ngaihtuah ta a,nikhat chu tlangval pakhat hian Vana pa thlangra tah lai chu a la lawk a,a thlawhsak ta mai a.Vana pa chuan " Diai diai taka,ka chhara nga ka tah leh mai ang"Aw nem diai hian a a han ti a.A chhara a tah leh ta mai a.
Tuk khat chu Zawlbuk luhka ah nilum an ai a,nu pakhat hian a thi beh lai chu chemte in a hleh thlak sak hlawk a,luhka hnuaiah chuan a thlak ta mai a."Vana pa chuan khawnge ar in min chuk khalh ange"tih pah chuan luhka hnuai a pan ,a thi mal chu a chhar a,"In ah a hrui ka chhat anga ,ka beh leh mai a niang chu"a ti leh ta mai a.Heta tang hi chuan miten a zaidam tak tak a ni tih an ring ta a,an fiah leh tawh ngai lo.
lalsavunga chuan a pasalthate chu kawng engkim ah a ring em em vek a,a khaw mi leh sate pawhin an thlamuan pui hlawm hle bawk.A pasaltha huaisen leh chhuan vawr deuh deuh te chu hengte hi an ni (1)Vana pa (Thangzachhinga) chawngthu vanchiau (2)Chawngduma Tlau (3) Tawkthiala(Huaisena) Hmar (4)Zampuimanga Ralte (5)Darphawka Ralte Kawlni (6) Chhunkeuva Khiangte (7)Zabiaka Fanai (8)Darbuta Chhakchhuak (9) Dokuala Tlau (10) Chalkhenga Fanai (11) Darkuala Ralte Kawlni (12)Darruma Khawlhring (13) Keikawla Khiangte(14) Doruma Vangchhia

Lalsavunga chuan k*m 1832 ah Darlawng tlang a zuan a,Darlawng tlang a kau dawn vel lai hian khawdang atangin mi tam tak in an fin nghe nghe a.Tuirial tlangah te an in chhawp zut mai a ni.Zampui khua Manga pawh a pem lut ve a,a khaw hming chawiin 'Zampuikhaw manga' an ti in an ko a,a hnu deuh ah phei chuan 'Zampuimanga' an ti ta a ni.
Darlawng tlanga Lalsavunga a kai hnu hian a damrei vak lo a,K*m 1840 ah k*m 79 mi vel niin a thi ta a, a fapa Vanhnuailiana'n a ai a awh ta a,a pasalthate Lal thil ti thei tak a ni chho ta nge nge a ni

31/08/2023

Shout out to my newest followers! Excited to have you onboard!

Lalhmangaihi Ccapricorn Varte, Lalmuanzuala, Kc Duhkimi, Rama Renthlei, Cite-a Jrc, Md Hifjul Islam Siddiquee, VL Hruaii VL Hruaii, Henry Lalramchhana, Linda Fanai, Tka Tun Ropuia

28/08/2023

KHEDDA

Khedda (or Kheddah) emaw Khedda system emaw chu India rama hman thin sai rual manna thang a ni; sai pakhat chauh pawh an man bawk thin .Ramhnuai saite hi sai khawi fin chunga chuang in saipu thiam tak takte chuan thangchhungah an khalh lut a ni.Hetiang hmanga sai man hi hi India hmarchhak lamah an hmang nasa hle a, a bik takin Assam state-ah te leh South India-ah te,leh a bik takin Mysore State hlui -ah te khan hman a ni nasKHEa hle.Khedda hmanga sai man emaw leh thil dangte chu k*m 1973 aṭang khan tihtawp a ni ta a ni.Khedda chungchang sawi lannahmasa ber chu Greek explorer leh India rama palai, Megasthenes (ca. 350 – 290 BC)-a ziah kha a ni awm e

