Dalitshakti Kendra

08/05/2026

એડવાન્સ એકાઉન્ટિંગ અને ટેલી પ્રાઇમ
(TallyPrime) તાલીમ

શું તમે કોમર્સના વિદ્યાર્થી છો અથવા એકાઉન્ટિંગ ક્ષેત્રે કારકિર્દી બનાવવા માંગો છો? તો આ કોર્સ તમારા માટે શ્રેષ્ઠ તક છે. અમે તમને શીખવીશું ટેલીનું લેટેસ્ટ અપડેટેડ વર્ઝન, જે નાના દુકાનદારોથી લઈને મોટી કંપનીઓ સુધી દરેક માટે અનિવાર્ય છે.

કોર્સની મુખ્ય વિગતો અને પ્રેક્ટિકલ તાલીમ:

નવું અપડેટેડ વર્ઝન: ટેલી પ્રાઇમના સૌથી લેટેસ્ટ ફિચર્સ સાથે કામ કરવાની સંપૂર્ણ સમજ.

કોણ જોડાઈ શકે?: કોમર્સ વિષયના વિદ્યાર્થીઓ તેમજ એકાઉન્ટિંગમાં રસ ધરાવતી કોઈપણ વ્યક્તિ.
વ્યાપક તાલીમ: નાની કંપનીઓ, દુકાનદારો કે મોટી કોર્પોરેટ ઓફિસોના એકાઉન્ટ્સ કેવી રીતે સંભાળવા તેનું માર્ગદર્શન.
વાર્ષિક અકાઉન્ટ અને બજેટ:વર્ષના અંતે ફાઈનલ એકાઉન્ટ્સ તૈયાર કરવા, બજેટિંગ અને નાણાકીય આયોજનની પ્રેક્ટિકલ સમજ.
ઓડિટ પ્રક્રિયા: સરકારશ્રીના નિયમો મુજબ થતા ઓડિટ માટે ડેટા કેવી રીતે તૈયાર કરવો તેની તાલીમ.
GST અને ટેક્સેશન: જીએસટી (GST) નું કેલ્ક્યુલેશન, રિટર્ન ફાઈલિંગ અને સરકાર દ્વારા લાગુ કરવામાં આવતા વિવિધ ટેક્સનું પ્રેક્ટિકલ જ્ઞાન.
આ કોર્સ કરવાના ફાયદા:

તમે કોઈપણ સંસ્થામાં પ્રોફેશનલ એકાઉન્ટન્ટ તરીકે કામ કરી શકશો.
સરકારી નિયમો અને ટેક્સ પ્રક્રિયાથી માહિતગાર થશો.
રોજિંદા વ્યવહારોનું સચોટ હિસાબી સંચાલન શીખશો.

📍 તાલીમ સ્થળ: દલિત શક્તિ કેન્દ્ર (DSK), નાની દેવતી, સાણંદ, અમદાવાદ - 382110
📅 તાલીમ શરૂઆત: 15 મે 2026
📞 વધુ માહિતી માટે સંપર્ક: 97277 45436
(સવારે 09:00 થી સાંજે 07:00 સુધી)

તમારા હિસાબી કૌશલ્યને બનાવો પ્રોફેશનલ અને મેળવો રોજગારીની નવી તકો!

08/05/2026

આધુનિક બેઝિક કમ્પ્યુટર અને AI તાલીમ .

હવે કમ્પ્યુટર શીખવું બન્યું વધુ સરળ અને આધુનિક! દલિત શક્તિ કેન્દ્ર દ્વારા ખાસ બહેનો માટે બે મહિનાનો વ્યાવસાયિક કોર્સ શરૂ થઈ રહ્યો છે.

