Paliwal Brahman Mitra Mandal -PBMM

09/08/2025

👉🏻PBMM દ્વારા શ્રાવણી (યજ્ઞોપવિત બદલવાનો કાર્યક્રમ) પર્વની ઉત્સાહપૂર્વક ઉજવણી 👈🏻

આજે રક્ષાબંધન (શ્રાવણ સુદ-15)ના પાવન દિવસે પાલીવાળ બ્રાહ્મણ મિત્રમંડળ દ્વારા દર વર્ષની પરંપરા મુજબ શ્રાવણી પર્વ (જનોઈ બદલવાનો કાર્યક્રમ)નું આયોજન નારાયણ ઘાટ, સ્વામિનારાયણ મંદિર, શાહીબાગ ખાતે કરવામાં આવ્યું હતું.

આ કાર્યક્રમમાં લગભગ ત્રીસેક જેટલા જ્ઞાતિજનોને ભાગ લીધો હતો. જો કે તે સંખ્યા ઘણી ઓછી કહેવાય પરંતુ જે પણ ભૂદેવો આવ્યા હતા તેઓ અવિરત છેલ્લાં ઘણાં વર્ષોથી આવે છે અને આપણી પરંપરાને અનુસરે છે. આ વિધી સવારે 9.00 કલાકે શરૃ થઈ હતી જે 12.30 કલાકે પૂર્ણ થઈ હતી. ખૂબજ શાસ્ત્રોક્ત રીતે આપણી જ જ્ઞાતિના શ્રી વિજયભાઈ બી. દવેએ આચાર્યપદે રહી આ વિધી કરાવી હતી.

PBMM ના માનદ્ મંત્રી શ્રી રાકેશભાઈ કે. ઉપાધ્યાય તેમજ ખજાનચી શ્રી નયનભાઈ એમ. દવે તેમજ કિરણભાઈ એન. ઉપાધ્યાય તેમજ અન્ય યુવાનોએ પણ આ કાર્યક્રમને સફળ બનાવવા પોતાનું યોગદાન આપ્યું હતું.

આ વખતના કાર્યક્રમમાં એક ખૂબ જ અનુકરણીય ઘટના બની. જેમાં અમે બધા જ્યારે આ કાર્યક્રમમાં બેઠા હતા ત્યારે એક વડિલ ત્યાં આવ્યા હતા જેઓએ આવીને તરત જ દંડવત કરીને શ્રી વિજયભાઈ દવેને આચાર્યશ્રીને પ્રણામ અને સૌ ભૂદેવોને પ્રણામ એમ બોલીને પ્રણામ કર્યા હતા. તેમણે પૂછ્યું કે શું હું આ કાર્યક્રમમાં ભાગ લઈ શકું. શ્રી વિજયભાઈએ સંમતિ આપી. તેમણે તેમનું નામ અશોકભાઈ શુક્લ જણાવ્યું હતું. સમગ્ર કાર્યક્રમના અંતે તેમણે જણાવ્યું કે હું મૂળ પાલીતાણાનો વતની છું અને છેલ્લાં 2-3 વર્ષથી અમદાવાદમાં ગોતા ખાતે રહું છું. દર વર્ષે હું વિદ્યાપીઠ જનોઇ બદલવા જાઉં છું પરંતુ આ વખતે ત્યાં આ પ્રોગ્રામ નહોતો તેઓ સવારે ત્યાં ગયા પણ ત્યાં આ કાર્યક્રમ ના હોવાથી બીજી એક જગ્યાએ ગયા ત્યાં પણ કોઇ નહોતું તેથી અંતે તેઓએ વિચાર્યું કે લાવ હું જાતે જ નારાયણઘાટ સાબરમતી નદીના કિનારે જઈ જનોઇ બદલું. અને તેઓ ખુદ વિદ્વાન આચાર્ય એમ.એ.બી.એડ વીથ સંસ્કૃત હતા તેથી તેઓ ત્યાં જનોઈ બદલવા માટે આવ્યા પરંતુ આપણી ટીમને જોઇને તેઓ ત્યાં રોકાઇ ગયા અને આપણી સાથે યજ્ઞોપવિત બદલવાના કાર્યક્રમમાં જોડાયા. તેઓએ જણાવ્યું કે છેલ્લાં 32 વર્ષથી હું નદીકિનારે કે મંદિરના પટાંગણમાં જનોઇ બદલું છું આ વર્ષે કદાચ મારો આ ક્રમ તુટી જાત પણ કુદરતી હું અહીં આવ્યો અને આપની સાથે કાર્યક્રમમાં જોડાયો જેનાથી ખૂબ આનંદ થયો. તેમણે આપણી ટીમનો ખૂબ આભાર માન્યો અને જણાવ્યું કે જ્યારે સમગ્ર બ્રાહ્મણ જ્ઞાતિના યુવાનો આ પરંપરાથી અલિપ્ત થઈ રહ્યા છે ત્યારે તમે જે આ પરંપરાને ચાલુ રાખો છો તે અભિનંદનને પાત્ર છે. ખરેખર તો આપણી જ્ઞાતિના સૌ યુવાનોએ આ પરંપરા જળવાઈ રહે તે માટે આવા કાર્યક્રમોમાં સમય આપવો જોઇએ તેવું હું માનું છું. આશા છે કે આગામી સમયમાં આપણા યુવાનો આ કાર્યક્રમમાં વધારે ને વધારે સંખ્યામાં જોડાશે.

- શૈલેષ જોષી (પ્રમુખ)
પાલીવાળ બ્રાહ્મણ મિત્રમંડળ

15/09/2024