Shree Vidyanagar High School - Alumni Association

Home
India
Ahmedabad
Shree Vidyanagar High School - Alumni Association

Alumni Association of Shree Vidyanagar High School is established since last couple of years. Certainly its an honour and pride of the school.

Shree Vidyanagar School being very prestigious and the oldest school in Ahmedabad. Shree Vidyanagar School being very prestigious and the oldest school in Ahmedabad has contributed to the society by giving vast number of noble, qualified and dedicated human resource, whose very basic foundation is "to be a noble hard working citizen". Today, flavour of Shree Vidyanagar School has spread across the continents. Huge number of students of this school have achieved great success in various fields like medicine, engineering, law, commerce, business, management, politics, education, arts, sports etc. Alumni association is established to spread and strengthen the bond among alumnis', to work together for the benefit of our friends, our school, our society and our country at large. Association is thankful to all our friends who have helped in direct or indirect ways for various creative and social activities of the association. Lets join our hands for the progress and health of our society. To-gether , we can make a difference. Wish you all great progress in life.

25/09/2026

એક સાથી વડિલ શિક્ષક....❤️

શ્રી નટુભાઈ,
શ્રી વિદ્યાનગર હાઈસ્કૂલ, હાયર સેકન્ડરી સાયન્સ વિભાગમાં બાયોલોજી વિષયના અધ્યાપક....
સુંદર સ્મિત તેમના ચહેરા ઉપર હોય- સુંદર દેખાવ સાથે વાંકડિયા વાળ. માત્ર શિક્ષણ તે ઉપરાંત સાંજની બેઠક જે સ્કૂલમાં મળે ત્યાં અચૂક હાજર હોય. જેની પણ સાથે સંવાદ કરે તો નજીક જઈ ધીમા અવાજે કન્વિંશિંગ શૈલી સાથે પોતાની વાત કરે.
ખાસ કરીને સાયન્સ વિભાગના વિદ્યાર્થીઓને બાયોલોજી લેબમાં ( એક સતત ચાલતી પ્રયોગ શાળા જેવું દૃષ્ય- જ્યાં સ્ફૂર્તિલા વિદ્યાર્થીઓ, નવીનભાઇ, સીતાબહેન , જયશ્રીબેન, ક્યારેક ફ્રી હોય તો અન્ય સાયન્સના અધ્યાપક પણ હોય....હું ફ્રી પિરિયડ દરમ્યાન ક્યારેક જઈ ચઢુ એટલે બધું યાદ..) દૃષ્ય દેખાય.
વિદ્યાર્થીઓ સાથે નટુભાઈ, સીતાબહેન, જયશ્રીબેન તેમનું કામ કરતાં હોય. હું કે અન્ય શિક્ષક ત્યાં હોય તો નવીનભાઇ સીંગ લઈ આવે અને અન્ય શિક્ષક એક સહજ ઔપચારિક કે અનૌપચારિક શૈક્ષણિક રીતિ તમે કહી શકો તેવો અનુભવ થાય.
મારે શ્રી નટુભાઈ સાથે થોડો વધુ નાતો એટલા માટે કે તેઓની નજીક રહેવાનું શક્ય બનેલું . શાળામાં જોડાયાની શરૂઆત હતી. તો ક્યારેક મારું વિહિકલ બગડે તો તેમની સાથે શાળામાં આવવા મળે. બંનેના પરિવાર જનો એકબીજાને જાણે-મળે એ પણ આગવો સંબંધ.
એક સરસ- આશ્ચર્યજનક ઘટના કે જે શ્રી નટુભાઈ વિષયક ઘટી હતી.મારો ક્રાફ્ટ્સ નો સબ્જેક્ટ જે આર્ટસ- કોમર્સ- સાયન્સ ત્રણેય વિભાગ વિભાગ સાથે મને જોડે. એક આર્ટસની વિદ્યાર્થીની શાળાના કવિતા/ સાહિત્ય/અન્ય વિષયક મેગેઝિન વિષે કાર્ય કરે મેગેઝિનનું નામ આપવા " ઈતિ વદતિ " " સંવિત્" વિગેરે નામ ચર્ચાય...મેગેઝિનના બે એક અંક પ્રગટ થયા....એકવાર ગુરુ- ઇશ્વર વિગેરે વિષયક વાતમાં મેં તે વિદ્યાર્થીનીને જણાવ્યું " એક સુંદર સ્મિત, કોઇ વૃક્ષ, કોઇ અદ્ભુત પ્રસંગ કે જેને તમે ગુરુ કે ઈશ્વર ગણી શકો...?! " તે વિદ્યાર્થીનીની આંખમાં જૂદી ચમક દેખાઈ...તેણે પૂછ્યું " એટલે?" મેં બસ એમ જ કહ્યું ," મને શ્રી નટુભાઈના સુંદર દેખાવ ઉપરાંત તેમનું સ્મિત બહુ ગમે છે...." ત્યા તરત તે વિદ્યાર્થીનીએ સહમતિ દર્શાવતો ભાવ પ્રસાર્યો. પછી થોડાંક દિવસો વીતે તેણીએ જણાવ્યુ કે સર, તમે અને શ્રી નટુભાઈ મારે ઘરે આવો. એક સ્મિત પછી મારે મન પણ ઈશ્વર છે તે બતાવવું છે. અમે ગયાં હતાં તેણીએ તેના રૂમમાં શ્રી નટુભાઈના સ્મિતની તસવીર તેનું દેવાલય હોય તેમ સાચવેલી...! "
આજે શ્રી નટુભાઈ યુ.એસ.એ.માં છે. તેઓને સાંભળવામાં તકલીફ છે. બાકી એ સ્મિત, એ શૈક્ષણિક થનગનાટ, એ શાંતિપૂર્વક તેમની સંવાદ કરવાની શૈલી...અને પિરિયડ પહેલાં લેબોરેટરીમાં ડિસેક્શન માટે નવીનભાઇને કહી/યાદ કરાવી હમેશા તૈયાર રહેતા ખુશમિજાજ અધ્યાપક એટલે શ્રી નટુભાઈ સાહેબ. Love you નટુભાઈ સાહેબ.
આપ સ્વસ્થ રહો ખૂશ રહો તેવી પ્રાર્થના....🙏🙏🙏🙏

