心靈工作室

Directions Website Contact the organization

心靈工作室 耐心傾聽,助您尋到新方向!
專業催眠師‧NLP生命教練Alfred,以熱誠為您解決各種身心症困擾,讓您重拾對生活的熱情!
‧處理失眠‧負面情緒‧情傷‧減肥 心靈工作室-由年輕富活力的心靈治療師(Alfred Wong)創立。旨在為大家在繁忙的都市中,提供一個心靈休憩公園。我們的目標希望透過我們的專業知識去幫助大家。

讓我們在任何時間都能夠保持一個健康的身心狀態!

近年香港的生活壓力愈見增加,儘管在物質上得到滿足,但我們在精神財富上卻愈見匱乏。加上日常生活中積累了很多情緒問題,繼而引發各種不同程度的”身心症”影響心靈的健康發展及運作。我們會定期舉辦不同主題的實用心靈工作坊,主要針對大家生活上常遇到---如工作/人際關係以至愛情路上帶來的各樣負面情緒,分享正面釋放的方法。另外亦提供催眠治療,更深入專注地為你解決個人問題。我們亦會提供個人教練服務及為各大小企業進行培訓。

我們相信成功的人生是由快樂的心靈開始。它使我們能夠更清晰地掌握人生,勇敢面對自己,充滿信心接受不同的挑戰!

《催眠唔係重點,治療先係關鍵》每次講親催眠治療大家都淨係會專注喺"催眠"呢兩個字上面對於嗰啲好有視覺效果近乎係做show嘅催眠示範我哋都會覺得呢類催眠師係特別有料到!  但我可以話俾大家知一個真相對於求助者最重要嘅根本唔係花巧嘅催眠招式而係...
11/09/2026

《催眠唔係重點,治療先係關鍵》

每次講親催眠治療
大家都淨係會專注喺"催眠"呢兩個字上面

對於嗰啲好有視覺效果
近乎係做show嘅催眠示範
我哋都會覺得呢類催眠師係特別有料到!

但我可以話俾大家知一個真相
對於求助者最重要嘅根本唔係花巧嘅催眠招式
而係一個精心編排 針對問題核心嘅治療方案

催眠只係一樣工具
帶你進入身心放鬆狀態 直接同心靈交流

就好似我地打電話
需要用某啲儀器 去接通另一邊嘅人
但對話嘅內容 就完全係人同人嘅交流

而就算用最好嘅器材 零失真咁傳輸
如果我哋根本唔知道 要同對方講啲咩嘅
咁打呢個電話又有咩意思呢?

所以催眠前嘅準備功夫
包括準確搵出問題源頭 再制定有效解決方案
呢部分講求嘅技巧 相比只係催眠一個人
實在係複雜好多倍
對於治療嘅成敗 亦都扮演住關鍵嘅角色!

咁嘅話 要判斷對方究竟係咪幫到自己
除咗催眠嘅部分
反而更多係要睇佢"治療"嘅功力!

Alfred@心靈工作室

--------------------------------------------------
👇3條問題幫您搵啱嘅催眠治療師👇
www.mindstudiotherapy.com/landing-page-3question
--------------------------------------------------

#催眠唔係重點治療先係關鍵 #催眠功效 #催眠師治療功力 #催眠師質素 #心靈治療 #身心靈 #心靈工作室

《人愈大愈冇拖拍?》人愈大就愈難搵到愛情係我地愈嚟愈識得要求?即係見識愈多,但睇得上眼嘅嘢反而就愈少定係經過咁多段關係嘅折騰我地已經怕咗嗰種坐過山車咁嘅情緒呢? 其實當人成熟到某個階段就需要"unload"一啲內心嘅包袱將無謂嘅後悔、埋怨,...
01/09/2026

《人愈大愈冇拖拍?》

人愈大就愈難搵到愛情
係我地愈嚟愈識得要求?
即係見識愈多,但睇得上眼嘅嘢反而就愈少

定係經過咁多段關係嘅折騰
我地已經怕咗嗰種
坐過山車咁嘅情緒呢?

其實當人成熟到某個階段
就需要"unload"一啲內心嘅包袱
將無謂嘅後悔、埋怨,都掟晒入黑洞入面!

