香港基督教服務處深中樂Teen會

Call Directions Website Contact the organization

香港基督教服務處深中樂Teen會 深中樂Teen會簡介﹕
- 隸屬於香港基督教服務處
- 服務詳情可參考﹕http://www.hkcs.org/

此專頁用作發佈訊息之用，留言者所表達的意見，不代表本專頁及單位立場。此專頁禁止留言內容及上載的相片等涉及粗言穢語或不實之內容；又或對任何個人、團體、信仰等進行辱罵、褻瀆、誹謗、歧視或攻擊，如有此類留言，一概會被移除。如有緊急情況及要事，不宜在即留言，請即致電與本中心職員聯繫。

【聲明】
- 此facebook網站只作活動宣傳、資訊傳遞、討論時事和收集意見之用

- 不提供任何網上輔導服務 (如需要輔導服務，可致電
2729 8216(深中樂Teen會)

- 所有成員都只是以個人身份加入本網站

- 對於成員發出的留言或邀請，帳號管理員不一定會作出回覆

- 所有成員的言論不代表香港基督教服務處及香港基督教服務處深中樂Teen會服務立場

- 此facebook保留刪除任何訊息的權利

【使用守則】
- 欲加入成為朋友名單，必須先由網站管理員准許

- 嚴禁宣傳，連結其他論壇/討論區或商業網頁

- 嚴禁洗版 (在一段短時間內不停開新主題，或短時間內不停回覆，而內容是無意義，或回覆內容連續相同)

- 嚴禁發表新帖文不對題

- 嚴禁使用任何含有不雅成份的圖片或文字

- 嚴禁公開任何個人資料

- 尊重知識版權，在發表或回覆時，一切非原創或自設之作品，如網頁 (link)、文章和圖片等，在標題及內文應加上「轉貼」

- 希望成員保持理性討論，避免對會員作出人身攻擊、鼓吹暴力或發表違反香港法律的言論

- 成員不得轉發、抄襲、篡改及挪用群組內的一切資料，作非本帳號設立的用途

*** 管理員有權刪除一切違反守則的內容，而不作任何通知
*** 嚴重違規者，會被禁言三天至永久禁言/禁訪

MakeUup_舞會必修課✨ 你有冇諗過，自己其實可以係另一個樣？✨《舞會修練課》係一個化妝 × 服裝 × 故事嘅世界，等你親手設計、妝扮、演繹——理想中嘅自己。有咩特質你一直都想展示，但又唔知點開始？今次由你自己創造角色、劇本，自己定義咩...
05/10/2026

MakeUup_舞會必修課
✨ 你有冇諗過，自己其實可以係另一個樣？✨
《舞會修練課》係一個化妝 × 服裝 × 故事嘅世界，等你親手設計、妝扮、演繹——理想中嘅自己。
有咩特質你一直都想展示，但又唔知點開始？
今次由你自己創造角色、劇本，自己定義咩係靚。

🎨 你會喺呢個計劃入面做咩？
• 設計一個屬於自己嘅原創角色（名字、特質、故事）
• 學舞台妝容，試下誇張、戲劇化嘅妝扮
• 用舊衫、布料、飾物，親手改造出角色服裝
• 同組員一齊創作故事世界，練習互動同演繹
• 著住自己設計嘅角色，喺正式舞會登場

🎭活動詳情
第一章 角色自定義-認識理想中的自己-設計角色
第二章 舞會準備中- 設計角色的故事
第三章 舞會之夜 （聖誕前）
終章 卸下角色帶走的力量

日子：2026年10月8日 - 2026年12月30日 (逢星期四)
時間：19:30 - 21:00
活動對象: 12至 24歲青少年
活動：16 節
收費：$500（有樂同行名額：2）
名額: 8人
查詢：Ig dm/ 冬菇姑娘（+852 5937 5718）

⚠️開課前備註⚠️（下方留言）*

致不安的你點解有啲關係，明明令人辛苦，卻又好似有種吸引力？有時，令人著迷嘅未必只係一個人。被需要、被理解、被接納、刺激、新鮮感，甚至只係唔想自己一個。今次深夜讀書會，我哋會由《找到你的維他命人》出發，一齊傾下 「魅力與有毒」。究竟係咩吸引緊...
19/09/2026

