27/07/2026
من اكم سنة لما فتنا على مخيم وسمعنا الأطفال ينادوا على امهاتمهم،
تعالوا تعالوا هذول شغف ما بصورونا لا تخافوا، عرفنا اننا حققنا اشي مختلف.
القرار ما كان سهل..
ومن 5 أشهر جاهزين نشارككم، لكن لأسباب مش بايدنا، بس اليوم قدرنا نعلن بشكل رسمي.
اخترنا نوقف بعد ما عشنا سنتين ونص مواجهة مش بس مع الجهات الرسمية، مع رفض لكل تمويل بحمل اجندة يفرضها علينا، بعد ما اشتغلنا 10 سنين باستقلالية تامة من اول شوال حطب وصلناه لمخيم، لمساحة ومشروع جمع طلاب الجامعة، المبادرين، المستقلين، ومعظم جمعيات المجتمع المدني بالبلاد.
طرقنا ابواب بديلة كثيرة،
بس للأسف مجتمعنا بعده بعيد عن التنظيم الذاتي الي بقدر يحتضن مؤسسات وعمل ممنهج للمدى البعيد.
والاسباب كلنا منعرفها وعايشينها.
اخترنا نوقف ورفضنا حتى التفكير بكل مسار آخر كان ممكن يخلينا نكمل، مع تقييد للاستقلالية وتوجيه للقرارات والعمل.
التمسك والمحاولات رغم التضييق والعرقلة ضرنا كأشخاص وانعكس على حياتنا الخاصة،
تحملنا لانه هاذ واجبنا واحنا اخترناه.
بس بعد كل المحاولات؟ كان لا بد من قرار.
*مساحة شغف سبيس؟
المشروع كان بمفترق اما يستمر او يتوقف بسبب التضييق الي على المؤسسة،
المشروع من أول يوم كان نموذج عملي لمشاريع بتلبي حاجة
مجتمعنا لمساحات فعلية مستقلة وعربية.
لذلك كان قرارنا انه المؤسسة تبيع المشروع لمالك جديد وننهي الالتزامات المادية الي تراكمت على المؤسسة اخر سنتين ونص.
والأثر مكمل ان شاء الله.
التفاصيل والضغوطات في السنوات الاخيرة ما رح نقدر نحصرها بمنشور ولا منصة سوشل ميديا حتى.
*قمنا بتوقيف كل منصات التبرع المختلفة، كذلك التبرعات الثابتة.
ولغاية اخر شيكل، وصلنا التبرعات الاخيرة لإعانة أطفال في بيت ايتام في شمال كينيا، افريقيا.
شكرا الكم على الدعم، العطاء، والتفهم🩵
المنشور الأخير.