而方法就係要"unlearn"
所有唔等洗嘅念頭同埋原則

將我地用左N年嘅愛情觀升級
認清戀愛對人生嘅真正價值

就好似一部用咗好幾年嘅電腦
都要定期更新下啲軟件
先可以重新釋放返佢應有嘅動力

Alfred@心靈工作室

#人愈大愈冇拖拍? #長期單身 #對愛情麻木 #對關係失望 #仍想尋找戀愛 #生命教練 #心靈治療 #身心靈 #心靈工作室

《催眠點舒緩焦慮?》如果你一直俾焦慮困擾住嘅會唔會偶爾都問下自己成日驚呢樣驚嗰樣,究竟我擔心緊嘅係咩呢? 明明已經閂好窗鎖好門硬係要返轉頭check多兩次,都重未放心好似連自己親眼見到嘅嘢,慢慢都開始信唔過因為焦慮情緒背後其實隱藏住潛意識嘅...
12/08/2026

《催眠點舒緩焦慮?》

如果你一直俾焦慮困擾住嘅
會唔會偶爾都問下自己
成日驚呢樣驚嗰樣,究竟我擔心緊嘅係咩呢?

明明已經閂好窗鎖好門
硬係要返轉頭check多兩次,都重未放心
好似連自己親眼見到嘅嘢,慢慢都開始信唔過

因為焦慮情緒背後
其實隱藏住潛意識嘅某種信念
例如係"好嘅唔靈衰嘅靈!" 、"睇少眼就會出事!"

而呢類諗法嘅問題,就係流於空範
亦都冇實質證據支持

只不過情緒係唔洗講證據,只要理論上有可能
佢就當咗一定會發生,然後不斷產生焦慮感覺

而催眠過程就係將潛意識入面一啲虛無
近乎自己嚇自己嘅無效信念清除
再安裝返一啲,幫我哋正確理解呢個世界嘅方法
從而消除無必要嘅擔憂同焦慮

Alfred@心靈工作室

#催眠點舒緩焦慮 #催眠功效 #焦慮症 #咩都擔心 #生命教練 #心靈治療 #身心靈 #心靈工作室

《學催眠定搵催眠師?》"洗乜搵催眠師丫!   讀完個催眠班之後 人人都係治療師啦! "呢個相信係坊間,成日都聽到嘅一個迷思! 原因有以下3點:首先,市面上嘅催眠證書課程一般係上70-150個鐘嘅堂大概只係等於一個半年制嘅兼讀課程主要都係學一...
30/07/2026

《學催眠定搵催眠師?》

"洗乜搵催眠師丫!
讀完個催眠班之後
人人都係治療師啦! "

呢個相信係坊間,成日都聽到嘅一個迷思!
原因有以下3點:

首先,市面上嘅催眠證書課程
一般係上70-150個鐘嘅堂
大概只係等於一個半年制嘅兼讀課程
主要都係學一啲入門嘅技巧

第二點,好多坊間課程嘅內容
只係集中教點樣催眠一個人
但對於治療部份嘅講解,就好多時都唔夠全面

催眠只係同潛意識溝通嘅工具
至於點樣溝通先達到治療效果
就係一門好大嘅學問!

最後啦,治療本身係人同人直接交流嘅過程
除咗知識之外,實戰經驗可能係更加重要!
試問一個百幾小時嘅課程
又可以涵蓋到幾多實戰嘅內容呢?

如果大家對催眠有興趣,或者想多啲了解下自己
報讀呢類課程亦無不可嘅

但如果本身有嚴重情緒問題
甚至想學完之後即刻幫到人嘅,我就建議大家
最好都係搵返有信譽嘅治療師去處理啦!

Alfred@心靈工作室

#學催眠定搵催眠師 #學習催眠 #催眠課程 #成為催眠師 #心靈治療 #身心靈 #心靈工作室

有冇試過:• 明明想轉工,但一直拖拖拖?• 想拒絕人,最後又硬食?• 想開始一段關係,又怕受傷?究竟你差嘅係勇氣?定係一個令你放心行出去嘅理由?------------------------------------------------...
21/07/2026

有冇試過:
• 明明想轉工,但一直拖拖拖?
• 想拒絕人,最後又硬食?
• 想開始一段關係,又怕受傷?

究竟你差嘅係勇氣?
定係一個令你放心行出去嘅理由?

---------------------------------------------------

👑👑《勇氣工作坊》👑👑

好多時,我哋以為自己細膽。
但真正令人原地踏步嘅,未必係恐懼,
而係你根本唔知道>自己有幾多籌碼?

朋友家人成日鍾意叫我哋:「勇敢啲!」
但真正嘅勇氣,唔應該係一時衝動。
更加唔係盲目冒險!