致不安的你
點解有啲關係，明明令人辛苦，卻又好似有種吸引力？
有時，令人著迷嘅未必只係一個人。
被需要、被理解、被接納、刺激、新鮮感，
甚至只係唔想自己一個。

今次深夜讀書會，
我哋會由《找到你的維他命人》出發，
一齊傾下 「魅力與有毒」。
究竟係咩吸引緊我？又有啲咩，正慢慢消耗緊我？

📌 活動詳情：
📅 日期：22/9/2026（星期二）
⏰ 時間：21:30–23:30
💰 費用：免費
👥 對象：16–24歲青年
🔗 報名方式：Link in bio 青年網站報名表

#深夜讀書會 #魅力與有毒 #找到你的維他命人 #人際關係 #青年活動 深中樂teen會 香港基督教服務處

🎭 【哈比劇團｜謝幕，夢想不落幕】 ✨《哈比劇團2026》圓滿落幕！感謝每一位走進劇場的你，用笑聲與眼淚賦予舞台生命。也謝謝前後台夥伴們數不清的排練與汗水，讓這場演出如此璀璨。❤️劇終人不散，期待下個舞台再見！✨特別鳴謝：法國巴黎銀行贊助📸...
02/09/2026

🎭 【哈比劇團｜謝幕，夢想不落幕】 ✨

《哈比劇團2026》圓滿落幕！
感謝每一位走進劇場的你，用笑聲與眼淚賦予舞台生命。也謝謝前後台夥伴們數不清的排練與汗水，讓這場演出如此璀璨。❤️
劇終人不散，期待下個舞台再見！✨

特別鳴謝：法國巴黎銀行贊助

📸 往右滑看更多精彩劇照與後台花絮 👈 

💬 留言告訴我們： 哪一個畫面最讓你印象深刻？👇
 
#哈比劇團 #法國巴黎銀行 Paribas Foundation #小朋友聲音

【這次，我們跳出演算法！】平時煲韓劇？碌Reels？不看預告、不知道片名、不隨波逐流——一齊開箱「紀錄片盲盒」！ 發掘人性，了解社會現象，當中包括：兩性關係、罪惡、金錢、極限你部電話嘅演算法，每日都精準咁餵緊「你鍾意睇嘅嘢」畀你。 同樣嘅觀...
18/08/2026

【這次，我們跳出演算法！】
平時煲韓劇？碌Reels？

不看預告、不知道片名、不隨波逐流——
一齊開箱「紀錄片盲盒」！ 
發掘人性，了解社會現象，
當中包括：兩性關係、罪惡、金錢、極限

你部電話嘅演算法，每日都精準咁餵緊「你鍾意睇嘅嘢」畀你。 
同樣嘅觀點、差唔多嘅劇情⋯⋯
大數據令我哋生活得好舒服，但亦悄悄地將我哋困喺同溫層入面。 
我哋精選咗一啲喺主流院線睇唔到嘅另類紀錄片。
呢度不一定有完美的 Happy Ending，
但絕對可以帶你直面最真實、
最赤裸嘅世界，發掘人性，
了解平時被忽略嘅社會現象。

日期：21/8（五）
時間：晚上9時開始-12:00（可自由離開） ；觀賞後將有「映後討論會」 
地點：深中樂Teen會 （香港深水埗發祥街10號李鄭屋邨仁愛樓地下 101 室）
報名方式：DM IG inbox

【長文】【深中導師及青年人物訪談】【 Make Up義時青年＋導師 -慧慧&Ayu】 青成思想碰撞 共同尋找「美的定義」 上興趣班究竟係學緊老師想教嘅嘢，定係學生想學嘅嘢？喺實踐「青成共創」嘅化妝班入面，教學原來可以有第二種形式——青年能夠...
15/08/2026

【長文】【深中導師及青年人物訪談】【 Make Up義時青年＋導師 -慧慧&Ayu】

青成思想碰撞 共同尋找「美的定義」

上興趣班究竟係學緊老師想教嘅嘢，定係學生想學嘅嘢？喺實踐「青成共創」嘅化妝班入面，教學原來可以有第二種形式——青年能夠嘗試各種選題，而導師則負責守望同引導學生，讓佢哋能夠自主探索化妝嘅領域。今次有幸邀請「Make Up義時」嘅導師Ayu同青年化妝師慧慧接受訪問，一探佢哋同負責社工冬菇如何喺化妝組實現「青成共創」，共同尋找自己嘅「美的定義」。

