B&U Foundation

19/06/2026

📚 വായനാദിനത്തിൽ നിളയിൽ...
വായനാദിനത്തോടനുബന്ധിച്ച് NSS LPS Adoor ലെ വിദ്യാർത്ഥികൾ നിള ലൈബ്രറി സന്ദർശിച്ചു.
പുസ്തകങ്ങളുടെ അത്ഭുതലോകം കുട്ടികൾക്ക് പരിചയപ്പെടുത്തി നൽകാനും, വായനയുടെ പ്രാധാന്യം മനസ്സിലാക്കിക്കൊടുക്കാനും ഈ സന്ദർശനം അവസരമായി. കഥകളും അറിവുകളും സ്വപ്നങ്ങളും നിറഞ്ഞ പുസ്തകങ്ങൾക്കിടയിൽ കുട്ടികൾ ആവേശത്തോടെയും കൗതുകത്തോടെയും സമയം ചെലവഴിച്ചു.
ഒരു നല്ല പുസ്തകം ഒരു നല്ല സുഹൃത്താണെന്നും, വായന അറിവിലേക്കും നല്ല ജീവിതത്തിലേക്കും വഴികാട്ടിയാണെന്നും കുട്ടികളുമായി പങ്കുവെക്കാൻ സാധിച്ചു.
വായിക്കാം... വളരാം...
പുസ്തകങ്ങളിലൂടെ പുതിയ ലോകങ്ങൾ കണ്ടെത്താം... 📖✨
നിള – B&U Foundation Library
Creating Readers... Inspiring Futures... 📚❤️

18/06/2026

ജൂൺ 19 – വായനാദിനം 📚

വായനാദിനത്തിന്റെ ഭാഗമായി അടൂർ പരുത്തിപ്പാറ NSSLPS സ്കൂളിലെ പ്രിയപ്പെട്ട വിദ്യാർത്ഥികൾ രാവിലെ 10.30 ന് ബി & യു ഫൗണ്ടേഷന്റെ നിള ലൈബ്രറി സന്ദർശിക്കുന്നു.

ഒരു നല്ല പുസ്തകം ഒരു നല്ല സുഹൃത്താണ്. വായന അറിവും ചിന്താശേഷിയും സൃഷ്ടിപരമായ കാഴ്ചപ്പാടും വളർത്തുന്ന മികച്ച ശീലമാണ്.

വായനയെ സ്നേഹിക്കുന്ന എല്ലാവർക്കും നിള ലൈബ്രറിയിലേക്ക് ഹൃദയം നിറഞ്ഞ സ്വാഗതം.
വരൂ… പുസ്തകങ്ങളുടെ ലോകത്തേക്ക് കൈകോർക്കാം.
വായിക്കാം, വളരാം, മറ്റുള്ളവരെയും വായനയുടെ വഴിയിലേക്ക് കൈപിടിച്ചുനടത്താം.

📍 നിള ലൈബ്രറി – B&U Foundation
“വായനയാണ് അറിവിലേക്കുള്ള ഏറ്റവും മനോഹരമായ യാത്ര.” 📖✨

18/06/2026

സെറിബ്രൽ പാൾസി ബാധിച്ച് നടക്കാൻ ഏറെ ബുദ്ധിമുട്ട് നേരിടുന്ന, എന്നാൽ പഠനത്തിൽ മികവ് പുലർത്തുന്ന ഒരു വിദ്യാർത്ഥിനിക്ക് പ്ലസ് വൺ അഡ്മിഷൻ ലഭിച്ചു. സ്കൂളിൽ പോകാനും ദൈനംദിന കാര്യങ്ങൾ മറ്റുള്ളവരെ ആശ്രയിക്കാതെ സ്വയം ചെയ്യാനും നല്ല ക്വാളിറ്റി ഉള്ള ഒരു ഇലക്ട്രിക് വീൽചെയർ അത്യാവശ്യമായിരുന്നു.