而係經過沉浸思考之後,仍然認為 - 呢一步值得行!

---------------------------------------------------

❤️工作坊精髓 :

🟧認識自己,接通內心真正勇氣嘅泉源

🟧教你分清"想放棄"只係因為驚,定根本未夠條件?
(減少後悔機會)

🟧真實案例分享,更具體更貼地

🟧用新角度衡量每個決定,分析過去改善現在
未來每步更有把握!

💛2小時內容核心 :

🟢揭開人總係"唔夠膽"嘅底層成因

🟢搵出真正勇氣背後需要嘅"心理建設" 👍

🟢分享一套實用+易學決策方法:
1)何謂屬於你嘅"關鍵籌碼"?
2)成功機率點計得準?
3)衡量最好/壞後果對你嘅影響

🟢曾處理真實個案分享

🟢建立「智勇雙全」思維👍
透過催眠安裝正面心態
(可按個人意願選擇是否參與)

適合任何有以下情況人士:
🔹面對人生重要抉擇
🔹經常猶豫、拖延
🔹容易因恐懼而停滯不前
🔹希望更了解自己內心

真正嘅勇氣,唔係谷出嚟。而係當你清楚形勢後
願意為自己嘅任何決定負責!

---------------------------------------------------

日期 : 2026年8月1日(星期六)
時間 : 12:30pm - 2:30pm
地點 : 觀塘鴻圖道44-46號世紀工商大廈
名額 : 5-10人(小班形式)
費用 : 早鳥(28/7或之前報名)
>每位$200(二人同行$340)
遲鳥(30/7, 12pm截止報名)
>每位$250(二人同行$440)
查詢/報名 : 66509904 (What’s app / Tel)
主講 : Alfred Wong (資深催眠治療師+生命教練)
主辦 : 心靈工作室 www.mindstudiotherapy.com

PS : 本工作坊純粹分享了解自己/分析現實情況
的方法,除此之外並不保證任何效果。
參加者往後做任何人生決定前必須經過自身
審慎思考。

《唔理時機乜都話Never too late?》"never too late!" 呢句金句本身當然係好有鼓勵性啦! 不過如果我話,呢句說話嘅本質其實係唔太坦白 唔知你又點睇呢? 大家細心諗下,幾時你先會聽到"never too late"...
18/07/2026

《唔理時機乜都話Never too late?》

"never too late!" 呢句金句本身當然係好有鼓勵性啦!
不過如果我話,呢句說話嘅本質其實係唔太坦白
唔知你又點睇呢?

大家細心諗下,幾時你先會聽到"never too late"?
好多時就係已經"too late"嗰陣
而唔坦白嘅後果,就好易令聽嘅人做錯決定
浪費人生資源!

當然喺度唔係叫大家,到左某個年紀就咩都唔好做
雖然人生有啲嘢,過左就真係過左
但亦都有啲嘢,就算遲咗都一樣可以照做

不過如果俾你揀嘅
你會選擇直接信一句好聽但離地嘅金句丫?
定係先用客觀角度Fact check下,再判斷下一步呢?

Alfred@心靈工作室

#永遠唔會太遲 #人生時機 #反思金句 #心靈治療 #身心靈 #心靈工作室

《催眠點解會冇效?》催眠究竟有冇用架? 有人會話你知好"靈擎",做左兩次成個人開心晒! 亦都有人話完全冇效,都唔知係咪呃人! 要決定催眠有冇效果,以下幾個因素係好關鍵!首先係你同治療師之間,有冇足夠親和感同信任度?催眠需要探索內心最私密嘅部...
03/07/2026

《催眠點解會冇效?》

催眠究竟有冇用架?
有人會話你知好"靈擎",做左兩次成個人開心晒!
亦都有人話完全冇效,都唔知係咪呃人!

要決定催眠有冇效果,以下幾個因素係好關鍵!
首先係你同治療師之間,有冇足夠親和感同信任度?

催眠需要探索內心最私密嘅部份,如果你信唔過對方,
或者只係睇佢唔順眼,都可能會影響效果!

第二點就係當時人想改變嘅決心有幾大啦!
催眠唔係洗腦,潛意識只會服從我地嘅意志。
如果當時人本身都5050嘅,出嚟嘅效果好易會唔拖唔水。

最後一點,就係要睇治療師嘅功力啦!
有質素嘅治療師,可以最大化成功要素。
快速建立好印象,梳理好客戶思想
再提升動機感,幫你勇敢去處理問題!