【 Make Up義時青年-慧慧】
「美」嘅定義由自己決定

今年16歲嘅慧慧喺去年2月加入化妝組，冬菇同佢地一邊化妝一邊思考「美」嘅定義，後來請Ayu教授歐美日韓等唔同風格嘅妝容，以及如何幫人或教人化妝。問到「美」的定義為何，慧慧指以前覺得「素顏都靚先係真嘅靚」，但如今認為「美」嘅定義應由自己決定，化妝係為展現不同嘅自己，提升自信、欣賞同取悅自己。現時慧慧係中心嘅青年化妝師，除咗協助帶領中心嘅化妝活動，鼓勵唔同嘅參加者欣賞自己嘅美，仲會積極參加唔同外出化妝義工活動。

「女仔無論高矮肥瘦都係最靚嘅」
提到參加化妝組動機，係源自於慧慧嘅另一興趣——追星。偶像嘅名言「女仔無論高矮肥瘦都係最靚嘅」深深感染慧慧，令佢希望將來可以兼顧兩個興趣，成為明星化妝師，所以現時成為化妝組嘅青年化妝師就成為咗佢嘅起點。

青成共創 傳播「美」的定義
化妝組入面實踐住「青成共創」嘅教學風格。慧慧指「青成共創」係青年同社工、老師合力創作，成人尊重青年嘅意見，給予充足發揮空間。佢憶述第一次帶領活動係「冬日花Look Look」，由學生一躍而成活動策劃者及導師，當時佢哋可以自由決定教學內容，佢選擇咗教參加者面部彩繪。老師同冬菇指導一次教學重點之後，青年化妝師就開始準備教材同講稿、喺堂上排練後再去教參加者化妝，冬菇同老師則從旁輔助。慧慧補充，冬菇嘅情緒支援亦不可或缺，每次帶活動之前都會搵冬菇排解焦慮嘅情緒。

慧慧指自己喺冬菇同老師嘅帶領下學習到正確價值觀，認為應透過化妝傳播美的定義。佢表示，由學生變成導師令佢感到緊張同意識到責任，困難在有參加者會對初次嘗試嘅結果陷入沮喪，因此佢唔止要教好技巧同步驟，更要俾參加者充分嘅情緒價值同鼓勵。慧慧欣賞自己有責任心同會鼓舞他人，提及有次實習幫樂隊鼓手化妝，鼓手稱自己喺舞台上唔顯眼，故不用認真化妝，但佢認為上台不能馬虎，依然認真化完全妝。最後鼓手對成果感到驚喜，更講笑提議「用五位數僱你一個月」，鼓手由衷嘅讚美令慧慧感到備受肯定。

動力源於夢想同目標
發掘美的定義，以及化妝同教學路上收穫嘅許多肯定同鼓勵，令慧慧更有自信。慧慧坦言自己將Ayu當作模範，認為老師循循善誘，對學生給予耐心同鼓勵，指自己會迎難而上，「將老師嘅說話傳遞俾下個人」。佢又表示老師同冬菇嘅鼓勵，以及佢嘅夢想係佢堅持嘅動力，勉勵同齡人堅持理想，「只要有夢想目標，就會有動力」。

【 Make Up義時導師-Ayu】
與學生一同「凸顯素顏不能凸顯嘅美」
入行超過十年嘅Ayu專職媒體化妝，近五六年開始喺唔同青少年中心授課。佢喺冬菇邀請下成為化妝組導師，除咗傾囊相授，亦針對學員嘅需要提供協助及實習機會。
Ayu同負責社工冬菇都希望年輕人能夠跳出主流審美框架，於是共同決定「美的定義」嘅選題。Ayu認為缺陷亦係「美」嘅一種，化妝嘅要旨就在於「凸顯素顏不能凸顯嘅美」。而據冬菇補充，課堂上亦嘗試過Drag Queen妝等非主流妝容作為該課嘅延伸，希望透過青成共創引導年輕人追求屬於自己嘅「美」。

