02/02/2026
"JOGENJ! V NAŠEM SELI GORI!" 🚒🏠
S ovim uzvikom malog Štefeka, autorica Marija Derezic vodi nas ravno u srce starog Velikog Otoka. Donosimo vam priču napisanu na autentičnom govoru našeg kraja koja ne čuva samo riječi, već i dušu naših starih.
VELIKOOTOČKA PRIČA IZ DAVNINE-JOGENJ:Bil je lepi,protuletni den.Ludi so po polo zemlo obdelovali:nekoji s kravami a drugi s konjima,a jotočka deca koja so išla v peti razred legradske škole so se pomali vlekla po polskem poto i si skupa so se čudili je to istina da jena legradska dekla tu iz ove vulice blizu luteronskoga grobija,ima dvo srca:To nemre biti!”-rekel je Jožek Vlah.”Što ti je to povedal?”pital je Ružo z Gornjega kraja.”Kak nemre?Pok je moj sosed prekfčera žnjom na zobavi plesal I rekel je da je osećal kak joj srce toče na levoj i desnoj stroni.Se si ve samo zoto spominajo.”Daj Ruža,naj bloditi niti na megle pripovedati”-protuslovil je Joža Ruži.”Je,a jo sem čula da bo to dekla ve išla na operocijo kaj joj zvodijo jeno srce.” - oglosila se Ružina pajdašica ŠteficaA što ti je to rekel?”pita Joži z Gornjega kraja.”Pripovedali so kuma moje mojke.”I tak so se jotočki ðaki pomali vlekli dimo I prepirjali so se: ima legradska dekla dvo srca ili nema.Najenpot moli rudasti Štefek vikne:JOGENJ!V NAŠEM SELI GORI!POGLEĆTE KAKOV VELKI DIM!Janici je srce počelo joko toči,a kolena so joj zadrhtala,jer je pomislila:”To moja hiža gori.Tam gde je te velki dim tam je točno moja hiža.”Nekaj jo je stegnolo v grlo i više ni mogla govoriti.Dok so bili blizu Kokmic čuli so velku viku koja je dohoðala iz Janičine vulice.Konačno so ðaki,si prestrošeni, došli do Janičine vulice I tam so zgledali kak jotočke žene znošaju iz Janičinoga dvora:postelino,lodrico z mošćom,halinje a muški groblejo s kontami vodo pri sakem Janičinom sosedo i bežijo gasit jognja.Si so bili bosi i mokri.Celi Velki Jotok je gasil toga velkoga jognja.Janica od velkoga stroha ne mogla govoriti.Zgledala je japu i mamu kak stojijo na velki lojtri i pokrivlejo z mokrom ponjovom slamnotoga kroha na hiži.Sosed Habek je stol na drugi velki lojtri i pokrival je z mokrom ponjovom slamnotoga kroha na štogljo,a njegov sin Rudi mo je pomogal.Nešće je viknul:Deca,meknite se!Ite dimo!Jeden muški glos je viknul :I koce treba pokriti z mokrom ponjovom,žene fletno donesite još jeno ponjovo.Jen drugi čovek je vikal:A de so te naši VATROGASCI?Nemremo s kontami zgasiti tak velkoga jognja.Janica je gledala v velkem stroho kak pri sosedu gori velka bogla slame.Jena žena je viknula:Štef je z biciklinom otišel v Legrad na pošto pozvati koprivničke vatrogasce.Dajte žene, najte čekati koprivničke vatrogasce,fletno groblite vodu iz zdenca.Žene so mokre bežale s kontami sim tam ,a muški so polevali jognja.Janica si je počenola od stroha kraj Hošnjakove ograde I v sebi je govorila:Dobro je da nega vetra,samo da ne zapuše.”Najenpot je jena žena viknula:Joj,ludi pri Habekovi v zdenco više nega vode,kaj bomo stvorili.?”Druga žena je viknula:Nega više vode niti pri Hošnjako niti pri Ivonekovi!”.I unda so se v vulici najenpot stvorili jotočki VATROGASCI:dovlekli so vatrogasna kola s pumpom i jen mlajši vatrogasec je skočil prek Hošnjakove ograde i dovlekel je cev i porinul ju je v Hošnjakov ribnjak.Drugi VATROGASCI su fletno ručno pumpali vodu a tretji so polevali jognja koji je postajal se menjši i menjši.I konačno je jogenj jenjal.Doleteli so i koprivnički VATROGASCI pok so rekli:Saka čast !Jotočani so provi ludi !Si so došli gasit i spasili so siromoko i hižu i štalu.Konačno je i Janica prišla japi i mami i gledala ih je ka so mokri,zmočeni i zamišleni.Japa joj je rekel:Janica ,idi na pole i nojdi naše krave i svinje i dotiraj ih dimo.Dogo je Janica iskala po polo njivo blogo i dok ih je se našla i krave i svinje,njezine BELUŠE, su jo posluhnule ,kak da su razmele kaj se dogodilo,i pomali so išle k svojemo domo.Janica je pitala japu što je vužgal toga velkoga jognja.Japa joj je rekel:”Sosedov moli dečec je vužgal njivo velko boglo slame I ve se negdi od stroha skril.Janica,naj nikaj sosede pitati ,si me razmela?”Jesem ,japa.”Mama je dodala:”Janica,dobro ti je japa rekel.I sosedam je nezgodno.Viš kak so naši Jotočani dobri I složni ludi.Si so nam priskočili fpomoć.Da njih ne bilo mi bi postali BOKCI BISTRIČKI!A spasil nas je I Hošnjakov ribnjak.Moder je te sosed Hošnjak.”.Tu noć,v Janičinoj moloj hiži nišće ne mogel zaspati,si so bili joko uznemireni.
autor teksta: Marija Derezic
slika: 35g djelovanja društva 1969 godine (Ruža Gabaj)
