Shri Samast Maru Kansara Kelavani Uttejak Mandal

01/09/2026

વધુ એક સારા સમાચાર આપણા સમાજ સુરત ના વતની શ્રી પ્રદીપભાઈ પોપટલાલ કંસારા (મુળ સિહોર વિઠલદાસ રતનશીભાઈ પરિવાર)ના સુપુત્રી ચિ. જ્હાનવી પ્રદિપ કંસારા એ પણ GMERS વલસાડ ખાતે MBBS મા પ્રવેશ મેળવેલ છે. ચિ. જ્હાનવી એ ભાઈ શ્રી ડો. કૃપાલ (MBBS) ના નકશે કદમ માં કદમ મેળવી ને ભાઈ ની કોલેજ માં જ પ્રવેશ મેળવી સમાજ નું અને પરિવાર નું ગૌરવ વધારેલ છે. ચાલુ વર્ષે NEET UG ની પરીક્ષા કેન્સલ થઈ ફરીથી યોજાયેલ તેવા કપરા સંજોગોએ અનેક વિધાર્થીઓ નાસીપાસ થયેલા પણ આપણા સમાજ ની દીકરીઓએ ખૂબ ખંત પુર્વક ફરી થી એક્ઝામ માં પૂરા જોશ માં ભાગ લઈ ને પ્રવેશ મેળવેલ છે. તે બદલ મંડળ ખૂબ ખૂબ અભિનંદન સાથે ઉતરોત્તર પ્રગતિ કરે તેવી હાર્દિક શુભેરછા.

01/09/2026

આપણા સમાજ ના હાલ અમદાવાદ ના વતની શ્રી ચેતનભાઇ ધનસુખભાઈ સોલંકી (અનુપમ ટૉકીઝ- જામનગર પરિવાર)ના દીકરી ચિ. પુષ્ટી ને જામનગર ની વિશ્વ પ્રસિદ્ધ શ્રી એમ. પી. શાહ મેડિકલ કોલેજ જામનગર માં MBBS મા પ્રવેશ મળેલ છે. આપ સર્વે જાણો જ છો કે કંસારા જ્ઞાતિ જનરલ કેટેગરીમાં આવતી હોય મેડિકલ માં ગવર્મેન્ટ મેડિકલ કોલેજમાં પ્રવેશ મેળવવાનો અત્યંત કઠિન હોય છે. પુષ્ટી ને આ સિદ્ધિ બદલ આપણા મંડળ તરફ થી ખુબ ખુબ શુભેરછા અને ખુબ પ્રગતિ કરે તેવા આશીર્વાદ સાથે સાથે પિતા શ્રી ચેતનભાઇ અને માતા ભાવિકાબેન ને પણ ખૂબ ખૂબ અભિનંદન.

30/08/2026

સંસ્થા ના સ્કોલર અને મૂળ જામનગર હાલ અમદાવાદ રહેતા શ્રી જીતેનભાઈ યોગેશભાઈ પરમાર એ મંડળ ને કુલ લોન સ્કોલરશીપ રૂપિયા 1,21,800 ટૂંકા ગાળા માં પરત કરી મંડળના આગામી વિધાર્થીઓ ના ભવિષ્ય માટે ઉત્તમ યોગદાન આપેલ છે. શ્રી જીતેન યોગેશ પરમાર હાલ રેપિડસર્કલ કંપની માં સીનિયર ક્લાઉડ કન્સલ્ટન્ટ તરીકે કાર્યરત છે, જ્યાં તેઓ સ્કેલેબલ ક્લાઉડ સોલ્યુશન્સ ડિઝાઇન કરવા, ક્લાઉડ માઇગ્રેશન ચલાવવા અને ડિજિટલ ટ્રાન્સફોર્મેશન તરફ આગળ વધતા વ્યવસાયો માટે ઇન્ફ્રાસ્ટ્રક્ચરને ઓપ્ટિમાઇઝ કરવામાં નિષ્ણાત છે. કંસારા સમાજના ગૌરવવંતા સભ્ય તરીકે, તેઓ પોતાની કારીગરી અને સમર્પણના વારસાને આધુનિક ટેકનોલોજીની દુનિયામાં આગળ ધપાવે છે, અને પોતાના દરેક પ્રોજેક્ટમાં પરંપરાગત મૂલ્યોને અદ્યતન નવીનતા સાથે જોડે છે. શ્રી જીતેનભાઈ ભવિષ્ય માં આવી જ રીતે ઉતરોતર પ્રગતિ કરતા રહે અને કંસારા જ્ઞાતિ નું ગૌરવ વધારતા રહે તેવી હાર્દિક શુભેરછા.

