Sarvoday Parivar Trust

26/08/2026

સર્વોદય પરિવાર ટ્રસ્ટના સહકારથી નિઃશુલ્ક ઓર્થોપેડિક + ડેન્ટલ ચેક-અપ કેમ્પ
🗓️તારીખ 30 ઓગસ્ટ 2026, રવિવાર
સવારે 10:00 થી બપોરે 1:00 વાગ્યા સુધી

📍 સ્થળ:
ડાહિબા સમાજ ભવન હોલ,
આઈ. ડી. પટેલ સ્કૂલ સામે,
ચાણક્યપુરી, અમદાવાદ.

🦴 શ્રેયતાં ક્લિનિક દ્વારા ઓર્થોપેડિક ચેક-અપ

કેમ્પ દરમિયાન નિઃશુલ્ક:
- હાડકાં અને સાંધાની તપાસ
- જરૂરી હોય તો હાડકાં તથા સાંધાનું X-Ray
- બોન મિનરલ ડેન્સિટી ટેસ્ટ
- નિષ્ણાત ઓર્થોપેડિક ડૉક્ટર દ્વારા માર્ગદર્શન

🦷 હાસ્ય મંત્રા ક્લિનિક દ્વારા ડેન્ટલ ચેક-અપ

કેમ્પ દરમ્યાન નિઃશુલ્ક:
- દાંતની તપાસ
- ડેન્ટલ X-Ray
- દાંત અને પેઢાંની સમસ્યાઓ અંગે માર્ગદર્શન
- ઓરલ હાઈજીન અને દાંતની સંભાળ અંગે માર્ગદર્શન

આ કેમ્પનો લાભ લઈ તમારા હાડકાં, સાંધા અને દાંતના સ્વાસ્થ્યની નિઃશુલ્ક તપાસ કરાવો અને યોગ્ય નિષ્ણાત પાસેથી માર્ગદર્શન મેળવો.

વધુ માહિતી માટે સંપર્ક:
વિપુલભાઈ એ. શાહ- 8488858660

19/08/2026

🙏 નવરાત્રી ભોજન પ્રસાદ સહયોગ -સાદરા🙏

સર્વોદય પરિવાર ટ્રસ્ટ દ્વારા દર વર્ષે નવરાત્રી દરમિયાન સાદરા ખાતે શ્રી જક્ષણી માતાજીના દર્શનાર્થે આવનાર ભાવિક ભક્તો તેમજ નવરાત્રી અનુષ્ઠાનમાં બિરાજમાન સૌ ભક્તોના પરિવારજનો અને તેમના ત્યાં આવનાર સ્નેહીજનો માટે વૃંદાવન વાડી, સાદરા ખાતે ટોકન દરે સવાર-સાંજ ભોજન પ્રસાદની સુંદર વ્યવસ્થા કરવામાં આવે છે. સૌ જ્ઞાતિજનો તથા માઁ ના સેવકોના સાથ, સહકાર અને સહયોગથી આ સેવા કાર્ય દર વર્ષે સફળતાપૂર્વક સંપન્ન થાય છે.

આ વર્ષે પણ નવરાત્રી 2026 દરમિયાન આસો સુદ એકમથી આસો સુદ આઠમ સુધી સાદરા ખાતે વૃંદાવન વાડીમાં ભોજન પ્રસાદનું આયોજન કરવામાં આવનાર છે.
આ પવિત્ર સેવા કાર્યમાં દરેક દિવસના બપોરના તથા સાંજના ભોજનના જરૂરી સહયોગની માહિતી આ સાથે આપેલ છે.

🌸 ભોજન સહયોગ નોંધાવવા સંપર્ક:
રૂપેશભાઈ કે. શાહ - 9925006447

✅ નવરાત્રીના આઠ દિવસના ભોજન સહયોગની નોંધણી વહેલા તે પહેલાના ધોરણે કરવામાં આવશે.

✅ નવરાત્રી ભોજન પ્રસાદ આયોજનને લગતી કોઈપણ બાબતમાં સંસ્થાનો નિર્ણય આખરી અને સર્વમાન્ય રહેશે.

આપનો સહયોગ – ભક્તોની સેવા માટે અમૂલ્ય યોગદાન.
🙏 જય શ્રી જક્ષણી માતાજી 🙏

16/08/2026

સર્વોદય પરિવાર ટ્રસ્ટ દ્વારા તારીખ 01 થી 10 ઓગસ્ટ 2026 દરમિયાન સિંગાપોર–મલેશિયા with Cruise પ્રવાસનું આયોજન કરવામાં આવેલ. આ આયોજનમાં નાના મોટા સૌએ ઉત્સાહભેર ભાગ લીધેલ.