ഇന്ന് ആ വിദ്യാർത്ഥിനിക്ക് ഇലക്ട്രിക് വീൽചെയർ കൈമാറാൻ സാധിച്ചത് ഞങ്ങൾക്ക് ഏറെ സന്തോഷവും അഭിമാനവും നൽകുന്ന നിമിഷമാണ്. ഈ ചെറിയ സഹായം അവന്റെ വിദ്യാഭ്യാസ സ്വപ്നങ്ങളിലേക്കുള്ള യാത്ര കൂടുതൽ എളുപ്പമാക്കുകയും ആത്മവിശ്വാസത്തോടെ മുന്നോട്ട് പോകാൻ കരുത്താകുകയും ചെയ്യട്ടെ.

ഈ സ്നേഹസഹായത്തിന് പിന്തുണ നൽകിയ -ന് ഹൃദയം നിറഞ്ഞ നന്ദി.

ഞങ്ങൾ നൽകുന്ന 177 മത് വീൽ ചെയറും 14 മത് ഇലക്ട്രിക് വീൽ ചെയറും ആണിത്

B&U Foundation
Creating Smiles... Changing Lives... ❤️♿📚

15/06/2026

ഹോപ്പ് ആൻഡ് ഹ്യുമാനിറ്റി അവാർഡ് 2026

കാൻസർ പോരാളികളുടെ വേദനകൾക്കും പ്രതിസന്ധികൾക്കും ഒപ്പം നിന്ന്, അവരുടെ ജീവിതയാത്രയിൽ കരുത്തും പ്രതീക്ഷയും പകർന്നുകൊണ്ട് വർഷങ്ങളായി പ്രവർത്തിച്ചു വരുന്ന ബി & യൂ ഫൗണ്ടേഷനും ഫൌണ്ടേഷൻ സ്ഥാപകർ ഉവൈസ്, ബിജിൻ എന്നിവർക്കും കാൻസർ കെയർ ആൻഡ് സപ്പോർട്ട് അസോസിയേഷൻ ഈ വർഷത്തെ ഹോപ്പ് ആൻഡ് ഹ്യുമാനിറ്റി അവാർഡ് നൽകി ആദരിച്ചു .

14/06/2026

ഹോപ്പ് പ്രോജക്ടിലേക്ക് കാൻസർ, കിഡ്നി രോഗങ്ങളാൽ ബുദ്ധിമുട്ടുന്ന നിരവധി പേരുടെ അപേക്ഷകളാണ് ലഭിച്ചത്. ഓരോ അപേക്ഷയ്ക്കും പിന്നിൽ വേദനയും പ്രതീക്ഷയും നിറഞ്ഞ ജീവിതങ്ങളുണ്ട്. എല്ലാവർക്കും സഹായമെത്തിക്കണമെന്ന ആഗ്രഹമുണ്ടെങ്കിലും, ഞങ്ങളുടെ പരിമിതികൾ കാരണം ഏറ്റവും അടിയന്തിരമായി സഹായം ആവശ്യമായവരെ മുൻഗണന നൽകി സഹായത്തുക കൈമാറാൻ കഴിഞ്ഞു.

പ്രത്യേകിച്ച് ചികിത്സയ്ക്കായി പോരാടുന്ന കുഞ്ഞുങ്ങൾക്ക് നൽകാനായ ഈ സഹായം അവരുടെ യാത്രയിൽ ഒരു ചെറിയ ആശ്വാസമെങ്കിലും ആകട്ടെയെന്നാണ് പ്രാർത്ഥന.

ഒരാളുടെ കണ്ണീരിൽ ഒരു പ്രതീക്ഷയുടെ വെളിച്ചമാകാനും, പ്രയാസങ്ങളിൽ തളരുന്നവർക്ക് ഒരു കരുതലിന്റെ കൈത്താങ്ങാകാനും ദൈവം ഞങ്ങളെ നിയോഗിച്ചതിൽ അളവറ്റ നന്ദിയുണ്ട്. സഹായം ചെറിയതാകാം, പക്ഷേ അതിലൂടെ പകരുന്ന സ്നേഹവും പ്രതീക്ഷയും വളരെ വലുതാണ്.