Mysore-ah chuan khedda system hi G P. Sanderson-a’n k*m 1873–1874 khan Kardihalli-ah a rawn hmang tan a. Chutiang thil thlengna hmun chu Kabini lui k**a Kakanakote ramngaw aha ni. Mysore khawpui lal Tipu Sultan-a khan sai man tum hian a lo bei tawh thin a mahse a man thei lo,Tipu Sultan leh a pa Hyder Ali te chuan an sipaite hmang aram sai man hi an lo tum tawh thin a mahse an man hlawhtling thei lo. British Army Officer Colonel Pearson-a’n sai man a tum hmasak ber pawh a hlawhchham tawh bawk. Mahse, G.P. Forest department-a Mysore sorkar tana thawk Sanderson-a chuan a lehkhabu Thirteen Years Among The Wild Beasts of India tih-ah heti hian a sawi: "Hyder a hian man alo tum tawh a , k*m zabi khat kalta khan Kakanakote Jungles-ah, mahse a hlawhchham tijhalo record tawh a ni," a ti, tumah an hlawhtling ngai lo vang tih a ngaihdan te, a lo sawi tawh bawk.


Sanderson-a’n khedda hmasa ber hlawhtling taka a kalpui hnuah, he system, Kakanakote-a ṭan chu Mysore-ah a lar hle a ni. k*m 1971 thleng khan operation vawi 36 neih a ni a, Wildlife Protection Act, 1972 hnuaiah dan anga khap a ni ta a, chu chu rannung chunga hleihluak taka chetna ah ngaih a ni.Ram chhunga Sai tamna ber nia sawi Assam-ah pawh an sai man dan chu khedda system hmang bawk a ni a,

Khedda chu thang lian tak a ni mai. Sai an khung khawmna tur chu khuar zau tak ft. 100 emaw velin an lai khuar a, an sai rual khung tur an tam chuan ft. 150 lai pawhin an lai khuar ṭhin. Sai rual tlan luh khup khupna tur a nih avangin an khuar laih chu a thuk hle a ngai a, an khung hnua an rawn lawn chhuah theih loh nan a khuar tlang chu thingpum eh phelin rinawm takin an hung chhuak vek a, a kawngka, ft. 12 vela zau chauh tih loh chu an hung phui vek a. Pawn lam aṭangin an bang hung chu thingin an do nghet tlat bawk a. Sai naran tan chuan phin chhiat mai theih loh tura rinawm a ni. Kawngkhar atan raw chang pum ṭha tak tak hi an suih zum a, kawngka lu chungah chuan hruiin an khai a. A khaina hrui an sah chah veleh leiah a rawn insawh khar bur ṭhin a ni. Kawngka biang tawn tawn aṭang chuan sai an khalh luhna tur pal chu zau takin an ping arh a. Hawrawpa V ang hian Khedda chu V mawng zum lai ang hi a ni a, V anga arh chhuak hmawr zau lai ber chu mel 4 inkar te zu ni thei a! An pal hung arh zau lai ber chu phelsep mai mai hian an hung a, a mawng zum lam khedda chu a zuih telh telh a, phelsep mai ni lovin mau pum lian pui pui an hmang a, khedda hnaih lamah phei chuan thing an hmang.
Khedda an siamna chu lui hnar lamah a ni ṭhin a, sai rual chu lui mawng lam aṭangin an um a, an pal hung arh zau lai ber chu phelsep mai maia hung chauh mah ni se, an su lui lo. A hungna a lo zim tulh tulh a, mak an tiin an ralkhel a, mihring rim an hre hnai tulh tulh a, ralkhel zual zel chungin Khedda-ah chuan an tla lut ta rum rum ṭhin a ni.

Sai pachal lian tak ft. 10 zeta sang chuan vawi tam tak hungna kulh chu sut chhiat tumin a rawn bei ṭhin a. Ṭê ruai ruaiin khuar aṭang chuan a rawn lawn chhuak uaih uaih ṭhin a, mahse silai, a mu tel lova an lo kah rawn tluar tluar ṭhin avangin bang su chhe hman lovin a let leh ṭhin a ni.
An hma bak hna hi a hlauhawm lai ber pakhat a ni a, a hma daiha sai an man, an duhtawka an lo sawizawi tawhte chu kawngkharah an luhtir a, an chungahah mi pahnih zel an chuang a. Pakhat zawk chuan sai a khalh a, an phuar tur sai mit leh rilru lak pen tumin a bei a. Sai mit a lakpen laiin pakhat zawk chu a chhuk a, phuar turin sai hnung lamah thawm dim tein a va kal a, hruizen chuan a hnung ke pahnih chu a va phuar belhbawm ta ṭhin a ni.