- અખંડ વ્યાસ.

02/12/2025

મધુર સ્મરણ .... 🙏🙏

શ્રી વિનોદભાઈ આચાર્ય અને શ્રી માનવેન્દ્રસિહ રાઠોડ...

શ્રી વિદ્યાનગર સ્કૂલ... શ્રી કપાસી સાહેબ દ્વારા કેટલીક પ્રવૃત્તિઓની અનોખી રંગીન છાંટ અને અનોખી ખૂશ્બુ પ્રસારતી ....

મારા રસ- ( ચિત્ર, સારા અક્ષરો, લેખન, સુશોભન, નાટક વિગેરે ) જાણી કપાસી સાહેબ સપ્તાહ દરમિયાન એક- બે ઉપયોગી માહિતી કે સમાચાર કે દુનિયાની કોઈ ઘટના બૉર્ડ / નોટિસ બોર્ડ પર લખાવે. મને તે ગમે...હું લખાણ આસપાસ થોડું ચિત્ર કામ કરી તે સજાવું.

આનંદની અને શાળાની અનોખી વાત એ કે આ કામ પછી શ્રી કપાસી સાહેબ માનવેન્દ્ર ભાઈને કહી ભાષાકીય ભૂલ સુધારાવે ...એ સંગતથી મારું ભાષા કર્મ પણ સુધરે અને સાચી ભાષા સહુને પહોંચે...માનુભા ...અમે માનવેન્દ્ર ભાઈને પ્રેમથી સંબોધતાં...એક નોંખો સંબંધ એ રીતે પછી વિકસ્યો...
એટલુ જ નહીં....એ લખાણ, માહિતી કે સમાચારમાં જો કોઈ સ્થળ સંકળાયું હોય તો ત્યાં તેને 'હાઈલાઈટ ' કરાય...પછી શ્રી વિનોદભાઈ આચાર્ય સાહેબ એ નોટિસ બોર્ડ સામે બનાવાયેલ દુનિયાના નકશામાં એ સ્થળ ચોક્કસ રીતે દર્શાવે....જે વિદ્યાર્થીઓ સૂધી પહોંચે...આ કાર્ય દરમિયાન શ્રી વિનોદભાઈ આચાર્ય સાહેબ સાથે ઐતિહાસિક/ભૌગોલિક ઘણી વાતો મને પ્રાપ્ત થતી...