由「指示」到「引導」學生
Ayu起初與日常中心興趣班一樣，以想教學生最好嘅化妝技巧為目的，後來轉變成陪伴學生成長，與學生一同合作、提供不同業界體驗和服務機會。佢以引導取代指令，因為佢認為學員從錯誤(Ayu認為的)中學習可能發掘到更好嘅做法，唔會反而遏止創意。當學員提議想學如何幫人、教人化妝，例如喺「冬日花Look Look」活動中，佢會與學員一齊練習同重溫知識點、提醒佢哋教學重點，活動中則觀察活動進行狀況、解答參加者問題等，將發揮空間留俾學生。
提到「青成共創」，Ayu仲會提供唔同實習機會俾佢哋認識業界。佢對學生予以信任，經常覺得「要step down俾佢哋表現」。佢回憶學生初次出實習幫人化妝時沒有信心，只負責妝前護膚，但實際落場之後佢邀請學生協助化底妝，學生亦願意嘗試，最後化妝成果亦令佢眼前一亮。佢認為青少年可塑性高，目睹佢哋表現超乎預期，令佢深感滿足，獲益良多，亦期望學生建立扎實基礎，將來學以致用。

年輕人需要「咩都試下」
Ayu表示自己同學員之間除咗師生關係，仲有朋友關係嘅對話同聆聽。除咗自己安排嘅課題，佢亦會詢問學員之後想做嘅新嘗試，同冬菇就此探討可行性同如何籌備。佢指，未來想俾學員多嘗試義工服務及唔同嘅化妝機會，因年輕人需要「咩都試下」，寄語年輕人「要相信自己」，人生總會遇上挫折同失敗，但「得自己最清楚想做嘅事同想行嘅路」。

攝影：Katy Katy 🌱
文字：Shel 🈳

#化妝 #美的定義 #青年訪問 #香港賽馬會慈善信託基金

你今日有冇好好咁做一件事？《今日做咗未？》一個好簡單嘅生活體驗系列5個月．5件小事．陪你慢慢感受生活寫字 · 食飯 · 伸展 · 行路 · 睇書📅 五個月·五個主題：8月｜今日寫咗未？— 感受一筆一畫日子: 5/8 & 26/8 (三) 1...
25/07/2026

你今日有冇好好咁做一件事？
《今日做咗未？》一個好簡單嘅生活體驗系列
5個月．5件小事．陪你慢慢感受生活
寫字 · 食飯 · 伸展 · 行路 · 睇書

📅 五個月·五個主題：
8月｜今日寫咗未？— 感受一筆一畫
日子: 5/8 & 26/8 (三) 1500-1600

9月｜今日食咗未？— 正念飲食小練習 *此活動需提前報名，未能即場參加
日子: 07/09 & 21/9 (一) 1900-2200

10月｜今日鬆咗未？— 身體伸展與放鬆
日子: 05/10 & 26/10 (一)1900-2000

11月｜今日行咗未？— 慢步散心小練習
日子: 09/11 & 30/11 (一) 2000-2130

12月｜今日睇咗未？— 和自己做一場閱讀約會
日子: 14/12 & 28/12 (一) 2000-2130

對象：12–24 歲青年
負責同事: 冬菇
費用全免
活動可分開報名

👉 想試下停一停、慢返少少？
Bio 有報名連結，一齊嚟感受下

#生活體驗 #慢活 #青年活動 #自我覺察 #長沙灣深水埗

【Unmute Night_肌理畫製作】🕰️甚麼都沒做，但為什麼還是這麼累？是不是又在悄悄地內耗？那些在腦袋裡打結、說不出口的Self-talk，其實不需要勉強用文字理清。我們不講邏輯，只憑直覺。從『自我對話』到『共同感受』—— 成為 Un...
25/07/2026

【Unmute Night_肌理畫製作】🕰️
甚麼都沒做，但為什麼還是這麼累？是不是又在悄悄地內耗？

那些在腦袋裡打結、說不出口的Self-talk，其實不需要勉強用文字理清。
我們不講邏輯，只憑直覺。

從『自我對話』到『共同感受』—— 成為 Unmute Night 共同策劃人，一起聽清心裡的需要。

👥對象：
- 經常自我對話
- 體驗運用非語言方式表達自己
- 願意共同舉辦Unmute night體驗活動

人數：10人
📍 地點：深中樂Teen會

🗓️ 活動日期及時間：
肌理畫製作：29/7（時間﹕7:30-9:30pm)﹕

【這次，我們跳出演算法！】平時煲韓劇？碌Reels？不看預告、不知道片名、不隨波逐流——一齊開箱「紀錄片盲盒」！ 發掘人性，了解社會現象，當中包括：兩性關係、罪惡、金錢、極限你部電話嘅演算法，每日都精準咁餵緊「你鍾意睇嘅嘢」畀你。 同樣嘅觀...
24/07/2026