🖥️ કોર્સની મુખ્ય વિશેષતાઓ:

પર્સનલ કમ્પ્યુટર: દરેક તાલીમાર્થીને શીખવા માટે વ્યક્તિગત કમ્પ્યુટરની સુવિધા.
A to Z માહિતી: કમ્પ્યુટરની પાયાની જાણકારીથી લઈને એડવાન્સ સ્તર સુધીનું શિક્ષણ.
ત્રણ ભાષામાં ટાઈપિંગ: ગુજરાતી, હિન્દી અને અંગ્રેજીમાં ઝડપી ટાઈપિંગની તાલીમ.
*મુખ્ય પ્રોગ્રામ્સ: MS Word, Excel અને Power Point માં નિપુણતા.
ભરપૂર પ્રેક્ટિકલ: રોજ ૭ કલાક સુધી લાઈવ પ્રેક્ટિકલ વર્ક કરવાની તક.
આર્ટિફિશિયલ ઈન્ટેલિજન્સ (AI) સ્પેશિયલ:

આજના એઆઈના યુગમાં તમે પાછળ ન રહી જાવ તે માટે અમે શીખવીશું:

AI ટુલ્સનો ઉપયોગ: રોજીંદા કામમાં AI કેવી રીતે મદદરૂપ થાય તેની સમજ.
ચેટબોટ્સ (Chatbots): ચેટ જીપીટી જેવા ટૂલ્સનો પ્રેક્ટિકલ ઉપયોગ.
અન્ય અદ્યતન એઆઈ ટુલ્સનું લાઈવ ડેમોન્સ્ટ્રેશન.
📅 તાલીમ શરૂ થવાની તારીખ: ૧૫ મે ૨૦૨૬
⏳ સમયગાળો: ૨ મહિના
📍 સ્થળ: દલિત શક્તિ કેન્દ્ર (DSK)

એડમિશન અને રજીસ્ટ્રેશન:
નવા સત્ર માટે એડમિશન પ્રક્રિયા શરૂ થઈ ગઈ છે. ઉત્સુક બહેનોએ ૧૫ તારીખ સુધીમાં પોતાનું નામ નોંધાવી દેવું.

📞 સંપર્ક માટે:
મોબાઈલ: 97277 45436
(કોલ કરવાનો સમય: સવારે ૦૯:૦૦ થી સાંજે ૦૭:૦૦ સુધી)

Lઆજે જ જોડાઓ અને તમારા ભવિષ્યને ડિજિટલ બનાવો!

08/05/2026

15 મે 2026 થી વ્યવસાયિક તાલીમના
ક્લાસિસ શરૂ થશે.
બ્યુટી પાર્લર,
આ તાલીમ કોર્સ માં બ્યુટી કેર ને જોડતી તમામ પ્રકારની માહિતી અને પ્રેક્ટિકલ સ્કીલ શીખવવામાં આવશે.
ફેશિયલ, હાઇડ્રા કેશિયલ ટ્રીટમેન્ટ , હેર કટીંગ, હેર સ્ટાઇલ, હેર મસાજ, પાર્ટી મેકઅપ, બ્રાઇડલ મેકઅપ, નેઇલ આર્ટ, આઈબ્રો, સાડી સ્ટાઇલ બ્લીચીંગ,વેક્સિંગ, મેનીક્યોર, પેડીક્યોર, બ્રાઇડલ મહેંદી, બ્યુટીશન ની તાલીમ 15 તારીખથી શરૂ થાય છે .
વધુ માહિતી માટે :
097277 45436 પર કોલ કરશો.

04/05/2026

29/04/2026

કાન ખોલીને સાંભળી લો, આંખો ફાડીને જોઈ લો : 'ઑપરેશન કંકાલ રોડ શો'

ઓડિસા રાજ્યના ક્યોંઝર (કેન્ડુઝાર) જિલ્લાના પટના તાલુકામાં આવેલ ગામનું નામ ડીણાલી. આ ગામ એરેન્દેઈ ગ્રામપંચાયત હેઠળ આવેલ છે. ગામની વસ્તી માં પુરુષ 396 અને સ્ત્રીઓ 450 છે. આદિવાસી સંસ્કૃતિમાં વધારે છોકરીઓ જીવી શકે છે કારણ પૂર્વજોના ભટકતા આત્મા દીકરાની કાંધે ચઢવાના ત્યાં ધખારા નથી.