B&U Foundation – Hope Project 🤝🏻✨
Creating Smiles......

13/06/2026

⚽️ FIFA Football Festival 2026 - Kerala police operation toofan⚽️

ഫുട്ബോൾ ലോകകപ്പിന്റെ ആവേശം മൈതാനങ്ങളിൽ നിറയുമ്പോൾ, ലഹരിക്കെതിരായ പോരാട്ടവും ശക്തമാകട്ടെ…

കേരള പോലീസിന്റെ “ഡ്രഗ്സ് ഫ്രീ കേരള” ക്യാമ്പയിനോടും ഓപ്പറേഷൻ തുഫാൻ മിഷനോടും കൈകോർത്തുകൊണ്ട്, കായിക സംസ്കാരത്തിലൂടെ ആരോഗ്യകരമായ ഒരു സമൂഹം സൃഷ്ടിക്കാനുള്ള ശ്രമങ്ങൾക്ക് B&U Foundation എല്ലാ പിന്തുണയും അറിയിക്കുന്നു. കഴിയുന്നവർ എല്ലാം അവിടെ എത്തി ഡ്രഗ്സ് ഫ്രീ ക്യാപയിൻ ഭാഗമായി ഒരു സെൽഫി എടുത്ത് പോസ്റ്റ്‌ ചെയ്തു കേരള പോലീസിന്റെ ഓപ്പറേഷൻ തുഫാന് സപ്പോർട്ട് അറിയിക്കുക

🏆 കളിക്കാം ഫുട്ബോൾ…
🚫 പറയാം ലഹരിക്ക് NO…
🌱 വളർത്താം സ്വപ്നങ്ങളും നല്ല നാളെയും…

യുവതലമുറയുടെ ഊർജ്ജം കായികരംഗത്തേക്ക്…
കേരളത്തിന്റെ ഭാവി ലഹരിമുക്തമാക്കാൻ ഒരുമിക്കാം.

.toofan

B&U Foundation
Creating Smiles… Changing Lives… 💚⚽️

13/06/2026

🙏

പ്രിയ സഹോദരങ്ങളേ,

നമ്മുടെ ചുറ്റുപാടുകളിലും സമൂഹത്തിനുള്ളിലും, പലവിധ രോഗങ്ങളെയും ജീവിതപ്രതിസന്ധികളെയും നിശബ്ദമായി നേരിട്ട് ജീവിക്കുന്ന നിരവധി കുടുംബങ്ങളുണ്ട്. അവരുടെ വേദനകൾ പലപ്പോഴും പുറംലോകം അറിയാതെ പോകാറുണ്ട്. അത്തരം ഒരു കുടുംബത്തിന് ചെറിയൊരു കൈത്താങ്ങാകാൻ സാധിച്ചതിന്റെ സന്തോഷമാണ് ഇന്ന് നിങ്ങളുമായി പങ്കുവെക്കുന്നത്.

B&U Foundation ചെയർമാനും PEXA Advisory Board അംഗവുമായ ശ്രീ. ഉവൈസ് ഉല്ലാസ് അറിയിച്ചതനുസരിച്ചും, തുടർന്ന് ബന്ധപ്പെട്ട കുടുംബവുമായി നേരിട്ട് സംസാരിച്ച് സാഹചര്യം വിലയിരുത്തിയതിന്റെയും അടിസ്ഥാനത്തിൽ, റൂബെല്ല ഇൻഫെക്ഷനെ തുടർന്ന് ഗുരുതരമായ കേൾവിക്കുറവ് അനുഭവിക്കുന്ന, പത്താം ക്ലാസിൽ പഠിക്കുന്ന ഒരു വിദ്യാർത്ഥിയുടെ അടിയന്തര ശസ്ത്രക്രിയയ്ക്കായി PEXAയുടെ നേതൃത്വത്തിൽ ₹50,000/- രൂപയുടെ ചികിത്സാ സഹായം ഇന്ന് നൽകാൻ സാധിച്ചു.

