Ashrafi Paigham अशरफ़ी पैग़ाम

Home
India
Ahmedabad
Ashrafi Paigham अशरफ़ी पैग़ाम

Call Directions Website Contact the organization

This is Official Page of Ashrafi Paigham. This Page Most important Aim is Learn Islamic Knowledge In The Light of Islam.

25/10/2026

🌹•» *HAZRAT-A-GAUS-A-PAK-ALAL-AAZAM* «•🌹
****************************************
*AJAAB-A-KABR KA KAM HONA* :
***********************************
🌺Shaikh Abbaas Bayaan Karte Hain Ki Ek Roz Main Aapki Khidmat May Haazir Tha Ki Aapse Bayaam Kiya Gaya Ki "Babul-Izza" May Ek Qabr Se Kisi Murde Ki Awaaz Aarahi Hain!
Aapne Pucha Ki Kya Usne Mere Hath Se Libaas Pehna Hain?
Logon Ne Kaha Ki Malum Nahi!
Aapne Pucha, Kya Wo Meri Majlis May Kabhi Haazir Hua Hain?
Logon Ne Jawab Diya Nahi Malum!
Fir Aapne Pucha Ki Kya Usne Kabhi Mere Piche Namaz Padhi Hain?
Logon Ne Kaha Nahi Malum!

🌺Aapne Apni Gardhan Zhukayi Aur Farmaya Ki Farishton Ne Mujhe Kaha Hain Ki Is Murde Ne Aapka Chehra Dekha Hain Aur Wo Zindagi May Aapse Akidam Wa Nek-Gumaan (Khayaal) Rakhta Tha Is Waaste *ALLAH-TA'AALA* Ne Usper Rahem Farma Diya!

🌺Shaikh Abul Abbaas Kehte Hain Ki Uske Baad Log Barabar Us Qabr Ke Paas Se Aate-Jate Rahe Lekin Kabhi Bhi Dobara Awaaz Na Suni!

(Bahzatul Asraar-101)
(Sirat-A-Gaus-A-Pak-A-Alal-Aazam- Pg-205)

**********************************
☪️ *AJAZ AHMED ASHRAFI* ☪️

24/10/2026

🌹•» *KABULIYAT-A-DUA MAY TAKHIR KA SABAB* «•🌹
******************************************
🌷 *HADEES* 🌷
**********
🌺Huzoor *SALLALLAHU-TA'AALA-ALAIHI-WA-AALEHI-WASALLAM* Ka Farmaan-A-Alishaan Hain, Jab ALLAH AJJOWAJJAL Ka Koi Pyara Banda Dua Karta Hain! Zibrayil Alaihi Salam Arz Karte Hain, Ilahi! (Ajjowajjal) Tera Banda Tujhse Kuch Maangta Hain! Hukm Hota Hain, 🌷"Tehro! Abhi Na Do! Taaki Fir Maange Ki Mujhko Iski Awaaz Pasand Hain!"🌷

🌺Aur Jab Koi Kaafir Ya Fasik Dua Karta Hain! *ALLAH AJJOWAJJAL* Farmata Hain,

🌷"Iska Kaam Jaldi Kardo, Taaki Fir Na Maange Ki Mujhko Iski Awaaz Maqrooh (Yani Na-Pasand) Hain!"🌷

(Behki)

***********************************
💗 *AJAZ AHMED ASHRAFI* 💗

23/10/2026

🌹» *HADEES* «🌹
***********
🌺Hadees-A-Kudsi Hain, *ALLAH-TA'AALA* Ne Hazrat-A-Musa Alaihi Salam Se Farmaya Ki Jab Tu Daulat-Mandi Ko Apni Taraf Aata Dekhe To Samajh Lena Ki Kisi Gunah Ki Saza Aarahi Hain,

🌺Aur Jab Fakr Wa Faka Ko Dekhe To Keh Khush-Aamadid, Kyonki Yeh Nekon Ki Alamat Hain!

🌺Aye Logon! Agar Chaho To Isa Alaihi Salam Ke Nakshe-Kadam Per Chalo Jo Farmaya Karte The Ki Bhook Meri Khaal, Dar Meri Aadat, Uun Mera Libaas, Sardiyon May Suraj Ki Kirne Meri Aag, Chand Mera Chiraag, 2 Pau Meri Sawari Aur Zamin Ki Sabziyaan Meri Giza Hain, Na Subah Mere Paas Kuch Hota Hain Aur Na Sham Ko Kuch Hota Hain, Magar Duniya May Mujhse Badker Koi Gani Nahi!

*******************************
🩸 *AJAZ AHMED ASHRAFI* 🩸

21/10/2026

🌹 *HADEES* 🌹
***********
🌺Hazrat Jaabir Radi-Allahu-Ta'aala-Anhu Se Marwi Hain Ki Ek Shaks Huzoor *SALLALLAHU-TA'AALA-ALAIHI-WA-AALEHI-WASALLAM* Ki Khidmat May Khana Maangne Aaya To Huzoor Ne Isko Aadha Wask Jau Inayat Farmaye!