27/08/2026

શ્રી મારૂ કંસારા ફાઉન્ડેશન ટ્રસ્ટ જામનગર તરફ થી સંસ્થા ને આજરોજ રૂપિયા 2,21,000/- નો આર્થિક સહયોગ પ્રાપ્ત થયેલ છે. સંસ્થા ની આ ભગિની સંસ્થા દ્વારા આ રક્ષાબંધન ના પુણ્ય તહેવારે વિધાર્થીઓ ના વિકાસ માં જે સાથ મિલાવી ને સહકાર આપી રહી છે તે ભવિષ્ય મા આપણા સમાજને જરૂરથી વિકાસ અને વિદ્યાર્થીઓ ના ઉજ્જવળ ભવિષ્ય બનાવવા મદદરૂપ થશે. તારિખ 15 ઑગસ્ટ ના રોજ યોજાયેલ મિટિંગ ના આમંત્રીત દાતા તરીકે પણ સર્વે ખર્ચ શ્રી મારૂ કંસારા ફાઉન્ડેશન ટ્રસ્ટ દ્વારા કરવા માં આવેલ છે તે બદલ શ્રી મારૂ કંસારા ફાઉન્ડેશન ટ્રસ્ટ ના પ્રમુખશ્રી, સર્વે ટ્રસ્ટીશ્રી અને દરેક કાર્યકરો ના ખુબ ખુબ આભાર.

16/08/2026

શ્રી મારૂ કંસારા (વ. સ.) જ્ઞાતિ મહિલા મંડળ - જામનગર તરફથી શ્રી સમસ્ત મારૂ કંસારા કેળવણી ઉત્તેજક મંડળ ને વિદ્યાર્થીઓને લોન સહાયમાં વધુ સારી રીતે મદદરૂપ થવાની ભાવના સાથે રૂપિયા એક લાખનું ડોનેશન આપવામાં આવેલ છે. શ્રી મારુ કંસારા જ્ઞાતિના મહિલા મંડળ દ્વારા મહિલાઓના ઉત્કર્ષથી આગળ વધી હવે સમાજના વિદ્યાર્થીઓને પણ પ્રેરણા રૂપ બનવાનું જે ઉમદા ઉદાહરણ પૂરું પાડે છે ખૂબ ખૂબ આભાર 🙏💐

13/08/2026

18/07/2026

06/07/2026

મંડળ ના સ્કોલર અને હાલ અમદાવાદ મુકામે રહેતા શ્રીમતી ખુશ્બુબેન બુદ્ધભટ્ટી કુલ રૂપિયા 91,000/- લોન સ્કોલરશીપ અને રૂપિયા 501/- મંડળ માં ફાળા ને નિયમિત લોનસ્કોલરશીપ પરત તરીકે જમા કરાવી મંડળ માં એક આદર્શ વિધાર્થીની નું ઉદાહરણ પૂરી પાડેલ છે. ખુશ્બુબેન નો ખૂબ ખૂબ આભાર. ખુશ્બુબેન હાલ SOFTYOI LLP માં ડેટા એનાલિસ્ટ તરીકે ફરજ બજાવી રહ્યા છે. તેઓ જીવન માં ખૂબ ઉતરોત્તર પ્રગતિ કરે તેવી મંડળ તરફથી હાર્દિક શુભેચ્છા.

17/05/2026