Sai zinga a huaisar apiang phuar hmasakah an nei a, a tê zawk deuhte chu a hnuhnungah an phuar a. hung pawnah chuan thing pahnih inkarah hruizen pahnihin nghet takin an thlung zela, a dang phuar turin an luhsan leh ta thin a ni.

26/08/2023

IGGY THE ESKIMO

IGGY THE ESKIMO hi tunge a nih chiah .Chaltlang Lal Thangphunga fa upa lama pathumna, Suakṭhuami fanu Chawngpuii chuan Sâp sipai Major Joyce-a nên k*m 1945 indopui lai khân Silchar-ah a nen in nei a,mizo zingah Indian Marriage Act hmanga innei hmasa ber dawttu an nih rin ani . Sap pasal a neih hnuah Chawngpuii chanchin hi an hre zui thei ta meuh lo va, an fanu Evelyn-i erawh chu, k*m 2017-a a thih thu leh entertainment khawvela a hun a lo hman dan Sap ṭawng chanchinbuah leh social media lamah a lo darh chuai chuai a nih kha. Ṭhalai zawkte chuan Chawngpuii fanu ‘Iggy the Eskimo’ tia hriat lar tak chanchin chu k*m 2021 July lamah khan kan chhiar tawh hlawm ang .
Chawngpuii pasal hi an inneih lai khan Major a ni a, a hming pum chu Harry Charlton Joyce a ni a, British sipai zingah pawh Royal Engineers zinga mi a ni. Chawngpuii hian pasal a neih hnu hian Sap hming a nei niin Times of India chuan a ziak a, chu chu Angela a ni. An inneih hnu hian rei lote Aizawlah an awm a, Pakistan-ah an chhuk ta a, k*m hnih an inneih hnuah k*m 1947 December ni 14-ah fanu Evelyn Laldawngliani Joyce an nei a, a pianna khua chu Rawalpindi a ni. Thlalaka kan hmuh hi an chhungkua, Laldawngliani k*m khat a nih lai, k*m 1948 a ni awm e. Laldawngliani hian nau mipa Stephen Lallungmuana a nei a, k*m 1949 January-ah Dhaka-ah a piang thung,k*m 1960 vel thleng khan an chhungte hi lehkha an lo la thawn thin a ni awm e.

Hemi lehkha an dawn hnuhnung ber aṭang hian Chawngpuii fate, Laldawngliani leh Lallungmuana te chu sikul an kai tawh a, Elizabeth-i chu sikul kai rual a la ni lo. Laldawngliani chu Art sikulah rei vak lo a kal a, k*m 14 vel mi a ni. Art sikula a kal ta chu khawvela milar ber ber, rimawi lamah chuan an aia sang an awm lo vang tih tur a tawng chho ta a. Chung zingah chuan tun thleng kan hriat lar leh ngaihsan Eric Clapton te, Rolling Stones band lar tak dintu zinga mi Brian Jones leh an guitarist Keith Richards te, rock band lar tak The Who, te nen an inkawm a, an drummer, khawvela drummer ṭha bera sawi zinga mi Keith Moon te chu a kawm chho ta a. A bialpa lar ber chu Pink Floyd dintu zinga mi Syd Barret kha a ni nghe nghe. Mizo thlah zingah hetianga entertainment khawvel mi lar ber ber kawm pha hi an la awm ngai lo.

Orchid Ballroom leh Iggy the Eskimo

K*m 1961 khan Evelyn Laldawngliani Joyce chu k*m 14 mi a nih laiin an in chhuahsanin a tlan bo a, khawi lamah nge a ṭuan tak tih hi chhui fe a ngai a. Chhungkaw khawsa thei takin Brighton khuaah an awm a, an khua hi England chhim, tuipui k**a awm a ni. East Suss*x county chhunga mi a ni a, London aṭangin mel 47-a hla, tuipui kam intawllenna hmun beach nuam tak nei a ni. Football tuimite chuan Brighton & Hove Albion football club hi kan hria ang.

