TWDHC 荃灣地區康健中心

19/08/2026

【燃系食物推薦｜食出易瘦體質 🔥】

想提升新陳代謝，就要食啱營養👍！以下按營養素分類嘅燃系食物清單，助你推高基礎代謝率（BMR），塑造易瘦體質🔥

🔹 優質蛋白質（增肌＋推高代謝）

• 🥚蛋類：雞蛋、烚蛋、水波蛋
• 🥩肉類：雞胸、去皮雞腿、瘦牛肉、瘦豬肉、羊肉
• 🐟魚類及海產：三文魚、吞拿魚、沙甸魚、鯖魚、秋刀魚、蝦、蜆、青口、帶子
• 🫘豆製品：硬豆腐、板豆腐、加鈣豆漿、枝豆、豆腐花
• 🥛奶製品：高鈣低脂奶、希臘乳酪、低脂芝士

🔹 高鐵食物（促進棕色脂肪生成＋燃燒卡路里）

【動物性（吸收率較高）】
• 蜆、蠔、豬潤、沙甸魚、青口
• 瘦牛肉、羊肉、雞脾肉、雞蛋黃

【植物性（配維他命C更佳）】
• 菠菜、青豆、紅豆、紅腰豆、鷹嘴豆
• 木耳、黑芝麻、白芝麻、南瓜籽、藜麥、羽衣甘藍

【維他命C搭檔（助鐵吸收）】
• 橙、奇異果、士多啤梨、番茄、西蘭花、燈籠椒

🔹 奧米加3脂肪酸（抗炎＋支持代謝）

【可常吃的中低層魚類】
• 秋刀魚、鯖魚、三文魚、沙甸魚、鰻魚
• 烏頭、黃花魚、鯪魚、石斑、九肚魚

【甲殼類】
• 青口、蜆、帶子、蟹、螺

【每週最多6兩（大型掠食性魚類）】
• 藍鰭吞拿、劍魚、鯊魚、旗魚、大眼吞拿魚

【植物性ALA來源】
• 核桃、亞麻籽、奇亞籽
• 亞麻籽油、紫蘇籽油、芥花籽油

🔹 燃脂抗氧化物＋飲品

【兒茶素（綠茶類）】
• 抹茶、煎茶、龍井、碧螺春、焙茶

【白藜蘆醇】
• 黑提子、紅提子、藍莓、桑椹
• 無糖可可粉、70%以上黑朱古力

【其他抗氧化物】
• 西蘭花、番茄、南瓜、粟米、洋蔥
• 士多啤梨、紅桑子、車厘子

【🧃飲品建議】
• 清水（每日引用：體重kg x 35ml）— 最強零卡飲品
• 無糖綠茶、無糖紅茶、黑咖啡（建議餐後1-2小時飲用）

📌 總結
蛋白質、高鐵食物、奧米加3、抗氧化物 — 分類食齊，自然養成易瘦體質。

想計算你嘅基礎代謝率同日需熱量？立即嚟TWDHC做會員，同中心營養師慢慢傾！🔥

#荃灣 #荃灣地區康健中心
#食物營養 #燃系食物
=======================
荃灣地區康健中心網站：https://twdhc.org.hk/tc/
荃灣地區康健中心Facebook︰https://www.facebook.com/DHCTsuenWan/
荃灣地區康健中心Instagram：https://www.instagram.com/twdhc.org.hk/
荃灣地區康健中心YouTube：https://lihi.cc/XRxMF

19/08/2026

18/08/2026

【乙型肝炎知多啲線上講座🔍】

肝臟默默工作，幫助我哋保持身體健康💚，有時佢病咗都未必有明顯症狀🤕！

想了解更多乙型肝炎嘅資訊？荃灣地區康健中心將舉辦線上講座💬，並由衞生署控制病毒性肝炎辦公室嘅註冊護士同大家仔細拆解😉！

講者仲預留咗 25 分鐘互動問答環節，有咩疑問都可以即時提問！名額有限，各位街坊唔好錯過啦～

📅 日期：2026年9月3日（星期四）
🕓 時間：下午 2時半 - 3時半
✅ 時長： 45分鐘 (20分鐘講座 +25分鐘互動問答環節)
📍 線上講座地點：荃灣楊屋道88號荃灣88九樓 - 荃灣地區康健中心 主中心

💬 講座內容：
1️⃣乙型肝炎簡介
2️⃣慢性乙肝患者須知
3️⃣乙肝疫苗
4️⃣肝炎健康資訊

👩🏻‍⚕️ 講者：衞生署控制病毒性肝炎辦公室 註冊護士
📝 報名及查詢︰致電☎️ 2439 8088

想緊貼更多最新資訊，記得留意同 Like 我哋嘅專頁啦！👍
#荃灣地區康健中心 #荃人健康由此起
#乙型肝炎知多啲 #乙型肝炎 #肝炎健康

17/08/2026

由9月15日開始，鄔醫師會在樂妍站舉行中醫講座及工作坊。
九月份主题就是女士們每月都受到困擾的-經痛。有經痛困擾的女士們請踴躍参加，請到樂妍站網站了解詳情及報名。
https://www.wws.org.hk/