ગામમાં 55 વર્ષનો જીતુ મુંડા રહે છે. એના બીજા બે જીવિત ભાઈ બહેનના નામ શંકર મુંડા અને ગુરુબારી (ગુરુવારે જન્મેલી) મુંડા. એ પરિવારનું ચોથું સભ્ય તે કાલારા મુંડા. કાલારાના લગ્ન ગામ રમેઇલખમાર ગામના તાડીયા મુંડા સાથે થયા હતા . આ ગામ ઓડિસાના પાટનગર ભુવનેશ્વરથી માત્ર 61 કિલોમીટર દૂર આવેલ ઢેંકાનેલ જિલ્લાનું છે.

પતિનું મૃત્યુ થતા પોતાના એકમાત્ર બાળક સાથે કાલારા પોતાના ભાઈઓના ઘરે રહેવા આવી ગઈ હતી. ત્યાર બાદ બીમારીના કારણે બાળક અને પેટની બીમારીના કારણે કાલારીનું મૃત્યુ તારીખ 26 જાન્યુઆરી 2026ના રોજ થયું.

કદાચ પોતાના પતિના મૃત્યુ બાદ કાલારીએ પોતાનો બળદ વેચ્યો હતો અને એમાંથી એને મળેલ 19300 રૂપિયા એણે મલ્લિપાસ ખાતે આવેલ ઓડિસા ગ્રામીણ બેંકમાં સલામતી માટે મુક્યા હતા. બેન્ક ખાતામાં વારસદાર તરીકે પુત્રનું નામ હતું તે પણ હવે હયાત ન હોઈ નવા વારસદારો જીતુ, શંકર અને ગુરુબારી મુંડા હતા. બેંકમાં પૈસા જમા કરાવવામાં કોઈ તકલીફ મુંડા પરિવારને પડી હોઈ તેવું જાણવામાં આવ્યું નથી.

કાલારીનું મૃત્યુ થતાં જીતુ મુંડાએ તે પૈસા ઉપાડવા બેન્કનો સંપર્ક કર્યો. જીતુ ભણ્યો નથી અને કદાચ એને મરણનું પ્રમાણપત્ર કોને કહેવાય એ ખબર ન હતી. બેન્ક મેનેજરે માત્ર સૂચના આપી કે કે મરણનું પ્રમાણપત્ર જોઈએ ક્યાં જેના નામનું ખાતું છે તે વ્યક્તિને હાજર કરો. બેન્કની ઈચ્છા હોત તો માત્ર ત્રણ કિલોમીટર દૂર આવેલ જીતુના ઘરે રૂબરૂ તપાસ કરી કાલારાના મૃત્યુની ખરાઈ કરી શકી હોત. બેન્ક પાસે ગામના સરપંચ દ્વારા ખરાઈ કરાવવાનો પણ વિકલ્પ હતો. પણ આ અકલ્પનિય વાતો તો મોહનદાસ કરમચંદ ગાંધીના સપનાના ભારતની હતી. એ ગાંધીને તો આપણે સ્વતંત્ર ભારતનું બંધારણ અમલમાં આવે તે પહેલાંજ ગોળી મારીને પતાવી દીધો હતો.

અભણ જીતુને બીજી વાત સમજાઈ કે 'જેના નામે બેન્ક ખાતું છે તેને હાજર કરો' તો જ પૈસા મળે. એટલે એણે એકલપંડે પાંચ મહિના જૂની કબર ખોદી કાઢી પોતાની બહેન કાલારાનું શબ બહાર કાઢ્યું. લાશના મ્હોં અને પેટનો ભાગ છુટ્ટો ન પડી જાય તે માટે તે ભાગ પર પ્લાસ્ટિકની કોથળી વીંટી અને લાશના પગના હાડકાં લબડતાં રાખ્યા. એ વિકૃત હાલતવાળું શબ પોતાના ખભે ઊંચકી જીતુ ધોમધખતા તડકામાં ત્રણ કિલોમીટર ચાલી બેન્ક પહોંચ્યો. બેન્કના કર્મચારીઓએ બેન્કના દરવાજે સલામતી માટે ઉભી કરેલ લોખંડની જાળી બંધ કરી દીધી અને પોલીસને જાણ કરી. જીતુ એ લાશને બેન્કના ઓટલા બહાર મૂકી ઉભડક પગે બાજુમાં બેસી ગયો. ગરીબો ભાગ્યે જ પલાંઠી વાળીને બેસે છે કારણ એ સુખ તેમના નસીબમાં દોહ્યલું હોય છે.