સૌ પ્રવાસીઓએ સૌ પ્રથમ સિંગાપોરમાં ભવ્ય Star Dream Cruiseનો આનંદ માણ્યો, જ્યાં વિવિધ મનોરંજન કાર્યક્રમો, લાઇવ શો, સ્વિમિંગ અને સમુદ્રના સુંદર દૃશ્યોનો અનુભવ થયો. સિંગાપોરમાં Singapore Flyer, Gardens by the Bay, Flower Dome, Cloud Forest, Universal Studios અને Sentosa Islandની મુલાકાત લીધી તથા Cable Car Ride, Madame Tussauds અને Wings of Time Showનો આનંદ માણ્યો.

ત્યારબાદ મલેશિયાના કુઆલાલંપુરની મુલાકાત દરમિયાન Batu Caves, Genting Highlands અને KL Tower જેવા પ્રસિદ્ધ સ્થળોની મુલાકાત લીધી. સમગ્ર પ્રવાસ દરમિયાન પરિવારજનો અને મિત્રોની સાથે આનંદ, ઉત્સાહ, મોજમસ્તી અને સુંદર સંસ્મરણોની પળો માણવા મળી. આ સમગ્ર પ્રવાસ “સર્વોદય પરિવારની સંસ્મરણ યાત્રા” બનીને સૌ માટે અવિસ્મરણીય અને યાદગાર રહ્યો.

27/06/2026

08/06/2026

SPT Kids Fest 2026
સર્વોદય પરિવાર ટ્રસ્ટ દ્વારા તા. 6 જૂન, 2026 ના રોજ Sports Club, નવરંગપુરા ખાતે Kids Fest 2026 નું સુંદર આયોજન કરવામાં આવ્યું હતું.

આ કાર્યક્રમમાં જ્ઞાતિના 5 થી 12 વર્ષના બાળકોએ ઉત્સાહભેર ભાગ લઈ આનંદ અને મનોરંજનથી ભરપૂર કાર્યક્રમ માણ્યો હતો.

કાર્યક્રમ દરમિયાન બાળકોને તેમની ઉંમર અનુસાર અલગ-અલગ ગ્રુપમાં વિભાજિત કરીને વિવિધ રમતો રમાડવામાં આવી હતી. તમામ બાળકોએ ખૂબ જ ઉત્સાહથી ભાગ લીધેલ.

બાળકોના માટે સંસ્થા દ્વારા Popcorn, Sugarcane Juice તેમજ બાળકોને મનપસંદ નાસ્તાની વ્યવસ્થા કરવામાં આવી હતી, જેનો સૌએ આનંદ માણ્યો હતો.

કાર્યક્રમમાં ભાગ લેનાર દરેક બાળકને પ્રોત્સાહનરૂપે Complimentary Gift આપવામાં આવી હતી. ઉપરાંત વિવિધ રમતોમાં વિજેતા બનેલા બાળકોને Winner Gift આપી તેમના ઉત્કૃષ્ટ પ્રદર્શનને બિરદાવવામાં આવ્યું હતું.

સમગ્ર કાર્યક્રમ આનંદ, ઉત્સાહ અને બાળમિત્ર વાતાવરણથી ભરપૂર રહ્યો હતો.

25/05/2026

સર્વોદય પરિવાર ટ્રસ્ટ-Kids Fest 2026

સર્વોદય પરિવાર ટ્રસ્ટ દ્વારા જ્ઞાતિના 5 થી 12 વર્ષના બાળકો માટે તારીખ 6 જૂન 2026, શનિવાર ના રોજ સાંજે KIDS-FEST નું આયોજન કરવામાં આવેલ છે.

સ્થળ: Sports Club, સરદાર પટેલ સ્ટેડિયમ પાસે, નવરંગપુરા, અમદાવાદ.

આ KIDS-FEST માં ભાગ લેવા માટેનો દર રૂપિયા 100 રાખવામાં આવેલ છે.

આ KIDS-FEST માં ભાગ લેવા ઈચ્છતા આપના પરિવારના બાળકોની વિગત સાથેનું ફોર્મ તારીખ 30 મે 2026 સુધીમાં સર્વોદય પરિવાર ટ્રસ્ટ કાર્યાલય ખાતે સવારે 10:30 થી 12:30 દરમ્યાન જમા કરાવવાનું રહેશે.