હું વિચારતો કે એક તાજી ઘટના લખી તેને વિદ્યાર્થીઓ સુધી
કેવી ખૂબી અને રસ સભર રીતિ દ્વારા પહોંચાડાય છે...!

શિક્ષકગણને તેમના રસ પ્રમાણે પ્રવૃત્તિ સોંપી શ્રી કપાસી સાહેબ પોતાની આગવી છાપ ઉભારતાં...

શ્રી માનવેન્દ્રસિહ રાઠોડ સાહેબ અને શ્રી વિનોદભાઈ આચાર્ય સાહેબ આજે પણ મારા સ્મરણમાં છે...શાળામાં તેઓ તેમની આગવી અદા સાથે પ્રવૃતિમય હોય તેમ મને ભાસે છે....

🙏🙏🙏💐

- અખંડ વ્યાસ

27/11/2025

Dear fellow alumni,

It's with a heavy heart that we share the news that our beloved teacher, Shri K G Patel Sir, is currently hospitalised and not responding well to medication. Sir has been an integral part of our school and has touched the lives of countless students.

Let's come together and pray for his speedy recovery and better health. Your prayers will surely help him heal faster.

Please keep Sir and his family in your thoughts and prayers. 🙏🏽

27/08/2025

વક્રતુંડ મહાકાય સૂર્યકોટી સમપ્રભ, નિર્વિઘ્નં કુરુ મે દેવ સર્વકાર્યશુ સર્વદા ।

ગણેશ ચતુર્થીની શુભકામનાઓ!

ભૂતપૂર્વ વિદ્યાર્થી મંડળ

પ્રમુખ: શ્રી આર. સી. પટેલ
સેક્રેટરી: શ્રી પરેશ પટેલ

03/06/2025

શ્રી બાબુભાઈ સાહેબ,

આપ વિશે મારા સ્મરણ...

શ્રી બાબુભાઈ પટેલ, શ્રી વિદ્યાનગર હાઇ હાઈસ્કૂલના હાયર સેકન્ડરી વિભાગમાં શ્રેષ્ઠ અને વિદ્યાર્થીઓના પ્રિય શિક્ષક....

