Zen-Z Letang

09/11/2025

जरुरी सुचना ।

31/10/2025

लेटाङ जेन–जी (Letang GenZ)को तर्फबाट गृहमन्त्रालयमा ज्ञापन पत्र बुझाइयो 🕊️

।

27/10/2025

विज्ञप्ति ।

19/09/2025

19/09/2025

Zen-Z लेटाङका सदस्य द्वारा नगरप्रमुख समक्ष ज्ञापन पत्र बुझाउने कार्यक्रम ।
२०८२/०६/०२

18/09/2025

हामी लेटाङका Gen-Z युवाहरूले आज हाम्रो आवाज र मागहरू सहितको औपचारिक ज्ञापनपत्र नगरप्रमुख भुपेन्द्र कुमार लावतीज्यूलाई बुझाएका छौँ।

हाम्रो ज्ञापनपत्रमा खोला दोहन रोकथाम, ठेक्का प्रक्रियामा पारदर्शिता, शिक्षा–स्वास्थ्य सुधार, रोजगारी सिर्जना, सम्पत्ति छानबिन र नगर सुधारका विषयहरू प्रमुख एजेन्डा हुन्। विशेष गरी हामीले खोलाको अनियन्त्रित उत्खननलाई नगरकै मुख्य समस्या मानेर तत्काल रोक्न माग गरेका छौँ।

हामिले एक हप्ताभित्र प्रत्येक वडागत रूपमा समस्या राख्न र समाधान खोज्न कार्यपालिकाको टोलीसँग प्रत्यक्ष संवादको वातावरण मिलाउन नगरप्रमुखज्यूलाई अनुरोध गरेका थियौँ। यसबारे उहाँले हामीलाई एक हप्ताभित्र आवश्यक वातावरण सृजना गर्ने जानकारी दिनुभएको छ।

नगरप्रमुखले हाम्रो शान्तिपूर्ण आन्दोलनलाई सम्मान गर्दै उठाइएका मागहरू न्यायोचित रहेको स्वीकार गर्नुभयो। साथै, उहाँले भोलि संविधान दिवसको दिन अपराह्न ३ बजे नगरभवनमा संविधान दिवस विशेष कार्यक्रम आयोजना गर्ने जानकारी दिनुभयो र सबै Zen-Z Letang का सदस्यहरुलाई सहभागी हुन आग्रह गर्नुभयो।

हामी Gen-Z ले सडक, शिक्षा, स्वास्थ्य, कृषि र सार्वजनिक सेवासहित नगर सुधारका मुद्दा निरन्तर उठाइरहने स्पष्ट घोषणा गरेका छौँ। साथै, लेटाङ–कानेपोखरी सडकमा गुड्ने सार्वजनिक बसहरूको अवस्था तत्काल परीक्षण गर्नुपर्ने हाम्रो माग पनि छ।

हामी स्पष्ट पार्छौँ — यदि हाम्रो मागहरू बेवास्ता भए भने हामी दबाबमूलक आन्दोलनका चरणतर्फ अघि बढ्न बाध्य हुनेछौँ।
Zen-Z Letang

17/09/2025

लेटाङमा Gen-Z भेला सम्पन्न, भ्रष्टाचारविरुद्ध संघर्ष गर्ने संकल्प

लेटाङ, मोरङ – लेटाङमा आज Gen-Z (जेन–जेड) पुस्ताका युवाहरूको भेला सफलतापूर्वक सम्पन्न भएको छ। भेलामा सहभागी युवाहरू र नगरबासीहरूले नगरभित्र दिनानुदिन बढ्दै गएको बेथिति, विसंगति र भ्रष्टाचारप्रति कडा आपत्ति जनाउँदै एकजुट भएर संघर्ष गर्ने दृढ संकल्प व्यक्त गरेका छन्।

भेलामा सहभागीहरूले स्थानीय तहमा जिम्मेवारी सम्हालिरहेका मेयर, उपमेयरदेखि स्वकीय सचिवसम्मको सम्पत्ति छानबिन गर्नुपर्ने माग राखे। साथै, खोलासम्बन्धी काममा देखिएको अनियमितता र शंका–सन्देहहरूको सत्यतथ्य छानबिन हुनुपर्नेमा जोड दिए।

त्यसैगरी, युवाहरूले बालबालिकालाई लागूऔषध, मदिरा, चुरोटजस्ता नशालु पदार्थ बेच्न नपाइने कडा कानुनी व्यवस्था बनाउनुपर्ने आवश्यकता औंल्याए। विद्यालय तहका विद्यार्थीहरूले पसलमा गएर यस्ता वस्तु सहजै पाउने अवस्थालाई तत्काल रोक्नुपर्ने धारणा राखियो।

भेलामा सहभागी Gen-Z युवाहरूले भोलि दिउँसो १२ बजे नगरप्रमुखज्यूलाई ध्यानाकर्षण पत्र बुझाउने पनि निणय गरेका छन ।

16/09/2025

आदरणीय लेटाङ नगरपालिका भित्र रहनु भएका सम्पूर्ण Zen-Z पुस्ताका सदस्यहरू,

लेटाङ नगरको समृद्धि, आगामी रणनीति तथा "आफ्नो नगर आफैँ बनाऔँ" भन्ने मूल मन्त्रलाई आत्मसात गर्दै, लेटाङको समृद्धि, भविष्यको दिशा र खबरदारी सम्बन्धी महत्वपूर्ण विषयमा विचार–विमर्श गर्ने उद्देश्यले भोलि आयोजना गरिएको भेलामा तपाईँको सम्मानित उपस्थितिको लागि यसै माध्यमबाट हार्दिक निमन्त्रणा गर्दछौँ।

📅 मिति : २०८२ साल असोज १ गते, बुधबार
⏰ समय : दिउँसो २:०० बजे
📍 स्थान : जनसेवा सामुदायिक बनको चौरी (लेटाङ बसपार्क तलतिर)

लेटाङको निर्माण र भविष्यको मार्गचित्र तय गर्ने यो महत्वपूर्ण भेलामा तपाईँको सक्रीय सहभागिता नै हाम्रो साझा प्रतिबद्धता र शक्तिको प्रतीक हुनेछ।

तसर्थ, आफ्नो अमूल्य समय निकालि अनिवार्य उपस्थित भइदिनुहुन हार्दिक अनुरोध गर्दछौँ।

स–धन्यवाद।

आयोजक : Zen-Z लेटाङ