Art sikul han tih hian khatih laia art lar ber an tihte chu Pop art leh art dang te a ni a, thlalak zirna hi fine art anga a lo zîk chhuah hun lai a ni bawk. Pop art tih hi popular art tihna a ni a, ṭhalaite duhzawng leh ngaihhlut zawng, mi tam berin an pawmpui, ei zawnna tlaka thiamna chherchhuahna kha a ni ber mai. Lemziak lam tui mi tan thui tak kal theih hun lai a ni a, rimawi leh zai lama ei zawn tum tan duhthusam khawvel a ni. A tawi zawnga sawi chuan nu leh paten an fate tana ṭha an tih leh an faten an tana ṭha an tih kha, ar insual anga an insual awrh awrh lai a ni ber mai. Chutianga boruak inthlak danglam lai tak chu Laldawngliani aka Evelyn Rose aka Iggy the Eskimo aka Iggy the Inuit lo pian chhuah hun lai chu a ni.
An in a chhuahsan hnu rei loteah Ig tih leh Iggy tih hming a pu thuai a, London khawpuia intihhlimna hmunah a khawsa ṭhin tih kan hmu ta a ni. Sap leh Mizo inthlah pawlh a nih avangin a hmelṭha danglam riau a ni. A chanchin an ziahnaah chuan a tlan bo hnu hian a ṭhiante zingah a khawsa ve naw naw a, chung a ṭhiante pawh chu mahni chhungkaw chhuahsan an ni vek mai a. eng lak aṭang berin nge an hel tih zawhna chu heng ṭhalaite hian an chhang thiam ber kher lo. An nihphung pangngai kha an ning a ni ber mai. ‘Iggy hmel ṭhatna leh mahni duhzawng tlang taka ti lang ngamtu a nihna chuan mi lawm a hlawh a, ei tur leh chenpui tur a haihchham lo’, tiin an ziak a ni.
Chutih laia London khawpuia Purley vengah khuan intihhlimna hmun lar tak Orchid Ballroom an tih chu a awm a, chu ballroom chu a ṭhiante nen zantina an inkawmna hmun a ni. K*m 1963 aṭanga k*m 1967 chhung kha chuan Iggy hmu duh tan chuan Orchid Ballroom-ah zawn mai tur a ni, an ti. Orchid Ballroom hi k*m 1960 aṭanga 1970 inkarah kha chuan London-a ṭhalaite lâmna hmun hmingthang ber a ni awm e. Rock band ding tir leh mimal, zai lama eizawn tum te chuan he ballroom-a zai hi an suangtuah ber a ni ve ṭhin. Rock band la tuai deuhte chuan producer ṭha an zawng a, recording tihsak theitu zawn leh Orchid Ballroom-a zai chu an duhthusam a ni.

Iggy chuan mi hriat a hlawh chho zel a, hmelṭha si, mize tlang hraih mai a nihna chuan mipate a hip a ni ber mai. Thlahpawlh a nih avangin a chanchin hriat chakin miin an zawt chamchi a, a hmel danglam bikna chuan, ‘mysterious girl’ tih a hlawh a. Thlalatu leh modelling agency te khan an hêl chawt hlawm a ni. Himalaya tlang aṭanga lo chawr chhuak a nih thu chu a sawi zauh zauh a, a nu Mizo a nih thu chu a sawi chhuak duh ngai lo. K*m 1952-a chanchinbu aṭanga indin chho, a hnu zelah film leh music lam khawih zui ta, New Musical Express (NME) hian k*m 1966 velah khan an interview a. Chuta thlalatu pakhatin Iggy ṭobul a zawh ṭumin, ‘Eskimo’, tiin fiamthuin a chhang a. Chu a fiamthu chu fiamthu mai a ni tih hre reng chungin Iggy the Eskimo tih chuan mi a hip dawn tih an hria a, an koh larna ber chu a ni ta a. A hnu zelah chuan Eskimo-ho chenna, Arctic circle leh Alaska a mite chuan anmahni koh nana Eskimo tih chu an duh ta lo va, ‘sa hel ei mi’ tihna a lo ni bawk a. ‘Inuit’ an intih tak avangin Iggy The Inuit tiin Laldawngliani chu an ko lâr ta zawk a ni. An ṭawngin Inuit chu ‘mipui’ tihna a ni.