Alfred@心靈工作室

#催眠點解會冇效? #催眠功效 #對催眠師信任度 #催眠師質素 #心靈治療 #身心靈 #心靈工作室

《你已經懷才,點解總係不遇?》一提起懷才不遇,我諗對好多有才華嘅人嚟講就好似喺背脊生左粒好大嘅瘡硬係睇唔到根源,但又247都隱隱作痛! 咁究竟呢個現象嘅成因又係咩呢? 如果將"懷才不遇"分開兩部分嚟睇既然我哋已經係"懷才"嘅話咁問題嘅癥結似...
01/06/2026

《你已經懷才,點解總係不遇?》

一提起懷才不遇,我諗對好多有才華嘅人嚟講
就好似喺背脊生左粒好大嘅瘡
硬係睇唔到根源,但又247都隱隱作痛!

咁究竟呢個現象嘅成因又係咩呢?
如果將"懷才不遇"分開兩部分嚟睇

既然我哋已經係"懷才"嘅話
咁問題嘅癥結似乎就係,點解冇人識欣賞自己啦!

不過若果你想多啲"被看見",甚至被喜歡嘅
你就需要有足夠強嘅自我宣傳技巧!

咁即係話,我哋要懷嘅"才"
可能唔淨止係自己引以為傲嘅硬實力

更重要嘅可能係,你有冇主動搵啱舞台去表現自己呢?

Alfred@心靈工作室

#你已經懷才點解總係不遇 #懷才不遇 #冇人賞識 #自我宣傳 #心靈治療 #身心靈 #心靈工作室

《催眠幾時變咗魔術?》好多人對催眠治療嘅期望就係"噠"一聲,咩問題都冇晒!作為一個負責任嘅催眠師,我可以話俾大家知如果坊間有任何人夠膽聲稱,佢係撳個掣就乜都搞得掂嘅!咁嗰個肯定唔係催眠師,而係魔術師!催眠只係一種技術,引領我哋同自己潛意識溝...
25/05/2026

《催眠幾時變咗魔術?》

好多人對催眠治療嘅期望
就係"噠"一聲,咩問題都冇晒!

作為一個負責任嘅催眠師,我可以話俾大家知
如果坊間有任何人夠膽聲稱,佢係撳個掣就乜都搞得掂嘅!
咁嗰個肯定唔係催眠師,而係魔術師!

催眠只係一種技術,引領我哋同自己潛意識溝通。
而點樣喺溝通過程做到轉化,先至係整個治療嘅主菜!

由收集材料、決定方向、到真正出手!
都需要治療師細心觀察同分析,絕對係好考功夫!

咁所以,如果有人講你乜都唔洗做
瞓低廿分鐘,醒返就會變成另一個人嘅
大家又係咪應該相信呢?

Alfred@心靈工作室

#催眠幾時變咗魔術? #催眠功效 #被催眠師控制 #催眠後失去知覺 #心靈治療 #身心靈 #心靈工作室

《愈問"點算"愈唔知點算》當你遇到難題嗰陣,係咪成日都會忍唔住問自己"死啦,而家點算好呀?!"不過唔知你有冇發覺,當你愈係不停咁問點算除左搞到自己震騰騰之外根本就冇任何嘢可以做到! 因為"點算好",只係純粹情緒化嘅表達佢既冇方向性,同時亦都...
16/05/2026

《愈問"點算"愈唔知點算》

當你遇到難題嗰陣,係咪成日都會忍唔住問自己
"死啦,而家點算好呀?!"

不過唔知你有冇發覺,當你愈係不停咁問點算
除左搞到自己震騰騰之外
根本就冇任何嘢可以做到!

因為"點算好",只係純粹情緒化嘅表達
佢既冇方向性,同時亦都不斷強調緊
呢刻自己真係好冇計,其實更加似係嗌緊救護命!

如果你想真正解決問題嘅,不如試下問
"下一步我應該點做?" "呢刻手上有咩工具可以幫到自己?"

呢類比較有清晰目標嘅問題
會唔會更加容易,搵返我地嘅理性出嚟呢?

Alfred@心靈工作室

#愈問點算愈唔知點算 #點算好 #人生難題 #解決難題 #點做決定決擇 #心靈治療 #身心靈 #心靈工作室

Address

Tsing Yi Town

Alerts

Be the first to know and let us send you an email when 心靈工作室 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 心靈工作室:

Shortcuts

Share