🌺Wo Shaks Iski Biwi Aur Iske Mehmaan Isme Se Khate Rahe Yahan Tak Ki Ek Din Usne Naap Liya To Wo Khatm Hogaye, To Wo Huzoor *SALLALLAHU-TA'AALA-ALAIHI-WA-AALEHI-WASALLAM* Ki Khidmat May Aaya!

🌺Huzoor Ne Farmaya Agar Tum Naapte Nahi To Khate Rehte Aur Wo Baaki Rehta!

(Muslim Jild-2, Pg-246)
(Mishkaat Pg-544)

********************************
🌷 *AJAZ AHMED ASHRAFI* 🌷

20/10/2026

🌹 *QAUL* 🌹
********
🌺Ulma Ka Qaul Hain Ki 7 Chizen Qabr May Roshni Ka kaaran Banti Hain-

(1)🌸Ibadat May Ikhlaas,

(2)🌸Maa-Baap Ke Sath Accha Bartau,

(3)🌸Rishtedaron Ke Sath Accha Sulook,

(4)🌸Zindagi Ko Gunahon Se Bachana,

(5)🌸Nafsani Khwayishat Se Bachna,

(6)🌸 *ALLAH-TA'AALA* Ke Hukm Ki Pabandi Karte Rehna,

(7)🌸 *Zikr-A-Ilaahi* Ki Kasrat.

(Tambi-Ul-Gaafileen)

(KAJH Page-466)

*****************************
🌹 *HADEES* 🌹
*********
🌺J**me 4 Baatain Ho Uska Ghar Jannat May Hain-

❤‍🔥Ek Yeh Ki Har Kaam May Rab Se Ilteja Kare,

❤‍🔥Dusra Yeh Ki Musibat May *INNA-LILLAH* Padhe,

❤‍🔥Tisra Yeh Ki Nemat Per *AL-HAMDULILLAH* Padhe,

❤‍🔥Chautha Yeh Ki Gunah Per *Astagfaar* Padhe!

(Behki)

(KAJH Page-466,467)

********************************
🌳 *AJAZ AHMED ASHRAFI* 🌳

19/10/2026

🌹•» *SALTANAT WA GURBAT* «•🌹
**********************************
🌷 *HIQAYAT* 🌷
**********
🌺Ek Bahoat Bada Baadshah Ek Gaon Se Guzra, To Ek Garib Aadmi Ne Badker Baadshah Se Kaha Ki Janab Aap Guzri Hui Lazzaton Ko Aur Main Guzri Hui Musibaton Ko Is Waqt Wapas Nahi La Sakta! Isliye Main Aur Aap Barabar Hain!
🌺Aap Bhi Duniya Se Ek Din Inteqaal Farmayege Aur Main Bhi Ek Din Marjaounga! Is Baat May Main Bhi Aapke Barabar Hoon,
🌺Aapse Saltanat Ka Hisaab Liya Jayega Aur Mujhse Meri Mehnat Aur Mushaqqat Ka! Zaahir Hain Ki Aapke Liye Hisaab Dene May Bahoat Mushkil Hogi!
🌺Baadshah Yeh Sunker Bahoat Roya Aur Kaha Ki Agar Khuda-A-Karim Na Hota Aur Apni Di Hui Chizen Wapas Le Liya Karta To Main Usse Dua Karta Ki Wo Mujhse Saltanat Wapas Le Le!

(Nujjahtul Majaalis, Jild-1, Pg-431)

******************************
🌷 *SABAK* 🌷
********
🌺Garib Ki Nisbat Amir Ko Hisaab Zyada Dena Padega! Amir Wa Garib Sabko Ek Din Marna Hain! Maut Aajaane Ke Baad Sab Barabar Ho Jata Hain!

*Ba-Qaul Shayer* -
******************
🌹 *Kitne Muflis Hogaye Kitne Tawangar Hogaye!*

*Khaak May Jab Milgaye Dono Barabar Hogaye!* 🌹

*********************************
☪️ *Ajaz Ahmed Ashrafi* ☪️

17/10/2026

🌹 *HADEES* 🌹
***********
🌺Hazrat Anas Bin Maalik Radi-Allahu-Ta'aala-Anhu Kehte Hain Momin Keliye 5 Iddain Hain-

(1)💚Bina Gunah Kiye Din Guzar Jaye,

(2)💚Jis Din Imaan Aur Kalima-A-Shahadat Ke Sath Shaitaan Ki Makkariyon Se Bachker Duniya Se Nikal Jaye,

(3)💚Jis Din Pulsiraat Se Guzar Jaye, Qayamat Ki Dehshat Se Nijaat Paye, Azaab Ke Farishton Se Rihayi Mile,

(4)💚Jis Din Jahannam Se Nijaat Paaker Jannat May Dakhil Ho, Aur

(5)💚Jis Din Deedar-A-Ilaahi Naseeb Ho.