Iggy leh Jimi Hendrix

K*m 1966 khan Jimi Hendrix chu London-ah a awm a, a band din, Jimi Hendrix Experience chuan an hla record tur leh zan lama ballroom lama concert nei turin Kingsway Studio-ah an inbuatsaih ve mek a. He studio hi London khawpui lailia kawng hlun leh lun ber mai Kingsway kawtthlera awm a ni a, Kingsway Studio tia hriat lar ni mah se, De lane Lea Music Ltd tiin an sawi bawk ṭhin. He studio hi Samuel Herbert Benson-a siam a ni a, atirah chuan advertising agency a ni a, k*m 1963 velah khan French intelligent officer pakhat Major Jacques De Lane Lea-a chuan Kingsway studio hi a lei a. English film te chu French ṭawnga lehlin nan he studio hi a hmang ṭhin a ni.
Jimi Hendrix-a leh a ṭhianten Kingsway Studio-a hla chi hrang hrang an record zawh hian, chu zana ballroom-a an sak tur enlawk nan an hmang bawk a. Tichuan, darkar hnih vel chhung tlai lam thingpui te ina an chawlh hnuah Iggy te zantina an lamna hmun Orchid Ballroom chu an pan ta a ni.

March ni 1, 1967, Nilaini zan pawh hi an nghakhlel et et tawh a, a chhan chu Jimi Hendrix Exprerience an lo kal dawn vang a ni.Tichuan zan dar 7 a lo ni a, dan pangngaiin Orchid Ballroom chu a khat titih tawh a, zaina stage ruak chu mipui mit latu ber a ni tawh a. Thu puangtu chuan mipui chibai a buk a, eng eng emaw a sawi zawhah Jimi Hendrix Experience chu a inhmelhriattir a, dar 7:30-ah chuan an hmuh chak ber chu an lo chhuak ta a ni. Hemi zan hian Hendrix-a te bakah mi dang zai pawh an awm a, Jimi Hendrix-a chu an en rawn ber a ni a, vei khawr ngat kha a ni a, k*m 1960 chho va lar ber mai, Fender Stratocaster vâr ngei mai kha a rawn ak chhuak a. USA aṭanga England-a a lo luh hian he guitar chauh hi a rawn chhuahpui nghe nghe a ni. Vei khawr dangte ang lo takin Hendrix-a hian ding khawr guitar chu a letlingin a hmang mai a, a hrui a vuah danglam chuang lo. Hei hi miin an ngaisanna pakhat leh a perh rik chhuah danglamna bik pawh niin an sawi.
Hemi zana Hendrix-a te concert neih hun chhung hi zan dar 7:30 aṭanga dar 9 tia sawi an awm laiin zan dar 11 thleng, ti an awm bawk. Eng pawh ni se, an zai thawh khatna an zawh chuan bar-ah hahchawlin an duhzawngte an in a, mei an zu khu zing chûk chûk a ni ber mai. Chutah chuan Iggy leh a ṭhiante chuan an rawn bawr a, Iggy tak hi chu Hendrix-a pawhin a lo thlir fal bik a ni tih lanna chu a hnu zelah an inkawp tih an hriatchhuah tak vang a ni. Thawh hnihnaah chuan a hma aia maha uarin Iggy leh a ṭhiante chu an lam a, an ṭe ring zawk bawk a ni.
Iggy hi fit 5 leh inchi 4-a sang a ni a, Sapho zingah pawh a te lua bik lo. Hendrix-a hi fit 5 leh inchi 11 a ni a, an insan hleih hle na a, an inmawi tawk viau niin an sawi. An star sign lah chu Sagittarius ve ve a lo ni a, British model leh American Rock star pahnih inkawp chu mi ngaihven hlawh lo thei an ni lo.

Sam dum ve ve an nih laiin Iggy mit rawng chu a uk duk lam a ni a, Jimi mit rawng erawh a uk dal lam, hazel an tih hi a ni a. Mit rawng, hazel neite hi an danglam riauna chu an thawmhnaw inbel azirin an mit rawng hi a uk leh a hring lek lek te, rangkachak rawng tein an lang thei zu nia! Iggy leh Jimi inkawp dan chu chanchinbumite pawhin sawi vak tur an hre lo va, Jimi chu a lar tirh aṭanga k*m thum lekah zu leh ruihhlo vangin a thi a, drugs overdose vanga thi tia an sawi rualin ṭhenkhat chuan ‘thuruk hriat chhuah loh’ awm nia ngai tlat an awm. Iggy hian an chanchin hi a sawi chhuak duh lo tlat a, Jimi nena an inkawp chhung hi k*m pawh a tling lo nia sawi a ni. An inkawp lai tho hian a hnua Paul McCartney nupui ni ta, Linda nen khan Jimi chu an inkawp zawk tawh bawk a ni.

Iggy leh Syd Barret of Pink Floyd
Iggy hi filmstar a ni a, k*m 1960 chhova model danglam leh mi lawm hlawh tak a ni a. A larna ber chu k*m 1969 ṭhal laia music album cover-a a lo lang kha a ni. He album hi tun thlenga mi duh em em rock band lar ber zinga mi, Pink Floyd dintu zingah pawh an khaipa leh an hla phuahtu ber Syd Barret-a album a ni a. A album hming chu ‘The Madcap Laughs’ tih a ni a, he album kawmah hian Syd Barret-a hnungah Iggy chu saruakin a lo lang a, album hlawhtling tak a ni. K*m 1970 January ni 3-ah khan he album hi tlangzarh a ni a, British Chart-ah no. 40 a kai.

London nula Iggy the Inuit

K*m 2011 khan British Jounalist Mark Blake-an Iggy chu a interview a, mi dang hnena a sawi duh ngai loh a inphawrh viau mai. “Ka hming tak chu Evelyn a ni a, kan naupan laiin kan ṭhenawm naupang pakhatin ka hming hi a lam thiam lo va, Iggy tiin min ko ṭhin a. Tunah chuan mi zawng zawngin min ti Iggy ta a nih hi. New Musical Express thlalatuin ka thla a lak mawl mawlh laiin a hnenah fiamthuin ka nickname chu Eskimo, ka ti a, fiamthu a ni tih hre chungin a hmang zui ta a ni.
Tuipui k**a seilian ka ni a, art sikulah ka kal a, kei chu thil nih phung pangngai ning mi, danglam hret duh ka ni a. Kan khua Brighton-ah chuan mi danglam nih ka tum ṭhin a. Rock band lar, The Who te kha an indin chhoh lai ata ka hre hlawm a, Soul music hi ka duh em em a, The Righteous Brothers te hi ka duh asin. Lam hi ka ngaina a, The Cromwellian te, The Flamingo te, The Roaring Twenties te kha ka kal zinna club te chu a ni”.
Mi ṭhenkhatin ṭingṭang a thiam em avanga pathian, tia an koh hial Eric Clapton-a nena an inkawm chhoh dan heti hian a sawi a, “Atirah chuan Clapton-a hi tu nge a nih ka hre mai lo. Cromwellian club-ah kan intawng a, kan inkawm chho zel kha Lionel Bart-a nen min inhmelhriattir a, Brian Epstein-a inah party-ah min hruai ta zel a” tiin. Lionel Bart-a hi lehkhaziaktu leh hla phuah thiam lar a ni a, Brian Epstein-a hi k*m 1962 aṭanga 1967 thlenga rock band lar Beatles-ho Manager a ni. Hun eng emaw chen chu Eric Clapton-a nen hian an inkawp ve a ni.
Iggy hi party-a lâm ral mai mai anga ngaih theih awmin kan ziak tawh a, mahse chutiang mai chu a lo ni lo. A film channa hmasa ber, In Gear, chu k*m 1967-ah tihchhuah a ni a, a thupui ber chu London khawpui nung tak tarlan kha a ni a, Granny Takes a Trips dawra Iggy leh dawr neitu Nigel Waymouth-a te inbe lai leh Iggy che vel lanna film a ni. K*m 2008 khan Iggy The Eskimo Girl tih documentary film siam a ni. Iggy video ṭhahnem fe a awm a, The Underground Youth, Fun Fun Fun With Iggy the Eskimo, Iggy at Port Elliot leh adt., hriat belh duh tan chuan YouTube lamah zawn mai tur a ni.

