ENEEF - 弘毅 Endeavour

Home
Hong Kong
Sheung Shui
ENEEF - 弘毅 Endeavour

Welcome to our official page.

Endeavour Environmental Education Foundation Limited (ENEEF) is an NGO dedicated to promote sustainable development and education.
歡迎進入弘毅環保教育發展基金有限公司的專頁。弘毅是一家致力推動可持續發展及環境教育的非牟利機構。

23/05/2026

【🍽️ 弘毅登上教科書｜你食落肚嘅嘢，碳足跡有幾深？🌍】

上次帶大家了解「綠色農業」，今次輪到弘毅環保教育發展基金高級經理葉思林小姐，繼續為教育出版社「接通新課程 - 人文學堂」帶嚟重要嘅環保知識，今次主題係「認識食物碳足跡」！🎬📚

你知唔知，原來每樣食物由種植到落嚟你個碟度🍕，都會產生唔同程度嘅碳排放？💨

🌿 點樣減少食物碳足跡？
1️⃣ 盡量選購本地農作物、當季食物
2️⃣ 唔好揀過度包裝嘅食品

影片入面，詳細講解
📌 碳足跡嘅定義係咩
📌 食物碳足跡點樣計算
📌 減低食物碳足跡嘅實際方法
📌 「惜食」點解咁重要

由今日起，買嘢食之前多諗一步，小小習慣可以為地球出一分力！🌏💪
再次鳴謝教育出版社，邀請本會為是次具教育意義的短片進行拍攝工作🙇‍♂️

🎬 立即重溫：https://www.youtube.com/watch?v=QyitVIcja38

#弘毅環保教育發展基金 #可持續發展 #永續同行共享未來 #教育出版社 #食物碳足跡

20/05/2026

【🌱 弘毅登上教科書｜帶你了解「綠色農業」係咩回事！📚】

弘毅環保教育發展基金首席策略總監鄭逸豪先生，今次受邀為教育出版社「接通新課程 - 人文學堂」錄影短片，親自介紹「可持續發展之綠色農業」！📚✨

唔少人聽過「綠色農業」，但究竟係咩意思？

🌿 綠色農業嘅定義
「維持產量，同時愛護環境、減少污染，將有機資源循環利用到生態系統中」

呢個概念聽落抽象，但其實同我哋日常生活息息相關！影片入面，深入淺出地講解：
🔎 綠色農業嘅定義
🌍 綠色農業嘅四大關注範疇
♻️ 「有機堆肥」嘅實踐方法 - 點樣將廚餘變成農田養分

想學多啲？立即撳入下面條link重溫
🎬 https://www.youtube.com/watch?v=ofu3cMCdq48

再次鳴謝教育出版社，邀請本會為是次具教育意義的短片進行拍攝工作🙇‍♂️

#弘毅環保教育發展基金 #可持續發展 #永續同行共享未來 #教育出版社 #綠色農業

23/04/2026

【🔋 電池收集合作開展｜一齊「回芯轉意」♻️】

弘毅環保教育發展基金好開心可以同香港大學嘅同學仔合作 - ，一齊推動電池回收，為社區減廢出多一步。今次合作會收集一次性電池、充電池，包括便攜式充電器（尿袋 Power Bank）🔋

收集到嘅充電池，之後會交由澤浩高純金屬有限公司作進一步處理，等有用資源可以重新回歸循環，減少浪費♻️一次性電池，則作研究及統計用途📊

誠意邀請各位填寫問卷調查，大家對本港電池回收狀況嘅意見對計劃非常重要！📋

主辦 Battery Loop | 策略合作夥伴香港大學環境管理理學碩士課程、University Climate Ambassador Program (UNICAP)、弘毅環保教育發展基金、澤浩高純金屬有限公司

#弘毅環保教育發展基金 #可持續發展 #永續同行共享未來 #電池收集 #一次性電池 #充電池

09/04/2026

【🥗「不多餘之旅」回顧．聖安多尼學校🥗】

早前約80名聖安多尼學校三年級嘅同學仔嚟參加「不多餘之旅：剩食及包裝分類回收工作坊」🏫，一齊用半日時間學習點樣由餐桌開始實踐減廢回收、回收廚餘♻️

同學親手拆開日常食物嘅包裝，了解到原來好多食品都存在「過度包裝」嘅問題。有時一件小小嘅零食🍫，入面有紙盒、有膠托、有獨立小包裝，用嘅包裝材料遠遠多過食物本身！令大家開始反思日常消費習慣同選購食品時嘅包裝問題🤔

之後大家分別去到再生農場🌽、「加樂泥」有機堆肥製作工場參觀，睇到蔬菜點樣由泥土生長出嚟，明白到食物得來不易，自然更加珍惜👩‍🌾，同學亦近距離睇到廚餘點樣一步步轉化成有機堆肥，再變成農田養分🪴