જીતુ મુંડાએ લાશ ઉપાડી જાહેર રસ્તા પર ત્રણ કિલોમીટર લાંબો રૉડ શો કર્યો પણ પ્રશાસનને એની જાણ સુદ્ધા ન થઇ. મુખ્યમંત્રી કે પ્રધાનમંત્રીનો રોડ શો
યોજાય ત્યારે કલાકો પહેલા જાહેર રસ્તા બંધ થઇ જાય છે અને માં નિશાળના દરવાજે રાહ જોતા પોતાના ભુલકાંઓને લેવા જવામાં કલાકો મોડી પડે છે. જીતુ મુંડાએ પાંચ મહિના જૂની કબર ખોદી લાશ બહાર કાઢી એની પણ પ્રશાશનને ગાંધી સુધ્ધા ન આવી.

જીતુ મુંડાના શરીર પર ભારતમાં બુલેટગતિએ થયેલ વિકાસ દ્વારા પેદા થયેલ ચરબીના કેટલા થર ચઢ્યા છે તેનો પુરાવો તેનું શરીર છે. એના બદન પર પહેરણ નથી અને એના પગમાં પગરખાં નથી.

સરકારી અધિકારીઓએ સમજાવ્યું કે આ સમગ્ર ઘટના માત્ર યોગ્ય કાયદાકીય જાણકારીના અભાવે સર્જાઈ હતી કારણ 55 વર્ષનો જીતુ મુંડા અભણ હતો. પણ આઝાદીના 79માં વર્ષે માત્ર ઓડિશામાં સાડા પાંચ લાખની વસ્તી ધરાવતા મુંડા આદિવાસીમાંનો એક (?), જીતુ શા માટે અભણ રહ્યો તેનો જવાબ કોણ આપશે? એનું નામ મતદાર યાદીમાં છે, હતું કે નીકળી ગયું તેની કોઈ માહિતી નથી. ઓડિશાના આદિવાસી સમાજમાં અક્ષરજ્ઞાનનું પ્રમાણ 1961માં 7.4 ટકા હતું તે વધીને 2002ની સાલમાં 37.37 ટકા થયાનું સરકારી આંકડા જણાવે છે. આ આંકડા કેટલા સાચા તે તો વાચકો જાતે જ નક્કી કરે.

પણ અભણ જીતુ મુંડાનું 'ઑપરેશન કંકાલ રોડ શો' સફળ રહ્યું. બેન્કનાં અધિકારીઓના કપડાં પલળી ગયા. પોલીસ દોડતી થઇ. મુખ્યમંત્રી જાગી ગયા. અમેરિકાના અખબારોમાં આ સમાચાર છપાયા કે 'માત્ર 200 ડોલરની નજીવી પોતાના હકની રકમ ઉપાડવા એક ભારતના આદિવાસીને પોતાની બહેનના પાંચ મહિના જુના શબ સાથે જાહેર રસ્તે ચાલવું પડયું' તેથી ભારતની આબરૂનું ધોવાણ થયું. સરકારે તાત્કાલિક કાલારાના મૃત્યુનું પ્રમાણપત્ર જારી કર્યું અને બેન્કના અધિકારીઓએ રૂપિયા 19300 મુદ્દલ અને એના પર રૂપિયા 102 (એક સો અને ઉપર બે રૂપિયા) વ્યાજના ગણી દીધા. દસ્તાવેજોની આટલી દક્ષતા ભારતની બેન્કોએ જાળવી હોત તો ભારતની પ્રજાના ભાગના અબજો રુપિયા બચી ગયા હોત.

