天水圍北交通關注組

Directions Website Contact the organization

天水圍北交通關注組 Contact information, map and directions, contact form, opening hours, services, ratings, photos, videos and announcements from 天水圍北交通關注組, Non-Governmental Organization (NGO), Tin Shui Wai.

「填補缺漏· 69回程加停形點」現時69線回程途經元點(Yoho Mix),卻一直未有設站。由形點前往濕地公園及天恆的乘客需乘搭屯馬線轉乘輕鐵,不便之餘,亦導致現有資源未能被善用。在居民及本組多次持續反映下,69線回程方向將於6月8日加停形...
29/05/2026

「填補缺漏· 69回程加停形點」

現時69線回程途經元點(Yoho Mix),卻一直未有設站。由形點前往濕地公園及天恆的乘客需乘搭屯馬線轉乘輕鐵,不便之餘,亦導致現有資源未能被善用。

在居民及本組多次持續反映下,69線回程方向將於6月8日加停形點II,由形點前往天水圍約需28分鐘。而班次、服務時間、收費維持不變,由元朗東頭前往元朗大馬路及天水圍的乘客乘車時間料增加約1分鐘。

此外,元朗東頭的乘客可於形點II同站轉乘多條巴士路線,或前往元朗站轉乘屯馬線前往各區,料行程時間能節省10分鐘。

本組亦理解街坊希望69線雙向繞經形點及博愛醫院。本組早前曾向署方反映有關建議,署方表示修訂走線所增加的行車時間較多,尤其博愛迴旋處的交通擠塞問題嚴重,擔心會導致班次不穩而有所保留。儘管如此,若69回程繞經形點後的乘客需求達到加班標準,本組會建議九巴以增加資源的方式修訂69的走線。

就K74線班次疏落問題,本組早前已向署方建議加強K74線於非繁忙時間的服務,尚待署方回覆。

本組會繼續密切留意天水圍往返元朗的乘客需求,適時建議署方及巴士公司進一步改善服務。

「天北交關成立五週年-版主隨筆」版主平時出啲嘢都正係講交通,但今日想討論下天水圍北嘅其他問題,講下點解天北嘅發展會爭一截。天北盤古初開嘅問題,係買餸貴、交通差、文體設施唔夠。前者因冇政府街市被領展壟斷,交通因運輸署規劃失當,文體設施被低估需...
09/02/2026

「天北交關成立五週年-版主隨筆」

版主平時出啲嘢都正係講交通,但今日想討論下天水圍北嘅其他問題,講下點解天北嘅發展會爭一截。

天北盤古初開嘅問題,係買餸貴、交通差、文體設施唔夠。前者因冇政府街市被領展壟斷,交通因運輸署規劃失當,文體設施被低估需求,喺政府以用最高密度起樓嘅計劃下,好似遺忘晒最高密度嘅後遺症。

無可否認,2010年後政府一直嘗試補救緊問題。例如起天幕街市、開辦69、興建更多文體設施。但遺憾嘅係佢全部嘢只係半桶水,天水圍站新街市被批評過份豪華,但天秀路嘅天幕街市正係得寥寥可數嘅舖頭;巴士改善服務,但69條走線怪足三年;文體設施全部都係拆件咁起,體育館、游泳池、主要圖書館等等,要分階段等15年。

造成呢個問題嘅其中一個主因,係政策要求管理天水圍嘅政府官全部唔係住天水圍。講個真實案例,我之前同運輸署反映265B好兜,咁個陣佢話唔算特別兜,但佢親身坐過一次全程,再冇否認過呢個不爭事實。再加上幾年換一個官,住其他區嘅官可能成世人都未入過天水圍,但就要求規劃天水圍嘅一切,初期只能紙上談兵,但當佢熟習咗天水圍嘅模式,知道點樣管理天水圍之後,又已經夠期要調其他區,loop多次。對社區甚至個官而言,絕對唔係一件好事。

Anyway,都要返返Topic嘅主題先,社區問題得閒可能整啲隨筆繼續傾。首先都要多謝街坊們咁多年嘅支持,以及運輸署、巴士公司嘅協調。來年,我哋會繼續同天交關合作,凝聚雙方力量,繼續爭取應有嘅配套同服務,要求兌現2000年發展計劃文件嘅承諾。

下面係5年我哋主要成功爭取事項(部份和2021年區議會項目有重疊)

2021年

-加強265M服務
-新增265M於大欖轉車站的起載班次
-改善港島路線重組計劃,967保留更多班次、967X提供更多班次、開辦969N線、N969新增雙向分段優惠,新增轉乘優惠
-開辦K76S線前往天水圍站

2022
-延長69C服務時間
-265B回程加停旺角弼街
-開辦265M於荃灣的起載車
-加強265M服務
-開辦直達旺角路線269X
-增加969C經天北的班次
-加強276B服務
-延長K76S服務時間
-於慧景軒增設南行巴士站

2023
-69回程增停朗屏邨總站
-改善265M脫班問題
-新增269D經濕地公園及不經元朗的特別班
-提早967X往天水圍的頭班車並加班

2024
-提早69C往觀塘的頭班車
-265S往大埔方向加停魚角及大發街站
-開辦269S特別班直達九龍灣商貿區
-加強276B繁忙時段班次
-提早967X往天水圍方向頭班車
-增加A37的班次
-延伸621至濕地公園

2025
-延伸69服務範圍至大馬路東段
-(Coming Soon) 69回程加停元朗西總站
-提早265M往葵涌方向頭班車
-增加265M的非表列班次
-批准265M使用12.8米的巴士
-加強269M星期六服務,補償269A取消星期六服務
-保留更多269P往葵芳邨的班次
-撤回967繞經天慈計劃
-969B回程增停天頌各站
-簡化B1天北特別班次的走線

現時正在爭取的項目

-增加65X、269X服務範圍,覆蓋天晴一帶
-延伸65X至中文大學及加經安祥路
-增加69服務範圍,覆蓋形點一帶
-延遲69C往天水圍方向的尾班車
-增設繁忙時間往返將軍澳的巴士服務
-爭取264X儘快推出補償方案
-改善265B路線迂迴問題
-延長265B回程尾班車開出時間
-表列化265M的非表列加班
-增加265S下午回程服務
-延長269D不經元朗特別至火炭//第一城
-加強269X服務
-延伸269P至葵芳南
-提早69C、967往港九方向頭班車
-增設灣仔特快西隧的回程服務
-增設非繁時間直達銅鑼灣的服務
-增加967X去程服務
-要求967X於非繁時間不經天耀邨
-精簡969C走線
-增設前往炮台山的繁忙時間路線
-提早A37往天水圍方向的頭班車
-增設繁忙時間往返東涌北的巴士服務
-加強NA37的服務
-延遲K76往天恆方向尾班車
-改善天秀路交通不足問題
-改善輕鐵、屯馬線非繁時段班次不足問題
-增加更多巴士路線轉車優惠
-於大欖隧道轉車站往九龍方向增設流動洗手間

Address

Tin Shui Wai

Alerts

Be the first to know and let us send you an email when 天水圍北交通關注組 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 天水圍北交通關注組:

Shortcuts

Share