K*m 1967 April thla khan Alexandra Palace-ah darkar 14 chhung zet mitin chitin hnamtin an fuan khawm a ni ber a. Chutah chuan rock band leh zaithiam dang ten chawhnu her aṭangin zankhuain, atuk khawfing chah thlengin zai leh lam k*tpui an hmang a. Iggy la hriat reng chu, “Khami zan khan kan tlaivar chiang hle a, varṭian­ah Pink Floyd chuan min dawi mu riai riai thei hla an sa”, a ti.
“Syd-a kha lar khel chi a ni lo va, mi bawr huai huai te kha a ngaina lo. Zan khat chu Margaret street-a The Speakeasy club-a kan kal ṭumin Syd-a peih lo chung kan hruai lui a. Zan a rei tawh avangin mi pawh an tam lo. K*m hnih kal ta lama Pink Floyd hla lo tihchhuah hit tak mai, See Emily Play tih hla kha mi pakhatin a ngen avangin DJ khan a han zaitir a. Kan pahnih tan lamtual chu an ti awl a, lamtir min tum a ni. Kei chu lamtualah chuan ka chhuak a, ka lam ta a. Syd-a chu a tlan chhuak ta daih a, mi thlir ṭhup nih te kha a duh mang hauh hlei nem” tiin Syd Barret-a kha a hriat dan a sawi thung.
“K*m 1969 March thla khan Syd-a chuan Abbey Road-ah Madcap album kha a record a, mahse a khawsak kha a buai deuh a, Roger Waters leh David Gilmour te khan an rawn buaipui nghe nghe. Tlai khat Syd-a chhuak tur chu zui ka tum a, mahse ina awm turin min ti tlat a. Hmeichhe dang hmu tur nia ka ngaih avangin ka thik deuh hle a, Syd-a chhhuah hnu chuan Syd-a in luahpui Duggie-a chuan min chei mak a, Gilmour-a hnenah min lenpui a. Chuta Syd-a ka va hmu chu ka thinur thut a, ‘Khawnge i bialnu chu a awm’ tiin ka ankhum a, min chhang lo. David Gilmour-a nen record an thun thar chungchang vel an sawi dun a lo ni a. Syd-a leh Dave-a nen chuan kan chhuak ta a, kan chhuah pahin record player pin vuahna chu ka va nek a, Syd-a record play mek chu a inthai rin ta vak a. Eng album nge a nih pawh ka hre lo, an album thar ber a ni tih chauh ka hria. Chuta ṭang chuan Syd-an min hnawtchhuak ta a ni”, tiin.
Syd-a hnen aṭanga a chhuah hnu hian London khawpui chuan Iggy chanchin hi an hre zui hlei thei ta lo va, Chelsea-ah pasal hausa deuh mai a nei an ti a, fa erawh an nei lo a ni awm e. K*min thleng hian Iggy chanchin hi hriat belh tum an la awm zel a, tun thleng hi chuan Iggy pasal hming leh hnathawh kan hre thei rih lo. K*m 1970 vel aṭangin k*m 2000 vel thleng khan Iggy chanchin hi hriat tur a awm lo a ni ber mai, a ṭhian hluite pawhin an hre bik hlawm lo a ni awm e. K*m 2000 hnu lam, k*m 50 a pelh hnuah a inlar chhuak leh chauh niawmin an sawi. Iggy puala website an siam chu The Holy Church of Iggy the Inuit tih a ni a. A siamtu chu Reverend Felix Atagong a inti naa, Pastor a ni lo. Internet-ah hmuh mai theih a ni a, FB lamah pawh a awm a, Youtube-ah pawh Iggy video chu 20 chuang a awm.
Tichuan, Iggy chanchin hriat belh duh tan internet-ah an dah belh zel a, video pawh a chanchin ka zir tirh laia awm lo, k*min 2021 June leh October inkarah hian dah belh a awm nual mai.
Laldawngliani aka Iggy the Eskimo a awm ta lo