【這次，我們跳出演算法！】
平時煲韓劇？碌Reels？

不看預告、不知道片名、不隨波逐流——
一齊開箱「紀錄片盲盒」！ 
發掘人性，了解社會現象，
當中包括：兩性關係、罪惡、金錢、極限

你部電話嘅演算法，每日都精準咁餵緊「你鍾意睇嘅嘢」畀你。 
同樣嘅觀點、差唔多嘅劇情⋯⋯
大數據令我哋生活得好舒服，但亦悄悄地將我哋困喺同溫層入面。 
我哋精選咗一啲喺主流院線睇唔到嘅另類紀錄片。
呢度不一定有完美的 Happy Ending，
但絕對可以帶你直面最真實、
最赤裸嘅世界，發掘人性，
了解平時被忽略嘅社會現象。

日期：24/7（五）
時間：晚上9時開始-12:00（可自由離開） ；觀賞後將有「映後討論會」 
地點：深中樂Teen會 （香港深水埗發祥街10號李鄭屋邨仁愛樓地下 101 室）

報名DM IG

Tonight Final⚽️🏆 🇦🇷🇪🇸今晚00:00-06:00世界盃決賽 | FIVA盃 | 特調飲品 | 面部彩妝地點：深中樂Teen會總辦舞時室dresscode: 波衫/🔵🔴歡迎walk in, 感受氣氛‼️ #香港基督教服務處...
19/07/2026

Tonight Final⚽️🏆 🇦🇷🇪🇸
今晚00:00-06:00
世界盃決賽 | FIVA盃 | 特調飲品 | 面部彩妝
地點：深中樂Teen會總辦舞時室
dresscode: 波衫/🔵🔴

歡迎walk in, 感受氣氛‼️

#香港基督教服務處

非主流放映室：紀錄片盲盒【這次，我們跳出演算法！】平時煲韓劇？碌Reels？不看預告、不知道片名、不隨波逐流——一齊開箱「紀錄片盲盒」！ 發掘人性，了解社會現象，當中包括：兩性關係、罪惡、金錢、極限你部電話嘅演算法，每日都精準咁餵緊「你鍾意...
18/07/2026

非主流放映室：紀錄片盲盒

【這次，我們跳出演算法！】
平時煲韓劇？碌Reels？

不看預告、不知道片名、不隨波逐流——
一齊開箱「紀錄片盲盒」！ 
發掘人性，了解社會現象，
當中包括：兩性關係、罪惡、金錢、極限

你部電話嘅演算法，每日都精準咁餵緊「你鍾意睇嘅嘢」畀你。 
同樣嘅觀點、差唔多嘅劇情⋯⋯
大數據令我哋生活得好舒服，但亦悄悄地將我哋困喺同溫層入面。 
我哋精選咗一啲喺主流院線睇唔到嘅另類紀錄片。
呢度不一定有完美的 Happy Ending，
但絕對可以帶你直面最真實、
最赤裸嘅世界，發掘人性，
了解平時被忽略嘅社會現象。

日期：24/7（五）31/7（五）21/8（五）
時間：晚上9時開始-12:00（可自由離開） ；觀賞後將有「映後討論會」 
地點：深中樂Teen會 （香港深水埗發祥街10號李鄭屋邨仁愛樓地下 101 室）

查詢可DM IG: sspc.htc

報名Link: https://forms.office.com/r/4fyXn2CFSv

Address

Flat 101, G/F, Yan Oi House, Lei Cheng Uk Estate
Sham Shui Po

Opening Hours

Monday 14:00 - 22:00
Tuesday 14:00 - 22:00
Wednesday 14:00 - 22:00
Thursday 14:00 - 22:00
Friday 14:00 - 22:00
Saturday 10:00 - 18:00

Telephone

+85227298216

Website

Alerts

Be the first to know and let us send you an email when 香港基督教服務處深中樂Teen會 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 香港基督教服務處深中樂Teen會:

Shortcuts

Share

Category