Gulam e Sartaj e Agra Foundation G. S. A

18/05/2026

Jo baant dete hain muskaanen bina kisi matlab ke,
Wahi log khamoshi mein bhi duaen kamaate hain.

Aaj foundation ki janib se Nagla devjeet me ek aise gharane tak rashan pohanchaya gaya jahan zindagi ki sakhtiyan roz ka imtihaan ban chuki hain. Is chhote se kiraye ke makan mein do betiyan apne buzurg walidain ke sath rehti hain. Na mustaqil aamdani, na koi sahara — bas umeed aur sabr ke sahare din guzar rahe hain.

Un buzurg walidain ki aankhon mein majboori bhi thi aur shukr bhi… aur un betiyon ke chehron par halki si muskurahat ne yeh bata diya ke kabhi kabhi chhoti si madad bhi kisi ke liye poori duniya ban jati hai. Ye sirf rashan ka packet nahi tha, balki unke liye izzat, tasalli aur umeed ka paighaam tha.

Sochiye… jab ghar mein roti ka intezam mushkil ho, jab betiyon ki parwarish fikr ban jaye, aur jab budhape mein sahara na ho — to zindagi kitni bhari lagti hogi. Aise log awaaz nahi uthate, magar unki khamoshi aasman tak zaroor pohanchti hai… aur Allah ke yahan unki har aansu ki keemat hoti hai.

Hamari koshish sirf madad tak mehdood nahi, balki izzat ke sath madad dena hai — taake kisi ki self-respect ko thes na pohanche, balki usay himmat mile ke woh kal ke liye kharay ho sake.

Aap sab se darkhwast hai ke is safar ka hissa banein. Aap ki chhoti si contribution kisi ke liye zindagi ka sahara ban sakti hai.— bas aap ka saath zaroori hai.

Aaiye, mil kar khamosh zaruratmandon ki awaaz banein… aur unke liye duaon ka zariya bhi. 🤲

10/05/2026

10/05/2026

Huzoor Suhail Miyan Sahab Ko Bohot Bohot Mubarak baad

05/05/2026

Alhamdulillah 🤍

Aaj G.S.A Foundation ki taraf se ek aise ghar tak rashan kit pohanchayi gayi jahan 3 chhote bachche hain… aur pichle 2 mahine se unke ghar ka rozgar band hai. Sochiye, jab bachche bhook se pareshaan hote hain aur ghar mein khana na ho, to maa baap par kya guzarti hogi… 💔

Allah Ta’ala is chhote se amal ko apni bargah mein qubool farmaye 🤲

Aaiye, isi tarah mil kar aur bhi gharo tak madad pohanchate rahein… kyunki kisi ka pet bharna sirf madad nahi, balki insaniyat ki sab se khoobsurat misaal hai

28/04/2026

Allah Paak ki beshumar nematein hain jin ka hum shukar ada nahi karte, lekin agar in me se kisi ek me bhi dikkat aa jaye to humare hazaron lakhon rupaye yun hi barbaad ho jate hain. Afsoos ki baat yeh hai ke jab yeh cheezein humare paas theek hoti hain to na hum unka shukar karte hain aur na hi kisi aur ke dard ko mehsoos karte hain.

Aankh, haath aur j**m ka har hissa bohot badi nemat hai. Agar Kisi ka haath kharab ho jaye, kat jaye ya falij ka shikar ho jaye to insaan use theek karwane ke liye lakhon rupaye kharch kar deta hai. Lekin yahi haath jab Allah ki raah mein kharch karne ka waqt aata hai to insaan gurez karta hai aur sochta hai ke mera maal kam ho jayega. Haqeeqat yeh hai ke Allah ki raah mein dene se maal kam nahi hota balki barhta hai.

Do teen din pehle group mein ek message dala gaya tha ke ek bhai ke seenay me Past mawaad padh Gaya hai aur unka operation hona hai. Allah ke fazl o karam se Gulam e Sartaj e Agra Foundation ki taraf se unke liye 5000 rupaye ki madad ka intezam kiya gaya hai aur yeh raqam un tak pohcha di gayi hai. InshaAllah koshish ki jayegi ke mazeed madad ka intezam bhi kiya jaye aur un tak pohchaya jaye, aur unki tabiyat ke baare mein bhi aap logon ko aagah kiya jata rahega.

Aakhir mein Allah Paak se dua hai ke jin logon ne is nek kaam me hissa liya hai, chaahe Jaise bhi liya Ho Allah un sab ke dene ko qubool farmaye aur unhein iska behtareen ajr ata farmaye. Allah unke rizq me karobar me aur jo mazdoori karte hain unki mazdoori me bepanah barkate aur rehmate ata farmaye. Sab ke imaan o aamaal mein izafa farmaye aur humein hamesha apne deen ka kaam lene ki taufeeq ata farmata rahe Aur Jo bhi musalman Pareshan haal he sab ki pareshanio ko door Farmaye

Ameen

24/04/2026

Maktab Taleemaat e Gulshan e Zehra Ka Aghaaz At Neel Katra Nai ki Mandi

20/03/2026

Allah Kareem Apne Fazl o karam Se in sab khidmat Ko qubool farmaye
aur mazhab e Islam ka bolbala farmaye
apas me itthihad o ittifaq ata farmaye
hamari tooti footi ibaadat sadkat o khairat Ko qubool farmaye
ameen summa ameen

17/03/2026

is maahe mubarak me kuch aur khidmat
Allah Rabbulizzat Qubool Farmaye aur sabhi musalmano ki izzat o abru ki hifazat farmaye
aameen

08/03/2026

Neiki yeh nahi ke tum sirf mashriq aur maghrib ki taraf rukh karo, balki neiki yeh hai ke maal Allah ki mohabbat me rishtedaron, yatimon aur miskeenon par kharch karo.”
Reference: Qur'an – Surah Al-Baqarah

Ramzan ul Mubarak me Gulam e Sartaj e Agra Foundation ki team taraf se ki jaane wali Kuch khidmat....

Allah Rabbulizzat qubool farmaye
ameen