港島賽馬會樂妍站：2855 1333
九龍賽馬會樂妍站：2855 1222
新界賽馬會樂妍站：2851 1722

#樂妍站 #婦女健康 #健康第一站 #東華三院 #基層醫療署

17/08/2026

【基層醫療署提提你：炎炎夏日☀️ 防中暑】

炎炎夏日🥵 大家喺戶外工作或者進行活動嘅時候都要慎防中暑！

‼️ 特別係👶🏻小朋友、👴🏻👵🏻長者、🤰🏻孕婦、💊長期病（如心臟病或高血壓）患者、⚖️過胖人士，以及喺戶外工作/體力勞動者都比較容易中暑‼️基層醫療署特別提醒上述人士喺酷熱天氣下要採取適當嘅預防措施。

👇 記得留意天文台發出嘅天氣警告，採取以下措施預防中暑💦
1️⃣適時補充水份
2️⃣保持室內空氣流通
3️⃣適當安排戶外活動時間
4️⃣避免進行劇烈運動或長時間活動
5️⃣穿着淺色、寬鬆和通爽的衣物
6️⃣ 避免飲用含咖啡因及酒精類飲品

🚨 留意中暑徵狀！
如果出現頭暈、頭痛、噁心、氣促或神志不清等徵狀，就要立刻休息同求助，並盡快求醫！⚠️
👀 記得轉發俾身邊親友，做足預防措施！
-
登記成為地區康健中心會員 ，為健康做好把關： 👉
https://www.dhc.gov.hk/tc/
-
其他防暑資訊：
🔗 香港天文台：酷熱天氣警告 (https://www.hko.gov.hk/)
🔗 勞工處：工作暑熱警告及《預防工作時中暑指引》 (https://www.labour.gov.hk/)
🔗 衞生署衞生防護中心：預防中暑健康指引 (https://www.chp.gov.hk/)
🔗 民政事務總署：臨時避暑中心名單（於酷熱天氣警告生效期間開放） (https://www.had.gov.hk/)
-
#中暑 #預防中暑 #地區康健中心 #地區康健站 #勞工處 #衞生防護中心 #炎夏注意

13/08/2026

【睛靈多一點大行動👁️】

國慶活動呈獻！荃灣地區康健中心聯同香港醫護聯盟及黃斑病變關注組，特別為大家推出 「常見四大眼疾講座 暨 AI 眼睛健康篩查」 活動👀💚！透過最新嘅 AI 科技及眼科專科醫生講解，全面保護你同家人嘅靈魂之窗 ✨！

第一階段：AI 眼睛健康篩查 📸

採用最新 AI 眼底相機拍攝眼底相，只需數分鐘即可獲得初步檢查結果！快速分析是否出現黃斑病變、糖尿上眼、青光眼及重度白內障的風險。

📅 日期：2026年9月8 - 10日（星期二至星期四）
🕓 時間：上午 10時 - 下午 1時 及 下午 2時 - 下午 5時
📍 地點：荃灣楊屋道88號荃灣88九樓 - 荃灣地區康健中心
🎯 對象：荃灣地區康健中心會員 （50歲以上）
👥名額： 200 個（先到先得）
📝 報名︰致電☎️ 2439 8088 或 透過連結 https://member.yanchaidhc.org.hk/service-booking?servicetype=eye-health-screening

第二階段：常見四大眼疾講座👨🏻‍⚕️💬

由眼科專科醫生親身講解四大眼疾（黃斑病變、糖尿上眼、青光眼及白內障）的成因、預防治療方法及問答環節。會個別通知檢查異常或需跟進的參加者，並提供即場一對一醫生諮詢！

📅 日期：2026年9月19日（星期六）
🕓 時間：下午 2時 - 下午 3時半（*設有ZOOM網上課堂）
📍地點：荃灣楊屋道88號荃灣88九樓 - 荃灣地區康健中心
🎯 對象：荃灣地區康健中心會員
👥 名額：現場名額60個（如報名人數眾多，將抽籤處理）
👨🏻‍⚕️講者：眼科專科潘家健醫生
📝 報名：致電 ☎️ 2439 8088或 透過 荃灣地區康健中心 - 手機應用程式

想緊貼更多最新資訊，記得留意同 Like 我哋嘅專頁啦！👍
#荃灣地區康健中心 #荃人健康由此起
#睛靈多一點大行動 #眼睛健康篩查 #眼疾講座

12/08/2026

【 🏃‍♂️ 世衛最新指引：少坐多動，健康多一點！ 🏃‍♀️】

世衛 (WHO) 提醒我們：任何身體活動都比完全不動好 。即使是日常散步、做家務或行樓梯，全部都算是身體活動，只要減少久坐，對健康已經大有幫助 ！✨
不同年齡層，每週應該做幾多運動？即睇最新黃金標準 👇🏻

