Sahitya Sarita Ldce

Sahitya Sarita Ldce Sahitya Sarita is a benchmark Literature Festival organized by L.D. College of Engineering Ahmedabad.

ગુજરાતી સાહિત્ય એટલે એવુ સાહિત્ય કે જેમાં સંગમ છે લાગણીઓ, સંવેદનાઓ, હાસ્ય, તત્વજ્ઞાન અને ભાવનાઓનો.

આવા સમૃધ્ધ ગુજરાતી સાહિત્યને આજના યુગમા ટેક્નીકલ ક્ષેત્ર ના ખૂણે ખૂણે પ્રસરાવવાનો નવીન અને અદકેરો અભિગમ એટલે સાહિત્ય સરિતા. અમદાવાદ ની પ્રતિષ્ઠિત એલ ડી કોલેજ ના સાહિત્ય પ્રેમી વિદ્યાર્થીઓ કે જે હાલ ઈજનેરી ક્ષેત્રમા અભ્યાસ કરી રહયા છે તેઓનો એક હૃદયાંકિત અતુલ્ય પ્રયાસ એટલે સાહિત્ય સરિતા.

સાહિત્ય સરિ

તા એ સાહિત્ય, કલા,સંસ્કૃતિ, સંગીત અને હાસ્યનો સમન્વય કરે છે. આ સાહિત્ય સરિતા નો મુખ્ય ઉદ્દેશ્ય યુવાનો માં સાહિત્ય અને સંસ્કૃતિ વિશે જાગૃતિ લાવવા માટેનો છે. સાહિત્ય સરિતામાં ગુજરાતી, હિંદી, સંસ્કૃત અને ઉર્દૂ જેવી ભાષા નો સમાવેશ કરી વિવિધ કવિઓ, લેખકો અને સાહિત્યકારો દ્વારા સેશન્સ, વર્કશોપ, મુશાયરો અને સ્પર્ધાઓ કરવામાં આવે છે. દર વર્ષે કંઇક સર્જનાત્મક અને વિશિષ્ટ કરવાના ઉત્સાહ અને ઉમંગ સાથે આ સાહિત્ય સરિતા સાહિત્યપ્રેમી વિદ્યાર્થીઓ દ્વારા આયોજીત કરવામાં આવે છે.

ફોક નાઈટ: લોકસંસ્કૃતિનો રંગોત્સવ...✨સાહિત્ય સરિતાના બીજા દિવસની પૂર્ણાહુતિ ભવ્ય ફોક નાઈટ સાથે થઈ. લોકપ્રિય ગાયક ઋષિકેશ ગ...
29/07/2026

ફોક નાઈટ: લોકસંસ્કૃતિનો રંગોત્સવ...✨
સાહિત્ય સરિતાના બીજા દિવસની પૂર્ણાહુતિ ભવ્ય ફોક નાઈટ સાથે થઈ. લોકપ્રિય ગાયક ઋષિકેશ ગઢવીએ માતાજીની આરાધનાથી કાર્યક્રમની શરૂઆત કરી અને ત્યારબાદ લોકગીતો, છંદો તથા ગરબાના અદભુત રંગોથી સમગ્ર વાતાવરણને જીવંત બનાવી દીધું. સંગીતના તાલે વિદ્યાર્થીઓ, અધ્યાપકો અને ઉપસ્થિત સૌ મહેમાનો મન મૂકીને ઝૂમી ઊઠ્યા. લોકસંગીત અને ગરબાના રંગોથી સજ્જ આ સાંજે ગુજરાતી સંસ્કૃતિનું અદભુત સૌંદર્ય ઉજાગર કર્યું.લોકસંગીતની સુગંધ અને ગરબાના તાલે રંગાયેલી આ સાંજ સૌ માટે અવિસ્મરણીય બની રહી. ✨

કલમના કિસ્સાઓ: શબ્દ, લય અને સંવાદનો ત્રિવેણી સંગમ..🖋️✨સાહિત્ય સરિતાના મંચ પર જ્યારે નિવેદભાઈ દેસાઈના સંચાલન હેઠળ સાહિત્ય...
06/07/2026