k*m 2017 December ni 13 zan laiah a thi a. Men On The Border chuan December ni 14-ah Laldawngliani thih thu Facebook-ah an rawn tarlang a, heti hian: ‘Today, we remember Iggy Rose, on her birthday. Forever a girl of the 60s, she passed away yesterday, just before midnight, minutes before turning 70’ tiin. Goran Nystrom-a, Men On The Border dintu chuan Laldawngliani nena an thlalak a rawn pho chhuak a. Darkar pawh ni lo, minute tlêmtein k*m 70 a tling lo hret a, chuvangin k*m 69 miin a thi a nih chu. Keini chuan ‘k*m 70 miin a thi’ kan ti ngei ang!
Men On The Border hi Swedish rock band a ni a, k*m 2011-a Phil Etheridge leh Goran Nystrom te din a ni. Pink Floid rock band dintu zinga an zaitu leh an khaipa, k*m 2006-a thi ta, Syd Barret-a ngaisang em emtu an ni a, chuvanga Syd-a bialnu hlui Laldawngliani hi zawng chhuak an ni nghe nghe. Laldawngliani thih thu hria ten a thlahna thu an ziak tlem han tarlang ila.
“Thu lungchhiatthlak a va ni em! Mize ropui tak nei leh mi hlim thei tak kha a ni asin le”
“Thin a ṭhawng dawt mai, Storrington-a Sommerfields-ah khan kan thawk dun tawh a, a ngaihawm dawn hle mai”
“Muang tein hahchawl teh le Iggy. Mihring thothang ṭha ber mai i lo ni e. Hlimna leh nuih hawk hawkna khawvel min hmanpui lai kha a va ngaihawm em. Willie Austen and Band zai ngaithla chunga kan lam dun kha ka theihnghilh lo’ng e”
“Thlamuang takin kal teh se, kawm nuam tak mihring kha a ni reng ṭhin”
“Iggy kha nu zahawm leh nalh tak a ni a, amah hria apiang khan kan ui vek mai. Hlim lo leh lungngaia awm te pawh Iggy bulah chuan an nui thei zel a ni”
“Iggy, vawi tam tak biain lo kawm tawh che mah ila, nun hlui ngaihnawm tak i nei tih ka lo hre ngai lo. Chhimbal mawi tak chungah thlawk delh delh la, muang tein chawl ang che”
“Chawl hahdam teh aw Iggy. Nang anga thlarau zalenna ngaina hi kan hmu zen zen lo, kan ngai dawn hle mai che. rock band inel em em mai ena kan lam thin laite kha aw... Min tih hlim theih ṭhinzia leh phur taka min lamtir thinte kha mitthlaan a cham”
“Duh ber Iggy, ṭhian ngaihawm, mi chawkphur thiam nutling hlu tak a ni. Pathianin malsawm che rawh se”
“Iggy kha Facebook-a ka ṭhian ṭha a ni a, mi ngaihsak thiam leh hmangaihna ngah a ni a, a hlim thei reng bawk. Mitin kha a ngaihsak a, mitinin an ngaina bawk”
A thih hnua miten a chanchin an sawi han en hian nu hlim thei tak, mi ngaihsak thiam leh mitin ngainat a hlawh ṭhin a ni ngei ang tih a rin theih a. A vanglai hun a hman lai kha khawvela music hun tawn san lai ber an tih ṭhin kha a ni a, muanna leh remna tih thupui au chhuahpuia hippies-hovin khawvel an dâp chhuah lai kha a ni.
K*m 1960 chho kha Sixties tiin an sawi deuh kher ṭhin a, politikah leh hnam nun ze inthlak danglam nasat lai k*mte an ti mai bawk. Chu chu fet deuh zawka kan sawi dawn chuan k*m 1963 aṭanga 1973 inkar kha niin an sawi ṭhin. Heng huna nun inthlakthleng hi ram pakhat chhung maiah a thleng lo va, khawvel pum a dâp chhuak a. Civil Rights lama harhtharna te, Vietnam rama indona nghawng leh indo duh lo pawlin kawng an zawh mup mup lai te a ni bawk a. Politik avanga inthahna rapthlak te a thleng a, nu leh pate, upa lam thil thlir dan leh ṭhalaite khawvel hman duh dan chu a kar a lo zau ta viau mai a, generation gap an tih mai hi a lo chhuak ṭan ta bawk niin an sawi.

Source;Lalhruaitluanga ralte,google