ഈ വിദ്യാർത്ഥിയുടെ ആരോഗ്യസ്ഥിതി അതീവ ഗൗരവമുള്ളതാണെന്നും, കേൾവിശേഷി നിലനിർത്തുന്നതിനും സാധാരണ ജീവിതത്തിലേക്ക് തിരികെ കൊണ്ടുവരുന്നതിനുമായി അടിയന്തര ചികിത്സയും ശസ്ത്രക്രിയയും അനിവാര്യമാണെന്നും ബോധ്യപ്പെട്ടതിന്റെ അടിസ്ഥാനത്തിലാണ് PEXA ഈ ഉദ്യമത്തിൽ ഭാഗമായത്.

ചിറ്റാർ 86 ജുമാ മസ്ജിദ് പ്രസിഡന്റ് ശ്രീ. എ. ബഷീറിൻ്റെ മേൽനോട്ടത്തിൽ (ബ്ലോക്ക് പഞ്ചായത്ത് അംഗം), ശ്രീ. തമ്പിക്കുട്ടി (ഇടയിലെവീട്ടിൽ) ശ്രീ. ഇർഷാദ് (മീരക്കാണി പുരയിടം), എന്നിവരുടെ സാന്നിധ്യത്തിൽ സഹായധനം കുടുംബത്തിന്റെ ഉത്തരവാദപ്പെട്ട കൈകളിൽ കൈമാറി.

ഒരു കുട്ടിയുടെ ആരോഗ്യവും ഭാവിയും സംരക്ഷിക്കാൻ കഴിയുന്നത് ഏതൊരു സമൂഹത്തിനും ഏറ്റവും വലിയ നന്മകളിലൊന്നാണ്. ഒരു വിദ്യാർത്ഥിയുടെ സ്വപ്നങ്ങൾ രോഗത്തിന്റെ പേരിൽ നഷ്ടപ്പെടാതിരിക്കാൻ, അവന്റെ ജീവിതയാത്രയിൽ പ്രതീക്ഷയുടെ ഒരു പ്രകാശമായി മാറാൻ ഈ സഹായം ഉപകരിക്കട്ടെയെന്ന് ആത്മാർത്ഥമായി പ്രാർത്ഥിക്കുന്നു.

ഈ സത്കർമ്മത്തിന് പിന്തുണയും സഹകരണവും നൽകിയ എല്ലാ സുമനസ്സുകൾക്കും ഹൃദയം നിറഞ്ഞ നന്ദി. നിങ്ങളുടെ കരുതലും സഹാനുഭൂതിയും തന്നെയാണ് ഇത്തരം പ്രവർത്തനങ്ങൾക്ക് കരുത്താകുന്നത്.

നന്മയുടെ വഴിയിൽ ഒരുമിച്ച് മുന്നേറാം. കൈകോർക്കാം. ജീവിതങ്ങൾക്ക് പ്രതീക്ഷ പകരാം.🤝

പ്രപഞ്ചനാഥൻ ഈ വിദ്യാർത്ഥിക്ക് പൂർണ്ണ ആരോഗ്യവും വേഗത്തിലുള്ള സൗഖ്യവും നൽകട്ടെ. ഈ പ്രവർത്തനത്തിന്റെ ഭാഗമായ എല്ലാവരെയും സമൃദ്ധമായി അനുഗ്രഹിക്കട്ടെ. ആമീൻ.🤲

10/06/2026

176-മത് വീൽചെയർ സെറിബ്രൽ പാൾസി ബാധിച്ച ഒരു കുട്ടിക്ക് കൈമാറാൻ സാധിച്ചു.

ഒരു കുഞ്ഞിന്റെ ജീവിതത്തിൽ ചെറിയൊരു ചലനം പോലും വലിയൊരു പ്രതീക്ഷയാണ്. ആ പ്രതീക്ഷയിലേക്ക് ഒരു കൈത്താങ്ങാകാൻ കഴിഞ്ഞതിൽ ബി & യു ഫൗണ്ടേഷൻ സന്തോഷിക്കുന്നു.

B&U Foundation
Creating Smiles… Changing Lives…