12/05/2026

સર્વોદય પરિવાર ટ્રસ્ટ - સમૂહ લગ્નોત્સવ

સુજ્ઞ જ્ઞાતિજનો,
સમૂહલગ્ન એ માત્ર સામુહિક લગ્નવિધિ નહીં પરંતુ સામાજીક એકતા, સહકાર અને સામાજીક જવાબદારીનું ઉત્તમ પ્રતિક છે. આજના સમયમાં લગ્નપ્રસંગોમાં વધતા ખર્ચ અને દેખાદેખીની સ્પર્ધામાં, સમૂહલગ્ન એક સરળ, સજ્જન અને સમાનતાનો માર્ગ દર્શાવે છે.

સમૂહલગ્ન દ્વારા આર્થિક બોજ ઘટાડવો, સમાજમાં એકતા વધારવી અને બિનજરૂરી ખર્ચ ઓછો કરી શુભ પ્રસંગ ઉજવવો શક્ય બને છે. આ આયોજનથી સમાજના દરેક વર્ગને સમાન તક મળે છે અને નવદંપતી માટે શુભ આશીર્વાદ સાથે જીવનની શરૂઆત થાય છે.

સર્વોદય પરિવાર ટ્રસ્ટ દ્વારા આગામી વર્ષે જાન્યુઆરી થી માર્ચ 2027 દરમ્યાન સુંદર સમૂહ લગ્નોત્સવનું આયોજન કરવાની વિચારણા કરવામાં આવી રહેલ છે.

આપણી જ્ઞાતિના જે યુવક-યુવતી આ સમૂહલગ્નમાં ભાગ લેવા ઇચ્છતા હોય તેઓ તારીખ 31 મે 2026 સુધીમાં સર્વોદય પરિવાર ટ્રસ્ટનો સંપર્ક કરી જાણ કરી શકે છે. જો યોગ્ય સંખ્યા થશે તો સંસ્થા દ્વારા સમૂહ લગ્નનું આયોજન કરવામાં આવશે.

આ આયોજન શક્ય એટલી દરેક રીતે સુંદર, સુવ્યવસ્થિત અને યાદગાર બને તે માટે આયોજક સંસ્થા દ્વારા તમામ જરૂરી પ્રયત્નો કરવામાં આવશે

નામ નોંધાવવા માટે સંપર્ક:
બકુલચંદ્ર શાહ: 9825023229
દિનેશભાઇ શાહ: 9824981579

10/05/2026

સર્વોદય પરિવાર ટ્રસ્ટ દ્વારા રાહત દરે ચોપડા વિતરણ

09/05/2026

સર્વોદય પરિવાર ટ્રસ્ટ દ્વારા જ્ઞાતિના વિદ્યાર્થીઓ માટે રાહત દરે ચોપડા વિતરણ (સંસ્થાના A કેટેગરીના સભ્યો માટે જ)

તારીખ 10 મે 2026, રવિવાર.
સમય: સવારે 10:30 થી 12:30
સ્થળ: સર્વોદય પરિવાર ટ્રસ્ટ કાર્યાલય.

✅રાહત દરે ચોપડા દર: રૂપિયા 180 પ્રતિ ડઝન.
✅ચોપડા મેળવવા માટે સંસ્થાનું આઈ કાર્ડ જરૂરી.
✅ધોરણ 5 થી 9 ના વિદ્યાર્થી દીઠ 2 ડઝન ચોપડા આપવામાં આવશે.
✅ધોરણ 10 થી 12 તેમજ કોલેજના વિદ્યાર્થી દીઠ 3 ડઝન ચોપડા આપવામાં આવશે.
✅ચોપડા લેવા આવો ત્યારે જે તે ધોરણ અથવા ફેકલ્ટીની ઓરીજીનલ માર્કશીટ લાવવી ફરજીયાત છે. બોર્ડ કે કોલેજના વિદ્યાર્થીઓની ઓરીજીનલ માર્કશીટ આવેલ ના હોય તેઓએ પરીક્ષાની રસીદ સાથે લાવવી.

ચોપડા વિતરણ સ્ટોક હશે ત્યાં સુધી વહેલા તે પહેલાના ધોરણે કરવામાં આવશે જેની સર્વે જ્ઞાતિજનો એ નોંધ લેવી.