વર્ષ 1980 માં એક અલાયદા માહોલ સાથે અને શ્રી કપાસી સાહેબની અજાણી જાદુઈ છડી ( શૈક્ષણિક ઉદ્યાન રચનારી) થોડા સમય પછી અનુભવાતી ગઈ હતી.બરાબર એમ જ વડિલ શિક્ષક શ્રી બાબુભાઈ પટેલ સાહેબ વિશે થોડા સ્મરણ મારા મન- હૃદયમાં સચવાઈ રહ્યા છે....સ્ટાફ રુમમાં ઉપયોગી અને ઉર્ધ્વ ગામી ચર્ચા શિક્ષકગણ વચ્ચે થતી રહેતી. એવી જ કોઈ ચર્ચા જેમા ફિઝિક્સ વિષયક અવકાશી યાન અને તેનું સફળ ઉડાન,ચોક્કસ સમયે પહોંચવું, અજાણ્યા વાતાવરણ અને એટલાં અંતરે એક એક ક્ષણ અહીંથી સંચાલિત હોય તેવા કુતૂહલ જનક અને આશ્ચર્ય જનક વિજ્ઞાનની રસપ્રદ ચર્ચા પછી પિરિયડ બદલાતા અનાયાસે શ્રી બાબુભાઈ સાહેબ સાથે લૉબીમાં ચાલવા અવસર મળ્યો. તેઓ ગણિત શિક્ષક- એક વાક્ય કહ્યું, " દરેક વિષય એકબીજાને પૂરક છે. ફિઝિક્સની આ પ્રગતિ ગણિતના જ્ઞાન સાથે નિર્ભર છે. " બસ, આટલું સાંભળવું અને મનમાં અનેક કાર્ય, વિષય, કલાકારી દરેક સાથે ગણિત કેટલું ઓતપ્રોત હોય છે તે વિચાર સ્પંદિત કરી ગયેલો. એવું નથી કે આ વાત પહેલાં કોઈ રીતે મારી સમક્ષ આવી નહીં હોય. પરંતુ એ ચર્ચા એને તરત એ આશ્ચર્યો સાથે સેતુ રચતી એક વાત આખી સરળ સહજ બની કોઈને કે વિદ્યાર્થીને તે પ્રતી રસ જન્માવે તેવી જણાઈ....
એ ઉપરાંત સાંજની બેઠકો, રમતગમત, કલા પ્રવૃત્તિ દરેકમાં તેમની હાજરી....અચાનક ચોક્કસ જગ્યાએ એવું જ સસંદર્ભ તેઓનું બોલવું. મને ઘણીવાર તેઓ કહેતા કે મારી કોઈપણ વાત- વિચારમાં કોઈ નવો અભિગમ હોય છે...મને એ રીતે પ્રોત્સાહન મળતું.
કદી બીન જરુરી શબ્દ તેઓ ઉચ્ચારે જ નહી.
તેઓ સાથે વધુ જોડાયેલ શિક્ષકો સાથે હંમેશા વિષય વિષયક સંગાથ આપતા મે જોયા- સાંભળ્યા છે.
જેમના શબ્દ નિસ્વાર્થ હોય તેવા વ્યક્તિત્વ શ્રી કપાસી સાહેબ પાસેથી પણ શ્રી બાબુભાઈ વિશે " આપણી શાળાના મજબુત પાયા તરીકે અને આપણી નાટક ચેતકની વાતોમાં ય રસ લે..." (શબ્દ આમતેમ હશે પણ આવી વાત)
સહુ કોઈ તેઓ પ્રત્યે આદરભાવ વ્યક્ત કરે..
પછી પાછળથી મારા લખેલા બે પુસ્તક એ સિનિયર શિક્ષકોના ગૃપને મોકલેલા....ત્યારે અને ત્યારબાદ, હાલ તેઓ USA છે છતાં તેઓ અચૂક મારા જેવા જૂનિયર શિક્ષક સાથે વાત કરે...એટલું જ નહીં મારા " છાંયડી " પુસ્તકને તેમણે વાંચ્યુ છે અને તેમને આનંદ છે તેમ કહે...

થોડા ઘણા શાળા વિષયક સંભારણામાં શ્રી બાબુભાઈ સાહેબ, તેમનો સ્નેહ મને ન્યારો જ લાગે છે..

શ્રી બાબુભાઈ સાહેબ...આપ સ્વસ્થ અને ખુશ રહો તેવી પ્રાર્થના....નમસ્કાર...🙏

- અખંડ વ્યાસ (શિક્ષક)Akhand Vyas

સર્વ ભૂતપૂર્વ વિદ્યાર્થી ઓ ને વિનંતી આપ ના આપણી સ્કૂલ ટીચર્સ સાથે ની કોઈપણ યાદગર પળો હોય તો અહીં શેર કરશો. 🙏🏽

- પરેશ પટેલ

19/05/2025

ડો. પ્રભુદાસ પટેલને કોટી કોટી અભિનંદન, 🙏🏽

મહેસાણા જિલ્લાના સાંથલ ગામના વતની અને શિક્ષણક્ષેત્રે આપબળે આગળવધી શેરથા કેળવણી મંડળની હાઇસ્કુલમાં તથા અમદાવાદની શ્રી વિદ્યાનગર હાઇસ્કુલમાં આચાર્ય તરીકે ફરજ બજાવાની સાથે પી.એચ.ડી.ની પદ્દવી મેળવી હજારો વિદ્યાર્થીઓની ઉજ્જવળ કારકિર્દી ઘડનાર અને વર્ષ ૧૯૮૬માં ગુજરાત રાજ્યનો શ્રેષ્ઠ શિક્ષકનો એવોર્ડ પ્રાપ્ત કરનાર અને ત્યારબાદ ભારત સરકારનો શ્રેષ્ઠ શિક્ષકનો નેશનલ એવોર્ડ મહામહીમ રાષ્ટ્રપતિશ્રીના હસ્તે પ્રાપ્ત કરનાર ડો. પ્રભુદાસ પટેલને આ વર્ષે ૧મે ૨૦૨૫ના રોજ ગુજરાત રાજ્ય સ્થાપના દિન નિમિત્તે પંચમહાલ જિલ્લાના ગોધરા ખાતે ગુજરાત ગૌરવ દિનની ઉજવણી પ્રસંગે તેઓશ્રીની શિક્ષણક્ષેત્રમાં ગૌરવશાળી, ઉત્કૃષ્ઠ કામગીરી બદલ ગુજરાત ગરિમા એવોર્ડ ગુજરાત રાજ્યના રાજ્યપાલ માન. શ્રી આચાર્ય દેવવ્રતજી અને માન. મુખ્યમંત્રીશ્રી ભુપેન્દ્રભાઇ પટેલના વરદ્દ હસ્તે અર્પણ કરાયો તે બદલ ડો. પ્રભુદાસભાઇ પટેલને ખુબ ખુબ અભિનંદન.