( Tafsir-A-Nayimi)
( KAJH Page-755)

********************************
⚜ *AJAZ AHMED ASHRAFI* ⚜

16/10/2026

🌹● *HUZOOR KI SHUKR-GUZAARI* ●🌹
********************************
🌷 *HADEES* 🌷
*********
🌺Hazrat-A-Ata Radi-Allahu-Ta'aala-Anhu Se Marwi Hain Ki Hamne Hazrat Aayesha Radi-Allahu-Ta'aala-Anha Ki Khidmat May Haazir Hoker Arz Ki, Ki Aap Hame Huzoor *SALLALLAHU-TA'AALA-ALAIHI-WA-AALEHI-WASALLAM* Ki Koi Ajib Baat Sunayen, Hazrat Aayesha Radi-Allahu-Ta'aala-Anha Askbaar Hogayi Aur Farmaya, Huzoor *SALLALLAHU-TA'AALA-ALAIHI-WA-AALEHI-WASALLAM* Ki Kaunsi Ajib Baat Nahi Thi, Suno! Huzoor *SALLALLAHU-TA'AALA-ALAIHI-WA-AALEHI-WASALLAM* Ek Raat Tashrif Laye Aur Mere Bister Ya Mere Lihaaf May Mere Sath Let Gaye, Yahan Tak Ki Aapka J**m-A-Ather Mere J**m Se Mas Hone Laga! Tab Aapne Farmaya, Aye Abu-Bakr Ki Beti! Mujhe Ijazat Do Taaki Main Rab Ki Ibadat Karoon! Maine Arz Kiya Agarche Main Aapke Qurb Ko Be-Inteha Pasand Karti Hoon Magar Aapki Khwaish Ko Tarjih Deti Hoon, Lihaza Main Aapko Ijazat Deti Hoon Aap Zaroor Ibadat Farmayen!

🌺Aap Uthker Pani Ke Mashkiza Ki Taraf Gaye Aur Thode Se Pani Se Wazu Farmaker Aapne Namaz Shuru Kerdi Aur Aap Rone Lage Yahan Tak Ki Aap Ke Aansu Seene Per Behne Lage, Fir Aap Ruku May, Sazda May Aur Sazda Se Sir Uthaker Bhi Rote Rahe Yahan Tak Ki Hazrat Bilaal Radi-Allahu-Ta'aala-Anhu Ne Haazir Hoker Namaz-A-Fazr Ke Mutaallik Arz Kiya! Maine Pucha Aap To Bakshe Hue Hain, Aap Kis Liye Rote Hain? Aapne Farmaya, Kya Main ALLAH Ka Shukr-Guzaar Banda Na Banoo? Aur Main Kyon Na Ro-oun Halaaki ALLAH Ne Yeh Aayat Naazil Farmayi Hain!
"Be-Shak Aasmaano Aur Zameen Ki Paidayish Aur Raat Aur Din Ki Ba-Ham Badliyon May Nishaniyan Hain Akalmandon Keliye!

(Mukashfatul Kulub, Pg-274-75)

********************************
❤️ *AJAZ AHMED ASHRAFI* ❤️

14/10/2026

🌹 *HADEES* 🌹
**********
🌺Hazrat Anas Radi-Allahu-Ta'aala-Anhu Se Riwayat Hain Ki Huzoor-A-Aqdas *SALLALLAHU-TA'AALA-ALAIHI-WA-AALEHI-WASALLAM* Ne Farmaya Mangal Ka Din Khoon Ka Din Hain, Usi Din Hazrat Hawwa Ko Haiz Aaya Aur Usi Din Hazrat Aadam Alaihis Salaam Ke Bete Ne Apne Bhai Ko Qatl Kiya!

(Tafsir-A-Nayimi)

(KAJH Page-133)

**********************************
💗 *AJAZ AHMED ASHRAFI* 💗

08/10/2026

🌹 *HADEES* 🌹
**********
🌺Mah-A-Jilhijjah Ka Pehla Aashrah Bahoat Hi Azmaton Wala Hain! Imaam Nishapuri Farmate Hain Ki,
💚Isi Aashrah May Musa Alaihi Salam Ne Rab Se Pehla Kalaam Kiya,
💚Isi Aashre May Hazrat Aadam Alaihi Salam Ki Tauba Kabul Hui,
💚Is Aashrah May Hazrat Ismayil Alaihi Salam Ka Zibah Aur Fidhiya Ka Wakiya Pesh Aaya,
💚Isi Aashrah May Hazrat Hoodh Alaihi Salam Ne Apni Kaum Se Aur Hazrat Nooh Alaihi Salam Ne Toofan Se Nijaat Payi!
💚Isi Aashrah May Baith-A-Rizwan, Suleh Hudaibiya, Fateh Khaiber Ki Basharat Hui!

(Jubdatul Wayizeen)

(KAJH Pg-652)

********************************
❤‍🔥 *AJAZ AHMED ASHRAFI* ❤‍🔥

Address

Ahmedabad

Telephone

+919033256991

Website

http://ashrafipaigham.blogspot.com/

Alerts

Be the first to know and let us send you an email when Ashrafi Paigham अशरफ़ी पैग़ाम posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Ashrafi Paigham अशरफ़ी पैग़ाम: