28/11/2025
Nu'udar Líder Komunitariu ne'ebe halao knaar durante tinan rua nia laran, iha tinan 2025 ne'e husi S.E Ministro Administrasaun Estatal fo Orientasaun mai Autoridade Munisipal sira hodi halo Avaliasaun ba Sistema Administrasaun ba Suku 30 iha Munisipiu Covalima.
Nune'e entre Suku 30 iha Munisipiu Covalima, Suku Belulik-Leten mak sai nu'udar 1° lugar iha nível munisipal.
Nu'udar Líder Komunitariu 🤝nu'udar mós otas nurak ida sente onradu tamba Servisu iha kolaborasaun ne'ebe di'ak iha estrutura konsellu Suku hodi haree Sistema Administrasaun ho sériu tuir matadalan ne'ebe iha, tamba ne'e mak husi ekipa Júri halo verifikasaun, Avaliasaun Suku Belulik-Leten prenxe rekejitus sira ne'ebe mak iha nune'e ohin loron 28 fulan Novembru, nu'udar mos loron proklamasaun Independensia Repùblika Demokràtika Timor-Leste nian ba dala 50, alende partisipa loron espesial ida ne'e rona mós anunsiu ofisialmente husi Autoridade Munisipio Covalima, kona-ba kompetisaun Suku husi anunsiu ne'e Suku Belulik-Leten mak hetan 1° lugar iha Munisipiu Covalima.
Ha'u em nome Menbru Konsellu Suku (MKS) no Funaionariu Apoiu Suku (FAS) Belulic-Leten hato'o Agaradese Wa'in ba parte hotu-hotu ne'ebe kontribui ideias desde eleitu nu'udar Xefe Suku to'o ohin loron iha koñesimentu ne'ebe natoon hodi bele halao Servisu ba servi komunidade iha Suku Belulik-Leten Postu Fatumea.
Nu'udar Líder Komunitariu nafatin kontinua konsulta no simu opiniaun sira husi komunidade enjeral, juventude sira hotu iha Suku Belulik-Leten Postu Administrativo Fatumea Munisipio Covalima.
Hakoak boot ba hotu-hotu.
Suai, 28 Fulan Novembru 2025