👦🏻👧🏻兒童及青少年
🔹 平均每日最少 60 分鐘中等至劇烈強度活動 💦
🔹 每週最少 3 天加入強化肌肉及骨骼的運動 💪🏻

👩🏻👨🏻成年人 (18–64歲)
🔹 每週累積 150–300 分鐘中等強度有氧運動，或 75–150 分鐘高強度活動 🚴‍♀️
🔹 每週最少 2 天進行針對主要肌群的肌力訓練 🏋️‍♂️

🧓🏻👴🏻老友記 (65歲或以上)
🔹 有氧活動目標與一般成人相同 🚶‍♂️
🔹 每週最少 3 天加入平衡及力量訓練，有助預防跌倒及提升日常功能 ⚖️

🪑🚶🏻 告別久坐危機
🔹 坐得太久會增加健康風險，請以任何強度的活動（包括輕量伸展）來取代久坐時間 ！ 🛋️ ➡️🤸‍♂️

🌟 由今日開始，動多一步！
目標不是完美，而是持續 。按自己的能力慢慢增加頻率和時間，一齊建立更健康的生活習慣 ！

📍 想了解更多健康資訊？記得追蹤我們，或瀏覽荃灣地區康健中心網站。
#荃灣地區康健中心 #荃人健康由此起
#少坐多動 #身體活動 #健康生活 #世衛指引 #運動日常 #預防勝於治療

12/08/2026

[預防乙型肝炎母嬰傳播]
香港目前約有 5.6% 人口（約 41 萬人）患有乙肝，而母嬰傳播係最主要嘅傳播途徑。

💉 其實只要做足預防，感染風險可以大大降低！想知多D？

呢條片會全面講解由產前檢查到 BB 出生後嘅保護程序。

#預防母嬰傳播由而家開始 # #乙型肝炎 #梅毒 #愛滋病病毒 #孕婦健康 #產前檢查 #守護下一代
#荃灣 #荃灣地區康健中心
#荃人健康由此起 #基層醫療服務
#活動預告
想緊貼更多最新資訊，記得留意同Like 我哋嘅專頁啦！
=======================
荃灣地區康健中心網站：https://twdhc.org.hk/tc/
荃灣地區康健中心Facebook︰https://www.facebook.com/DHCTsuenWan/
荃灣地區康健中心Instagram：https://www.instagram.com/twdhc.org.hk/
荃灣地區康健中心YouTube：https://lihi.cc/XRxMF

https://youtu.be/pVjC6--wO2M?si=DZ7uY5-uQcRFusjd

香港目前約有 5.6% 人口（約 41 萬人）患有乙肝，而母嬰傳播係最主要嘅傳播途徑。💉 其實只要做足預防，感染風險可以大大降低！...

11/08/2026

🍨【冰凍甜品消暑的秘密】

夏日炎炎，唔少人都會選擇冰凍甜品降溫🧊，不過要注意部份冰凍甜品含有唔少糖分！

想消暑又想健康啲？可以試吓：
🥄 少食多滋味，同朋友家人開心share冰凍甜品
🍉 揀新鮮生果，天然清甜仲有膳食纖維，係消暑嘅好選擇

成人每日嘅游離糖攝取量應少於50g，精明選擇，涼快又健康！
________________________________________
Follow埋我哋 ，隨時睇更多減鹽減糖嘅健康飲食貼士！
#少點鹽糖多點健康 #全城減鹽減糖行動 #少鹽少糖 #消暑的秘密

10/08/2026

【地區康健中心痛症管理計劃持續優化 物理治療增值服務覆蓋全港十八區】
【提供首診物理治療服務 合資格市民無須醫生轉介】

地區康健中心的「痛症管理計劃」持續優化服務，物理治療增值服務即日起擴展至全港十八區的地區康健中心／站，為市民提供更全面的痛症管理支援。

自今年一月起，有關計劃已逐步就背痛及退化性膝關節炎痛症問題提供首診物理治療服務，合資格市民無須醫生轉介，可直接於指定地區康健中心接受物理治療師評估及治療。由今年五月起，更進一步分階段於其他地區康健中心／站推出首診物理治療增值服務，涵蓋多種常見的肌肉骨骼問題引起的痛症，包括頸痛、肩痛、手肘痛、手或腕痛、髖關節痛及足痛等。有關服務現已擴展至全港十八區的地區康健中心／站。

合資格市民須先登記成為地區康健中心會員及加入醫健通，並配對家庭醫生。地區康健中心專業人員（包括護士、物理治療師及職業治療師等）會為有需要的會員先進行簡單評估，再按情況安排物理治療或其他服務，例如專屬護士診所、職業治療、營養諮詢或中醫服務。

市民如欲了解詳情，可瀏覽地區康健中心／站網頁： www.dhc.gov.hk/tc/general_public.html -map

#醫務衞生局 #基層醫療署 #基層醫療共同治理網絡 #共同治理網絡 #政府 #資助 #物理治療 #物理治療師 #背痛 #膝痛 #退化性膝關節炎 #腰痛 #肩痛 #頸痛 #手肘痛 #手腕痛 #髖關節痛 #腳痛 #地區康健中心 #地區康健站 #家庭醫生 #家庭 #基層醫療 #一人一家庭醫生 #醫健通 #增值服務