#弘毅環保教育發展基金 #可持續發展 #永續同行共享未來 #聖安多尼學校 #不多餘之旅 #環境教育

19/03/2026

【🥮 米香送暖到社區｜探訪過渡性房屋雙魚薈 🏘️】

「品源古法新傳米香情暖．ESG社區關懷計劃」新年期間來到第三站喇！經歷咗炒米餅製作日、中華文化週示範，今次由東華三院甲寅年總理中學嘅學生大使🏫，聯同路德會社會服務處及龍耳，一齊探訪過渡性房屋@雙魚薈嘅居民，將親手製作嘅圍村傳統炒米餅送到佢哋手中🏘️

學生大使帶住滿滿誠意，唔單至派發炒米餅，仲走入民居，進行探訪活動。呢次探訪唔單止係派餅咁簡單，更係一個跨界別嘅社區關懷行動🥰 學生用行動關心弱勢社群，路德會社會服務處同龍耳協助接觸有需要嘅居民，大家同心協力，將傳統文化同社區愛心連結埋一齊🤝

由製作到派發，由校園到社區，「品源古法新傳」呢個計劃見證咗學生嘅成長，亦將古法炒米餅嘅味道同文化，送到最需要關懷嘅人手中。呢份米香，唔只係食物，更係一份心意同傳承！🌾

#弘毅環保教育發展基金 #可持續發展 #永續同行共享未來 #東華三院甲寅年總理中學 #品源古法新傳 #米香情暖 #過渡性房屋 #雙魚薈

03/03/2026

【🥮 中華文化周回顧｜學生大使親身示範揼餅🔨🥮】

繼上次炒米餅製作日培訓後，今次東華三院甲寅年總理中學嘅中華文化周，輪到我哋嘅學生大使上場喇！☺️

由學校咖啡室「Dreamland」派出嘅學生大使，喺文化週期間親自向同學示範傳統圍村炒米餅嘅揼餅過程，將上次向上水原居民師傅學到嘅技巧，傳授俾身邊同學，做到「承傳」嘅精神🔥同學仲可以用動力沙模擬「揼餅」嘅感覺🔨，近距離體驗傳統手藝嘅樂趣，之後大家更可以試食炒米餅😋現場同時設有圍村文化知識小遊戲，考考同學對本地圍村傳統嘅認識，寓學習於遊戲，氣氛好熱鬧💡

由製作日到文化週，由師傅教學生，到學生教學生，「品源古法新傳米香情暖．ESG社區關懷計劃」一步一步將圍村古法炒米餅技藝帶入校園，盼望年輕一代可以成為文化傳承嘅新力量！💪

敬請繼續留意我哋嘅下一站 - 過渡性房屋@雙魚薈派發炒米餅活動，將呢份米香同關懷送到社區！

#弘毅環保教育發展基金 #可持續發展 #永續同行共享未來 #東華三院甲寅年總理中學 #品源古法新傳 #米香情暖 #中華文化週

23/02/2026

【🥮 古法新傳炒米餅日｜校園米香＋社區關懷同行 💚】

早前喺東華三院甲寅年總理中學，我哋舉行咗「品源古法新傳米香情暖．ESG社區關懷計劃」嘅炒米餅製作日，成個校園都飄住陣陣米香，氣氛又暖又窩心🥰

上水圍嘅原居民師傅專程入校，親自教學生點樣整炒米餅，一步一步咁示範，將圍村傳統手藝現場重現。學生就分工合作，有人負責將米粉同糖漿混合、有人揼餅，忙得好開心，亦更加明白傳統技藝背後嘅心機同智慧🥮👩‍🎓👨‍🎓最感動係校長同家長教師會嘅一班家長都落場，一齊著起圍裙製作👩‍🍳👨‍🍳

之後喺校內進行義賣，大家都踴躍支持，扣除成本後，善款會捐贈予「東華三院宏福苑事故愛心捐款」，之後亦會將炒米餅帶到過渡性房屋@雙魚薈派發俾居民，將呢份米香同關懷擴散到社區🏙️

今次炒米餅製作日只係其中一站，之後我哋仲會回顧中華文化週活動，以及喺過渡性房屋@雙魚薈向居民派發炒米餅嘅點滴，延續「承傳 × 創新 × 關懷」嘅精神，等更多人透過味道認識本地文化，同時感受到社區互助嘅力量。🌾