એક આછી પાતળી નજર કરીએ તો બેંકોના ગોટાળા: હર્ષદ મહેતા (1992: રકમ હજારો કરોડ), કેતન પરીખ (2001); વિજય માલ્યા (2016: લગભગ 10,0000 કરોડ); પંજાબ નેશનલ બેંક (13,000 કરોડ); ABG શિપયાર્ડ (2019): 22892 કરોડ). આ યાદી વિકાસના દાવા જેટલી અનંત છે.

જીતુ મુંડાનું આયોજન સ્પષ્ટ છે. આ પૈસા ત્રણ વારસદારોને સરખા ભાગે વહેંચી દેવા. કાલારાના આત્માની શાંતિ માટે એ પૈસામાંથી ખર્ચ કરવો તેમની ગરીબીને પોસાય તેમ નથી. હકીકતે આ કુટુંબને કદાચ 'આત્મા' જ નથી કારણ 'આત્મા' તો સુખી લોકોને જ હોય અને આત્મા ની 'શાંતિ' સુખી લોકોને જ પરવડે.

જીતુ પર એક આરોપ સ્થળ પર લાગ્યો કે તે પીધેલો હતો. કદાચ ભારતમાં જીતુ મુંડા સિવાય કોઈ દારૂ પીવે છે જ ક્યાં ? 1980માં ડેડીયાપાડાના આદિવાસી મધ્યે કામ કરતા મેં દારૂનું સેવન જોયું. સ્ત્રી-પુરુષ ભેગા મળી પીવે. મારા ગુરુએ એનું કારણ શોધવાનું કામ મને સોંપ્યું. મને સમજાયું કે ભૂખ ભૂલવા એ જંગલમાં વિપુલ પ્રમાણમાં મળતાં મહુડાનો દારૂ બનાવતા હતા. કારણ ઉનાળામાં કંદમૂળ સિવાય આદિવાસી પાસે ત્યારે ખાવાનું કઈ ન મળતું. મેં અને મારા સાથી મિત્ર ગગને જોયું કે આદિવાસી 14 કિલોમીટર ડુંગરા ખૂંદી બલ ગામથી કેરીનો ટોપલો માથે ચઢાવી ડેડીયાપાડા પહોંચે તો વેપારી 100 નંગ કેરીનો એક રૂપિયો એને પકડાવે.

જીતુ મુંડાની વાત સીધી અને સ્પષ્ટ છે, 'મેં બેન્કના ઘણા ધક્કા ખાધા પણ તે લોકોએ મને કહ્યું કે પૈસા ઉપાડવા હોય તો જેમના નામે ખાતું છે તેમને હાજર કરો'.

ઘણાને અંગ્રેજોએ જે વ્યવહાર બિરસા મુંડા સાથે કરેલો અને જે વ્યવહાર આજનો સમાજ અને સરકાર આદિવાસીઓ સાથે કરે છે તેમાં સામ્યતા દેખાશે પણ કદાચ એ દ્રષ્ટિભ્રમ હોઈ શકે. બંધારણમાં દરેક નાગરિકની સમાનતાની વાત સ્પષ્ટ પ્રમાણે દર્શાવી છે પણ લખેલા શબ્દો જીવતા થાય કે કેમ તે અંગે શંકા થાય તે સ્વાભાવિક છે.

જીતુ મુંડાનાં આ ઑપરેશન બાદ પોતાના સગાઓને મરણ બાદ બાળવાને બદલે 'પુરાવા' તરીકે કેમ સાચવી રાખવાં તેવા વિચારો ગરિબોના મનમાં ઘોળાય તો તેમાં આશ્ચર્ય પામવા જેવું કઈ નથી.

માર્ટિન મૅકવાન

15/04/2026

14/04/2026

Lenas Little Ones