કલમના કિસ્સાઓ: શબ્દ, લય અને સંવાદનો ત્રિવેણી સંગમ..🖋️✨
સાહિત્ય સરિતાના મંચ પર જ્યારે નિવેદભાઈ દેસાઈના સંચાલન હેઠળ સાહિત્યના ત્રણ ભિન્ન પ્રવાહો વહ્યા ત્યારે શબ્દ અને અર્થનું અનોખું મિલન સર્જાયું. વિનોદભાઈ જોશીએ ભાષાના ગહન ચિંતન દ્વારા કાવ્યતત્વ સમજાવ્યું તો પાર્થભાઈ તારપરાએ ગીત અને લય પાછળની રોચક સફર રજૂ કરી. સાથે જ જાનકીબેન ગઢવીએ છંદ-સપાખરાથી લઈ આધુનિક રેપ સુધીની રજૂઆતથી સૌને મંત્રમુગ્ધ કર્યા. ભાષાનું સામર્થ્ય અને શબ્દોની શક્તિનો આ સંગમ પ્રેક્ષકો માટે સાહિત્યના સંવર્ધનનો એક અનોખો લ્હાવો બની રહ્યો. સંવાદ અને સર્જનનો આ મહોત્સવ ખરેખર અવિસ્મરણીય રહ્યો!

માતૃભાષાનો મહોત્સવ: રંગ છે ગુજરાતીને..✨સાહિત્ય સરિતાના બીજા દિવસે વિશ્વ માતૃભાષા દિવસની ભવ્ય ઉજવણી કરવામાં આવી. RJ આકાશ ...
02/05/2026

માતૃભાષાનો મહોત્સવ: રંગ છે ગુજરાતીને..✨
સાહિત્ય સરિતાના બીજા દિવસે વિશ્વ માતૃભાષા દિવસની ભવ્ય ઉજવણી કરવામાં આવી. RJ આકાશ ત્રિવેદીએ યુવા પેઢીને ભાષાના ગર્વની નવી દ્રષ્ટિ આપી તો શ્રી અનુભા ગઢવીએ લોકસાહિત્યના માધુર્યથી સૌના હૈયા જીતી લીધા. આધુનિક શૈલી અને પરંપરાગત વારસાના મિલનથી આખો માહોલ મંત્રમુગ્ધ બની ગયો હતો. "શિક્ષિત અને વિકસિત" હોવાની સાથે ભાષા પ્રત્યે "દીક્ષિત" બનવાનો આ સુંદર સંદેશ પ્રેક્ષકો માટે યાદગાર રહ્યો. ગુજરાતી હોવાના ગર્વને દીપાવતો આ એક સાચો સાહિત્યિક અવસર હતો!

" શબ્દોને વ્હાલી શાયરની અદા...."એ શમી સાંજે એલ.ડી. કોલેજની સિવિલ લોનમાં વાતાવરણ શબ્દોથી મહેકી ઉઠયું. શ્રી મુકેશ જોષીનાં ...
19/04/2026

" શબ્દોને વ્હાલી શાયરની અદા...."

એ શમી સાંજે એલ.ડી. કોલેજની સિવિલ લોનમાં વાતાવરણ શબ્દોથી મહેકી ઉઠયું. શ્રી મુકેશ જોષીનાં સંચાલન હેઠળ ગઝલ અને શાયરીઓનો જમાવડો જામ્યો. શ્રી લવ સિંહા, શ્રી હિતેન આનંદપરા, શ્રીમતી દેવાંગીબેન ભટ્ટ, શ્રી અનિલ ચાવડા, હિમાંશી બાબરા અને અઝહર ઈકબાલની અદ્ભૂત શાયરીઓ અને રજૂ કરવાનાં અંદાજ કોનાં હૈયાને ન સ્પર્શે?? શબ્દો અને ભાવનાની આ સુંદર પ્રસ્તુતિનાં પ્રત્યેક સાક્ષી જીવનભરનું અંભારણું લઈને ગયો હશે.

ઇતિહાસ હોય કે કલ્પના, લાગણીઓ હોય કે શૌર્યરસ, એક અનોખી દાસ્તાનનાં શબ્દોમાં કલાકાર પ્રાણ પૂરી દે અને પ્રેક્ષકોની સામે શબ્દ...
16/04/2026

ઇતિહાસ હોય કે કલ્પના, લાગણીઓ હોય કે શૌર્યરસ, એક અનોખી દાસ્તાનનાં શબ્દોમાં કલાકાર પ્રાણ પૂરી દે અને પ્રેક્ષકોની સામે શબ્દચિત્ર ઊભું થઈ જાય તે એટલે જ "દાસ્તાનગોઈ".....