踏入馬年，祝大家馬到功成、身體健康、心想事成！期望新一年繼續同大家一齊傳承文化、關懷社區🐴✨

#弘毅環保教育發展基金 #東華三院甲寅年總理中學 #品源古法新傳 #米香情暖 #炒米餅製作日

15/02/2026

【🐴 丙午馬年｜標記你嘅回收日，馬到功成！🗓️】

新年新開始，嚟近係丙午馬年，不如由訂立回收目標開始，養成定期回收嘅好習慣！💚

就好似睇通勝咁，揀個適合自己嘅日子做回收，mark實喺日曆度，令環保習慣慢慢融入生活！

📅 今日通勝話你知：
✅ 宜：回收 + 打掃
將屋企嘅「資源」分類好，順便打掃屋企，一舉兩得！
⚠️ 忌：浪費資源
減少即棄用品、避免過度消費，珍惜資源就係最好嘅開年習慣！

🧹 年廿八，洗邋遢！
話說「年廿八，洗邋遢」，傳統上呢日係大掃除嘅好日子！打掃屋企嘅同時，不妨將啲唔要嘅物品分類

♻️ 可回收嘅膠樽、紙皮、鋁罐，記得拎去回收
💚 舊衣物、電器，可以捐贈或者搵合適回收中心
🗑️ 真正垃圾先至掉，減少送去堆填區嘅廢物

今年年廿八不如一邊洗邋遢，一邊做好分類回收，乾淨企理又環保！
祝大家馬年行大運，馬到功成🐴 ！一齊喺新一年減少浪費、重用資源、做好回收，為地球出一分力！💪✨

#弘毅環保教育發展基金 #可持續發展 #永續同行共享未來 #年廿八 #洗邋遢 #馬年行大運

14/02/2026

📰 見報喇！

好開心同大家分享，我哋機構與東華三院甲寅年總理中學聯合主辦嘅「古法新傳．米香傳情」ESG社區關懷計劃，今日登上咗香港01教育頻道嘅「校長筆記專欄」！🥳

一塊細細嘅炒米餅，承載住北區圍村嘅傳統手藝，亦都連結起長者與學生嘅跨代情誼👴🏻👩🏻‍🎓

今次活動，我哋邀請到當地資深長者，親身向同學示範磨粉、壓模等工序，更特別的是，今次所用的餅模與包裝盒均由學生親自設計👨🏻‍🎨，一齊重現呢項瀕臨失傳嘅年貨技藝之餘，更融入年輕一代的巧思與創意。之後，大家仲將親手製作嘅炒米餅進行義賣，在扣除成本後，全數捐贈予「東華三院宏福苑事故愛心捐款」，將溫暖送畀有需要嘅街坊🥰

感謝邱春燕校長同全校師生及家長嘅全力支持，亦都多謝各位長者嘅悉心教導🙏🏻文化傳承唔係靜止嘅回憶，而係活在每一次手手相傳、每一份用心製作嘅味道，以及每一個年輕人巧思設計的細節入面。

期待未來繼續攜手，用行動尋回北區嘅人情味與社區溫度❤️

校長筆記｜古法新傳．米香傳情 (Link in Bio👆🏻)
https://www.hk01.com/article/60321748?utm_medium=referral&utm_source=01appshare

#弘毅環保教育發展基金 #可持續發展 #永續同行共享未來 #東華三院甲寅年總理中學 #跨代共創 #炒米餅 #北區文化 #社區共融 #教育與社區同行 #學生設計 #文化創新

21/01/2026

【📻 香港電台專訪回顧｜傾吓環保教育同「加樂泥」堆肥之旅 🌱】

我哋好榮幸接受咗香港電台第二台《文化快訊》嘅訪問，同大家分享環保教育點樣成為推動社會可持續發展嘅關鍵 🌏

訪問入面，我哋介紹咗「加樂泥」本地有機堆肥設施同再生農田參觀活動，帶大家了解廚餘點樣一步步轉化為有機資源——由收集、處理、堆肥，到最後用喺農田種植，真正做到循環經濟 ♻️🌾

透過親身參觀同體驗，參加者可以見證成個廚餘轉化過程，明白每日喺屋企做好廚餘分類，其實真係可以為環境出一分力 🙌

📅 播出日期：4/1/2026
🎧 重溫連結：https://www.rthk.hk/radio/radio2/programme/cultural_express/episode/1070336 (link in bio)

錯過咗直播嘅朋友，而家可以上網重溫📻！歡迎大家聽完之後，同我哋交流對環保教育同堆肥嘅睇法 💬

多謝香港電台第二台《文化快訊》嘅邀請🤝，期待日後有更多機會同大家分享環保同文化保育嘅工作！

#弘毅環保教育發展基金 #可持續發展 #永續同行共享未來 #香港電台第二台 #文化快訊

Address

12 Kam Chui Road, Kam Tsin Tsuen
Sheung Shui

Website

https://www.eneef.org/

Alerts

Be the first to know and let us send you an email when ENEEF - 弘毅 Endeavour posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Non Profit Organization in Sheung Shui?