તેઓશ્રી વિદ્વાન અને ઉચ્ચકક્ષાના લેખક છે. અને અમદાવાદની સ્કુમ સ્કુલના ટ્રસ્ટી તરીકે કાર્યરત છે. તે ઉપરાંત તેઓશ્રી વિશ્વ ઉમિયાધામ તથા ઉંઝા ઉમિયા માતાજી સંસ્થાનના અગ્રણી હોદ્દેદાર છે. અને સાંથલ કેળવણી મંડળના પ્રમુખ તરીકે ફરજ બજાવે છે. સાથે સાથે પરમ પૂજ્ય સ્વામિ સચ્ચિદાનંદજીના પરમ શિષ્ય છે. અને અત્યારે ૮૪ વર્ષની ઉંમરે પણ તેઓ સામાજીક, શૈક્ષણિક અને ધાર્મિક પ્રવૃત્તિઓમાં સતત કાર્યરત છે.

ડો. પ્રભુદાસભાઇ પટેલનું સ્વાસ્થ્ય તંદુરસ્ત અને નિરોગી રહે અને તેવોશ્રી સમાજની વધુને વધુ સેવા કરે તેવી શુભેચ્છા.

30/04/2025

ભારતીય જનતા પાર્ટી અમદાવાદ મહાનગર ના પ્રમુખ શ્રી તરીકે આપની નિયુક્તિ અભિનંદનીય છે. જાહેર જીવન માં યશસ્વી બનો તેવી શુભેરછા. આપ શ્રી, શ્રી વિદ્યાનગર હાઈ સ્કૂલ ના પૂર્વ વિદ્યાર્થી છો એ માટે સવિશેષ ગૌરવ અનુભવીએ છીએ.

આર. સી. પટેલ
પ્રમુખ. ભૂતપૂર્વ વિદ્યાર્થી મંડળ.

શ્રી વિધાનગર હાઇ સ્કૂલ,
ઉસ્માનપુરા, અમદાવાદ

29/03/2025

"Proud Moment for Our School Alumni!

We're thrilled to announce that our esteemed alumni member, Shubhash Bhrambhatt, and his wife Dipti Bhrambhatt, both accomplished artists, were felicitated by Hon'ble Chief Minister of Gujarat, Shri Bhupendrabhai Patel, former Minister Jitubhai Vaghani, former Education Minister Shri Bhupendrasingh Chudasama, and Surendra Kaka at Vishala, Ahmedabad on March 27th, World Theatre Day.

Congratulations, Shubhash Sir and Dipti Ma’am! We're beaming with pride! 🎭🌹

- R C Patel (President)
- Paresh Patel (Secretary)

05/09/2024

Expressing gratitude to all the teachers and mentos, Thank you all for illuminating our path for the life… 💐😊🙏🏽

03/09/2024

આપણી શાળાના ભૂતપૂર્વ આચાર્ય શ્રી ડોક્ટર પ્રભુદાસ પટેલ સાહેબ ને ખુબ ખુબ અભિનંદન 💐 🙏🏼

Address

Ahmedabad
380013

Telephone

+919925234884

Website

http://www.shreevidyanagarschoolalu.org/

Alerts

Be the first to know and let us send you an email when Shree Vidyanagar High School - Alumni Association posts news and promotions. Your email address will not be used for any other purpose, and you can unsubscribe at any time.