દિવસ ઢળતાં સાંજે ૫:૦૦ વાગ્યે એલ.ડી. કોલેજનાં આંગણે શ્રીમતી ભક્તિબેન રાઠોડ, શ્રીમતી ઉર્વશીબેન શ્રીમાળી અને હેમાક્ષ વૈષ્ણવે એ દાસ્તાન્ગોઇનાં મંચને શોભાવ્યું. કલાકારોના મનમોહક અંદાજ અને શ્રોતાઓની મંત્રમુગ્ધ હાજરીએ આ સાંજને ખરા અર્થમાં 'સાહિત્યિક' બનાવી દીધી. પ્રાચીન કળાને આધુનિક મંચ પર જોવી એ એક લ્હાવો હતો. ત્રણ રોમાંચક દાસ્તાનો અને એક અવિસ્મરણીય અનુભવ, તે દિવસથી ઉપસ્થિત પ્રત્યેકનાં જીવનનો અજોડ ભાગ બની ગયો.

સાહિત્ય સરિતા સોપાન ૮ નું ભવ્ય ઉદ્ઘાટન તારીખ ૨૦ ફેબ્રુઆરીના રોજ બપોરે ૨:૩૦ કલાકે કરવામાં આવ્યું હતું. કાર્યક્રમની શરૂઆત ...
08/04/2026

સાહિત્ય સરિતા સોપાન ૮ નું ભવ્ય ઉદ્ઘાટન તારીખ ૨૦ ફેબ્રુઆરીના રોજ બપોરે ૨:૩૦ કલાકે કરવામાં આવ્યું હતું. કાર્યક્રમની શરૂઆત કોલેજના વિદ્યાર્થીઓની મધુર સંગીતમય પ્રસ્તુતિ દ્વારા થઈ હતી. ત્યારબાદ પરંપરાગત દીપ પ્રાગટ્ય વિધિ સંપન્ન કરવામાં આવી, જેમાં જ્ઞાન અને સંસ્કારના પ્રતીક રૂપે પ્રજ્વલિત દીપે વાતાવરણને પવિત્રતા અર્પી.
આ ગૌરવમય પ્રસંગે મુખ્ય અતિથિ તરીકે ગુજરાતી સાહિત્યના દિગ્ગજ કવિ શ્રી રાજેન્દ્ર શુક્લ અને લોકપ્રિય RJ ધ્વનિત ઉપસ્થિત રહ્યા હતા. આ અવસરે કોલેજના આદરણીય આચાર્યશ્રી ડો. નિલય ભુપતાણી સાહેબે પોતાના પ્રેરણાદાયી વક્તવ્ય દ્વારા વિદ્યાર્થીઓને ટેકનિકલ જ્ઞાનની સાથે સાહિત્યિક મૂલ્યો કેળવવા માટે પ્રોત્સાહિત કર્યા હતા. મહાનુભાવોની વાણી અને આત્મીય સંવાદથી સમગ્ર વાતાવરણ સાહિત્યમય બની ગયું હતું.

19/03/2026

શ્રી જયદીપભાઈ ત્રિવેદીનો સાહિત્ય સરિતા સાથેનો સુંદર અનુભવ અને દિલથી કહેલી તેમની વાતો…

Thank you Jaydeep Trivedi for sharing your beautiful experience with Sahitya Sarita.

19/03/2026

શ્રી ઋષિકેશભાઈ ગઢવીનો સાહિત્ય સરિતા સાથેનો સુંદર અનુભવ અને દિલથી કહેલી તેમની વાતો…

Thank you Rishikesh Gadhvi for sharing your beautiful experience with Sahitya Sarita.

18/03/2026

શ્રી અર્જુનભાઈ ગઢવીનો સાહિત્ય સરિતા સાથેનો સુંદર અનુભવ અને દિલથી કહેલી તેમની વાતો…

Thank you Arjun Gadhavi for sharing your beautiful experience with Sahitya Sarita.

18/03/2026

શ્રી હિમાંશુભાઈ રાસ્તેનો સાહિત્ય સરિતા સાથેનો સુંદર અનુભવ અને દિલથી કહેલી તેમની વાતો…

Thank you Himanshu Raste for sharing your beautiful experience with Sahitya Sarita.

Address

L D College Of Engineering, University Area, Navrangpura
Ahmedabad
380009

Telephone

+919409201007

Website

Alerts

Be the first to know and let us send you an email when Sahitya Sarita Ldce posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Sahitya Sarita Ldce:

Shortcuts

Share

Category